Wednesday, February 28, 2007

الامل

كل واحد عندة حلم و امل انه يتحقق
طبعا الامل فى الله عز و جل كبير و يا رب كلنا يتحقق املنا
بس يا ترى املنا ايه بالظبط؟
الام لها امل و هو انه تصحى فى يوم تلاقى اولادها كبروا و شافول مستقبلهم
و الاب امله فى الحياه انه ربنا يقدرة على انه يصرف على بيته و اولادة كويس و مش يحوجهم لحد
و الاولاد املهم انهم يدخلوا كليه كويسة و الاهم انهم يلاقوا وظيفة بعد التخرج
و الطفل امله انه يلاقى حضن امه قريب منه
الشباب املهم دلوقت انهم يتجوزوا
و البنات املها انها تمشى فى الشارع فى امان
و تلاقى ابن الحلال الى يجبلها الحاجات الى اتحرمت منها
و الى ظروفها العائلية ميسرتش الحاجت دى لها
كل واحد له امل فى الحياه امل بيعيش علشانه و لما ربنا يحققه يدور على امل تانى علشان الحياه من غير امل
ملهاش اى معنى و لا اى طعم
طب انا حلمى ايه؟
اةةةةةةةةةةةةةة حلمى؟
حلمى فى بلدى
لانى الحمدلله مش محتاجة حاجة
حاليا بس لان ببساطة لو حال البلد اتعدل كل املنا و احلامنا هتتحق باذن الله
بس الامل الى نفسى فيه و الحلم الى بيراودنى و
املى ان بلدى يتصلح حالها
و ان مصر ترجع زى زمان لها كرامتها و صوتها المسموع
املى ان الديمقراطية بجد تعم مصر
ديمقراطية بجد مش تهييس و ضحك على الدقون
ديمقراطية و نظام نمشى بيه
شعبنا حلو,, حلو قوى و بيحب بلدة و اكيد ان ساد النظام و الديمقراطية اكيد هنمشى عليه
املى ان الخير يعم مصر ...........مصر خيرها كتير
اتاخد منها و اتسرق منها الكتير و لسه بردة فيها
املى ان الخير يتوزع
يتوزع بقسمة العدل
المواطن ياخد حقة
كل واحد فينا يعيش عيشة كريمة
ميكنش فى الصراع الرهيب دة الى بين الطبقات
الغنى قوى و الفقير القوى
يا ريت يبقى فى تساوى
الواحد اما يفكر ان فى يوم من الايام هيحصل دة
بجد
بيدعى كمان و يقول يا رب بقى نفسنا فى دة يحصل
الناس من الى بيحصل فى مصر و الفساد الى فيها بدات تهيس
كل يوم يطلع واحد يقول كلمتين من اطرابه و الى فيه
انا مش بلتمس لحد العذر
بس بجد بدات اعتقد ان كل الى بيحصل اصله الفساد الى فى البلد و عدم قدرة الشعب للتكيف معاه
دة املى و يا رب يا رب يتحقق

Tuesday, February 27, 2007

الانترفيو

انا استاذة انترفيو من كتر ما رحت مقابلات عرفت ايه الى بيحصل و الموضوع بقى عندى ادمان
اشوف الاعلان من دول يركبنى عفريت اتصل و احدد ميعاد للانترفيو
شوفت كتير
ناس غريبة قوى تحسوا انهم يا جيبينك يتفرجوا عليك
يا جيبينك يرخموا و السلام
يا التالتله و الاكيدة يعجزوك
و فى الاخر اما تنجع فى ال3 عقبات دول يقولوك العمل من بكرة من 9 ل 12 بليل و 400 جنيه فى الشهر ,, تبقى خلاص هتشد فى شعرك.
اغرب انترفيو قابلته و فعلا حسسنى مش بالعجز حسسنى انى عايزة ارمى نفسى من اقرب بلكونه مع انى بخاف اتعور و خصوصا اننا فى الدور الرابع \ عالى يعنى
المكان : فيلا شيك قوى و فيها حاولى 14 انتريه واحد شاب يوقلك اتفضل اعمل استمارة التحاق طيب اقعد فين يقولك هنا
طبعا تبصله بصة غباء فين يعنى يبصلك بطريقة ايه انت مبتفهمش
بقولك هنا
و تبص على مطرح صباعة الى بيشاور بيه تلاقية بيشاور على ال14 انتريه
طبعا اول انطباع ظهر بانى غبية او متررددة او انى نظرى ضعيف
المهم
الاستاذة رانيا تتفضل
فين حضرتك
هناك يا فندم
اقوله فين؟
يبصله شذرا و يقولى هناك,,, و طبعا هناك بابين و الاتنين فيهم نور
ما علينا
اخبط على الباب و ادخل الباب مبيفتحش بسهوله,,, تفضل تزق فى الباب لحد ما تدخل و بردة مش يدخل غير نصك
طبعا الانطباع التانى غير انى غبية و مش بشوف انى عصبية و بتخانق مع دبان وشى
دخلت اذ بى افوجىء بحجرة اعتراف مش انترفيو
انين لبسين بدل و قاعدين على مكتب و يبصولك من فوق لتحت و سهارى تقريبا مفتوح اضاءة خافته جدااا و سيبين الكرسى بتاعك بعيد فى نص الحجرة - مكان غريب جدا - بجد انا قلقت و بان عليا الاضطراب ........... لقيت واحد بيقولى اهلا
اهلا يا فندم
اسمك؟
رانيا
التانى ايش لونك و هو بيبرقلى
قلتله اصفر
بصلى بارف قلتله عادى يا فندم كويسة
انت جاية ليه؟
اشتغل
تشتغلى ايه؟
قلتله علاقات عامة
قالى اممممممممممممممم تعرفى ايه عن العلاقات العامة؟
قلتله كذا و كذا و كذا
قالى بس دى مش علاقات عامة
قلتله امال دى ايه؟
قالى دى سكرتيرة
تعرفى ايه يا رانيا عن العلاقات العامة؟
قلتله كذا و كذا و كذا
التانى قالى بس دى مش علاقات عامة
قلتله امال دى طلعت ايه؟
يقولى تسويق
و فضلنا على كدة تقريبا نص ساعة
و فى الاخر طلعونى انى مكنتش بشتغل فيها و انى اجهل تمام ما هيه العلاقات العامة
اخدت كورسات؟
اقوله ايوة
التانى يقاطعنى و يقولى بتحبى الوان ايه؟
اقوله الازرق يقولى شوفتى اللون دةو انت داخله
اقوله ماخدتش بالى
الاول يقولى و ماخدتيش بالك ليه؟
اقوله الظروف بقى
الاول يقولى امممممممم تشتغلى فى التسويق؟
اقوله انا جاية للعلاقات العامة
يقولى ما انت مش عارفة يعنى ايه علاقات عامة
اقوله معلش هبقى اشيلها من السى فى
يقولى تشتغلى معانا مبيعات؟
اقوله مفيش مشاكل بس احتاج لدور تدربيبة
التانى يقولى انت بتقولى انك خريجة اداب انجليزى؟
بتعرفى تقرى انجليزى؟
قلتله يعنى
قالى نعم؟
قلتله بقول لحضرتك يعنى
قالى طيب لو قلتلك انك معانا فى الفريق من بكرة هتعملى ايه؟
قلتله اكيد هعمل كل خير مش جاية اعمل شر
طبعا انا قلت ماهى خسارنه خسارنه اطلع فيهم الى عملوله فيا
و فى الاخر لقيت الاتنين بيضحكوا و بيقولوا ايه يا رانيا حبينا نستفزك شوية
انت زعلت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طبعا كنت هتنقط بجد من الطريقة و الاسلوب و الاستفزاز دة
ليه بيحصل كل دة اما بنيجى نقدم على وظيفة هل بيختبروا الشخصية ؟
هل عايزين يشوفوا مقدار الثقة فى النفس ؟
لازم يحبسوا دمك و يربكوك و يخلوك تنفعل فعلا من غصب عن علشان كدة
ايه المشكله ا ما يختبروك فى الى انت جاى فيه بوضوح و بصراحة ليه يحاولا يشككوا فيك هو الشباب ناقص ارف الواحد اما بيصدق انه يلاقى وظيفة تليق بامكانياته العمليه علشان يروح يقدم و طول ماهو ماشى يدعى و يقول يا رب
ليه بنعمل فى بعض كدة ليه و علشان ايه؟
طب قول انا اساسا راحة فسحة
تجربة
انما بجد لو كان واحد معندوش شغل و نفسة يشتغل ليه التجارب و الاحباطات دى كلها
حاجة تزهق
و بقالى يومين مش بنام بفكر هل هيتصلوا بيا و لا لاء
معقوله لاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

try to watch the world and u'll feel ashame

try to watch the world and u'll feel ashame
every thing in this world make u feel sick ,, every thing if u just try to watch it u'll find disguisting things like ,,,, the ever lasted war between isreal and palestine and the war between fath and hamas ,, and the american aggresion on iraq and the events in sudan ,,,
and the acciendents which happened in iraq and what it called ( elgehad)
and what happened to saddam ,, and bush and the new middle east plan,,,,,really many many bad things........ the world is being awful nowadays awful <<<<<<<<
really its a shame ,,,, man caputered cause he donna wanna be hypocrite and donna wanna to betray him self and stand for the isreal embassy .and the innocent people whom caputered in prisons and all their fault that they are not as i told befor hypocrites they love Egypt they cant go agnist its benfit but the government said something else
whatever iam fed up about this really ,,, i love Egypt but really i cant live in it with many people like this all they care about is money and nothing but money the cant feel what the people of Egypt wanna and they donna care either
ohhhhhhhhhhh EGYPT i love u i love u so
may allah protect u

Monday, February 26, 2007

اقوال تهم البشر

الجواز نهاية كل ظالم
جارك السو ينزاح ياتجيله زيحة
القفة ام ودنين يشيلوها اتنين
لا اسمع لا ارى لا اتكلم
الباب الى يجيلك من الريح
الجرى نص المجدعة و انك تتف و انت بتجرى هى دى المجدعة كلها
اقوال مهمة جدا فى الزمن الحالى حاول تراقب اى اتين ماشيين فى الشارع هتلاقيهم بيقولوا اى حاجة من دول
يحولوا يحولوا الموضوع لضحك و يقولا ان الجواز نهاية كل ظالم و دة مش لاكتر من انهم معندهمش امكانيات الجواز
و طبعا لا تراجع و لا استسلام للمشاحنات الى بتحصل فى الافران و الاتوبيسات و تلاقى الموضوع قلب لعند مش طالع غير اما اجيب رغفين عيش يا انا يا هماااااااااااااا
و الجار السو معروف طبعا غنى عن التعريف الا و هو الى نفسة ياخد ارض العالم و يكتب علي الباب من بره هنا اسرائيل
و لا اسمع و لا ارى ولا اتكلم طبعا بردة معروف شعار الحكومة
و الجرى نص المجدعة مقوله الشعب الى اتعلم الجبن على ايد الشرطة الى المفروض انها بتحميناااااااااا بقينا بنخاف منها دلوقت و بنجرى منها كمان
ما تنوا بس لو تتطمنونى عن كريم عامل ايه؟
هعرف اتكلم برحتى

مذاكرات مراهقة

طبعا تبعا لقواعد الاستاذ ايمن و الى هى تنص على ان كل امرء يقوم بفضح نفسة
فصراحة انا فضحت نفسى قبل كدة بس على مدونه تانية و طبعا اتعرضت للقيل و القال
فقلت افضح نفسى على مدونتى احسن
  1. انا الكبيرة فطبيعى ان اهلك يعملوا عليك كل التجارب الممكنه و لا الممكنه و طبيعى بردة انهم يحبوا انك تبقى الاحسن ان مكنش بمزاجك يبقى من غصب عنك و قهر ,,,, ما علينا المهم بالطبع و الاكيد ان اما كنت بجيب درجات وحشة كنت بتظبط بضرب يعنى و مش بضرب بس تقريبا كان بيتمثل بيا و كمان الا بقى الفضايح شوف البت رانيا شوفوا جابت كام فى الحساب و لا العربى و لا الدين شوفوا البت ,,,,,و طبيعى كنت بتذل و لا بقى كمان نظرة الشماته الى فى عيون قريبى الى قدى كنت بتظبط فقوم اعمل ايه؟؟؟؟؟؟؟؟؟؟؟قلت بس مش هما عايزين درجات حلوة كنت و دة يعتبر اعتراف مهم مقلتوش قبل كدة كنت اول كل شهر بشترى بمصروفى كله شهادااات و اقلام حبر علشان الشهادة الى الاقى فيها نمرة مش مظبوطة و او ممكن تسببلى فى عاهة مستديمة كنت اغيرها هههههههههههههههههههه
بجد عملولى تمثال لمدة 6 شهور
كل شهر اطلع الاولى يا ناس و بدل الفضايح يتعملى قصايد مدح شوفتوا بقى ,,,,,,,,, بس مفيش فايدة بردة الغباء و المخ المتركب شمال و المال الحرام مبيدمش و الذى منه ماموة مرة بتطلع المراتب تتهوى و كاااااااااااااانت الصاعقة
يا نهار لقت 24 شهادة مكتوب فيها دواير حمرة و ممسوحة باستيكة و اسمى عليهااااااااااا تخيلوا الى حصل و الى اتعمل فيا
متفكرونيش سيبونى اشرب علشان انسى
ثانيااااااااا
اول مرة احب فيها و طبعا كان حب مراهقة كنت فى تالته ابتدائى حبيت واحد صاحب جارنا و طبعا مكنتش لفته نظرة تبعا لصغر سنى ففكرت و قلت لازم الفت نظرة و انى مش صغيرة
جبت اخواتى فى البلكونه و نزلت فيهم ضرب و العيال تصرخ و انا بضرب فيهم و ببص كدة من تحت لتحت و الاقيه عمال يبصلى انبسط قوى و هاتك يا ضرب فى العيال و كل ما يزيدوا صريخ الاقيه يبصلى اكتر و انا اسوق فيها
و الى عرفته بعد كدة من واحدة قربته كنت بتلزق ليها علشان تقولى اخباره ان افتكرنى مجنونه شوفتوا الحظ
ثالثااااااا
ماما كانت ديما تقولى انا و اختى اننا نخلى بالنا من اخواتنا الصغيرين و علشان كانوا صبيان طبعا كانوا هما الى على الحجر مرة قبل ما تروح الشغل نكدت عليا و ضربتنى و طبعا اختى علشان كانت سوسة كانت بتعرف تحوش عنها الضرب ازى
المهم مشيت و لقيت اخواتى الصغيرين صحيوا قلت يا دى الارف
المهم واحد منهم كان عايز يغير
و انا طبعا بارف من المواضيع دى المهم استجمعت شجاعتى و قلت هغيرله و الى يحصل يحصل غيرتله جبت البسه الشورت بتعته لقيت الواد بيصرخ ,,, مالك يا واد بيصرخ طب استنى بس اما اقفل السوسته يصرخ اكتر يا وله مالك
اصبر لحد ما اظبطك يصرخ يا وله استنى السوسته مش راضية تتقفل الواد كنت حاسة انه بيموت سيبت الشورت و روحت اتصل بماما و اقولها الحقى ابنك و طبعا جت و اكتشفت ان المشكله كلها كانت فى السوسته
ههههههههههههههههههههههههههههههههههههههههه
كان هيروح مننا
ربنا ستر
و طبعا النهاية العادية لاى مشكله علقة محترمة مع وصله شتيمة مع شوية ادعية
فكرتونى بالذى مضى
رابعااااااااااااا
ديما ماما كانت تحب تنيمنا بدرى و بابا يرجع من برة يصحينا كنت ديما بستناه و استعبط شوية لحد ما اصعب عليه و يقولها سيبى رانيا شوية مرة جه من برة و انا و اختى على السرير,,نزلت من على السرير بكتشف الموضوع لقيته جايب بطيخة
فكرت بسرعة صحيت اختى من النوم و قلتلها الحقى بابا جايب كذا و كذا قلتلها تيجى ناخد البطيخة و نخيبها فى السرير و هو يدور عليها مش يلاقيها ... قلتلى ماشى
روحت و حاولت اخدها لقتها تقيله قوى قوى عرضت عليا مساعدتها و يا ريتها ما سعدتنى طبعا مكنتش بتشيل حاجة و التقل كله عليا انا البطيخة وقعت على الارض و عملت صوت انفجار مروع و لقيت بعد الانفجار اشلاء على الارض فى كل مكان كل دة حصل و انا فى ذهول تااااااام و ببص بس للبطيحة المطروحة ارضا و طبعا ملقتش اختى جريت على السرير و لا شوفتها و بابا جه و ماما صحيت و شافوا المنظر و شافونى انا لونى اصفر
و طبعا الناس اتلمت و العمارة صحيت على اةةةةةةةةةةةةةةةة اةةةةةةةةةةةةةةةةةةةة خلاص يا بابا ابوس ايدك يا ماما
خامسا بقى للبنات فقط
ايااااااااااااام وولت

feelings

i've a strong feeling that Egypt will be the best country in the whole world when?????
really i donna know may be when ?????? or may be when ???????? or absolutely when ?????????????
ok ok ok
by the way how is kareem now???????????????