تــائة منى الكلام
تائه مني الكلام لما مشيت في وسط الزحام ناس وعربيات ودوشة والدخان ملاء المكان
تائه مني الكلام
تائه مني الكلام لما لاقيت الناس نايم وهما مش نيام ماشين مش عارفين الطريق واخدهم لفين
تائه مني الكلام
تائه مني الكلام لما لاقيت الحزن ملاء العيون والخوف ملاء القلوب من بكرة
تائه مني الكلام
تائه مني الكلام لما السواد ملاء القلوب حقد وغيرة وظلم وكرة
تائه مني الكلام
تائه مني الكلام لما ضاع كل الكلام وكل شيء بقى في مكان غير المكان
تائه مني الكلام
تائه مني الكلام لما لاقينا الضياع بين الكذب والخداع هو الكلام ولما لاقينا الصدق
والعدل ملهمش مكان
تائه مني الكلام
تائه من الكلام لما دخلت في وسط الزحام الكل واقف ادام الشباك عايزين يخلصو معاملاتهم
بس الموظفين لسه مخلصوش الكلام
تائه مني الكلام
ولما جيه الميعاد رد وقال خلاص خلص الكلام فوت علينا بكرة و جة بكرة وروحت في نفس الميعاد
و في نفس الزحام يوم وراء يوم ولسه مخلصش الكلام وجيه الفارس الهمام يا جماعه ابرز تنجز
و يخلص الكلام يا سيدنا فتح مخك مع الكلام
تائه مني الكلام
تائه مني الكلام لما رجعت للبيت قوام بعد يوم مليان زحام قولت اريح يا سيدنا وفتحت تلفزيونا
ومن غير كلام لاقيت الست هالة من هيفتها جايبلنا كلام مش كلامنا و بتقول ثقافة
والله يا اخونا ان دي مش ثقافتنا دي افكار بندمر بيها شبابنا
تائه مني الكلام
تائه مني الكلام لما بقى تحقيق الاحلام بالاتصال على الارقام او دخولك عالم السوبر استار
تائه مني الكلام
تائه مني الكلام لما الظلم ملاء المكان من اليهود والاميركان والكل عاملين نيام امبارح
في فلسطين ولبنان والنهاردة دخلو العراق قتلو الاطفال وشردو النساء واغتصبو الطفولة
وفين شبابنا وراء قضبان السجون ذل ومهانه اصحو يا زعامئنا
تائه مني الكلام تائه مني الكلام
لما البطولة بقت بتقطيع الطفولة بكلب الامير جة اميرنا وادا الكلب رتبة ونيشان
انه شايف شغله ومش بيهمه اي انسان وقال ايه حزين علي حبيبه ومن حزنه نايم
ومش قادر يوري وشه لابوها وطلعت بنته تقول دة ابتزاز واحنا عايزين حكم القضاء
لان مش معقول الطفلة تلعب وهو الكلب مالوة دة اهمال من ام حبيبه رد عليهم عم احمد فؤاد
من زمان دة شارع يا مواشي للجي واللي ماشي
تائه مني الكلام ادي الكلام ولسه مخلصش الكلام تائه مني الكلام
بقلم الصديق العزيز/ احمد بــات
5 comments:
برافو عليك يا احمد يا بات
بجد تحفة حلوة قوى
يا رب ديما تكتب و تخلينى بردة احطها هنا
و يا رب تقتنع بردة بانك تعمل مدونه و تحط فيها ابدعاتك كلها
حلوة اوى القصيدة دى
انا قولت بردة دى مش بتعتك يا رووروووووووو
ابتديت ارخم صححححححححححححححححح
اشكرك يا رانيا على استضافة هذا الجمل المبشر بافكار تحمل هم الوطن و اهله
وانا ادعوه من خلالك ان ينشأ مدونته و يبحر فى بحر الكلمات و يشتد عوده مع الاعاصير و العواصف حتى ياتينا الهدؤ مرة اخرى
مرسيى ليك يا استاذ طارق هو فعلا موهوب قوى و يا ريت يسمع كلامنا و يعمل مدونته
مرسيى على تشجيعك
HI RANIA,
UR BLOG IS VERY VERY BEAUTIFUL.
I ADD IT TO MY FAVOURITES.
ALSO I HAVE A BLOG WHICH IS (SILENT MAJORITY)
PLEASE I WOULD LIKE U TO VISIT IT AND TELL ME UR COMMENTS AND OPINION.
PLEASE RANIA,
I WANT TO ADD A SOUND CLIP TO MY BLOG BUT I DONT KNOW HOW?
CAN U TELL ME HOW I CAN DO THIS
OR TELL ME ABOUT A SITE WHICH TELL ME.
THANK U GO AHEAD
A.SAMIR
http://theegyptiansilentmajority.blogspot.com/
Post a Comment