Wednesday, July 2, 2008

الحب الاعمى



اعجبتنى هذه السطور فقد جعلتنى اتسال
هل هناك حب اعمى و حب بصير
و ماذا لو كان الحب بصير ؟
و هل حقا الحب الاعمى يصاحبه.........؟؟؟؟؟
اردت مشاطرتكم هذه القصه الاكثر من رائعه
و بالطبع فهى منقوله و لكن لا ادرى من كتبها
و لكن فيها من الخيال و التشبيهات ما جعلها تعجبنى حق
ا

********************************
في قديم الزمان
حيث لم يكن على الأرض بشر بعد
كانت الفضائل والرذائل.. تطوف العالم معا
وتشعر بالملل الشديد
ذات يوم ... و حل لمشكلة الملل ..
اقترح الابداع لعبة .. وأسماها الإستغماية
أحب الجميع الفكرة
وصرخ الجنون : أريد أن أبدأ .. أريد أن أبدأ أنا من سيغمض عينيه .. و يبدأ العد
أنتم عليكم مباشرة الاختفاء ...و بدا
واحد ... اثنين ... ثلاثة ثم اتكأ بمرفقيه .. على شجرة ..
و بدأت الفضائل و الرذائل بالاختباء
وجدت الرقة مكانا لنفسها فوق القمر
و أخفت الخيانة نفسها في كومة قمامه
و ذهب الولع واختبأ .... بين الغيوم
و مضى الشوق الى باطن الأرض
قال الكذب بصوت عال سأخفي نفسي تحت الحجارة ... ثم توجه لقعر البحيرة
و استمر الجنون : تسعة و سبعون ... ثمانون ... واحد وثمانون
خلال ذلك أتمت كل الفضائل والرذائل تخفيها ...
ماعدا الحب !!كعادته ... لم يكن صاحب قرار ... و بالتالي لم يقرر أين يختفى
و هذا غير مفاجيء لأحد…. . و هذا .فنحن نعلم كم هو صعب اخفاء الحب
تابع الجنون : خمسه وتسعون....... ستة وتسعون
و عندما وصل الجنون في تعداده الى : المائة
قفزالحب وسط أجمة من الورد ... و اختفى بداخلها
فتح الجنون عينيه ... وبدأ البحث صائحا أنا آت اليكم ... أنا آت اليكم...
كان الكسل أول من اكشف لأنه لم يبذل أي جهد في إخفاء نفسه
ثم ظهرت الرقّة المختفية في القمر
و بعدها .. خرج الكذب من قاع البحيرة مقطوع النفس
و اشار على الشوق ان يرجع من باطن الأرض
وجدهم الجنون جميعا ... واحدا بعد الآخر ماعدا الحب
!!كاد يصاب بالأحباط واليأس ... في بحثه عن الحب
الى ان اقترب منه الحسد وهمس في أذنه ,,الحب مختفي في شجيرة الورد
التقط الجنون شوكة خشبية أشبه بالرمح
و بدأ في طعن شجيرة الورد بشكل طائش... ... ليخرج منها الحب
و لم يتوقف الا عندما سمع صوت بكاء يمزق القلوب
ظهرالحب ... و هو يحجب عينيه بيديه و الدم يقطر من بين أصابعه
صاح الجنون نادما : يا الهي ماذا فعلت !؟
ماذا أفعل كي أصلح غلطتي بعد أن أفقدتك البصر
اجابه الحب لن تستطيع إعادة النظر لي
لكن لازال هناك ما تستطيع فعله لأجلي ...... كن انت دليلي
ومنذ ذلك اليوم
اصبح
الحب الأعمى ... يصاحبه الجنون

28 comments:

سنووايت said...

جميلة القصة دي
فعلا الحب اعمي يقوده الجنون
وسيبقي
شكرا رانيا علي القصة

الفارس الملثم said...

علي فكره القصه دي قرتها زمان وعجبتني جدا وفيها معني اكثر من رائع

ايوه الحب اعمي يقوده الجنون

اينعم مفترض ان الحب يكون مبصر يحكمه العقل حتي لا يقود صاحبه الي الهاويه

لكن علي ارض الواقع بتختل هذه المعايير

تحياتي

Desert cat said...

سؤال جديد على مدونة برنماجنا الاذاعى
انت تسال والكمبيوتر يجيب
http://netradio.blogspot.com
والذى يذاع يوميا الساعه 9.10 صباحا ما عدا يوم الجمعة
السؤال هو

الأشاره حمراء
الأشاره خضراء صفراء لافرق فانت متاخر متاخر عن موعدك ....ايه كل العربيات دى؟المرور متوقف لا يتحرك وبعدين لو اقدر اطير!؟؟؟ وتفكر وتسرح ....ما هو السكه واقفه....تفتكر حيخترعوا سيارات تطير؟؟؟؟ ونحب نعرف منك بماذا اجبت .
تمنياتنا بدوام التواصل

Anonymous said...

غاليتى

هل شاهدت التقاء ارواح اكثر من هذا؟

هى ليست قصة
بل اسطورة اغريقية
عن مقولة ان الحب اعمى

تجدينها منشورة
فى مدونتى تحت اسم اعمى ومجنون

فى شهر يناير

الم اقل لك التقاء ارواح

حتى الاشياء التى تروقونا
واحدة

كل الحب

أنا حر said...

رائعة حقا تلك القصة
وجميلة تلك المعاني التي تحملها
تحيتي

Rania Lelah said...

سنووايت
اشاكر انتى على التعليق عزيزتى

تحياتى
***********
الفارس الملثم

كل شىء على ارض الواقع تختل معاييره و لكن اعتقد ان الحب الشىء الوحيد الصامد فى هذا الكون

تحياتى و مودتى

Rania Lelah said...

dserert cat
:)

**********
shreen
كم افتقدت كلماتك غاليتى
لم اكن اعرف انها اسطورة و لكنها حقا رائعه
كما قلت التقاء ارواح
فنفس الشىء يعجبنا فى نفس الوقت و ربما انا تاخرت قليلا
:)

كل الود و الحب

Rania Lelah said...

انا حر
نعم فهى تحمل الكثير من المعانى الرائعه
اشكرك

تحياتى
**********
egypt eyes
اشكرك :)

مودتى

الفارس الملثم said...

انا جاوبت علي التاج بتاعك يا رانيا , ايون اتاخرت اوي بس عليا المره دي

وليكي عندي تدبيسه قصدي تاج في نفس البوست في مدونتي التانيه ثرثره مع نفسي

http://mygrazydreams.blogspot.com/

HANY YASSIN said...

السلام عليكم
الحب اعمى وهذا جماله ورقته
واختلافه
نصك مختلف جدا بجد
تحياتى
هانى يس

Unknown said...

قصة مفيدة
انا تقريا قراتها قبل كده
هو من جهة الحب اعمى انا راى انه ستين اعمى فى بعض
:)

Wish I were a Butterfly ... said...

قرأت الاسطورة دي قبل كدة و حبيتها أوي أوي وقتها
اختيارك جميل أوي يا رانيا

الحب أعمى أيوة، ودايما الحب بيصاحبه الجنون فعلا :) .لسة من يومين كنت بكتب خاطرة عن إن الحب جنون:) بس مش نشرتها

وحشني البلوج بتاعك أوي

lonlysmily said...

انا فعلا قرتها بل كدا وعجبتنى اوى
بس بيتهيالى الحب الايام دى
وانتى اكيد عارفه ان فى حب بتاع الايام دى والحب بتاع الايام اللى فاتت
المهم
الحب بتاع دلوقتى مبقاش يسامح اوى ان حد ممكن يجرحه اوى كدا ويخليه كمان اعمى ويسامحه بالسهوله دى
معرفش ليه بس دا الواقع اللى احنا فيه
تحياتى ليكى وبعتذر لعدم المتابعه
:)

Anonymous said...

العزيزه رانيا

بعتذر عن انقطاعي عن الزياره و ده لظروف متعلقه بالنت عندي و مشاكله
بشكرك علي مشاركتك لينا بتلك القصه اللي بتحمل معني جواها

شوفي ياجميله الحب بيخاللي الانسان ساعات يتغاضي عن اخطاء كتيره لمجرد انه بيحب الشخص ده و متعلق بيه
ممكن الاخطاء دي تكون بسيطه و ممكن تكون كبيره و علي اد الحب بيكون الغفران لكن فيه نقطه ان لازم الطرف التاني يفهم انه غلط و يحاول مايكررش الغلطه تاني عشان مايكونش فيه استغلال للحب

مقوله ان الحب اعمي ممكن تكون صحيحه و ده لأن زي ماقلنا اللي بيحب شايف حبيبه دايما جميل و لطيف و مابيزعلش منه مهما عمل الا لو عمل حاجه فظيعه و ممكن برضه يسامحه عليها بس زي ماقلت لازم يكون فيه تقدير لده

تحياتي ليكي رانيا

يا مراكبي said...

:-D

الحب؟

أطرش وأحول وأبكم كمان

أحمد بكر said...

جامده مووووووووووووووووووت
بس الحب مش اعمى الحب بيشوف الى الناس كلها مش شايفاه و مدام الجنون الى بيحركه فمن جنونه مش بيشوف باقى الحجات

Dr. Eyad Harfoush said...

و أحلى ما في الحب جنونه و عماه، و لا يحسن الحب بغيرهما و لا يقبلان في غيره
تحياتي و تقديري

التائب said...

السلام عليكم ورحمه الله وبركاته
ماأجمل هذة القصه الاغريقيه
وانا معك الحب اعمى ويدل عليه الجنون
والله الموفق

التائب said...

السلام عليكم ورحمه الله وبركاته
صديقتى رانيا
ماأجمل كلماتك التى قراتها لكِ
ولكن هنا لحظه فراق
صديقتى دمتى بكل حب وخير
فالنفترق
صديقتى انتِ مش المقصوده بالكلمه دى
انما الكون باكمله
والله الموفق
تركت بوست اخير
اتمنى ان تذهبى لمدونتى وتقرائيه

Rania Lelah said...

الفارس الملثم
سينفذ ان شاء الله
و اشكرك على التاج

:)
تحياتى
**************
hany yassin
اشكرك صديقى
و هذه فقعلا الدال على رقته و جماله

دمت بكل خير

Rania Lelah said...

عاليا حليم

امممممم اعمى و مجنون
:)

تحياتى
*********
i wish i were butterfly

و انتى كمان وحشتينى قوى يا جميله و يا ريت تنشريها علشان نستنتع بروعه كلماتك

دمتى مبدعه

Rania Lelah said...

lonlysmily
بصى يا جميله
الحب الحقيقى و اللى بجد
مش بيتغير الى بيتغير البشر بس و نفوسهم
عموما هيفضل الحل واحد فى كل العصور رائع و رقيق و جميل
و بيعرف يسامح مهما حصل

تحياتى و مودتى
***********
اندا حمرا
كلامك اكيد صح
المفروض يكون فى عدل فى الحب
بس مش كل حاجة عايزنها بنلاقيها

تحياتى ليكى

Rania Lelah said...

يا مراكبى
شرفتنى يا بشمهندس احمد
و اشكرك على التعليق

تحياتى

*************
بيكر
بيشوف اللى الناس مش شيفاه و هو ده جنونه

مودتى

Rania Lelah said...

Dr. Eyad Harfoush
اسعدنى مرورك جدا يا دكتور
وكما قلت هذا هو سر جماله

تحياتى
**************
انا و الحب ننتظرك حبيبتى

لما صديقى تنوى الفراق و هل احدا يحب الم الفراق؟؟؟

لا تفعل

Rania Lelah said...

انا و الحب ننتظرك حبيبتى

اتمنى ان تقرا تعليقى هذا لاننى ذهبت الى مدونتك و يوجد مشكله فى كتابه التعليقات فلم اتمكن من الكتابه

عرفت سبب فراقك عزيزى
و لكن الم تستحق الحياه فرصه اخرى
هل ستهرب من نفسك و من عالمك هذا هكذا

ارجو الاتفعل و تعود ثانيا الى عالمك هذا الذى صنعته لنفسك و جعلنا نكتسب صديق مدون مثلك

دمت بكل خير

goodman said...

جميلة فعلا
دى اسطورة كيوبيد على مااتذكر
اليس كذلك؟
الحقيقة القصة شكلت فى خيالى تصور ما عن حياتك
هل هو صحيح؟
الى اللقاء

Rania Lelah said...

goodman
اصبت الحقيقه عزيزى

:)

تحياتى لك

Anonymous said...

طبعا الحب أعمي أكيد