Thursday, February 5, 2009
مصر لكل المصريين
جائتنى دعوة من احد الاشخاص على الفيس بوك يدعونى للاشتراك فى جروب
لحركة تدعى حركة مصر لكل المصريين
و قد وافقت على الاشتراك و بالطبع قد اسعدنى ان تكون هناك حركة تنادى بان مصر للمصريين
و الشعار نريد ان نصلح ما افسده الاخرون
و لكنى بمتابعه الجروب
وجدت ان بالبيان التاسيسى للحركة به بعض النقاط التى لم اقتنع بها
هل حذف خانه الديانه فى البطاقه بهذه الاهميه , و من شانها اصلاح مصر
و هل كتابه الديانه فى البطاقه يعتبر تمييز عنصرى؟
هل عندما ترتكز مصر على المصالح الماديه التى تربطها بين الدول فقط
و تنسى اى خلافات سياسه
هل هذا من شانه اصلاح مصر
هل اصبح التاريخ الان ان كان صحيح ام مغالط
يجب نسيه و الدوس عليه كى يتم اصلاح مصر
هل تعتبر المحافظة على العلاقات بين الدول او رعايه مصر
او حرصها على التوافق بين الدول و بعضها
اصبح هذا ما يهدد مصر
و تعتبر هذه افكار هدامه ؟؟؟؟؟
و لابد من النظر لمصلحه مصر باكثر واقعيه
و هل انا من ينظر للامور بعاطفيه؟؟؟؟
ارجو الافادة
Subscribe to:
Post Comments (Atom)
29 comments:
مصر موجوده فينا لكن احنا مش موجودين فيها ؟
من زمان مش مريت علي المدونه بتاعتك مش عارف ليه بس الحقيقه إني غيرت templateبتاع المدونه بتاعتي
وللأسف كل اللنكات ضاعت ده ذائد دراسه وأمتحانات
بس تعرفي لما لقيتها حسيت أني لقيت واحد صاحبي من زمان قوي ماشفتوش
..............
بالنسبه للتدوينه
حذف خانة الديانه أو وجودها المفروض الأتنين سيان
أنا مسلم مش علشان مكتوب في البطاقه إني مسلم
أنا مسلم علشان من جوايا مقتنع بالأسلام كعقيده
وده المهم
المصالح الماديه هي أساس السياسه الناجحه ولما مصر كانت دوله قويه كانت بتهتم جدا بمصلحتها حتي وهي بتتحرك في العالم العربي أو الأسلامي كانت بتترحك علشان من مصلحة مصر أنها تتحرك ودي السياسه الناجحه
هي كده حسابات مكاسب وخسائر محتمله
عموما من مصلحة مصر وبالنظر لأمنها القومي يجب التحرك بشكل فاعل وأداء الدور التاريخي المنوط بمصر أن تؤديه في محيطها العربي والأسلامي
أعتقد ده اللي بتسألي عليه
التاريخ درسه الأول أنه يُعيد نفسه
يتكرر
من ينظر الي التاريخ بعين الفاهم سوف يستنتج المستقبل بسهوله
لا مستقبل لمن لا تاريخ له
.............
أسف جدا علي الأطاله
دمتي بكل الود
أخوك
ازيك يا رانيا؟
عاملة ايه؟
يارب تكوني بخير
اي نعم انتي واخدة موقف من مدونتي المتواضعة الا اني قررت اني انسف مبدأ المعاملة بالمثل واعلق عندك
بصراحة يا رانيا
انا شايف ان خانةالديانة لا هي طبيعية ولا هي مش طبيعية
بمعنى ان الغاءها لا يسبب ازمة....وبالتالي بما ان هناك بعض الاراء التي تطالب بالغائها باعتبارها سبب الفتنة فلماذا لا نلغيها ونرتاح ونريحهم
خاصة ان الدين في القلب ىمش في البطاقة الشخصية
تحياااااتي
صوت من مصر
ماهو لازم نعفل وجودنا فيها الاول
علشان تحس بينا
تحياتى
************
alshared
اعجز عن وصف سعادتى عند رؤيه اسمك و تعليقك هنا صديقى
هذا مااعرفه لا مستقبل لمن لا تاريخ له
اشكرك على كلماتك الرائعه
دمى بكل خير وود
A.SAMIR
احرجتنى بزوقك بجد يا احمد
بس و الله على طول متبعاك على مدونتك و على الفيس بوك
بس بردة مقصرة و عارفه
اعذرنى يا صديقى
********
بالنسبه لخانه الديانه
ادم وجودها عادى و مش فارق اوى كدة مضايقين منها ليه
الدين فى القلب و اما يتكتب فى البطاقه معتقدش انه كدة بنعمل فتنه يعنى
تحياتى
كل واحد له وجهه نظر فى مصر مختلفه واللى انا مقتنعه بيه انه استحاله تتجمع مش عارفه ليه
كل تلك الدعوات تركت الكثير من الامور المهمة واصبحت تهتم بالشكليات وبامور لن يأتى من ورائها سوى مناقشات سفسطائية وتضيع الحقيقة وسط كل هذا
بالنسبة للتاريخ
فقد كانت ميزة اليهود دوما انهم يقرأون التاريخ ويستفيدون به اعظم استفادة فى حين اننا نتجلهبه حتى اصبحت المقولة المشهورة
تعلمنا من التاريخ ان الناس لا تتعلم من التاريخ
تنطبق علينا اكثر من اى احد اخر
تحياتى دوما
بصي هو موضوع خانة الديانة انا شايف انه سواء اتحذف او فضل مش هو ده المهم يعني المشكلة مش في النقطة دي
اما بخصوص التاريخ فالحقيقة احنا لو قرينا التاريخ كويس وفهمناه هنلاق يان علينا فعلا اننا نبص لمصلحتنا اولا وده طبعا مش معناه اننا نقطع علاقتنا باي حد بس معناه ان مصر تبقى عندنا رقم واحد ولو لمرة واحدة لان على مدار التاريخ ومصر مش رقم واحد بالنسبة للمصريين
تحياتي
مش فاهمة هو عايز ايه يعنى؟
لو انتى كمان مش فاهمة الغى اشتراكك
اول مره اسمع عن هاالحركه
~*§¦§ Appy §¦§*~
فى دى متفقه معاكى جداااا
بس امتى تتجمع و ازى اهو دة الى هيجننى
:)
تحياتى
***********
الازهرى
اذا فالتاريخ هو الااساس كما قلت
و ان تجاهله او البعد عنه لن يصلح من مصر شىء
تحياتى
انا حر
موضوع خانه الديانه ده
بصراحه حاسه انه واخد اكبر من حقه و ان الناس بقت بتنادى بيه و خلاص لان اغلب الاراء هنا كمان قالت انه مش هيقدم و مش هياخر طب ليه نحذف و ليه منحذفش؟
تحياتى
***********
موناليزا
مش كل حاجة مش فهمنها يا جميله هبنعد عنها
خلينا نحاول نفهم و بعدين نقرر
دمتى بكل ود
****************
اقصوصه
حركة على الفيس بوك و هيتم تفعليها على الساحه قريب
نورتى
باختصار مصر مش هتنصلح غير لما قلوبنا احنا اللى تصلح
الموضوع مش سياسات ولا ديانات الموضوع فقد الهمم وفقدان الهدف
موضوع جميل يا رانيا
خلينا نشوفك دايما
@صوت من مصر
والله أنت مبدع يا شيخ
السلام عليكم
فرحت قوى لما شوفت تعليقك على مدونه تانيه
يمكن اكون انا غلطان انى غبت الفتره الفاتت
فاى حد يقول للتانى حمد الله على السلامه
مصر للمصريين يمكن تكون بدات تتقلب
بس مش غلط مصر
احنا بردوا فرطنا فى حقنا
و اكيد مش حذف خانه الديانه الهيجيب التقدم
EMMY BABY
مرسيى على مرورك يا جميله و اكيد هتتصلح بينا و زى ما قلت فى الاول
نفعل احنا الاول وجودنا فيها
نورتينى
****************
L0vElYGh0sT14
نورتنى فى الزيارة الاولى اكيد
بس ممكن اعرف انت عملت ايه لمصر
و انا عملت ايه كمان و الشعب كله عمل ايه علشان مصر ؟؟؟؟
نعمل الاول علشانها بجد و من قلوبنا و ان شاء الله كل شىء هيتصلح و بيناااااا
تحياتى و مودتى
Abo 7anf
عارفه انى كمان مقصرة معاك و مع مدونتك
بس يا ريت تعذرنى
و حمدلله على السلامه ليك انت
:)
تحياتى
سؤال جيد
شوفي يا ستي
في الظاهر وفي إطار التعاملات البروتوكولية لابد لنا من أن نتعامل مع الآخرين بلغة المصالح
أما في باطن الأمر فلابد أن نحرك جميع مصالحنا بما لا يتعارض مع عواطفنا تجاه أمتنا
جميع الدول تفعل هكذا
فإسرائيل تدعي أنها تريد التطبيع من أجل الرخاء الإقتصادي لها ولغيرها من الدول
بينما في باطن الأمر هم يريدون دولتهم من النيل إلى الفرات
نحن من لا يتقن فن السياسة
انا شايف انه لاء طبعا
لازم نحافظعلى خانةالديانة في البطاقة
دة شيءطبيعي جدا
لازم بردو نبقى عارفين تاريخنا لأن من غير التاريخ مش هيكون لينا حاضر
كمان لازم مصر تحافظ على مصالحها سواء مع الدول العربية او الاجنبية
دة رأيي
لك كل الود والتحية
الغاء خانة الديانة هو اعلان صريح لرفض كل فئة تقبلها للاخر
لو فاكرين اندا الحل فهو في نظري اعتراف صريح بالمشكلة والاستسلام ليها
خانة الديانة في بطاقتي لازم تفضل موجودة
وما يحصلش في تفريق على اساس الدين
لازم كل حد يتقبل ويتعايش المختلف معاه وهو عارف انه مختلف معاه
اننا نخبي دا مش الحل
وبعدين لو لغوا خانة الديانة هيلغوا الحجاب واللحية والصليب المدقوق والملبوس على الصدر كمان ؟
ولا هيغيروا اسامينا ؟
تحايل مالوش معنى
دا رأيي المتواضع
ونصيحة اذا عندك شك في اهداف الجروب دا اخرجي منه
مش عارفة بصراحة بحس ان الحملات دى والدعوات دى بتعمل بلبلة مش اكتر يعنى مش معقول ان مفيش انسان مش بيحب بلده هى بتكون الظروف بتخفى حبه بس حب الوطن جواه دايما
مرسيى للمرورك على المدونة
السلام عليكم
ازيك يا رانيا ؟ ..
ادعوا الله ان تكونى فى خير حال ..
زمان كنا عايشين مع بعض من غير مشاكل و لا تميز رغم اننا مكتوب فى بطاقتنا الشخصيه ديانتنا ..
انا شايفه اننا فقدنا احترمنا لبعض و احساسنا بالمسئوليه و قدرتنا على التعايش مع الغير ..
الازمه الحقيقيه ازمة ثقافه دينيه كل واحد فاهم الدين بطريقته و نسوا اهم حاجه و هى ان الدين معامله
محتاجين لنشر الوعى الدينى الصحيح و كيفية التعامل مع الغير
محتاجين مدارس تجمع بين المسلم والمسيحى زى زمان و نعلمهم ازاى يكونوا اصحاب .. و اصدقاء
محتاجين نترك ما اختلفنا فيه ليفصل فيه الله يوم القيامه كما قال سبحانه و نتمسك بما يجمعنا لا يفرقنا
تحياتى دوما
أنا برده عاوز أفهم ايه أهمية إلغاء خانة الديانة من البطاقة الشخصية
الحمد لله ماعندناش قتل بالهوية
والأسماء فى مصر بتدل كويس
المصريين المسلمين اغلبهم اسمهم محمد .. والمسيحيين مينا وجرجس
فكك من الى بيشكك
شايفه ان معظم الاراء بتقول ان خانه الديانه ملهاش دعوة ببالتحضر و لا مصلحه مصر
اومال ليه بقى عملناها مشكله و كبيرة
لسه فضلنا شوية يا جماعه بجد على ما نعرف احنا عايزين ايه و هنحققه ازى
تحياتى للجميع
أنا برضه حاسة إن الحاجات دي مالهاش علاقة بالتقدم والإصلاح
هي وجودهاأو عدمه مش هيفرق كتير للدرجة اللي تخليه يعمل إصلاح أو وجودها يسبب ضرر وأزمة
دمتي بخير
مع انى مش متشائم خالص لكن من المقدمات الى فى ايدينا انا شتيف انه صعب كل المعطيات دى تتحقق مع بعض
يعنى مافيش فايده
وربنا يكون فى عون مصر
تحياتى
السلام عليكم
هل هذا (الجروب) يدعوا بان مصر لكل المصريين وبهذه الافكار
لا اراه الا دعوة لعدم وجود مصر
دعوة لفقدان الهويه الدينيه والاخلاقيه
احييكى على مناقشتك هذا الموضوع
فكم من الاقلام اجتمعت على تضليل الشباب والعبث بعقولهمونشر مثل هذه الافكار
الموضوع مش بسيط بس اول خطوة نقدة وان وان اللى يقرا او يشارك فى حاجة يعرف هو مشارك فى ايه ويميز بين الصح والغلط
اسف طولت
بس اشكرك على طرح الموضوع الجميل دا
اذا اردنا لمصر التقدم فلتتقدم كمصر وليس كدوله ليس لها هويه
تحيتى وسلامى
اشوفك بين حروفك
أنصحك ملكيش دعوة بالدعوات دي وعيشي حياتك
خانة الديانة مكونتش فيها رأي نهائي بس اعتقد انها هتبقى مفيدة للناس عشان ميتعرضوش لمعاملة وحشة من ناس متعصبة
والله انا شايف ان حكومتنا بتهتم بالخارج اكتر من الداخل
هيفيدنا في ايه مصالحنا مع دول و الناس بتموت من الجوع
Post a Comment