Tuesday, November 18, 2008

الكلام ده حقيقى و لا بجد

علشان انا مغيبه الايام دى عن الواقع المرير
نتيجة برد شديد
مش بشوف اخبار و لا بقرا حاجات كتيرة
بس من شوية دخلت على مدونه نوارة
لقيت خبر حلو قوى قوى
ان المحكمة الاداريه حكمت وقف تصدير الغاز للاسرائيل
بصراحة مصدقتش
روحت على الفيس بوك
لقيت كام خبر على نفس الموضوع
هو الموضوع ده فعلا حقيقى و خلاص الحمدلله
هنبطل نبيع حته حته مننا
و لا الموضوع كله علشان الشعب يتهد و يبرد زى كل مرة
بيقولوا ان الحكم مش نهائى و فى استئناف
ربنا يستر
بس بجد مبسوطة و قوى
مبروك يا مصر

35 comments:

Kiara said...

بجد

ده بجد يارانيا

بس ربنا يستر من الاستئناف

سهر الليالي said...

ربنا يستر بجد علي مصر
البلد بضيع شويه شويه
وقرارات الحكومه ضد مصلحه البلد مش يتخلص
واحنا كالعاده ساكتين
ويايت الموضوع متوقف علي بيع الغاز الطبيعي وبس
دول لو قدروا يبيعوا الشعب عشان يلموا فلوس هيبعونا
ربنا يستر
واعتقد ان مبروك دي لسه بدري عليها اوي
البلد محتاجه تنظف الاول من الفساد اللي فيها
ساعتها هتقدر نقول مبروك بفرحه
اعزريني بس انا مضايقه وخايفه موت علي مصر

تحياتي
فراشه الشتاء

خيرالدين said...

الحاجات المفرحه بقت قليله قوى يا رانيا

أخـــ مسلمة ـــت said...

أنا كمان سمعت الخبر
هو حقيقي خبر مفرح
بس المهم مايكونش مسكنات
والناس تحترم احكام القضاء وتنفذ

مش تبقي هيصة وبس

ربنا يصلح احوالنا كلها
اللهم أمين

تحياتي لك ولمدونتك الرائعة
سعدت باول زيارة
ومش الاخيرة ان شاء الله

romansy said...

ممكن تكون دى البدايه

مين عارف


ربنا يسهل


ويوفقنا

الفارس الملثم said...

بداية الف سلامه عليكي والله الواحد برده اليومين دول كل شويه يدخل في دور برد

انا كمان سمعت الخبر هو صادر عن المحكمه الاداريه وياريت فعلا الحكومه الرشيده بتاعتنا تنفذه من غير مماطلات ولا تكون خايفه علي زعل اسرائيل لتقول لماما امريكا تمنع عنها المصروف

تحياتي

صوت من مصر said...

بصراحه سمعت الخبر عادى جدا على مصراوى بس فهمت منه حاجات كتيره ان حكومتنا المصونه مش بيمشى عليها قانون
؟
اسف لكن حقيقه يا رانيا

Anonymous said...

ألف ألف سلامه عليكي من البرد الوحش ده
انشاء الله ترجعلنا بسلامه
عليكي و علي فيتامين سي جوافه بقي و برتقال و كده يعني

DR.HAMAS said...

إن دل هذا على شئ

فإنما يدل على أن القانون و القضاء فيهم خير

لكن طبعا لن يتركونا لنفرح

الاستئناف هيعملو فيه اللى هما عاوزينه

لان دى مصلحة اسرائيل

و مش ممكن يتنازلو






د.حماس

EMMY BABY said...

يااااااااااه

طب والله كويس يا رانيا

ربنا يستر بقى من اللى جاى


والف سلامة عليكى يا قمر ربنا يشفيكى يارب

تحياتى

ايمى

منه مرتجى - عازفة الأوتار said...

يا رب يكون جد
اهو يتكتب فى تاريخنا المنيل ده حاجة واحدة عدلة

الازهرى said...

تتضارب الاخبار
وان كنا جميعا نرجوا ان يكون صحيحا

تحياتى دوما

شموسة said...

انا بردة سمعت عن الموضوع ده بس معرفوش تفصيلياً..

ربنا يقدم الخير لكل المسلمين في جميع أنحاء العالم ان شاء الله ..

Anonymous said...

كل سنه وانتي طيبه يا رانيا واتمني تكوني بخير وفي خير حال

HeBa said...

كل سنة وأنتي طيبة يا رانيا

وفي أحسن حال

أنا حر said...

كل سنة وانت طيبة
تحياتي

KHALED said...

كل عام و أنتى بألف خير و خير

عيد سعيد

اقصوصه said...

كل عام وانتم بخير

Desert cat said...

انا شكلى جاية متاخر
كل سنة وانتى طيبى يا رونى
عيد سعيد عليكى وعلى اسرتك وكل احبائك

rovy said...

عييييييد سعيييييد

كل سنه وانتى طيبه و بصحه و سلام

بالنسبه للخبر طبعا الف مبروووك بس ياارب تكمل على خير و يتأيد الحكم فى الاستئناف
ربنا ينصرنا عليهم ياارب

تحياتى

Dr. Eyad Harfoush said...

عزيزتي رانيا
مازال في مصر قضاء يعول عليه في أغلب الأحيان، و المؤسسة القانونية هي الأمل كما تنبأ يوسف شاهين في فيلمه هي فوضى
تحياتي و تقديري

Wish I were a Butterfly ... said...
This comment has been removed by the author.
Wish I were a Butterfly ... said...

أنا كمان فرحت أوي بالخبر لما سمعته
و فرحت كمان بقرار المحكمة بخروج الأمن المركزي من المنشآت الجامعية في جامعة القاهرة و منع تدخلهم الزائد
بس في الآخر الله أعلم القوانين دي هتتطبق فعلا و لا..... بس نتمنى

16/12/08

blue-wave said...

معتقدش
يمكن دا بس علشان يهدوا الناس شويه

goodman said...

طبعا انا فى غاية الاسف لابتعادى الفترة الاخيرة
لكن ده فعلا كان لاسباب قاهرة سوف اتحدث عنها قريبا

على فكرةالنظام عندنا بيحاول منذ سقوط صدام هكذا اخمن
الظهور بمظهر الديمقراطية والشفافية
التى اشعر انها موجهه الى امريكا اكثر من الشعب المصر نفسة

يا مراكبي said...

فرحانة؟

طيب خدي عندك: إنتي عارفة مين اللي بيستأنف ضد الحكم ده؟

الحكومة المصرية

أظن مافيش بعد كده خبر

احساس لسه حى said...

عزيزتى

كل سنه وانتى طيبه

ما المشكلة مش ان المحكمة تحكم بايه

المشكله ليه الحكومة بتعمل كده

وكمان ياما اتحكم فى قضايا كتير ضد الحكومة ووزارءها ووزراتها

بس فى بلدنا بقه دم تنفيذ الاحكام شئ طبيعى ومعتاد ومفهوش مشكلة

وتحيا مصر

احساس لسه حى said...

عزيزتى

اسرائيل قامت بما تتمنيه وانتى طلبتى بسقوط حماس واسرائيل بتعمل الواجب

ده تعليقك اللى كتبتيه عندى بفكرك بيه وتبقى تقولى بقه لشه
اء حماس يوم الحساب

انا قولت تسقط حماس

وانتم شهدائها

تعليقك


تسقط حماس
نعم تسقط من كانت سببا فى قتل المزيد من الابرياء
حضرتك فى تعليقك قولت و اتكلمت اكن حماس هى فلسطين و اكن كل الشهدا من حماس و بس
مين حماس اصلا
دى جماعه اعلنت التمرد على الحكومة بغض النظر ان كانت حكومة صح او غلط
مين حماس دى الى احتلت و سيطرت على جزء من ارضها
مين حماس دى الى بتتكلم عنها الى كل يوم بحال و براى
مين حماس دى الى رفعت السلاح فى وش اخوانهم و فضلوا يقتلوا فى بعض ايام و ليلالى
بلاش نعيبش دور الشمعه الى بتضىء للاخرين الطريق
و نفكر فيها بالعقل
و زى ما قلت قبل كدة
كل واحد حر فى رايه
لان انت بتفكر من وجه نظر معينه
و غيرك نفس الموضوع
و بلاش كل شوية تقول النقيب قطة و بتاع
بقت قديمة شوية
و لالالالالالالازم نظهر احترام لبعض ان كنا عايزين نطلع لفوق و مش نداس تحت رجلين حكومتنا
تصدق بجد فعلا زى ما انا قلت نحن شعب لا نستحق الديمقراطية


تيحاتى و مودتى

شوفتى حماس ميين

اكبر عدو لاسرائيل وعاوزه تقضى عليه

صقفيلهم عليان بيخلصونا من حماس

احساس لسه حى said...

ده تعليقك التانى

اه لازموا يموتوا شهداء ودمهم يبقا فى الشوارع علشان نحزن عليهم

اكيد شهداء فلسطين منهم من حماس كتير

يوم القيامه تبقى تقولى لشهيد حماس

تسقط حماس

تعليقك

عزيزى
اولا موضوع ان كلامى غلط
فدة من وجه نظر حضرتك
و ادم حضرتك بتقول اننا شعب ديمقراطى
فواجب عليك تتقبل الراى و الراى الاخر
و بقولها
تسقط حماس
و يا استاذ الى بتقول انى كنت نايمه و مش عارفة و مش عارفة الى انا بقوله
فدى مش هتكلم عليها و اشكرك على زوقك فى التعليق على كلامى
اما موضوع الشهدا
محدش يقدر يشكك فى موضوع الشهدا و مش عارف ايه
و موضوع حماس كانت الحكومة كانت حكومة
لحد ما اعلنت تمردها
و هى الى بغبائها اتسببت فى مصرع شهداااااا كتييييييير من غير حماس
اما شهدا شهدا شهدا و اكنهم قريبك
فى بردة شهدا فى مصر
حطه صورة الشيخ ياسين
اكنه منبر
ماشى الله يرحمه
بس انت تعرف عنه اصلا ايه
غير انه اتقتل غدر و انه رئيس حماس
مافى شهدا عندنا من مصر محطتش صورة ليهم ليه
يا ريت متتبررش حدتك فى الكلام
فى انك بتتكلم عن الحق
لانك لو كنت عارف الحق
كنت اتكلمت بثقة فى النفس و مش ابدا بالطريقة دى
و تسقط حماس
و الى بيدعموا حماس
و تعيش و تحيا حرية فلسطين
الى كلنا نتمنى نفديها برقبتنا
نفدى فلسطين
مش نفدى حماس
نفدى شهدا فلسطين كلهم و على راسنا من فوق
و كلنا نتمنى نبقى شهدا ان كان فى فلسطين
او حتى فى مصر
و زى ما قلتها قل كدة
انت بتثبتلى اننا شعب مينفعش يعيش بالديقمراطية لان سعتها لو عمت الديمقراطية بلدنا
انت مش هتعرف تتكلم و لا هتعرف تضايق فى دة و تحتد على دة و تشتم فى دى

ربنا يهديك

واحنا شعب مغفل

Rania Lelah said...

ازيك يا حسام

انا حبيت ارد على تعليقى و تعليقك الى انت كتبته فى مدونتى
و بصراحه مش عارفه ليه بتعيد تعليقى اكنى مش عارفه انا كتبت ايه الفترة الى فاتت
و مضايق اوى من موضوع تسقط حماس
انا مش عارفه فى ايه

هى غزة بقت حماس و بس يا حسام؟؟
غزه مليانه فلسطيننين و بيموتوا و كلنا حزنانين اوى و محروق دمنا من الى بيحصلهم و شكلنا الى بقى ما يعلم بيه الا ربنا
ليه ديما بتدافع عن حماس او فلسطين اكنك انت بس صاحب القضيه و انت الوحيد الى شايل رايه العروبه و كلنا خونه
ليه
كلنا اصحاب قضيه و بالنسبه لحماس اما قلت تسقط مكنش ابدا قصدى انها تكون بايدى الغدر و بايد غير ايدى العروبه
حماس تعنى المقاومه اه
و كلنا مع المقاومه انما المقاومه بحساب
انما من غير مسؤليه مينفعش
لانى مش بضر نفسى بس
بضر ملايين الابرياء
معظم الى استشهدوا مدنيين مش من حماس يا حسام
ومينفعش نعمم او نخصص فى الحالات دى
و ان كان ليا تحفظات على حركة حماس و تحفظات كتيرة اوى

انما اما يجيى عدونا اللدود اليهودى والاوحد يعمل كدة فيها و فى غزه و فى مئات الابرياء هبقى معاهم و هشد من ازرهم كمان

على فكرة مش وقت كلامك ده خالص
عارف ليه
لانه وقت الوحده

و انا مش بنقض كلامى او بغيره
بس بقولك ان مش وقته الايام دى الى بيحصل هناك نتيجه عدم الوحدة
و لازم علشان ننتصر نتحد كلنا سوا مش نتخانق و نشمت فى بعض

حاجة كمان
لازم كل الفصائل الفلسطيين تتحد بغض النظر عن انها صح او غلط او ماشيه فى الطريق المستقيم و لا لاء
ده وقت الاتحاد لكن حماس رفضت الاتحاد و بردة شالت رايه الجهاد اكنها الوحيدة الوطنيه الى بتحب بلدها و بس
مع ان الكل بيحب بلده و مستعد يفديها زى ما انا و انت مستعديين نفدى بلدنا هنا و هناك كمان ان ربنا اراد

زى ما قلتلك
كلنا محروقين و حزنانين و هنطق و طاقه غضب مليانا
مش علشان حماس يا حسام
علشان عرب و مسلمين و ابرياء بيموتوا و كلنا مشتركين فى موتهم بالصمت العربى اللعين المعوق

تحياتى
و سنه سعيده عليك و علينا
وربنا يلطف بينا كلنا

Unknown said...

جميل جدا الخبر ده
الف مبروك للجميع

سلامتك من البرد و فى انتظار عودتك قريباً

احساس لسه حى said...

عزيزتى
اول حاجه
كل سنه وانت طيبه

تانى شئ شكرا انك مخدتيش كلامى انه هجوم عليكى كأنسنه وكرانيا وانى بس حبيت اوريكى شئ كتبتيه وافكرك بيه

طبعا زعلان من تسقط حماس

غزه مش حماس كلامك صح بس حماس مقاومه وشهداء وفلسطنيين

حماس بتكرهم اسرائيل واظن لو عملاء مكنتش كرهتهم

فرق بين انك تختلفى مع حماس وتختلفى معاهم وانك تقولى تسقط حماس

يبقا ايه الفرق بين كلمة تسقط امريكا وتسقط اسرائيل وتسقط حماس

ومعلش بقه لما اقول تسقط حماس ميفرقش بقه بايد ميين ما هما فى نظرى عملاء وخاينين يستهلوا السقوط

وموضوع انها مسئوله وغير مسئوله ده شأن فلسطينى ملناش دعوى بيه واظن استهداف اسرائيل ليهم بيورينا انهم المقاوميين الصح والحقيقين

ورغم الحصار اللى تعدى سنه مشوفتش اهل غزه عملوا مظاهرات ضد حماس

يعنى اصحاب القضيه معاهم نيجى احنا نقول تسقط حماس

انتى بتقولى معظم اللى استشهدوا مدنيين ومش من حماس ومع ان الارقام غير كده ومعظم المستهدفيين من حماس او اهليهم

النهاردة مات من حماس قيادى هو وزوجاته واولاده

يعنى المدنيين منهم برضوا

بس نفرض يا ستى ان ربع اللى ماتوا من حماس وطبعا ماتوا شهداء

دول مش كفايه علشسان منقولش تسقط حماس اكبر اعداء الصهاينه

وانت مهما يكون ليكى تحفظات

كلمة تسقط حماس اكبر من اى تحفظ

ده عداء ومطالبه بالزوال

انا بس بطالبك بمراجعه هجومك على اى حد او اى انسان

بالذات لما تكون جماعه بينهم شهداء

اختيار اللفظ المناسب

ومش لازم يضربوا من اسرائيل علشان اشد من ازروهم

مش لازم يموتوا قيادتهم شهداء علشان ادافع عنهم

احنا مع المقاومه حتى لو مختلفيين معاها

نختلف زى ما عاوزيين بس ولا نقول تسقط ولا بنكرها ولا دول بتوع مناسب

زى الكلام اللى اتقال فى المدونه عليهم عندى

وسؤالى الاخير بعد ما ينتهى العدوان على غزه هتقولى برضوا تسقط حماس

وبردوا بفكرك ملكيش دعوى وفقوا على ايه ورفضوا ايه دى بلادهم وهما عارفيين حقوقهم وهما اللى بيضربوا فى الاخر وبيموتوا شهداء مش احنا

اخر شئ
بقه ما زال المدونه اللى قالت تسقط حماس وانا كتبت الموضوع عنها

بتقول تسقط حماس رغم شهداء حماس

تفتكرى المفروض نعمل ايه مع مدون بالشكل ده

نعمل ايه غير هى حره

يبقا امريكا حرة

ومنلمش حكامنا

اسف على الاطاله ووصلت فكرتى

يا ريت تكون وصلت

تحياتى

سلام

الازهرى said...

حمدا لله على السلامة
وجميل الموضوع الجديد
والتضامن من اجل غزة

asmaasyam said...

بحييك على شعورك النبيل الذى أتنمى ان شعور كل البشر ربنا يجعلك مبسوطة دايما
تحياتي

blue-wave said...

وانتى يعنى فاكرة ان لو صدر حكم بجد مش هايصدروا؟؟؟
دول باعوا البلد كلها جت على الغاز يعنى؟؟؟