Thursday, August 7, 2008

برده تاج


التاج ده وصلنى من الاخ العزيز الفارس الملثم

و بعتذر يا محمد عن التاخير
التاج دة لذيذ و عجبنى بجد
استعنا بالله
لو اعطيتك 3 وردات من هم ال3 اشخاص الي هتديهم الورده؟

مش هعرف اقول اسماء
بس وردة لصديقه وقفت معايا فى وقت الشده
و ورده لواحد يحبنى بجد و يكون حنين
و هدى وردة لبنوته جميله خلت حياتى اكيد احلى

لو اعطيتك ورقه فيها 3 سطور تكتب الي انت عايزه تكتب ايه؟

اكتب
ان دوام الحال من المحال .. و محدش بياخد كل الى هو عايزه من الدنيا
اكيد لازم حاجة تنقص لحكمه يعرفها ربنا بس
.... ممكن ده يوجعك بس متعرفش الخير فين
صعب انك تعامل كل واحد على قد معاملته
. امنت انى لازم اتعامل باللى يرضينى و يريحنى حتى لو فى ناس متستهلش
عمرك ما هتعرف تقسى على ناس حبيتهم بجد ....حتى لو حاولت


ماهو هدفك في الحياه؟
ابدا حياه جديده
ان شاء الله بكره هيكون احسن من النهارده؟هل تصدق هذه العباره؟

طبعاااااااا
على فكرة الجمله دى مصبرانى على كتير قوى
:)

اجمل مقوله سمعتها في حياتك ايه؟

عجبنى كتيييييييير قوى
بس اكتر مقوله عجبتنى الى قالها الفارس الملثم
لن تمتهن الا اذا تلهفت
لن تحتقر الا اذا توسلت
لن تموت الا اذا انبطحت ارضا وزحفت

من المغني الي بتحبه اوي واحلي اغنيه ليه ايه؟

مفيش حد معين
اى صوت يكون بجد حلو و كلمات جميله و لحن رائع

غزه تمثل ايه في حياتك؟

كابوس الامه العربيه
اللى بيحصل فيها هيفضل وصمه عار تلاحق العرب
و تفكرهم بضعفهم

اعطي لانتمائك لوطنك درجه بالمئه؟

ميه فى الميه
مصر عشقى الاول و الاخير

لو تزوجت وانجبت بنتين وولدين اسمهم هيكون ايه؟

ايه السؤال الغريب ده
مريم

عمرك غشيت في امتحان وانت صغير؟

ياااااه اهو السؤال ده اغرب من اللى فات
طبيعى جداا كنت بغش و كتير قوى
و سبحان الله كان لازم الى يغششنى هو الى يتكشف
و انا طبعا استندل ولا اكنى اعرف حاجة

قول 3 صفات ب3 كلمات اوصف بيهم شخصيتي؟
طيبه ....... رومانسيه قوى ..... طموحه الى حد الجنون

لو مرتبك كان كتير يكفي اجيب اغلي هديه اجيب لكل فرد في عيلتك ايه؟

لو ربنا ادانى و حد طلب حته من السما
من غير ما افكر اكيد هيحصل

برده بكلمه واحده ايه الصفه الي عاوزها في شريك حياتي؟

حنين قوى
ايه المجال الي غير دراستك وشايفه نفسي فيه اوي حتي لو كان الرسم علي الحيطه؟
دلوقت الصحافه
من سنتين كنت هقول غير كده

طب دلوقتي حالا ايه المكان الي نفسك تكون فيه ؟

عند البحر



*************************
مش هقول اسماء اهدى ليها التاج ده
انما اى حد يحب يجاوبه يجاوبه
الدعوة عامه

:)

4 comments:

الفارس الملثم said...

انا حجزت اهو اول تعليق احتياطيا

الفارس الملثم said...

. امنت انى لازم اتعامل باللى يرضينى و يريحنى حتى لو فى ناس متستهلش

عمرك ما هتعرف تقسى على ناس حبيتهم بجد ....حتى لو حاولت

احساس نبيل اوي يارانيا بس مش اي حد يمتلك القدره


طبيعى جداا كنت بغش و كتير قوى
و سبحان الله كان لازم الى يغششنى هو الى يتكشف
و انا طبعا استندل ولا اكنى اعرف حاجة

هههههههههههههههه يا سلام ,هما بقي اللي جابوه لنفسهم

اجاباتك جميله اوي وعرفتني جزء مهم من شخصيتك , بس انتي محتاجه تاج كمان نسرسب منك باقي اسرارك هههههههه

علي فكره انا حسيت انك شخصيه كتومه اوي ممممممممم

تحياتي دائما

Rania said...

كتومة قوى ؟؟؟؟؟؟؟؟؟
ازى بس يا محمد
دة انا تقريبا فاضحة نفسى
و كتاب مفتوح
للكل


مرسيى ليك على التعليق
نورتنى

صوت من مصر said...

رانيا
اولا متزعليش منى لانى مقصر لكن اخوكى وانتى عارفاه ندل كالعاده
لكن البوست فعلا جميل ويارب يحققلك كل الى بتتمنيه يا رب ؟