Thursday, May 15, 2008

انها مزهله

عجبتنى جمله فى فيلم عربى هايف
واحد بيقول انها مهزله التانى
رد عليه قاله بظرف ايوة بجد مزهله
بصراحة الكلمه دى لقتها متظبطة علينا
وعلى كل البلاد اللى جبينا
لقيت كل بلد فيها مهزله
لو اتكلمنا على لبنان و الامريكان و الفتنه الى فيها
وكل واحد ثاير و فاضى يقول دى بلدى و مش هطاطى
و ناس تموت ومنهم بتتبهدل
بردة مهزله
لو قلنا على دارفور و الناس الى بقت فيها بتفور
مش عارفين يبقوا مع الحكومة و لا مع الثوار المنبوذه
بردة مهزله
و لو اتكلمنا على حاكمنا و الى راح بمنتهى الحكمة
يبارك لناس يهودية عفنه يقولهم مبروك على عيد ميلاد بلد منكوب
بقى دول عاملين حداد
و دول فرحنين و عاملين حفله
ماهو محدش بقى عنده دم و لا فطنه
بردة مهزله
اما نروح بمنتهى الخفة ندفع فلوس
علشان نقابل بوش بوحشه
و نقوله سلامات يا راجل وحشنا
تبقى مهزله
اما الامريكان يبوظوا لبنان و يقضوا على العراق و كل الاوطان
و يروحوا يقولوا بمنتهى الامان
احنا مع اسرائيل و بكل الوجدان
و اللى هيعكر صفوها و يحاول يلعب بامنها هيبقى من الاعداء
و من قسوتنا مش هيبان و من جبروتنا مش هينام
و حماس و حزب الله فى يوم هما كمان
هيروحوا فى خبر كان
دى بردة مش تبقى مهزله
اما نزيد شوية فلوس و يفضل فينا بردة المتعوس متعوس
ماهم تانى خدوا الفلوس
بس بخفه ما ههم فعلا شوية سوس
بقى عندهم مزاج يضعفوا النفوس
دى بقى مهزله
و لسه مصممين مش مكسوفين بنحارب نفسنا
بدل ما نتجمع و نقوم نحارب و نثور و نكافح
لسه قاعدين
يعدى الزمن و هنفضل قاعدين
نتبهدل و نهبل
و لسه قاعدين
بذمتكوا انتوا دى مش مهزله
بجد بجد مزهله

30 comments:

اجندا حمرا said...

فعلا ياسكره مهزله مزهله
الواحد مش عارف يعمل ايه
الأخبار كلها في البلاد اللي حوالينا تسد النفس
قتل و مجاعات و اعاصير و ماخفي كان أعظم
ياتري ايه السبب في كل ده و ياتري فيه نهايه او حل للي بيحصل ده كلو؟
ناس بتموت من الجوع و ناس بتموت من الزلازل و ناس بتموت من التخمه
:(

Abo 7anf said...

مش مهزله بقت
بقت سلطه
كلوا بيضرب علشان مصلحته
الناس المفروض انها بتحب بلدها
مع اول دقه خطر تلقيها نسيت
الهى أصلامش فكراه
حماس وفتح
حزب الله و بقيت حركات لبنات
دارفور
خلاص الدم بقى مباح

funckydoctor said...

لأ مش مهزلة
ده خنوووووووووع

سنووايت said...

الموضوع عدا مرحلة المهزلة بكتيييييير
تقدري تقولي كارثة , مصيبة سودا
كلنا بندور علي الحل لكن مستنيين ييجي من عند ربنا

Desert cat said...

طول ما احنا سامحين لنفسنا بالذل والهوان
وحكامنا لازقين فى الكرسى وبيفعلوا بنا الافاعيل واحنا ساكتين
طول ما احنا عايشين مطاطيين وساكتين
هتستمر المهزلة
تحياتى يارانيا لعرضك الواقعى

A.SAMIR said...

وهانفضل عايشين في المزهلة دي كتير؟
انا شخصيا شايف ان قدامنا قرنين من الزمان
تحياتي

Ammar Jarrar said...

بصراحة
انتي لخصتي وجع القلب العربي كله
وياما لسه هنشوف !!

الفارس الملثم said...

احنا بالفعل يا رانيا في مسرح من العبث بتقدم عليه كم كبير من المهازل..

مثلا زي حكاية تهنئة اسرائيل بذكري تاسيسها ,وكأنك بتبارك للص سرق شقه في عمارتك علي نجاحه الباهر ..او الاقلام اللي بقت تهاجم حزب الله اكتر من مهاجتها اسرائيل ونسيوا انه كابوس مازل يؤرق مضاجع اسرائيل ..

انقول ايه فعلا غير انها سلسله من المهازل..

تحياتي
محمد

صوت من مصر said...

انها حقا مهذله كبرى
ربنا يباركله شعبولا

الربان said...

تحياتي

و ما أكثر المهازل المذهلة في حياتنا...
خايف اقول ان حياتنا كلها بقت مهزلة
لكن احتفظ ببريق من الامل بأن الله لن يتخلي عنا.

تحياتي و تقديري

احساس لسه حى said...

عزيزتى

المزاهل دى من زمان قوى

بس كانت مستخبية مكنش فيه فضائيات ونت وفضايح بالقمر الصناعى

دلوقتى بقه المزاهل بقيت بجحة

وعينى عينك

وبقوا بجحين قوى

وفيين اغنية العنب

تحياتى

سلام

monaliza said...

عندك حق فعلا والله مهزلة

يا مراكبي said...

إيه اللي بتقوليه ده كله؟ جيبتي الكلام ده كله منين؟ المزهلة دي بيحسها المتشائمين زيك كده بس .. خليكي متفائلة كده .. إحنا بنستدرج الأمريكان واليهود شوية شوية وهنديهم على دماغهم بعد كده .. إنتي بس اللي مش فاهمة التكتيكات بتاعتنا طويلة المدى

يديني ويديكي طولة العمر

يا مراكبي said...

إيه اللي بتقوليه ده كله؟ جيبتي الكلام ده كله منين؟ المزهلة دي بيحسها المتشائمين زيك كده بس .. خليكي متفائلة كده .. إحنا بنستدرج الأمريكان واليهود شوية شوية وهنديهم على دماغهم بعد كده .. إنتي بس اللي مش فاهمة التكتيكات بتاعتنا طويلة المدى

يديني ويديكي طولة العمر

Rania said...

اجندا حمرا
و اله ساعات بحس اننا نستاهل دة كله
احنا اصلا بقينا وحشين مع نفسنا و مع بعضنا قوى يا اجندا

تحياتى

************
abo7naf
احداث غريبة و بتحصل بطريقة عجيبة
ربنا معاهم و معانا
مودتى

Rania said...

funkydoctor
اشكرك على زيارتك الاولى
و اتمنى ان لا تكون الاخيرة

تحياتى
***************
سنووايت
و نعمه بالله
بس ماهو اكيد فى حل
بس هو ايه محدش عارف
بس اكيد فى

تحياتى

Rania said...

a.samir
قرنين من الزمان ؟
مش كتير قوى كدة
احنا كدة و لا هنلحق نعيش فى امن و لا كمان الكام جيل الجايين

ربنا يرحمنا

تحياتى
*************
ammar jarrar
مش صراحة كفايه لحد كدة مش عايزين نشوف تانى كل حاجاة حوالينا بقت توجع القلب

تحياتى

Rania said...

desert cat
اشكرك يا احلى قطة على كلماتك دى
بس هو الشعب ساكت قوى يعنى؟
انا معاكى انهم لازقين فى الكراسى
و علشان حال البلد يتصلح يبقى احنا نتغير و هما يقوموا من على الكراسى دى

تحياتى ليكى
*****************
الفارس الملثم
اهى دى اكتر حاجة وجعانى
اننا نباركلهم و اكننا بكدة فعلا بنتعرف بيهم بنقولهم برافو و فى نفس الوقت بنسعى لقيام دوله فلسطينيه و بنسعى لهدنه ايه التناقضات دى
ازى نبقى مؤمنين بقضيه بلد عربى محتل و نبارك للمحتلين على ذكرى عيد ميلاد الاحتلال
هو فى ايه؟؟؟؟؟؟

Rania said...

صوت من مصر
اشكرك على التعليق

تحياتى
************
الربان
و نعمه بالله بس زى ما قلت نغير من نفسنا و اكيد ربنا مش هيسبنا

مودتى

Rania said...

احساس لسه حى
فعلا عندك حق احتمال بتحصل من زمان بس مكنتش بالبشاعه دى او احتمال مكناش احنا حاسين بيها قوى كدة
ربنا معانا

تحياتى
*****************
monaliza
حقا مهزله
اشكرك عزيزتى و سانتظرك دومااااا

تحياتى

Rania said...

يا مراكبر
منورنى يا بشمهندس
ايوة يا فندم انا من اعداء النجاح
:)
و طبعا هنديهم على دماغهم بس كنت احب اعرف سنه كام يعنى

تحياتى

خبيب said...

لما مصر تتغلب من بتسوانيا في كرة القدم 2 صفر .. دي تبقى مهزلة !!

إنما اللي حضرتك ذكرتيه ..

فساد في الأرض
طغيان
ازدهار جنود الباطل
انحسار للمسلمين
انحطاط للمسلمين


أو بمعنى أصح

فضيحة كبرى لهم

و

مزهلة !!

A.SAMIR said...

رانيا
سيبك من المزهلة اللي انتي عاملاها دي وتعالي ع المدونة عندي بسرعة واستلمي التاج وجاوبيه
واي خدعة

HANY YASSIN said...

السلام عليكم
اؤيدك فى كل ما تقولين
نعيش فى عالم بلا منطق
الخطأ و البجاحة هى القاعدة وما عدا ذلك هو الاستثناء البسيط جداً
لنا الله
دمتم بكل ود
تحياتى واحترامى لك

هانى يس

جيفارا المصري said...

النهارده اول خبر حلو مش مهزله اقراه من مده
الفرقاء اللبنانيين توصلوا لحل لمشاكلهم
يارب يديم الاتفاق ما بينهم
بس المهزلة في الخبر ان مصر و السعودية سابوا الساحة لأقزام ودويلات الخليج عشان يحلوا المشاكل

ياللمهزلة الكبري
و الله يرحمك يا استاذ يوسف وهبي

أنا حر said...

وجودنا وسط هذه الاحداث دون ذنب لنا ايضا مهذلة
تحياتي

اجندا حمرا said...

صباح الفل رانيا

بقالك فتره مش بتكتبي
ارجو ان يكون المانع خير و ترجعلنا بالسلامه

تحياتي لكي عزيزتي

Rania said...

خبيب
صديقى العزيز
انها اصبحت كمأساه

تحياتى

***********
احمد مسير
استلمته و هجاوب عليها فى الحال ان شاء الله

مودتى

Rania said...

hany yassin
اسعدتنى زيارتك الاولى اخى و اشكرك على التعليق
و كما قلت نحن الان نعيش حياه بلا منطق

تحياتى و مودتى

**************
جيفارا المصرى
نعم عرفت الخبر و انا ايضا قد سعدت و لكن هل هذا الاتافق سيكون الى ابد الابدين
ام سنجد ما يشعلل الفتن مرة اخرى
لنا الله

تحياتى

Rania said...

انا حر
وجودنا نحن كيف اخى
فنحن اكثر بل يوجد بها مهزله
ما يحدث الان فى مصرنا اكبر مهزله
ووجود الشعب و الذنب الذى اقرتفه انه وافق و مازال مطىء راسه الى هذه المهزله

تحياتى
***************
اجندا حمرا
تسلميلى على سؤالك
و اكيد هكتب
مرسيى يا قمرايه