Tuesday, April 21, 2009

تاج مغامرات

بقالى كتير اوى اوى معملتش اى تاج
هو اه التاج غريب و خيالى حبتين تلاته بس عجبنى
نفتتح الحلقه
لو ماشى فى صحرا متخيل احساسك هيكون ازى و متصوها ازى ؟و هتعمل ايه؟
لو ماشيه فى صحرا مع انى مش بحب الصحرا
:(
متخيلاها ارض واسعه اوى صفرا مفيهاش حد غيرى
الجو حار و مشمس جدا و انا حرانه اوى
احساسى هيكون منخنوق و مضايقه على الاخر
مش هعرف اعمل حاجة غير انى احاول اطلع منها
ازى بقى ده اللى هعرفه اما اكون هناك بجد
بعد الشر يعنى
لو ماشى فى غابه احساسك هيكون ايه و هتعمل ايه فيها ؟
اةةةة اهو الخوف كله من الغابه دى
بصراحه كدة هدور على اى شجرة او اى مكان احس فيه بالامان المؤقت
لحد ما ربنا يفرجها من عندة بقى و منها برده ادرس الطبيعه بتاعه الغابه
و اشوف ايه اللى بيطلع بليل و ايه اللى بيطلع الصبح
لو لاقيت صندوق فى الصحرا هتحاول تفتحه و لا ايه . و لو فتحته تتخيل هيكون فيه ايه؟
صندوق ايه اللى هفتحه لا طبعا انا جبانه اوى فى الحاجات دى مش بعيد اشوطه بعيد
هى ناقصه رعب
لو لاقيت حصان فى الصحرا تفتكر هيكون لونه ايه ؟ و هتركبه و لا تسيبه و تمشى ؟
حصان يا فرج ربنا
متخيله هيكون لونه اسود فحمه يعنى
و اكيد هركبه و اجرى بيه انا صحيح و انا عليه اكنى بطلع السما و بنزل تانى
بس احساس رائع
هجرى بيه اكيد لانى فى الواقع بحب الخيل جدااااااا
لو لقيت سلم فى الصحرا هتعمل بيه ايه ؟ هتخده معاك و لا هتسيبه و تمشى و لا ايه ؟
سلم ايه اللى فى الصحرا ده و لا هعمل بيه حاجة مش وقته اساسا
لو لاقيت ماج فى الصحرا متخيل شكله هيكون ايه و هتعمل بيه ايه ؟
هيكون من الخشب و على شكل حيوان مثلا
و هخده معايا اهو ينفع اهش بيه اى حاجة تعبان او حاجة
:(
لو ماشى فى الغابه و لقيت اسد هتعمل ايه هتجرى يا ترى و لا هتهاجم و لا هتقف مكانك؟؟
هتبع المقوله الشهيرة " اعمل نفسك ميت- اعمل نفسك ميت " ... و لو كشفنى
هبصله نظرة يأس و اقوله زى الافلام الاجنبى
quick and clean
:(
و سيب اى حاجة منى علشان اهلى يبقوا يعرفونى
ايه النهايه دى ؟؟
انا كنت حاسه ان نهايتى هتبقى غريبه
لو مشيت فى غابه و لاقيت بحيرة فى تخيلك هيكون شكلها عامل ازى و هتعديها و لا لاء؟
و الله فى الواقع الحاجات دى مش مضمونه
و بصراحه مش هعديها مين عارف تحت الميه هيكون فى ايه
خلينا فى طريقنا البرى احسن
لو شوفت سور فى الصحرا مرتفع قوا قوا هتفضل ماشى معاه و لا هتحاول تكسره و لا ايه ؟؟
اها يمكن فعلا امشى معاه لحد اخرة
ماهو اكيد مش هيبقى ديكور فى الصحرا بردة يعنى اكيد فى سبب لوجوده
==============
الحمدلله خلصته بس بصراحه مودى بقى غريب و قلبى بيدق بسرعه
استر يا رب
التاج لمن يعشق المغامرات
:)
و هم
تمت

19 comments:

صوت من مصر said...

انا بقى لو لقيت اسد هقوله كلمه واحده انت اكلت رانيا بسرعه ليه ؟
تاججميل بجد وتسلم اجاباتك

الازهرى said...

ويسيب حاجه ليه بس
ما ياكل كله ويخلص احنا فاضيين ندور على فضلات
انتى غاوية تتعبيهم من بعدك

اجابات جميلة
تحياتى على الروح المغامرة

صدى الصمت - عاشقة الورد - said...

ههههه
بجد إجاباتك منتهى الروعة وكلها خفة دم وأول مرة ألاقى تاج أسئلتة مختلفة ومش تقيلة
تحياتى

alshared said...

تخيله هيكون لونه اسود فحمه يعنى
و اكيد هركبه و اجرى بيه انا صحيح و انا عليه اكنى بطلع السما و بنزل تانى

بتحبي الخيل الأدهم

كل تاج وأنتي طيبه

أجاباتك جميله ومبينه شخصيتك علي الأخر


دمت عزيزتي بكل الود
أخوك

Rania Lelah said...

صوت من مصر

مرسيى لزوقك و لسؤالك عليا وقت الشده يا محمد
:)

************
الازهرى

حتى انت يا ازهرى
:(
ماشى
************
صدى الصمت
تسلميلى على زوقك اي جميله بجد

************
alshared

اشكرك بجد و على فكرة انا مش جبانه اوى بس هى الظروف بقى
:)

تحياتى

Kiara said...

هههههههههههه اجااباتك عثل زيك

يا مراكبي said...

لو ماشي فى صحراء تخيل احساسك هايكون ازاى؟ متصورها ازاى؟ وهتعمل اية؟

أنا كتير مشيت في الصحراء ودايما بأشتغل في الصحراء .. مهمتي هي تحويل المكان القاحل ده لمكان يمكن العيش فيه .. أحفظ عن ظهر قلب قائمة بالأشياء التي أحتاجها وكيفية وترتيب خطوات العمل حتى أستطيع الحياة في تلك الصحراء . معتاد على ذلك تماما

*****

لو ماشى فى غابة أحساسك هايكون أية؟ متصورها أية؟ وهتعمل أية لو لقيت نفسك فيها ؟


لم يسعدني الحظ بعد في التجول في الغابات لكنني أخشى تماما تلك المفاجآت من القوارض والأفاعي والحشرات السامة .. ينتابني حالة من عدم الإطمئنان إزاء الغابات

إذا كنت هناك سأكون متيقظا بشدة ومحتاطا بشدة

******

لو لقيت صندوق فى الصحراء هتحاول تفتحة ولا ؟ ولو فتحتة تتخيل هايكون فية اية؟

أحاول أن أفتح الصندوق بالطبع وأنا أعلم أنه لن يكون بداخله كنز أو ما شابه .. بل متعلقات شخصية لأحد مر من هنا يوما ما


******


لو لقيت حصان فى الصحراء تفتكر هايكون لونة اية؟ وهتركب ولا هتسيبة وتمشى؟


الخيول في الصحراء لونها بني يميل للصفرة .. لن يمكنني أن أركبه لأنه سيكون بريا غير مروض .. فبالتلي سأتركه وأمشي أملا في ألا يؤذيني

*****

لو لقيت سلم فى الصحراء هتعمل اية؟ هتاخدة معاك ولا هتطلع ولا هاتسيبة وتمشى ولا اية؟

السلم في الصحراء سيكون ملقى على الأرض .. ولن يكون ذو فائدة .. حمله سيكون ثقيلا ومتعبا للغاية لذا سأتركه

*****


لو لقيت ماج فى الصحراء تفتكر هايكون شكلة ازاى؟ وهتعمل بية اية؟


سيكون الماج بسيطا عاديا ويمكنني أن ألتقطه لأنه سيكون مفيدا في العديد من الأشياء


****

لو كنت ماشى فى الغابة ولقيت أسد هتعمل اية؟ هاتجرى ياترى؟ ولا هتهاجم ؟ ولاهاتقف مكانك ولا اية؟


الأسد لن يهاجمني إلا إذا كان جائعا .. سلأنتظر رد فعله قبل أن أقرر ما أفعله .. غالبا سأجري

****

لو مشيت فى الغابة ولقيت بحيرة ياترى فى تخيلك هاتكون شكلها عامل ازاى؟ وهتعديها ولا ؟


البحيرة في الغابة تكون غير نقية المياة .. تملؤها التماسيح والسلاحف والضفادع .. عبورها مغامرة غير محسوبة

******

لو شفت سور فى الصحراء على شرط انة مرتفع قوى وطويل قوى قوى هتعمل اية ؟ هتمشى معاة وتشوف اخرة؟ ولا هتحاول تكسرة ولا هتعمل اية؟

السؤال لم يحدد ما هي الغاية منه؟ هل المطلوب هو معرفة ما وراء السور كنوع من الفضول؟ على العموم المجهود الذي سيبذل في المشي سيكون أقل من المجهود الذي نحتاجه لكسر السور

يا مراكبي said...

see this

http://sosoeldegwy1912.blogspot.com/2009/04/blog-post.html

ده معنى التاج

kochia said...

اسئلة التاج مختلف
ةالاجابات حلوة ومتوازنة
ومن خلال التاج اقدر اعرف انك
بتحبي الاستقلال واخذ القرارات غالابا بمفردك .. ومش بتحبي العمل الجماعي اوي بيسبب شئ من التوتر ليكي ولو انك لو موجودة فيه هتتصرفي مش هتهربي منه .. كمان الماضي مش محبب اوي ليكي كذكري وتفضلي انك لا تتذكر كل ما فيه ..
كفاية كدة تحليل

تحياتي

اقصوصه said...

مبروك التاج

فعلا جميل

واجابات ممتعه :)

goodman said...

اعتذر كثيرا عن تأخيرى فى قبول التاج
انا كنت فاصل شحن الفتره الللى فاتت دى كلها
عموما بانتظر جديدك
وقريب هرد على التاج
ولو انى بمتحن اليومين دول
تحياتى

صدى الصمت - عاشقة الورد - said...

فينك يا قمر
حرمتينا ليه من كتاباتك الرائعة ؟
لعل المانع خير
تحياتى

الازهرى said...

أتأخرتى كتييييييييييييييييييييييييييييير

اتمنى تكونى بخير

aidy said...

عجبنى التاج ده اوى يا رانيا
اصلى بحب المغامرات

بقالك كتير منزلتيش خواطر فى المدونة التانية
لعل يكون المانع خير

صدى الصمت - عاشقة الورد - said...

ايه يا رانيا فينك؟
لعل المانع خير بإذن الله
تحياتى

(green eyes) said...

حلوه اوي الاسئله دي وردودك جامده اوي
باين عليكي دمك خفيف :)
كل سنه وانتي طيبة

aidy said...

إزيك يا رانيا ..؟
يارب تكونى كويسة

التاج جميل وإجاباتك حلوة عليه
بس انا نفسي اقرالك خواطر بقي
نزلى حاجة جديدة

أحمد بكر said...

كل سنة و انتى طيبة و عيد سعيد

AHMED SAMIR said...

ارجو العودة الى التدوين بالتاج المهدى الى سيادتكم في مدونتي المتواضعة
تحياتي