اين الامان بكى الان يا مصر
عندما يضيع الامان فى وطن تحبه بل تعشقه ..تصبح الحياه مستحيله , عندما تشعر بهذا الخوف و انت فى عقر دارك تصبح الحياه مستحيله , عندما نفقد اعز ما نملك وسط غابه الحياه من مال او اطفال او شرف او مبدىء , تصبح الحياه مستحيله ,, عندما نشاهد انفسنا تجر امام اعيننا نحو حفره من حفر النار و كانت مثل الجنه فى السراب , تصبح الحياه مستحيله
ها هى الحياه بك الان يا مصرنا
حياه اصبحت مستحيله
16 comments:
يأس أدرك سببه ولن استطيع ان اخدعك بكلام يدعوا للتفائل لأن هذا قدر كل مصري
مصر بقت قاسية قوي على اهلها
تحياتي
مش عارفة ليه بقينا كدة
وليه وصلنا للوضع دا
عندك حق
مصر ما بقاش فيها امان
رانيا
ازيك انتي فين من زماااان؟
قلقتينا عليكي والله
مالك يا رانيا؟؟؟
ايه اللي حصل
اهم حاجة انك تكوني بخير انتي والاسرة وبعد كدة اياكش تولع
الغريب والعجيب ان انا خلال الفترة اللي انتي كنتي مختفية فيها عن التدوين كتبت بوست تقريبا عكي البوست بتاعك دة بعنوان
احلى حاجة في مصر
ياريت تقرأيه وتقولي رأيك فيه
تحياااتي
انا حر
ليس يأس اخى و لكنها حاله احباط اتعرض لها من الامور التى توجد على الساحه الان
لك الله يا مصرنا
لنا الله جميعا
تحياتى
***********
سنووايت
بقينا وحوش بتاكل فى بعض
معدتش فى رحمه
تفتكرى غلاء الاسعارهو الى عمل دة ولا الطمع و الجشع الى بقى فى الناس
لحد امتى
مودتى
a. samir
تسلملى يا احمد على سؤالك
يا رب يخليك
قريته يا احمد و عجبنى قوى
مصر كلها حلوة
بس انت مش شايف ان الايام دى الامر زاد عن حده
الناس كلها بقت وحشة قوى و الناس دول كلهم فى مصر
اه اهلنا هنا و كفايه انك تمشى على الكورنيش او تبص لاحلى اماكن
بس احنا بنتعامل مع ناس تانيه ممكن تفقدنا الامان فى مصر بلدنا يا احمد
اما عن الغربه فالغربه فعلا مرة و الخليج بيحبوا يمصوا قوى دم المصريين
و اكيد بلدنا اولى بينا
بس الاوضاع بقت غريبه اوى
تحياتى و مودتى
بداية حمدالله علي السلامه يا رانيا انك رجعتي تكتبي تاني
بس ليه النظره التشاؤميه دي ., هو يمكن الحياه بقت صعبه بس مستحيله ..
انا مش عجبني الاحوال اكيد , بس احنا كده اندور في حلقه مفرغه من اليأس ..
تحياتي
صدقيني مش مستحيلة قوي ..
صحيح الاوضاع صعبة جدً جدًا
بس مش مستحيلة
ويكفي ان احنا ناجحين في الحياة وسط المستحيل ده
بهديلك قصيدة اسمها هذَا وطنِي
هتلاقيها على مدونتي تالت بوست هنا
http://kawarith.blogspot.com
انتى غلطانه
مصر احسن بلد فى الدنيا واحن مكان
واغلى وطن
والحياه فيها تساوى الحياه فى الجنه
مصر طعم ولون وريحه الحياه
وناس طيبين
روحى اى منطقه شعبيه واعملى نفسك ديخه
هتلاقى الف ازازة ميه سقعه
والف منديل
والى بينفضلك هدومك
والى بيساعدك تقومى
وكرسى متعرفيش جه منين
وكبايه ميه بسكر
وعشرين ازازة برفان
وبصله
ونشادر
كل ده علشان ناش متعرفكيش قلقلنين عليكى
مصر ياااااااااه
هو فى ذى مصر يا رانيا
بس انتى ادعى معايا ربنا يهدى الحكام والكبار الى مبوزين شكل مصر
البوست مليان وجع لاربنا يهديلك الحال
تحياتى
حمدلله علي سلامتك رانيا
وحشتينا
يارب تكوني بخير
كلامك جه علي الوجع يارانيا
كل حاجه بقت تجيب احباط في بلدنا و هل ياتري فيه حل و لا خلاص؟
فعلا بقت مستحيلة
عندك حق
الفارس الملثم
اشكرك على السؤال عزيزى
و كما قلت لست اشعر بالياس و لكن اشعر بالاحباط لما يحدث حاليا فى مصرنا
تحياتى و مودتى
*****************
كوارث
اسعدتنى زيارتك اخى العزيز
و ربما اننا ناحجين فى وسط هذه الحياه
و لكن هل نحن ناحجين بالدرجة الكافيه
هل نحن ناخذ حقوقنا كامله
و اين نجاحنا الان من الفساد المنتشر؟؟؟؟
اشكرك لزيارة و اشكرك على البوست
مودتى
momken
لا طبعا مفيش زى مصر
مصر اغلى و اجمل البلاد
بس انت مش معايا ان الى بيحصل فى مصر دلوقت فاق الحدود
حضرتك عايزنى اروح منطقة شعبيه و اعمل نفسى ديخه
اوكى
بس يا ترى ايه الى هيحصل
كل الى حضرتك بتقوله دة كان ممكن يحصل زمان
انما دلوقت
هلاقى واحدة تاخدنى فى صدرها و تقلعنى الدهب الى انا لابساه
و هلاقى الى هياخد شنطتنى و يسرقنى وو الىل هياخد الموبيل و يجرىو هلاقى الى يتحرش و هلاقى الى يبص عليا من بعيد و يمصمص فى شفيفه و يمشى حزين انه مش عارف يعمل حاجة
ناس مصر الطيبين الى بتقوله عليهم يا ممكن
معدوش زى الاول
الله اعلم ليه
بس مش كل حاجة من الحكام
احنا نفسنا الى بقينا غلط
و علشان كدة ربنا ابتلينا بيهم
يمصوا فى دمنا و ياخدوا من قوتنا اكتر و اكتر
ربنا يهدى الحال
انا بعشق مصر و ترابها
بس ناسها بقوا وحشين قوى مع بعض
للاسف معدتش فى امان فى مصر يا ممكن
تحياتى
و اشكرك للزيارة
*****************
اجندا حمرا
تسلميلى على السؤال يا اجندا
الله اعلم خلاص و لا لسه فى امل
بس لازم يكون فى امل
دى مهما دى مصر
تحياتى
مدحت محمد
اشكرك للتعليق
لك الله يا مصرنا
تحياتى و مودتى
*******
غمض عينيك
اسعتنى زيارتك فقد افتقدت تعليقاتك اخى العزيز
تحياتى
السلام عليكم
هذه هي بلدنا ماذا نفعل سوي الدعاء لها بالرحمة
Post a Comment