Saturday, December 29, 2007

عجبت لك يا زمن


شاهدت برنامج على الفضائية المصرية
و كان مستضفيا مرتضى منصور,
و جلست منصته تمام الانصات الى حديثه .
اريد ان اعرف ماذا تغير فى مرتضى منصور بعد خروجة من السجن
هل تغير فيه شىء ؟
هل سوف يكف عن السب و القذف
على كل شخص يقول له لماذا قلت ذلك؟ او لماذا فعلت ذاك؟
وجلست منصته,
فاذا به يتحدث بعصبية كاعادته و يسب فى هذا
و يتمنى من الله ان يصيب كل من ظلمه على حد قوله باشد الامراض .
و لكى اتحدث بصراحة استئت بشدة من طريقة حديثه
و حاولت تغيير القناه لانه لم يعد يوجد اهمية لانصاتى له.
فانه لم يتغير بل على حد قوله و على حد ما شعرت به من حديثة فانه لم يتغير البته بل ازداد قوة,
و لكن ما لفت نظرى هو مديحة الدائم لوزير الداخلية ,
نعم وزير الداخلية و ما يملكه من احترام لمسجونيه و انه انسان على حدة قوله " راجل قوى".
و حديثة عن الاحترام و الادب فى المعامله داخل السجن
و ما يتعرض له خيرت الشاطر وزوملائه من احترام فى المعامله
و ان دعوة التعذيب هذة ليس لها اى اساس من الصحة .
و ايضا دعائة على من يتهم مصر بهذة الاتهامات البشعة .
هل هذا صحيح؟
هل ما كتبت عنه منظمة حقوق الانسان عن التعذيب الذى يتعرض له خيرت الشاطر و من معه كان ملفقا؟
, هل عندما قامت النيويورك تايمز بنشر بيان لمنظمة حقوق الانسان
عن التعذيب فى السجون المصرية كان تهشير بهذا البلد الامن؟؟
ام مرتضى منصور تغير بالفعل و بدا يعيد حساباته لكى لا يتعرض لمثل ما حدث قبل هذا ؟
هل تعلم ان لا يتحدث مع من هم اكبر منه مقاما ؟
بمعنى اصح هل تعلم اداب الحديث مع من هم فى قبضتهم كل شىء ؟
عجبت لك يا زمن

Tuesday, December 18, 2007

كل سنه انتوا طيبين


كل سنه و انتوا طيبين و يا رب نبقى فى صحة و سلام على طول

و ربنـــا يديمة علينا بالخير و البركات

قولوا آمييييييييين

:))

تحياتى

Friday, December 7, 2007

الدعم يا نااااااااااس

الدعم بتاعنا راح فين؟
كمان دة استخسروه فيناا
هى ناقصة
هيفضلوا كدة لحد امتى؟
طب الشعب هيفضل كدة لحد امتى؟
عمالين يضغطوا عليه كل شوية
ضغط ضغط ضغط
و مش عايزين الشعب ينفجــر
ومش عايزنا نتكلم
مش عايزنا ننطق و نقول كفااااااااااية بقى
حرام عليكوا
اتقوا ربنا فينا يا ناااااس
حسبنا الله و نعم الوكيل
هقول ايه؟؟؟؟؟؟؟؟؟
معتش فى كلام يتقال يا اخوانا

Monday, November 26, 2007

هل هذه بدايه النهاية ؟؟

لن اتكلم اليوم عن اى شىء جديد , فكما قلت قبل ذلك و ايضا كما قال كثيرون , لا يوجد جديد هذه الايام , فمازال العرض مستمر ,
فمازال التعذيب مستمر و مازلت الضحايا تتساقط مثل المطر و ايضا مازالت البطاله مستمرة .
فكل شىء حى الى اليوم على الرغم من الجهود المضنيه لتغيير كل شىء , فلا شىء يتغير و لكن الجيد فى هذا الموضوع ,اننا ايضا مازلنا مستمرين فى التعبير عن رفضنا القاطع لكل ما هو ضد الانسانية و ضد حقوقنا .
فانا اليوم سوف اتكلم عن ظاهرة التحرش ,
و اعلم ان الموضوع ليس بالجديد و لكنه من قديم الازل و لكنه بالطبع زاد هذة الايام بطريقة مريبة ,
الذى سوف اتحدث عنه الان هو ما وصل به شبابنا من تصرفات اقل ما يقال عنها انها غير قابل للتصديق ,
فمنذ سنه او اثنتين قام بعض الشباب بالتحرش بالفتيات فى الشارع و كان الامر غير معقول الا ان شاهدناه فيديو , فتعجبنا جميعا لهذا الامر و جرآته ,
و مؤكد قام الكثير بملامة الفتيات و انها السبب الرئيسى فى هذا الفعل
و قام اناس اخرون بملامة الحكومة لعدم خلق فرص عمل لهذا العدد الكبير و الذى يتزايد يوم بعد يوم ,
و لكن ان يصل التحرش الى داخل البيوت و الشركات !!! هذا ايضا لا يصدق
عندما يقوم شباب بالذهاب الى الشركات للتحرش بالفتيات هناك !!!!!!
فهذا امر غير مقبول و مؤكد انهم يعانوا من حاله نفسية ............الخ ,
و لكن ان يتكرر الموضوع من بعض الشباب و بنفس الطريقة ؟ فماذا يقال عن هؤلاء ؟.
عندما يقوم البعض بالاتصال بالارقام التليفونية الخاصة ببعض الوظائف فقط لمغازله السكرتيرات
او لقول الفاظ تخدش الحياء ,,
او حتى لمعرفة عنوان المكتب للذهاب و التحرش بهم !!!!!!!
فايضا هذا غير قابل للتصديق .
واالبعض الاخر الذى يقف فى البلكونات عاريا تماما ,
و لا يفعل ذلك لانه مختل عقليا و لكن فقط لاثارة حفيظة الفتيات .
فما هذا الذى يحدث ؟ انا لست اتحدث عن حاله فردية سمعتها بالصدفة
و لكنى اتكلم عن عدة حالات متشابهة فى الفعل و المضمون , و التى بدات اعتقد انها بدت لى ظاهرة خطيرة ..
و اتسال الان , هل ضيق ذات اليد ؟ يفعل كل ذلك؟
ماذا حدث لكم يا شباب مصر ؟
لا اعلم من السبب فى ذلك
و لكنى عندما فكرت فى هذا الموضوع لم استطع ان القى اللوم على الحكومة و انها السبب فى هذا
لانها لم تستطع خلق فرص عمل لهؤلاء الشباب.
و لم استطع ان الوم القنوات الفضائية و ما تبثة من كلبيات فاضحة ,
و لا استطيع ان الوم ما يحدث فى المدن الساحليه شرم الشيبخ و الغردقة و ان هناك يستطيع الشباب نيل كل ما يتمنوه بكل حرية وبلا حدود الا من عفا عنه ربى و حافظ على دينه .
و لكنى ايضا لن اعمم .
ففى مصر كثير من الشباب الذين بحبون بلدهم و يحفرون فى الضخر من اجل الحلال و يتقون ربهم و يخافونه
لانه كما تدين تدان .
و لكن من هؤلاء ؟ و هل هذة هى بدايه النهاية ؟ هل هذه بدايه النهاية للاخلاق و الادب و الرجوله فى مصرنا ؟
لا اعرف .

Monday, November 12, 2007

ماذا فعلنا فى حقهم؟

حكت لى زميله فى العمل اليوم عن قصة غريبة
و هى عمليه نصب تمت بدقة او كما هى تقول قام الفاعل بحبك قصة على الضحية
و سرق منه ما يقرب من العشرين الف جنيه و بعض مصوغات زوجته
و رغم ان الزميله تلوم الضحية لانه جاهل و لا يعرف شىء
و من الطبيعى ان القانون لا يحمى المغفلين
فانا كانت لى وجهة نظر اخرى
قالت زميلتى ان هذة العمليه تمت فى غضون نص الساعة
حيث ذهب رجل فى ملابس رسمية فى زى ضابط شرطة و قام بالتحدث مع الضحية
و اتهامه بانه يحمل مواد مخدرة و انه قد تم الابلاغ عنه
عندها صعق الرجل و قال انا؟؟؟؟؟؟ ازى يا بيه لالا طبعا
قال الضابط خلاص نفتش البيت و نشوف و يا انا يا انت يا ابن .........
و ذهب الرجلان الى البيت ليثبت الضحية برائته
و انه لا يحمل اى مواد مخدرة او اى ممنوعات كما قال
و عندها طلب الضابط من الرجل ان يفتش الشقة و الحجرات
وجد الضابط المال و المصوغات و قال للنجار انه سوف ياخذهم
و يقوم بتحريزهم
لعرضها على النيابه ليثبت برائته و الغريب ان الرجل لم يشك للحظة فى هذا الامر
و من الطبيعى ان يقوم الضابط المزيف بالهرب بعد ما وعد النجار بانه سوف يلاقية فى مكان معين
و ذهب الرجل و انتظر الضابط و لكن الضابط لم ياتى
ذهب الرجل بكل برائة و سذاجة و حكى الامر لاصدقائة و بالتالى كان الكل جوابهم واحد
انتصب عليك يا فاااااالح
و هنا انهار الرجل "تعبى و شقايا عشرين الف جنيه و دهب مراتى يا عالم يا هوووووووووة
و ايضا نفس الكلمه" القانون يا خويا لا يحمى المغفلين
و بعد ما سمعت القصة طرات فى بالى نقطة
هل هذا الرجل الذى هو عامل نجار و يتعامل مع كل الفئات هل يقع فى مصيدة بهذة السذاجة ؟؟؟؟؟؟؟؟؟
ام انه لم يستطع قول كلمه لا لرجل مرتدى زى رسمى ؟
مؤكد انه ليس بهذا الغباء او انه ساذج لهذة الدرجة و لكنه مؤكد كان خائف
نعم خائف مما سيفعله هذا الضابط اذا قال الرجل لا
اليس كذلك؟
فهذا الرجل مثل ملايين المصريين
يسمع كل يوم عن رجل تم اغتصابه
او تم ضرب مواطن حتى الموت او غرق مواطن هربا من عذاب شرطى
او موت صبى اثر ضربه بعنف.
اليس كذلك؟؟؟؟؟؟؟
انا اعتقد ان كل هذا دار بخلد الرجل عندما طلب منه الضابط المال و المصوغات.
تركت هذة القصة و قمت بسؤال زميلتى سؤال
"لو قابلك ضابط و طلب منك البطاقةانه يشوفها هتقوليله ايه؟
قالتى لا طبعا يشوفها ليه؟
قلتها امممممممممممممممممممم
جميل بس تعرفى ان فى مرة ضابط و عسكرى وقفوا بنوته فى الشارع
و طلبوا يشوفوا بطاقتها و هى قالت زيك كدة لا طبعا
ضربوها و بهدلوها و فى الشارع و خلعوا عنها الاسدال الى كانت لابساه
شوفتى بقى ؟
و اذا بى اعيد السؤال عليها ثانية
لو فى مرة قابلك ضابط شرطة و سالك عن بطاقتك هتقوليله ايييييييييييه؟
ردت زميلتى على الفور هوريهاله طبعا و اقوله خدها
مش عايزاها
هطلع واحدة تانية
:)))
اليس كذلك ما سنفعل ؟
ام سنقول لا ليس من شأئنك
اريد ان اعرف الاجابة
و السؤال الثانى
ماذا فعلنا من اجل كل هذا؟
نعيش فى بلد نخاف ان نمشى بشارع يمشى به ضابط.
ماذا فعلنا فى حقهم
حتى يفعلوا هذا فى حقنا؟
لا اعرف
و لكن ما اعرفه اننا لم نعد بلد الامان و لا بلد الامن
كان الحماه هما الشرطة و الان نريد حماه لنا من الشرطة

Tuesday, November 6, 2007

ازدياد الفقر

طبعا انا مش هتكلم
على الكلام المتزوق الى اتقال امبارح فى المؤتمر الصحفى الى اتعمل لجمال مبارك
و لا هعلق بردة على كلام د/ نظيف
مع انى همووووت و اعلق
بس يلا همسك نفسى
و كل الى هعمله دلوقت
انى انشر التقرير اللذيذ دة و الى اتنشر فى وكاله اجنبية
و شكرا
ازدياد الفقر فى مصر على الرغم من النمو الاقتصادى السريع.
reuters
على الرغم من التقدم الاقتصادى السريع فى هذا العقد فى مصر,
الا ان هناك تزايد فى نسبه المصريين الذين يعيشون فى فقر مدقع,
و قد قال رئيس عمليات الامم المتحدة فى مصر يوم الاربعاء ,
ان ما بين سنه 2000 و 2005
ارتفعت نسب الفقر المدقع ( المطلق) الى 19.6% من 16.7 من السكان .
و قد اعلن فى مؤتمر اخبارى النسق المقيم للامم المتحدة :
" ان واحد كل 5 مصريين لا يستطيعون اشباع حاجاتهم الاساسية"
اضاف استنادا لاحصائية تمت فى يونيو.
و قد قال المتحدث الرسمى للامم المتحدة " العيش فى فقر مدقع "
و " عدم القدرة على اشباع الحاجات الاساسية "كلها مرادفات "
و نحن بصراحة نشعر بالذهول من هذا الوضع,
و ربما لم تكون مجرد احصائية .
و هناك مشاكل اساسية و هيكليه لابد من تخطيها اولا
قبل ان ننظر الى النتائج فى تخفيض معدل الفقر" .
و فى فترة الخمس سنوات الاخيرة ,
قد اظهرت مصر تقدم اقتصادى حقيقى تراكمى يقدر ب 21%
و سارعت نسبه النمو منذ ذلك الحين الى 7.1% فى السنه الماليه 2006/2007
و المنتهية فى يونيو.
و لقد ازداد ت نسبة المستثمرين الاجانب فى السنتين الماضيتين بشكل مثير
و اضاف البنك الدولى قائلا ان مصر كانت واحدة من الدول
التى صنعت تقدما ملحوظا فى تحسين المناخ الاقتصادى .
" نحن نرى تأخرا بين هذة الاتجاهات الايجابية ... و انحدارات الفقر .
فهم لا يظهرون فى المدى القريب " .
و قال راولى ان مصر ليست الدوله الوحيدة التى ينتشر فيها الفقر وسط هذا التقدم الاقتصادى ,
و اضاف انه واثق من ان الحكومة سوف تلتزم بتخفيض و تقليل نسبة الفقر
و ان مصر ستقابل اهداف تنموية الالفية للامم المتحدة.
و هدف مصر هو تخفيض نسبة الناس الذين
يعيشون بدخل يقل عن 1 دولار فى اليوم الى 12.1% من 20.2%
الان على مشارف سنه 2015: اضاف موثق الامم المتحدة .
وقال راولى ان الفقر منتشر و بنسبة غير متكافئة فى جنوب مصر و الريف .
و تقوم الحكومة بتقديم للشركات نوع من التحفيزات للاستثمار فى الجنوب حيث المعاناه الشديد
و التى بتعد عن الاسواق الرئيسة و مستويات التعليم المنخفض هناك.
و راولى كان يتكلم على ضوء انطلاق حمله لتعميم الاهداف الالفية
و التى تبنتها القمة الالفية فى نيويورك 2000 و التى تتضمن خفض معدل الفقر .
*******************************************
انتوا ايه رايكوا؟
اعتقد ان فى تناقض فى الموضوعين
كلام السيد جمال" ان فى ازدهار اقتصادى فى مصر
فعلا بياكدة التقرير دة
انما نسبة الفقر الى بيقولوا انها بتنخفض يوم عن يوم ,هل دة فعلا حقيقة ؟
و لا كلام و بس ,,,,,بصراحة مش شايفة حاجة من الى قالوها امبارح,
و لا حتى سمعت حتى اجابات مباشرة للاسئله الى سالؤها الصحفيين امبارح
و بعدين انا لاحظت انهم حطين خطط للتنميه و التطور و الاستثمار و خلق فرص عمل للشباب!
بس بصراحة مسمعتش هتتنفذ او هتم سنه كام؟ و امتى بالظبط هيتم القضاء على الفقر و البطاله يا اخونا؟
احتمال فعلا تتم على الفترة الرئاسية القادمة؟؟؟؟؟؟
هو انا منفسنه شوية زى ما بيقولوا ؟و لا عندى حق اتنقط يعنى؟
:(((
ايه دة؟ هو انا مش قلت مش هعلق !!!!!!!!
مفيش فايدة فيا ابدا
مش هتغير

Friday, October 26, 2007

ماذا بعد

يصر الشباب اسبوعيا على شراء الجرائد الحكومية ليس بحثا عما يجرى على الساحة الشعبية ,
و معرفة اخبار الوطن و التى توصفها الجرائد اليومية بانها فوق الممتازة
متجاهله كل ما يحدث حقيقة فى هذا الوطن من قهر و ظلم و تعذيب ......... الخ
.ليس هذا ما يبحث عنه الشباب
و لكن عادة ما يبحث الشباب فى هذة الجرائد عن الوظائف الخاليه,
كل شاب او فتاه يقوم بشراء الجريدة و يظل يتصفحها لساعات
محاولا ايجاد فرصة حقيقة ومتفقة مع مؤهلاته ترحمة من شبح البطاله
و الذى يطل بانيابه على عدد كبير جدا من شباب مصر الان .
و عندما يجد هذة الوظيفة
و يتقدم لعمل مقابله يرجع عائدا الى بيته يجر اذيال الخيبة لعلمه بان الراتب اقل بكثير مما كان يحلم.
او مؤهلاته و التى كانت تبعا لكليه حكومية لا تؤهله للعمل,
او يقع فريسة لشركات محتاله , مثلما حدث من قبل ,
شركات تقوم بخداع الشباب طالبى الوظائف و توهمهم بالراتب الاساسى الكبير
و الذى سوف يحقق جميع احلامهم و تطلب منهم مبلغ للتدريب
و يدفع الشباب هذة المبالغ فى محاوله يائسة للعمل و الحصول على وظيفة جيدة .
الا ان يكتشفوا بانها كلها اوهام ليس الا .
لماذا يحدث هذا ؟
الم يوعد الرئيس فى برنامجة الانتخابى بانه سوف يقضى على هذة البطاله الى ابد الابدين؟
اين هذة الوعود التى اصدرها من قبل؟
و اعطى الامل لكثير مئات الشباب بانهم سوف يحصولوا على فرصهم الضائعة ؟
هل كانت تمثيليه من التميلات التى تقوم بها الحكومة منذ زمن بعيد؟ ,
اعطاء الامل ثم قتله من بعد ذلك.
فقامت الحكومة من فترة ليست بالعيدة بعمل مسابقات وهمية لتعيين الشباب
و اخص بالذكر وزارة التربية و التعليم , و التى كانت تعلن عن مسابقات لتعيين ,
و يتقدم الشباب باوراقهم على امل ايجاد فرصة عمل ,
و لكن يصطدم الشباب بعد ذلك بان هذة المسابقة و التى تم الاعلان عنها مساء امس قد استكفت بالعدد المطلوب!!!!!!!!
كيف ؟و ماذا؟ و اين ؟و متى؟ كلها اسئله يسالها الشباب
اين و كيف لقد سمعت عن هذة المسابقة امس فقط ؟
تقول الادارة( خلاص يا سيد استكفينا) حقا!!!!!!!!! .
هل وصل الامر بالحكومة الى الاستهانه بعقول الشباب الى هذة الدرجة ؟
مجرد مسابقات وهمية لكى يظهر الرئيس بمظهر حسن
و انه تم تنفيذ وعدة الاخير و الذى كان ضمن برنامجة الانتخابى ؟ .
فبعد ذلك قد ترى ان الشباب قد انقسم الى عدة مجموعات و لا نستطيع ملامهم
هناك مجموعة تصر و تقاوم
و تقوم باعادة الكرة و تبحث فى الجرائد عن الوظائف الخاليه فى الشركات الخاصة ايضا محاوله لتغيير الواقع المرير و هذة الكلمه المؤلمة التى تلاحقهم ( البطاله),
و الاخرى تتجه الى التطرف
و الثالثة تتجه الى المقاهى محاولين نسيان ما يحدث و يصابوا بنوع من الامبالاة
و الرابعة تبحث عن اى وظيفة و اى راتب
و لكن خارج مصرو الاخيرة لم عد تهتم بالتعليم لانهم ببساطة يعرفون المصير المحتوم.
قامت الحكومة اخيرا و ايضا ليس بالوقت البعيد بعمل برنامج لتعيين الشباب ,
و صراحة الامر كان ممتاز و مثمر لكثير من الشباب ( العاطل) .
و لكن بعد تفكير فى هذا البرنامج و الذى كان بمثل السم فى الشيكولاته
فانه ليس مثمر على الاطلاق فانه يعتبر كدبة او تمثيليه اخرى للحكومة للضحك على الشباب .
فانهم يستغلوا و يستنفذوا طاقات الشباب للقيام باعمال حرفية !!!!!!! .
مطلوب شباب ذو مؤهلات عليا للقيام بلاعمال حرفية !!!! و العنوان
(قوم اشتغل انت مش عايز تشتغل ),
(متقلش هشتغل ايه اشتغل و خلاص مش ممكن تبقى فتحة خير عليك).
هل يعقل هذا؟ هل التعليم اصبح مهمشا هكذا؟ ا
لى هذة الدرجة لم يعد هناك اى استعناء بالتعليم او بالمؤهلات العليا ؟ لم يعد هناك فرق بين هذا و ذاك ؟
اليس هذا ما فعتله حكومتنا بنا؟ و السؤال الان الى متى؟
كثرت الاسئله و الاجابه واحدة ( الله اعلم).

Sunday, October 21, 2007

ضوضاء

بما اننى من مرتادى الميكروباصات بصفة قد تكون دائمة
و اسعد كثيرا عند ركوبها الا اننى قد لاحظت امور غريبة فى هذة الفترة
الا وهى الاغانى
فبعد ما عبر كثير من الناس عن استيائهم من سائقى الميكروباصات
بانهم يستمعون قهرا للقران فى الاذاعة اوعبر الكاسيت الخاص بالميكروباص
فالذى يتم الان غريب نوعا ما
فالموضوع يبدا عند ركوبى اى ميكروباص
و ترى الشباب يتهافتون على الركوب , وعند الركوب
كل شاب او فتاه يقومون بتشغيل الاغانى على الموبيلات و بصوت عال
و لا يعيرون اى اهتمام للاخرين .
فانا لا ابالى
عندما يقوم شخص واحد بتشغيل الاغانى عبر الموبيل او حتى
mp3
و لكنى مؤكد اعير اهتماما اما الاحظ ان حوالى 4 اشخاص فى هذا الميكروباص
يقومون بتشغيل الاغانى فى نفس الوقت كانها مسابقة
او حتى نظام استعراض لانواع الموبيلات غاليه الثمن
و ما يزيد الطين بله ان يقوم السائق هوالاخر بتشغيل الاغانى عبر الكاسيت
و يبقى الحال كما هو الا ان نصل الى مكاننا المراد
بعد ما ان نكون قد اصبنا بصداع مزمن و ربما نصل الى انهيارعصبى من الضوضاء
الصادرة من الموبيلات و ال
mp3
و ايضا الكاسيت
ما هذا الذى يحدث هل اصبحا كذلك؟ هل نقلد بعضنا البعض الى هذة الدرجة ام الامر مجرد عناد
ام استعراض ام مجرد روشنه شباب؟
هل اصبحت الاغانى مهمة فى حياننا لهذة الدرجة التى تجعلنا نسمعها حتى فى الميكروباصات؟
فكلنا نستمع للاغانى و لكن ليس لهذة الدرجة؟ .
هل التكنولوجيا اصبحت تستخدم فى هذا المنوال فقط؟
لقد رايت اشخاص عاديين جدا
فظللت افكر محاوله منى لنسيان هذة الضوضاء الصادرة
و افكر بان هذا الشخص و الذى يبدو عليه انه عامل
, فى احدى الورش بانه لا يملك جنيها واحد و لكنه يحمل موبيلا فاخرا وغالى الثمن ايض لماذا؟
من اين له هذا ؟
و ان كان يملك المال الازم لشراء هذا الموبيل, لما لا يشترى اى شىء اخر ذو قيمة ؟.
هل اصبح الشباب لهذة الدرجة على قدر من التفاهه للتمثل بهذة الامور ؟
حقيقتا لا ادرى
و لكنى قد اصاب بصداع نصفى يومى
او انهيار عصبى قريب من جراء هذة الضوضاء
فاعذرونى اخوتى اذا غبت عنكم فترة من الزمن
قد يكون الامر زاد عن حدة و لجات الى احد المستشفيات الامراض العصبية للعلاج.

Thursday, October 18, 2007

تاج كلاكيت رابع مرة

التاج دة بصراحة متمررلى من شمس و غمض عينيك (محمد سمير) و منى كمان
و انا بستهبل الصراحة يعنى
بس قلت كفاية بقى عيب عليا يعنى لازم اعمله و امرى الى الله
توكلنا على الله
لو قالولك اختارعصر من عصور مصر عشان تعيش فيه تختاراى عصر وفى عهد اى حاكم واشمعنى؟
كان نفسى قوى ابقى فى عهد الرسول
يااااااااااااااااه اشوفه و استمع لاحاديثة و ابقى معاه
ديما بقول يا بخت الصحابه بيك يا رسول الله كانوا بيشوفوك و يقعدوا معاك
عليه الصلاة و السلام
.مكنش فى الى بيحصل دلوقت اسلام بجد و دين عن حق و كفاية انك تصلى وراه
اول اولوية فى حياتك عيلتك ولا شغلك ولا اصحابك؟
بصراحة؟ شغلى و بعدين عيلتى واصحابى
مع العلم ان معتش ليا اصحاب مقربين كل واحد شاف حياته
و الى اعرفهم دلوقت كلهم معرفة شغل بردة
ايه اكتر حاجة بتحبها فى رمضان ؟
بحب قوى ساعة الفطار اول ما يدن الاذان جسمى بيقشعر قوى و بدمع
واستغفر ربنا و افتكر ان كل المسلمين بيفطروا مع بعض
اللى بيبوظ الحكام ..نفسهم ولا الشعب ولا الحاشية المقربة؟؟
اعتقد انها الحاشية المقربة لانها ديما بتحاول تخبى الحقيقة عن الحاكم علشان تستفيد
هى و تمص دم الشعب
بس ارجع و اقول هوالى بيديهم الفرصة
مين اكتر اعلامى مصرى بتحترمه؟؟
حمدى قنديل - منى الشاذلى
لو ممكن تشتغل شغلانة تانية غير اللى انت بتشتغلهااو كنت بتشتغلها كنت تتمنى تبقى ايه؟؟
بصراحة كان نفسى قوى ابقى مضيفة طيران و سعيت كتيررر فى الموضوع دة
و اما جتلى بجد كنت فى ظروف غريبة معرفتش اشتغلها
و متفكرونيش كل ما افتكر يتحرق دمى
:(((
ايه تانى بلد تتمنى تعيش فيها بعد مصر؟؟
بصراحة مفيش
بحب مصر قوى و مش عارفة معتقدش انى هعرف اعيش فى غيرها,
بس عارف؟ ممكن من سبيل التجربة اروح بلد تانية لمجرد التجربة و مش لانى بحبها.
اوصف ليا ترتيبات اجمل فرح ممكن تحضره؟؟
امممممممممم
فى الواقع بحب قوى الافراح الى معتمدة على العريس و العروسة بس
يعنى مفيش زحمة حولايهم تبصلهم تلاقى الفرحة فى عينهم و الحب طاير بيهم
بحب قوى افضل ابصلهم و اراقب تصرفتهم مش غلاسة و الله
بحب اشوف نظراتهم و هما سعدا و يا رب يبقى الكل سعيد
قولوا يا رب
بتراعى كلام الناس والقيل والقال؟ لو اه او لو لا قولى ليه؟
مش فى كل الاحوال الناس مش بتسكت و لا بتبطل كلام
صحيت من النوم مالقيتش الموبايل ولا الكمبيوتر ولا الكاميرا الديجيتال
ولقيتنا رجعنا لعصر الحمام الزاجل والحصنة حتبقى سعيد؟

فى الواقع انا الحمدلله اعرف اتعامل مع اى حاجة
بس بينى و بينك يعنى توء مش هبقى مبسوطة قوى.
السعادة هى؟؟
الستر و الرضا و راحة البال و حب الناس ليك
عندك امل ؟ اسبابك ؟
اكيد الحمدلله عندى امل على طول متفائله مع ان تقريبا
معظم الظروف بتبقى ضدى بس الحمدلله ديما بصة لبكرة و مش بقفل من الدنيا
لما تحب تهرب من كل شىء بتروح فين؟؟
بحب البحر بحب اكلمه اما اكون مضايقة و لو مفيش بحر بقعد على الكمبيوتر و انسى الدنيا كلهاااااااااااا
امتى مرة اخدت فيها نفس طويل كده وقلت بينك وبين نفسك ياااااه انا فعلا كبرت؟؟
يوم عيد ميلادى 13\9
محدش قالى كل سنه و انتى طيبة منكوا :((
غير بتاع 11 بس
لما بتعمل عمل خيرى بيكون ايه هو دافعك الاول؟؟
اكيد رضا ربنا و طول ما انا ماشية بدعى و بقول يا رب تقبل
قولوا امين
بتشرب سجاير؟لو الاجابة اه ايه شعورك لو شفت ست بتشرب سجاير وليه؟
امممممممممممممممممم
فى الواقع و يعنى بصراحة و .... لا مش بشرب
بس يا جماعة مفيش مشاكل من التجربة
بتعرف ايدك اليمين من الشمال ازاى؟
بصراحة معلمه الايد اليمين
ايه اكتر اله موسيقية بتحبها؟
بعشق الجيتار اله رومانسية حالمة اما كنت بعزف الله يرحم الايام دى كنت بحس انى فى دنيا تانية
و صوت البيانو بردة بحبه قوى
فى رأيك ليه الذوق والنخوة اتعدموا؟
بصراحة مش لاقية سبب
يعنى لو كان الموضوع من الشباب بس ,كنت هقول القدوة و التربية
انما الى بيحصل ان حتى الرجاله الكبيرة معتش فى زوق .
ايه الحاجة اللى لو حصلتلك تبقى سعيد قوى؟
بصراحة لو حسيت انى انجزت فى حاجة معينه ببقى سعيدة
لو شفت حد بحبه ببقى سعيدة ولو ساعدت اى حد ببقى فى منتهى السعادة.
تختار يبقى عندك ارض زراعية ولا اجنص عربيات ولا كام عمارة ولا فلوس فى البنك؟
عايزة عربية واحدة صغيرة و شقة صغيرة و بس
البحر ولا النيل؟
البحرررررر
ثوره البحر و تلاطم الامواج كدة مع الجو و الهوا الجميل
و ريحة البحر يااااااااااه بيغسلونى بجد من اى حاجة مضيقانى
عاقل ولا مجنون؟
ليه الاحراج دة
بالنسبة لنفسى انا شيفانى عاقله
انما الكل شايفنى مجنونه و جدااااااااااا
و بينى و بينكوا انا اصدقهم هماا:))
تقرا كتاب ولا تتفرج على فيلم؟
اتفرج على فيلم
بتمرر التاج لمين
بصراحة التاج دة طويل قوى
بمرررة
ريمو
سكوت هنصوت
يا مراكبى
الاغلبية الصامته
اسكندرانى قوى
بس
و بردة كل الفاجومية

Friday, October 12, 2007

عيد سعيد

كل سنه و انتوا طيبين
و يا رب يعيدة علينا بالسعادة
يا رب
عيد سعيد يا اخوناااااا

Tuesday, October 9, 2007

muhammed

In The Name of Allah
the Most Gracious , the Most Merciful
really i wanna talk about the final prophet ,
muhammed (peace be upon him)
but really i donna know what to say ,
there are lots of words i cant say it right now
i havent the ability to say or to expree
my feelings toward muhammed
but Allah only knows how much i love muhammed
loving u ya muhammed
peace and blessing up on u
muhammed
the final prophet for the whole world
the prophet of mercy for the whole world
the prophet of islam
muhammed ,the best of all creatures
the honest
asking ur help and ur words
in front of our lord
Allah
when we all stand in front of Allah
and going to u and asking u to ask Allah for mercy to us
all of us ya muhammed
i wish i were there
and saw u
talked to u
praying with u
been with ur compaions
ya muhammed
peace be up on u
muhammed ,
the most precious one in this world

Saturday, October 6, 2007

شباب من اجل السلام

"شباب من اجل السلام.... انت تتكلم و نحن نستمع"
هذا كان عنوان المنتدى الذى اقامته حركة سوزان مبارك الدوليه للمراه من اجل السلام .
قرات هذا الخبر فى جريدة الاهرام عدد يوم الجمعة
و لقد قراته مرات عديدة
و لكنى حقيقة لم اقتنع باى كلمه فيه
و اعتقد ان هذا ليس لاننى لا احب السلام و لا اؤيدة.
و لكنى اعتقد اننى اؤمن بالسلام الداخلى اولا
ثم السلام الخارجى
الاهم فى المهم
نعم اعتقد ذلك
السلام الداخلى اولا .
اين هو السلام الداخلى الذى نعيش فيه حتى نعقد مؤتمرات و منتديات للسلام الخارجى
و لماذا هذا التناقض؟
لماذا؟
نحن حتى الان لم نفعل اى شىء يذكر لاى بلدعربيا؟
و لكن هذا ليس الموضوع الذى اريد التحدث عنه
و الان على الرغم من اننى لا احب نقل الاخبار و لكنى سوف انقل و اعلق فى آن واحد
عنوان الحركة" شباب من اجل السلام ... انت تتكلم و نحن نستمع"
قائله ان هؤلاء الشباب تولوا مسؤليه تنظيم و ادارة هذا المنتدى الذى ابرز رؤى الشباب
و طاقاتهم و حكمتهم و عزمهم من خلال حوارتهم و مناقشاتهم الصريحة
التى اسهمت فى تبادل الخبرات و الافكار حول
سبل القضاء على العنف و بناء عالم اكثر سلاما و عالمية مستدامة.
حقيقة اعجبت بهذة الفكرة : شباب يفكر من اجل وقف العنف و ايضا يحاول القضاء عليه
و لكن لماذا خارجا؟
و اين هذا الشباب و افكارة للقضاء على العنف الداخلى اولا؟
و هل سوف تسمحون له يا سيدتى كنظام حكم بان يحاول وقف العنف الداخلى اولا.
سيدتى انا لن اتكلم عن حاله الريئس الصحية وايضا لن اتكلم عن برنامجة الانتخابى و نتائجة
و لن اتكلم عن قمع حرية الصحافة و نحرها بهذا الشكل المهين
و لكنى سوف اتكلم عن كلمتك هذا
اليس هذا تناقض و اذدواجية فى المعايير؟ كيف نبحث عن سلام خارجى و نشجع الشباب
و لا اعرف اين هم هؤلاء الشباب او من اين ؟
الذين يفكروا فى كيفية القضاء على العنف الخارجى و العيش فى سلام آمن ؟
و ليس هناك أمن و لا امان و لا هذا السلام فى مصر من الاساس.
نعم لا يوجد و هناك دلائل ليست بالعدد القليل .
و اعتقد انه واضح جدا من الاحداث الماضية و التى كانت شاهد على رخص المصرى
و قمع الحريات
اليس كذلك؟
هناك ايضا كلمه قلتها فى نفس المنتدى و كانت دليلا قاطع على التناقض الذى اتكلم عنه
قلت: اننا بحاجة الى الاستماع دائما لهؤلاء الشباب و تشجيعهم على بث رسائلهم المهمه
فان كانوا لا يملكون قرار الحرب فانه ينبغى ان يكون ندائهم من اجل السلام من اقوى الاصوات..
صدقت يا سيدتى
لقد صدقتى فى كل كلمه و لكن هل هذا يحدث حقيقة فى مصر ؟ هل هذا يحدث ؟
هل انتم تستمعوا للشباب بحق؟ هل تقوموا بتشجيع الشباب لقول كلمه الحق؟
هل انتم تفعلون ذلك؟
انا لا اعتقد و الدليل و لن اتحدث عن رؤساء التحرير و لكنى سوف اتحدث
عن الشباب الذى يحاول ان يقول كلمته و يعذب و يهان و تهدركرامته .
اليس كذلك؟
و اخيرا سيدتى انا مواطنة مصرية اريد ابسط حقوقى فى هذة البلد و هى
ان اتكلم بحرية و ان اعبر عن رايى بحرية و انتم تستمعون لى و لباقى المصريين
كما قلت فى خطابك و اريد هذا ان يكون حقيقة واقعة فى مصرنا الحبيبة
و ليست مجرد ادعاء بالحرية و السلام
فانا اريد سلاما داخليا و لست اتكلم عن نفسى و لكنى اتكلم عن لسان كل مصرى
يحب وطنه و يتمنى ان يكون وطنا صالحا
اريدعندما نتكلم و نعقد مؤتمرات و نتحدث عن السلام و الحرية والشباب ان نكون فعلا كذلك
و لا يكون مثل هذا التناقض
اريد ان يوجد سلام داخل مصر
و سوف تشاهدى شبابا مثل هذا مئات المرات
سوف تشاهدى ضعف العدد الذى تشكرينه الان فى هذة الكلمه و تشهدى بانهم شباب المستقبل
اوعدك بان تشاهدى اضعاف مضاعفة من هؤلاء ابناء مصر و لكن
ارينا السلام الداخلى عن حق
ارينا الحرية الحقيقة
ارينا العدل الداخلى
ارينا حقوق المراه الحقيقة
و ايضا حقوق المصرى المهدورة كرامته و بغير سبب
حاولى ان تسدى الفجوة العميقة بين الطبقات
حاولى سيدتى
و لسوف نقف وقفة واحدة من اجل السلام الخارجى الذيى تشجعينه
و سوف نقف معك وقفة ايضا مصرى واحد لوقف العنف الخارجى الذى تستائين منه الان
ما انه كان من زمن بعيد و لم نفعل شىء كما اذكر
و الان ارينا مصر كما كانت بلد امن و امان
كانت مصر العروبة سيدتى
و شكرا


Sunday, September 30, 2007

ابناء مصر

بجد ابناء مصر
انهاردة كنت فى افطار جماعى لابناء مصر فى الحسـين
و بجد مش عارفة اعبر عن سعادتى بوجودى فى وسط ناس
اقل ما يقال عليهم انهم بجد رائعين بكل معانى الكلمه
ناس فعلا بتحب مصر بجد
شوفت مجموعة من البناويت السكر بجد
و مجموعة من الشباب الواعد بردة بجد
اولا مها
صاحبه مدونه سكوت هنصوت
انسانه جميله و رقيقة و بجد رااااائعة سكر سكر يعنى
مريم صاحبه مدونه تخاريف فى المعادى سابقااا
اصلها قفلت مدونتها مش عارفة ليه
و شيماء مهدى انسانه مهذبة و هادية بحس جنبها انى نار انى دينمو.
:))
و بنوته تانية بردة اسمها كريمة بنوته ظريفة
اما بقى شمس صاحبة مدونه ربه السيف و القلم فجد بجد بجد انسانه فوق الرائعة
بنوته بس جدعة بجد
صاحبة مبدأ بجد
مصرية قوى قوى و بجد
و بردة فى شباب محترم جداااااا منذر صاحب مدونه حين البأس
و ابن ناصر شاب مخة بجد ملوش حل مصرى بحق
و الجيزاوى و يسارى و تامر هنتكلم
بجد انا مبسوطة انى عضوة فى ابناء مصر و يا رب نعمل حاجة
اةةةةةةةةةةة
نسيت
اكيد ليا تعليقى على مقابله انهاردة
انا لسه مقلتوش لمها
بس هقوله هناااااااااا
جميل قوى يا جماعة اننا نشترك فى حاجة واحدة
بس الاجمل اننا ننظم نفسنا علشان نكبر الحاجة دى
احنا كلنا مشتركين فى حب مصر
اما الى ناقصناااااااااااااااااا
هو النظام
ننظم افكارنا و نعرف احنا عايزين نعمل اييييييييييه؟
بس
و لو عملنا كدة هنعمل حاجات كتير قوى قوى لمصر
تحياتى لكم يا ابناء مصر

Saturday, September 29, 2007

المعادله

لقد انتصرت ارادة عمال المحله
واجبروا القيادات على تلبيه مطاليهم
اصروا على الرفض و الاحتجاج
وصمدوا فى وجه الظلم
و نجحوا و انتصروا
فهل هذة هى المعادله؟
اعتقد انها هى
اذا ما صمدنا و حاربنا للحصول على الحرية
سوف ننالها؟
الحرية الحقيقة و ليست المزعومة؟
اعتقد انه نعـــم
سوف ننالهااااااااا

Wednesday, September 26, 2007

فانى اتسأل

فانى اتسأل
ما هذا الذى يحدث على الساحة الان؟
اليس من الغريب و المريب هذه الاحدااث المتواليه التى تحدث فى مصرالان؟
اليست كلها تفضح النظام الحاكم و تؤيد نظرية المؤامرة على الشعب
و حريته و حقوقة الانسانية ؟؟؟؟؟؟
فما يحدث هذة الايام انما يثبت و يؤكد ان هناك خلل كبير فى هذا النظام
كيف يحدث هذا؟
مؤامرات كثيرة على الشعب تحدث فى هذة الفترة
مؤامرات على حرية الرأى و التى كان ينادى بها الرئيس
و يقول ان حرية الرأى مكفوله
فاين هذة الحرية؟
و قد تم احاله هذا العدد الكبير من رؤساء التحرير و الصحفيين الى السجون ؟
لقولهم كلمه حق
كيف ؟
هل هذة هى حرية الراى ؟
ام هى حرية التسلط فقط؟
ما يحدث للمصريين الان من تعسف و قهر و ظلم امر خطير لا يمكن السكوت عنه
ان ما فعله عمال غزل المحله خطوة فى طريق الحرية الحقيقة
وانا حقيقة احيى شجاعتهم ووقوفهم فى وجه الظلم ؟ و لكن ماذا سيحدث فى النهاية؟
هل سوف يحققوا مرادهم من الحرية و عدم التعسف ؟
هل سوف يحققون املهم ؟
و ماذا عن المصريين المعذبين فى الارض
نعم ,اعتقد انه سوف يقوم المؤلفون بتأليف كتاب
مسماه المصريون المعذبون فى الارض
ما هذا؟؟
قتيل هنا و هناك
شباب صغير
يقتل و تنهك كرامته لماذا يحدث هذاااااااااا؟
ماذا حدث لكى يا مصر؟
يا ام العروبة
ماذا حدث لك و لشعبك
اهذة هى النهاية؟؟؟؟؟
ام الله عز و جل كتب لك نهاية اخرى ؟؟؟؟؟
سنرى ماذا سيحدث
غدا يوم حافل بالاحداث
سوف يذهب مصريون لقول لا صريحة تشجب و تستنكر الاحداث و الاوضاع الراهنه
مظاهرات تندد بالتعذيب ضد المصريين على ايدى الشرطة الغادرة
مظاهرات من اجل حرية الصحافة
و حرية الراى
و التى لم يبق منها الا كلام معسول يقال فى المؤتمرات و اللقائات التليفزيونية
اما الحقيقة الواقعة فهى ليست حرية راى
انما عار وتعسف و تسلط و احتكار
اتسال ماذا سيحدث غدا ايضاا؟
هل سوف يحدث تعديل فى النظام المتبع؟
والتى تعتمد سياستة على التنكيل بكل ما هو حقيقى و جيد و حر و وطنى؟
وينجح هؤلاء المواطنين فى الحصول على حق بسيط من حقوقهم الا و هى الحرية؟
ام سوف يزداد القهروالظلم ؟
فحقيقة لا اعلم
و لذلك فانى اتسأل

Wednesday, September 19, 2007

فكرت فيها

انهاردة كان عندى امتحان ترجمة
روحته و انا بصراحة مليش نفس و لا حتى مزاج انى اترجم
و التكييف هنجنى, اصلى بتعب منه
المهم الامتحان كان طبعا شامل سياسة و اقتصاد و ترفيه و رياضة و الذى منه
بصراحة الامتحان دة كان عايزله كوبايه نسكافية جامدة
المهم
دة مش الموضوع الى عايزة اتكلم عليه
المهم فى الوقت الى كنت مهنجة فيه
و انا بترجم و عايزة اخلص, بقى دة غير
انى بقيت عايزة اضرب نفسى شوز و لا مؤاخذة انى روحته انهاردة
لقيت الترجمة السياسية
مقال للاستاذ بصراحة مش فاكرة اسمه تقريبا رفعت رشاد
المهم
كان المقال عنوانه رآى
رايه هو عن ثقافة الانتخابات فى الحزب الوطنى
و لقيت يا اخونا عنيا فتحت و مركزة مع المقال كلمه كلمه
بصراحة كلامه فكرت فيه و يعنى حسيت انه فى شىء من الصح
مش كله طبعا
المقال بيتكلم على ان الحزب الوطنى هو الحزب الوحيد الى بيعمل انتخابات
بينادى بالديمقراطية و بيعمل الانتخابات
بعيد بقى عن ان الانتخابات مزورة او حتى معروف نتيجتها مسبقا
الراجل اتكلم على ان الاحزاب التانية او المعارضة
الى ديما بتنادى بالديمقراطية
كلهم ناس قاعدين و متثبتين فى كراسيهم محدش عايز يسيب كرسيه لاحد القيادات الشابه
الى ممكن فعلا تدخل نظام و ثقافة جديدة للاحزاب
كل واحد عايز نفسة و بس
و بيكمل الاخ فى المقال ان الحزب الوطنى هو الحزب الوحيد الى دلوقت بينادى بثقافة الانتخابات
و بيضيف ان ممكن تبقى دى خطوة على طريق الديمقراطية الحقيقة
على طول يا اخونا جه فى دماغى الى حصل من فترة فى الحزب الناصرى
من خناقات و تزوير و اختفاء لكشوفات
فاكرين؟؟؟؟؟؟؟؟؟؟؟؟؟
فى مرة اتكلمت مع صديق من الحزب الناصرى محامى هو
قلتله انت فى حزبك بتنادى بايه؟
قالى بصى يا رون
احنا لو مسكنا البلد هنخليها زى ايام عبد الناصر هندى لكل واحد حقة
و هتعم الديمقراطية و الكلام الحلو الى كلنا عارفينه
رديت عليه على طول و قلتله
امال ايه بيحصل عندكوا دة فى الحزب؟
انا طبعا مش ضد الحزب
بس الى حصل و اختفاء كشوفات و خناقات مرشحين مع مرشحين
ضايقنى قوى
قلته يا متر انتوا لسه ممسكتوش الحكم و بتعملوا كدة فى بعض اومال اما تبسكوة هتعملوا ايييييييييه؟
دة كله بصراحة جه فى دماغى فى الامتحان
بتاع انهاردة
قلت احتمال فكرة او ثقافة الانتخاب دى فعلا فى المستقبل تعمل حاجة
تخلى الكل عندة استعداد للتطور و للديمقراطية الحقيقة
الى هى مش كلمه و بس
كل واحد بينادى بالديمقراطية يا ريت يراجع نفسة الاول طبعا بتكلم على الكل
هل هو ديمقراطى فعلا هل هو عندة استعداد انه فعلا يطور نفسة من اجل وطنه بجد؟
المهم
طبعا الوقت عدى و لا خلصت الامتحان و لا بتاع
و كل عام و انت بخير
:((

Friday, September 14, 2007

حديــث قدسى

سأل موسى ربه فقال
كيف تعامل من عصاك
فقال يا موسى من عصانى امهلته
فان فعل ذنبا ستـرته
فأن رجع الى قبـلته
فأن عاد الى ذنب انتظرته فأن تاب غفرت له
و احببته و لا خذلته
و الى نفســه وكلــته
حتى لا يكون بعبـــدى حــجة
و ما انا بظـــلام للعـــبيد

Sunday, September 9, 2007

الحاجة الساقعة بيبس

ايوة البيبسى
ايوة السفن اب
و بعدين فى موضوع ارتفاع الاسعار يا اخونااااااااااااا
انا زهقت
و بعدين يرفعوا الاسعار فى كل حاجة
انما ييجوا عند الحاجة الساقعة و يوقفوا بقى
بلاش دى كمان
اروح علشان اجيب كانز يقولى كل حاجة غليت
مش ممكن
و بعدين بقى ؟؟؟؟؟؟؟؟؟
روحت امبارح علشان اشترى حاجة ساقعة اصلى بحبها قوى
بموت فيها مش بعرف اعدى ساعتين من غير ما اشرب و
....................
بعدين هبقى احكيلكوا حكيتى
:))
المهم
يقولى البياع كل حاجة غليت و من اسبوع تقريبا
المهم
بدا الموضوع
اما فعلا الحاجة الساقعة غليت و بعدين ناس قالوا انها نزلت تانى
قلت لالالا طبعا
دى اكيد اشاعة اسعار ايه الى فى مصر بتطلع و تنزل تانى
اكيد طبعا مش ممكن
المهم
الراجل امبارح
فضل يحكيلى و يقولى
ان مصر الوحيدة الى عمرها ما بتنزل اسعار لو حاجة طلعت عمرها ما بتنزل
و قالى ان فى ديما ضريبة مبيعات ببتتاخد على كل حاجة
يعنى الحكومة الموقرة بتدى مرتبات الناس و تاخدها منهم من ناحية تانية
قالى علبه السجاير الى اى كلام
ب 2جنيه و نص
والحكومة بتاخد منها 1 و ربع
يعنى فعلا بتاخد مرتب الناس بس بمزاجهم مش لوى دراع يعنى
هو طبعا قلبلى دماغى بكلامة دة
و فضلت واقفة و متحمله و متغاظة و عايزة اقوله بس بقى وجعت بطنى
خلاص عرفه ان مصر فيها شوية حرامية
و تقريبا بردة هو قفل منى لانى قلبت عليه المواجع و افتكر الى بيحصل
هييييييييييييييه دنياااااااااااااااا
بس الى مضايقنى و تعبلى نفسيتى
غلو الحاجة الساقعة
بلاش دى
:(((

Monday, September 3, 2007

خلاص كدة؟

هو خلاص؟
خلاص كدة؟
الى بيحب مصر دلوقت لازم و لا بد يروح فى داهية
دلوقت بقى حب الوطن و الاحترام تهمة و نتعاقب عليها
ابراهيم عيسى
مش متفقة معاه فى حاجات
بس بصراحة و الحق يقال
انه راجل محترم
راجل محترم و بيحب مصر
و كفايه ان الجريدة بتعته من الجرايد المحترمة
فيها كلام صدق و حقيقة وواقـــع
مش رياء و نفاق زى ما بقية الجرايد الرسمية ما بتقول و لا بتعمل
ايه المشكله اما يلاحظ حاجة و يحاول ان يتكلم و يقول عنها ؟
انا مش صحفية.
بس الى اعرفه عن المهنه دى انها بترصد كل حاجة فى البلد
ان كانت سايسة او اقتصادية او حتى فنيــــــــة
ناس همهم البلد
عايزنها تكون فى احسن حال
بيكتبوا و يتكلموا و لو ربنا اراد كمان بيجيبوا حل
اشاعة موت الرئيس دى و الله اعلم ان كانت اشاعة او حتى حقيقة
لسه منعرفش
بس فعلا منتشرة و الناس كلها بتتكلم
و الى يقولك دة اصلا عندة المرض الوحش و التانى يقولك دة مات اكلينكيا
من فترة و مكتمين
و.... و..... و..... و..... و
يعنى اشاعة و منتشرة
الراجل كتب عنها و ناقشها و طلب ايضاح
ايه المشكله
بيتلككوا ليه؟
يا ما كان فى اشاعات
و الصحافة و الاعلام رصدوها و اتكلموا عنها ووضحوا
انها اشاعات و لا حقائق واقعة
و بالدلائل
حابين ياخدوا اى حد يقول كلمه حق ليه؟
معقوله الراجل دة كماااااااان
هيتسجن بتهمة زى دى؟
معقوله الدستور هيتقفل
معقوله
و تفضى الساحة للكلام الزيف و الرياء ؟؟؟؟؟؟؟؟
خلاص كدة؟

Monday, August 27, 2007

منير تانى مرة


انا اسعدنى الحظ

انى اشوف تعليقات من اتنين حضروا حفله منير
بجد شرفتنونى
بس انا قايله فى البوست بتاعى انى مش ضد منير اصلا
وعلى فكرة انا بحب اغانية و بحب اسمعه بجد لانه مختلف عن الموجود
يعنى معتقدش انى اختلفت مع حد فى النقطة دى
اما بقى الاختلاف
انى شايفة ان الموضوع مش مستاهل
انا بحب منير و اسمع اغانية انما العدد دة كله يروح و يوقف المرور ؟؟؟؟
اممممممممممممم
وجهة نظرى الخاصة جدااااااااااا
بتقول ان الموضوع ميستهلش
و فى حاجات اولى يبقى عليها الزحمة و العدد دة يروح
تبرع بالدم مثلا دة
انا مفيش مرة شفت عربية اسعاف واقفة الا و لقيت الدكتور و الممرضين
بيتحايلوااا على الناس علشان تتبرع بدمهم
و اهو فيها ثواب
و بردة ملقتش جمعية خيرية عليها الاقبال دة كله
هقول للمرة ال14انا مش ضد منير
بس ضد الى حصل
الزحمة و الاقبال المتزاااايد دة
و على ايه ؟
على حفله
خلاص اهم حاجة مش انتوا انبسطتوا؟
يبقى خلاص
تحياتى
و زى ما قلتوا كل واحد له وجهة نظر
انا عارفة ان الشباب مضغوط و عايز يخلص من ضغوطة
انما تفتكروا دة حل ؟
مششششششش عارفة

Tuesday, July 24, 2007

Frank Sinatra
the best foreign singer i've ever heard, really he was amazing
i like his masterpiece ( strangers in the night )
and also his piece of work (i did it my way)
and other beautiful songs

enjoy it

i did it my way
http://www.youtube.com/watch?v=sEbgB6X6S5c
strangers in the night
special thanks to abdel rahman ayyash
he gave me these 2 beautiful songs

Monday, July 23, 2007

فى حاجة غلط؟



محمد منير مطرب فعلا جامد
وصوته مليان مشاعر و احساس
و منكرش ان له اغانى بجد بحبها جدااااااااااا
بس يعنى اما اسمع ان شارع الاوبرا مليان لعينه ناس والناس مش عارفة تمشى هناك
و ان فى تقريبا حوالى 22 الف مواطن ريحين حفلته
مش دى بردة حاجة تغيظ؟؟؟؟؟؟؟؟؟
من فترة لقيت فى التليفزيون
بيحكوا و بيتحاكوا على حفله محمد منير
و ان فى 22 الف شاب راحوا الحفله
و ايه تشوفهم فى التليفزيون فى لقائات
الى يقولك اةةةةةةة محمد منير الملك
و الى يقولك مفيش حفله بفوتها لمحمد منير
ومفيش زيه و هو و هو و هو و هو
هو ايه يا خويا دة؟
انا مش بتكلم على منير كمطرب بس بتكلم على
يعنى اما 22الف شاب يروحوا الحفله
دة انا لو قلت يا ناس فى بكرة ندوة ثقافية عمر ما العدد دة هيجى
و لا قلت فى حمله تبرع و لا بتاع
دة حتى مشفناش العدد دة فى اى مظاهرة ليه؟
الا هو الموضوع عادى وانا الى عامله من الحبة قبه؟؟؟؟؟
و لا فعلا فى حاجة غلط؟؟؟؟؟؟؟؟؟

Thursday, July 12, 2007

حد عايز حاجة؟

جيااااااااااالك يا بحــــر

حد عايز حاجة يا جماعة ؟
انا هرحل لمدة يومين كدة ولا تلاته للاستجمام
حد عايز حاجة ؟
اى حاجة؟
قولوا بس خير ربنا كتير و الحمدلله
اى نوع من الفسفوريات؟ قولوا بس؟
جمبرى - كابوريا - استاكوزا - سمك مشوى - ام الخلول؟
طب بسبوسة - مشبك؟
انتوا احرار بقى
انا عزمت و عملت الى عليا
و خلصت ضميرى
اشوف وشكوا بخير
تحيـــاتى

Sunday, July 8, 2007

الناس حصلها ايه؟

الناس حصلها ايه؟
بجد الايام دى ملحظة ان الناس غريبة
الناس لاسعت يا اخوانااا
7/7/2007
يوم مميز ناس كتير مستناياه علشان يكون يوم مميز و الكلام دة سمعناه قبل كدة زى 9/9/1999
و يوم 6/6/2006
انما يا اخواناااا يوصل بالناس انها تقول و تطلع اشاعة انه يوم القيامة بقى يوم 7 /7
اة و الله
اول امبارح كنت فى مشوار و راكبه ميكروباص و لقيت الناس بتتكلم و بتقول
شوفت الناس بتقول ايه الناس بتقول ان بكرة يوم القيامة الى هو يوم السبت يعنى
المهم
تابعت الموضوع و انتظرت الرد الى يرضينى على السخف الى بيتقال دة
المهم الرد كان
انه بيقوله لا يا عم الرسول قال انه هيكون يوم جمعة
فقاله صحيح عندك حق
انا طبعا سمعت و بضحك و بحاول ادارى
المهم
قاله خلاص يبقى ممكن الجمعة الجاية
انا بصيت على الراجل علشان اشوف اى رد فعل للهزار او للتريقة
انما كانوا بيتكلموا بجد
الناس لاسعت
******************************************************
حسنى عبد ربه
و بعدين فى الراجل دة
انا مش من عشاق الكورة بس من كتر اسمه ما اتعاد قدامى و انا متبعاه
الناس ايه الى حصلها بيعيطوا و بيزعقوا و محاصرين بيته ليه
شوفت برنامج
لقيت واحد بيصرخ و بيقول الاهلى عايز منا ايه؟
مش كفاية عليه الدورى و الكاس و و و و
يسبونا فى حالنا بقى
و بيعيييييط
هى الناس فضيت قوى كدة ؟ معتش فى حاجة تانية يعنى يفكروا فيها ؟ خلاص معتش فى مشاكل ؟
هو ايه يا خويا دة؟
بقى حديث المدينه عن حسنى و عن الاسماعيلى و عن الاهلى
الناس لاسعت
*********************************************************************
عجايب الدنيا السبعة و انت التامن عليهم
:))
طبعا دى اغنية لوحدة مش فاكرها
الا قولولى صحيح
انا امبارح متبعة النتيجة بس ملقتش اسم مصر و لا اسم الاهرامات
و لا اى سيرة لحضارة ال 7 الاف سنه
هو صحيح مصر طلعت من الموضوع يا اخونا
خلاص يعنى
معتش فى فرصة
يعنى مصر غاوية تتعب نفسها و خلاص
اما يجى واحد
و يحب يطلع مصر بصورة حلوة و يعمل حفله و هما يرفضوا
ليه كدة؟؟؟
ولو كانوا عملوا حفله للناس المتمنكنة التانية شخدلى بالك انت؟؟؟
اعتقد انهم كانوا وافقوا طبعاااا
امممممممممممممم
مش بقول الناس لاسعت
لا حول و لا قوة الا بالله
و شاااااااااااااايفك و الله شايفك
:))

Sunday, July 1, 2007

الكرة المفرط

لقد بعثت زميله اليوم على مجموعة الفاجومى
مقاله لابراهيم عيسى بعنوان الكره المفرط
و لقد كانت المقاله تشرح كره النظام لايمن نور و بقائة كل هذة الفترة فى السجن
و فشل الادارة الامريكية الى الان فى فك سجنه
و كان تعليق الزميله اننا سوف نندم بعد ان يصيب ايمن نور مكروة
هل تعقتدوا ذلك؟
و لكنى بعد تفكير عميق لهذا الموضوع وجدت اننا لن نفيق و لن نشعر بالندم ايضاااا
بالعكس
,,,عندما يحدث اى مكروة لايمن نور
سوف تتأصل السلبية و الشعور بالقهر فى انفسناااو ووقتها لن نفعل اى شىء يذكر
انا لست اعمم
و لكنى اشعر ان هذا الرجل كان االامل بالنسبة لاغلبية ليست بالعدد القليل
وقد قال ابراهيم عيسى ان نور هل فعلا يمثل تهديدا للحكم بانه اذا ما ظهر فى اى حديث او ندوة ؟
و بالتاكيد انا اوافقه نعم انه يمثل تهديداااااا
فانه يمثل خطرا على مبارك وعائلته
لانه ببساطة من الممكن ان يرشح نفسة فى الانتخابات القادمة امام الوريث
و من الطبيعى ان الشعب يرشح و ينتخب نور لان الشعب سئم الذل و القهر و الفقر
و لذلك فانه من وجهة نظر الحكم لابد له من البقاء فى السجن الى الابد
فاذا حدث له مكروة
فسوف تشعر الاغلبية الشعبية انه لا مفر من حكم مبارك و عائلته لمصر
حكما ابديااااااا
و ان مصير اى رجل يقف امام الحكم و مبارك فان مصيرة سوف يصبح مثل نور
و مثل اناس كثيرون فى السجن بجوار نور
فلابد ان نفعل شىء
و لكن السؤال الان هو ماااااذ ا نفعل ؟؟؟؟؟؟؟؟؟
دعونا نفكر فى اجابه هذا السؤال اولا
؟
الموضوع ليس موضوع نور
انه موضوع ناس اخرون و ناس ايضا قادمون من المحتمل ان يحدث لهم مثل ما حدث لنور
لانه فقط قال لا و قال ان مصر تستحق مستقبل افضل
ليس الموضوع ان نور يفيق و يخرج من سجنه و لكن المشكله
فى اناس اذا فكروا ان يقوموا بفعل فعله نور
فانهم سوف يلاقوا نفس المصيررررررر