Monday, August 27, 2007

منير تانى مرة


انا اسعدنى الحظ

انى اشوف تعليقات من اتنين حضروا حفله منير
بجد شرفتنونى
بس انا قايله فى البوست بتاعى انى مش ضد منير اصلا
وعلى فكرة انا بحب اغانية و بحب اسمعه بجد لانه مختلف عن الموجود
يعنى معتقدش انى اختلفت مع حد فى النقطة دى
اما بقى الاختلاف
انى شايفة ان الموضوع مش مستاهل
انا بحب منير و اسمع اغانية انما العدد دة كله يروح و يوقف المرور ؟؟؟؟
اممممممممممممم
وجهة نظرى الخاصة جدااااااااااا
بتقول ان الموضوع ميستهلش
و فى حاجات اولى يبقى عليها الزحمة و العدد دة يروح
تبرع بالدم مثلا دة
انا مفيش مرة شفت عربية اسعاف واقفة الا و لقيت الدكتور و الممرضين
بيتحايلوااا على الناس علشان تتبرع بدمهم
و اهو فيها ثواب
و بردة ملقتش جمعية خيرية عليها الاقبال دة كله
هقول للمرة ال14انا مش ضد منير
بس ضد الى حصل
الزحمة و الاقبال المتزاااايد دة
و على ايه ؟
على حفله
خلاص اهم حاجة مش انتوا انبسطتوا؟
يبقى خلاص
تحياتى
و زى ما قلتوا كل واحد له وجهة نظر
انا عارفة ان الشباب مضغوط و عايز يخلص من ضغوطة
انما تفتكروا دة حل ؟
مششششششش عارفة

7 comments:

محمد عبد الغفار said...

وجهة نظرك زى وجهة نظرى

كل ده عشان حفله

حدوته مصرية said...

انا عارف انك بتحبى منير و بتسمعيه انا بس حاولت اوصلك وجهة نظرى و طبعا اختلافنا ده مفهوش اى مشاكل

تحياتى

Anonymous said...

إيه البنت اللي جاية تخنقني في مدونتي دي ؟؟
!!!!!!
مش هسامح
هه !
بس

اسكندراني في الغربة said...

انا فاكر اني جيت هنا قبل كدة وعلقت على بوست منير
بس شكل التعليق موصلش
كنت قلت ان عادي ان فنان في حجم منير يحضرلة العدد دة
يعني لو شاب بعد اسبوع شغل ممل حب يغير جو ويروح لفنان محترم زي منير فدا مقبول
بس انا غيرت رأي بعد ما سمعت عن العدد الرهيب الي راح اول يوم عرض فيلم عمر و سلمى
كدة في حاجة غلط
--
رأيك انتي حرة تقولية في اي مكان
الي مش عاجبة رأيك يقفل التعليق في مدونتة
تحياتي

ابن رشد said...

اوال بقالك كتير اوي ما بتكتبيش
ثانيا بقى انا فاهم انتي عايزة تقولي اية
بس الشباب مخنوق و نفسه ينفجر
و صوت منير صوت بيشد الاحساس و يفجره

غمض عينيك said...

مرة تانية بوافق على وجهة نظرك
منير مطرب ممتاز بس الاقبال دا زياده حبتين
تحياتي
محمد سمير

Rania Lelah said...

محمد عبد الغفار
شرفتنى يا عبد الغفار
اكيد طبعا كلامك صح

محمد ياسر
لا طبعا مفيش اى مشاكل و ربنا ما يجبش مشاكل
شرفتنى

اسكندرانى فى الغربة
اتصور مسمعتش عن موضوع عمر و سلمى دة
بس ما علينا
كل واحد حر فى الى بيعمله و كل واحد حر فى ابداء رايه
و بردة كل واحد حر فى التعبير عن رفضة او قبوله لراى الطرف الاخر
و مرسيى على مرورك يا اسكندرانى
مقلتش صحيح؟
رجعت ارض المحروسة و لا لسه؟؟؟؟؟؟

شمس
منور المدونه
انا الى لفت نظرى العدد بس يا شمس انما ان الواحد يرفه عن نفسةة عادى اكيد كلنا بنحب نرفه عن نفسنا
بس انى و 21 الف واحد و اكتر نفكر نروح حفله اممممممممم
مش عارفة ؟

غمض عينيك
تسلملى
هو دة الكلام
تحياتى