Saturday, October 11, 2008

واجبات مؤجله




عارفه انى اتاخرت اوى فى عمل واجبات تدوينيه عليا
جالى تاج وواجب تدوينى

من goodman
romantic
و متى اللقاء

هما الاتنين حلوين و عارفه ان تقريبا كل المدونين خلاص جاوبواعليهم

تقريبا ماعدا العبد لله
نبدا

بدأت تدون من امتي ؟ و دخلت العالم ده ازاي ؟
من سنه و نص تقريبا و اول من عرفنى موضوع المدونات مدون اسمه قاسم افندى

ايه كان انطباعك في البداية ؟
عجبتنى الفكرة اوى اوى و لقتنى بتشدلها و بطلع كتيييييير اوى من جوايا


مين اكتر واحد بتهتم بتعليقه علي بوستك الجديد ؟
كل الناس الى بيعلقوا عندى اكيد بهتم بتعليقاتهم و اوى

ايه أهم حاجة اتعلمتها من عالم التدوين ؟
اتعلمت يعنى ايه حريه - الحريه الحقيقه

و فهمت حاجات مكنتش واخدة بالى منها
التدوين بجد بقى شىء مهم جدا فى حياتى


ايه أكتر حاجة كرهتها ؟
كرهت الناس اللى بتستخدم الحريه غلط و فكراها انها اما تغلط فى الكلام و تخدش الحياء

يبقى دى الحريه ,,
و كرهت كمان كميه التناقض اللى موجودة فى البشر
فى كلام يتكتب و تصدقه لانه طالع من القلب و بصدق
و تلاقى كلام يتكتب مرسوم و بيدل على تناقض صاحبه

حاسس ان التدوين له تأثير ؟
ايوة طبعا و جدا و خالص
لانك حر بتكتب الى فى قلبك و اللى حاسس بيه و الدليل
ان كلمه "مدونين" بقى لها تأثير شديد دلوقت فى البلد


تهدى التاج لمين ؟

اعتقد ان معدتش فيه غيرى

و اهو خلاص عملته


*****************************************

الواجب التدوينى التانى


.قوانين الواجب

:1. اذكر اسم من طلب منك حل هذا الواجب .

2. اذكر القوانين المتعلقة بهذا الواجب

.3. تحدث عن ستة أسرار قد لا يكتشفها من يقابلك للمرة الأولى.

4. حول هذا الواجب إلى ستة مدونين ، وأذكر أسماءهم مع روابط مدوناتهم في موضوعك.

5. اترك تعليقا في مدونة من حولت الواجب عليهم ، ليعلموا عن هذا الواجب


متى اللقاء

السر الاول: اى حد يشوفنى يفتكرنى تنكه ليه و ازى , معرفش
مع انى عمرى ما كنت مغرورة او حتى خنيقه فى الكلام


السر التانى: شريره شوية
مع انى على العكس تماما


السر التالت :الناس فكرانى ان قراراتى بتكون سريعه
مع انى مترددة جدا و بفكر فى الحاجة مليون مرة


السر الرابع : ديما الناس بتاخد كلامى بمعنى مختلف
مع ان كلامى بيكون واضح جدا
عامه قلت ان اكيد العيب منى و اخد كورس فى مهارت الاتصال
احتمال اتفهم صح يا اخوانا


السر الخامس: ناس كتير اوى و منهم قريبين ليا فاكرنى
انى اما بتكلم على مستقبلى او حتى طموحى انى بق و بس بمعنى كلام بدون افعال , انما عامه
انا ديما كل كلمه بقولها بسعى فى تحقيقها و الموضوع عندى مش كلام و بس
بس الموضوع بيكون مسأله وقت

السر السادس :ببيع بسرعه اوى مع انى عمرى ما بعت حد و بحب اصحابى اوى
و الحمدلله لسه مستندلتش مع حد
مع انه ممكن يحصل معدتش فى حاجة مضمونه
:)


بهدى التاج ده ل








اكيد هاروح ابلغهم


13 comments:

الفارس الملثم said...

ايه التدبيسه الصباحيه دي ,ماشي مردودلك

بس صح ازاي يعني بتباني شريره مش فهمها دي
غلاسه انا عاوز توضيح من حضرتك في شرح النقطه دي ممممممممممم

ملاحظه اخيره انا بلاحظ عندك التاجات بتكش مممممممممم

سلام بقي قبل مانضرب

مـحـمـد مـفـيـد said...

دائماً أجاباتك بسيطه وعميقه ومميزه

أنا حر said...

اجاباتك حلوة قوي خصوصا في الواجب الاولاني
عجبني رأيك في التدوين وفي الافكار اللي استفدتي منها
بس للاسف يا قمر مش هتعرفي تدبسيني لأني اتدبست في الواجب ده قبل كده رغم ان التدبيسة منك ليها طعم تاني
تحياتي

rommantic said...

اجاباتك جميله ياشرين
بس حسيت فى التاج بشويه دبلوماسيه
عامه انا اكيد قبلت الواجب التدوينى بس ممكن اتاخر شويه فى كتابته فاعذرينى وده لانى مش فاتح غير المدونه بتاعتى دى
وثانيا غيابك طال مش كده؟
تحياتى

Rania said...

الفارس الملثم

عادى يا محمد ببان شريره ساعات بقلب كدة على المليجى اما اكون مضايقه او مكشرة
و التاجات عندى بخيرها صدقنى
ومن ناحيه تدبيسه فهى اكيد تدبيسه كما تدين تدان

************
محمد مفيد

شكرا يا محمد على التعليق و المرور

Rania said...

انا حر

مرسيى على كلامك
و يبقى خيرها فى غيرها

تحياتى
*************
rommantic

اشكرك على التعليق

الريم said...

جميلة اجابتك زىيك بالظبط

momken said...

حلوة التاجات كمان ردودك جميله اوى

عامله زى بتوع السياسه
تحياتى

الربان said...

تحياتي

- اشكرك كل الشكر علي مواساتك الكريمة ...لا اراكم الله مكروها في عزيز لديكم.

- بالنسبة لاجابات حضرتك...ما شاء الله
بسيطة و واضحة..

صدق المثل القائل: عرفت فلان..قال نعم
قال عاشرته...قال لا....قال يبقي لم تعرفه...
لاننا في احيان كثيرة نحكم علي الناس
بظاهر الامور...و قد نحكم عليهم بمجرد
رؤيتهم....

تحياتي و تقديري و اشكرك علي الواجب
وان شاء سأرد في أقرب فرصة...

Monzer said...

انا مش هاقولك غير حاجة واحدة بس























ازيك يا ام فاطمة
وازي فاطمة
تيراراااااااااااااااا
تررررررررررررم

Rania said...

الريم

تسلميلى يا قمره
اشكرك على الزيارة

تحياتى
**************
momken

حمدلله على السلامه يا ممكن
و اشكرك على المرور و التعليق

مودتى

Rania said...

الربان

اتمنى ان اقرا اجابتك صديقى العززي
و البقاء لله فى فقيدكم

تحياتى و مودتى

**************
monzer

حمدلله على السلامه بقالك فترة غايب
كنا مرتاحين
:P
فاطمة مين؟؟؟
تعرف انى هصدق ان اسمها فاطمة بجد

متغبش تانى

EMMY BABY said...

عجبنى الحاجات اللى انتى كرهتيها لانها فعلا تكره

عجبنى انك قلتى رأى الناس فيكى بصراحة مع انه عكس شخصيتك تماما هى فعلا الفكرة ممكن تكون عيب فى طريقة تواصلك مع الاخرين بس اكيد صادفك شخصيات قدرتى تتواصلى معاها لان دى قدرة بتختلف من شخص لشخص

اجابتك بسيطة اوى

تحياتى

ايمى