انت يا ابنى انت و هى
قاعدين ليه دى الليله عرس بهيه
عروسة تمام من بتوع زمان
لسه شباب فيها حيوية
حاطة اسود و احمر و ابيض
متزينه لليله عرسها البنيه
حقها مش بهيه و طول عمرها سخيه
هتقوم تلبس فستانها الابيض
و تحط طرحتها و تقوم تنزل وسط ناسها و تتمخطر
ماهى بهيه و لازم هتطلع شقية
فى عيون كل الصبيه
يلا يا بنيه شدى حيلك
الكل مستنيكى تيجى بخيرك
و اوعى تيجى مرة و تبينى بخلك
دة الكرم اصلك و العطف منك
و الحنان فى حضنك و الحب فى دمك
يلا قومى بقى اتاخرنا
احنا وراكى هنبقى معاكى
اطمنى مش هتلاقى حد تانى يستناكى
هنحميكى و هندعى ليكى ربنا يخيلكى
دة انتى بهيه الصفية الى جوة قلبنا محميه
يلا قومى الزفة مستنيه قدومك
نفسها تزفك و و حواليها تلفك
دة انتى غاليه اوى و بنحبك اوى
و يلا يا قوى عينا على القوى
ساعدنا نحمى بهيه
من الى عايزين يقتلوها و منها يحرمونا
معقوله هنعرف نعيش من غيرك
معقوله هنحب غيرك
لا و الف لا منقدرش على الحياه كدة
بيكى و بينا و الا فلا
مش كدة بردة يا موهجه قلبنا
قاعدين ليه دى الليله عرس بهيه
عروسة تمام من بتوع زمان
لسه شباب فيها حيوية
حاطة اسود و احمر و ابيض
متزينه لليله عرسها البنيه
حقها مش بهيه و طول عمرها سخيه
هتقوم تلبس فستانها الابيض
و تحط طرحتها و تقوم تنزل وسط ناسها و تتمخطر
ماهى بهيه و لازم هتطلع شقية
فى عيون كل الصبيه
يلا يا بنيه شدى حيلك
الكل مستنيكى تيجى بخيرك
و اوعى تيجى مرة و تبينى بخلك
دة الكرم اصلك و العطف منك
و الحنان فى حضنك و الحب فى دمك
يلا قومى بقى اتاخرنا
احنا وراكى هنبقى معاكى
اطمنى مش هتلاقى حد تانى يستناكى
هنحميكى و هندعى ليكى ربنا يخيلكى
دة انتى بهيه الصفية الى جوة قلبنا محميه
يلا قومى الزفة مستنيه قدومك
نفسها تزفك و و حواليها تلفك
دة انتى غاليه اوى و بنحبك اوى
و يلا يا قوى عينا على القوى
ساعدنا نحمى بهيه
من الى عايزين يقتلوها و منها يحرمونا
معقوله هنعرف نعيش من غيرك
معقوله هنحب غيرك
لا و الف لا منقدرش على الحياه كدة
بيكى و بينا و الا فلا
مش كدة بردة يا موهجه قلبنا
23 comments:
كلام كلام كلام مبخدش منك غي كلام
مهداه لكل القوى الفاعلة
ايه دة؟
الكلام دة من تأليفك يا رانيا؟
طب بسرعة بقى دوري ع اللي هيلحن واللي هيغني علشان نغنيها بدل ما شربتش من نيلها
تحياتي
أزيك يا رانيا عاملة أيه
القصيدة لذيذة وتمام
كمان بهية " أسم فل قوي "
عارفة أول تعارفي على بهية ده كان من عمو فؤاد نجم بجد هو اللي عرفني عالإسم ده
إسقاط لذيذ يعني عن مصر
بس بجد الموضوع محتاج أكتر من إننا نقول كده
أهو يعني بهية محتاجة زقة
ونص رجالتها ماتو في الحرب
عارفة بقى الكلية أما بتبوظ بعد الشر وبنضطر لإستئصالها
بتقوم الكلية التانية اللي ما استئصلتش بالتضخم وزيادة معل نشاطها علشان تظبط معدل الإنسان ووظايفه
هل بقى رجالة مصر اللي ما ماتوش في الحرب ممكن يقوموا ويعملوا اللي عملوه رجالة الحرب
عارفة إنه تشبيه بعيد شوية بس يعني يا رب يكون وصل كلامي
بس زجل سياسي بالعامية والله أنا مش متابعك من زمان بس أهو بأعرف عنك حاجات جديدة
آه كان عندي كومنت صغنون
--->عيننا مش عينا
مهجة مش موهجة<---
معلش بقى باغتت عليكي
وبعدين بتقوليلي أمل من كلامك
يا ستي إنتي تقولي اللي انتي عايزاه وتنوري المدونة
آه الجملة دي كويس إني أفتكرتها
اطمنى مش هتلاقى حد تانى يستناكى<---
مش فاهمها او واصلني معنى ومش عارف أتأكد منه
أما دي بقى جملة عجبتني قوي
---> الكل مستنيكى تيجى بخيرك
يا رب ترجعلنا بخيرها
بس مش عارف ليه طريقها شائك
تعبان متكسر مليان عوائق
مش عارف ليه ولاد بهية بقوا عليها قاسيين قوي
دي مهما كانت اللي شريبنا من نيلها
والله لو فتحت مش هأسكت كفاية كده أحسن
معلش بقى علشان ما أطولش وأغتت عليكي
قصيدة عجبتني
تحياتي
محمد علي
ستبقى بهية وإن حاول المجرمون قتلها
لن تموت
حاول غيرهم قبلهم
لكن مناط الأمر بأيدينا
مقالات
ترجمه
أشعار
ابداع
كله ده أمتياز فيه يا رانيا
برافو عليكي
جميل جدا يارانيا بس احلى ما فيها ان الفرح هيكون يوم 6 ابريل بس لسه دى خطوبه والفرح الكبير مستنينه بجد
كل اللي بنعمله كلام
والله مش قصدي انتي قصدي احنا كلنا
انا كتير بفكر احنا ليه ساكتين هو احنا خايفين من ايه هيعملو ايه اكتر من كده
بجد مصر رايحه لنقطه اللاعوده
يارب ماتوصلش للمرحله دي
يارانيا والله بهيه ماتت من زمان واحنا كمان بنموت خلاص
احنا بنموت لأننا كنا بنحبها زيك ولقيناها مبتحبناش
بنموت علشان كان عندنا امل فيها بس للاسف راحت كل الامال زي ما بتروح اي حاجة
صحينا من نومنا لقينا وهم وواقع خلانا نكره بهية والعيشة اللي عايشينها
معلش كلامي قاسي شوية بس ده ما يمنعنيش اني ابدي اعجابي بكلماتك جدا على فكرة
تحياتي
فعلا مش هنحب غيرها ومش هنكون غييير ليها
دى حبيبتنا ودى علشانها نعمل اى حاجه
تحياتى اليكى بالعطور الفرنسيه
ولاء
جميل ..جميل ..جميل
وبعدين مش عارفه اقول حاجة بقى بعد الكالم الجميل ده
تحياتى
ربنا يوفقك
رانيا
بجد الكلام تحفة ومعبر أوي
حسستني فعلا إن الناس مهتمة بمصر و6 أبريل ومستنياه
وأنا اللي كنت فاقدة الأمل إن الناس تتحرك
كلامك أثر فيا قوي وأداني أمل
دمتي بخير
محمد عبد الغفار
احتمال كان كلام و دلوقت وقت الفعل
مودتى
************
a. samir
متشكرة يا احمد على مجاملتك
و هفكر فى موضوع التلحين دة :)
تحياتى
محمد على
انت تقول الى انت عايزة
و بجد ملحوظاتك كلها بتعجبنى جدا اما بالنسبة لحد تانى يستناكى انا قصدى ان ان محدش و احنا بنزفها و قول يا رب يستنانا و انت عارف بقى الى بيعملوه
:)
فاما الرجاله ماتوا فى الحرب
فانا كنت من فترة معتقد كدة فعلا ان الرجاله كلهم كمان ماتوا فى الحرب بس الى اكتشفته ان نصهم بس هو الى راح
فى رجاله جامدة بتحب مصر و انت منهم و فى كتير و يا رب نعمل حاجة يا محمد
قول امين
نورتنى و شرفتنى بالزيارة و التعليق
تحياتى
خبيب
صدقت اخى فى كل حرف فى كلماتك
ستبقى الى الابد
تحياتى
*******************
محمد مفيد
من بعض ما عندكم يا فندم
ربنا يخليك يا محمد
رافع معنوايتى ديما
:)
تحياتى و مودتى
صوت من مصر
ايوة يا محمد الفرح جاى باذن الله
و العاقبه عندكوا فى المسرات
:)
تحياتى
*****************
wael
مش هنكر اننا بنمر بفترة صمت غريبه و رهيبة و مدين الفرصة لامثالهم يتحكموا فينا
بس فى امل اهو
الناس هتتكلم اهى
هتنطق هتقول لا
نشجعهم و لا نهبط من عزيمتهم و نقول مفيش فايدة
؟؟؟؟
تحياتى
مصر عمرها ما هتموت
و لا احنا كمان
و ازى هى مبتحبناش
مصر هتفضل مصر
و ان كان الى فيها دلولت مش منها من ناس حكمينها بالقوة و الظلم
هتنور تانى يا حر
هترجع تانى منورة بس بينا
لسه ممتناش و لا هى كمان
تحياتى
**************
walaa
تحياتى ليكى انت على كلماتك و احساسك الرقيق
دمتى بخير
تــــــــــ(حـنة)ـــــــر
متشكرة قوى على كلامك الحلو و بجد سعيدة ان سطورى عجبتك
مودتى
*******************
heba
يا رب نعمل حاجة يا هبه
و انا كمان بشكرك على دعوتك الى انتى عمليتها فى مدنتك
تحياتى
السلام عليكم
مفيش كلام اكتر من ان اقول
ان ده احسن كلام
بجد رائع
وينفع اغنيه جميله جدا
حلوة اوي الكلمات دي يا رانيا , بس بهية دايما تعبانة وتعبانة معاها يارب بهية بقي المرة دي تعلي صوتها ومتخافش من حد ...
تسلم ايدك بجد يا رانيا...
تحياتي دائما
باقي من الزمن يومان وهتتكلم بهية بس يا رب تجد من يسمعها
سلمت يداكِ
بجد حلوه اوى
و يا ريت فعلاً تتغنى بدل اغانى اليومين دول الى بتتكلم عن الاهرامات و الفراعنه
هههههههههه
بجد تسلمى عليها
تحياتى
Abo7anf
اسعدتنى زيارتك و مرسىي على مجاملتك
تحياتى
****************
الفارس الملثم
احنا تعبانين من اسلوبنا بس معاها
ربنا يكرم فرجه قريب
مودتى
********
سنووايت
اتكلمت و علت صوتها و ربنا يكرم كمان و كمان
تحياتى
**********
شريف طلال
مرسيى لكلماتك يا شريف
و ايعدنى انها عجبتك
تحياتى
Post a Comment