Saturday, April 4, 2009

بحبك يا مصر


بحبك يا مصر
و هفضل احبك لحد ما اموت
و نفسى تبقى احسن بلد فى الدنيا
بس الموضوع بقى اشبه بمسرحيه هزليه
و دة فى وجهه نظرى
مش ناويه احط نفسى فى طبق السلطة

مش مع الاضراب المرة دى

13 comments:

صوت من مصر said...

ولا انا كمان والله عندى امتحااااااااااااان

A.SAMIR said...

لا يارانيا
انا بصراحة مع الاضراب في كل مرة
لأن هو الطريق الوحيد للاحتجاج السلمي على الاوضاع الغلط اللي في البلد دي

Butterfly said...

اضرااااااااااااب !!!
ولا أعرف

ماعلينا
المهم انى انا كمان بحب مصر جدااااااااااااااااااااااااا

alshared said...

حمد الله علي السلامه

أنا ماأعرفش أن فيه إضراب
ولا أعرف ميعاده بس لو كان قريب أنا مش هاشترك فيه وأكيد أكيد ناس كتير مش هاتشترك فيه

عموما

تحيا مصر

يا مراكبي said...

إضراب إيه؟ وأهدافه إيه؟ وآلياته إزاي؟ وإيه رد الفعل من المضربين لو ما إتحققتش مطالب الإضراب ده؟

فين التفاصيل؟

romansy said...

ومين يقدر يكرها
كلنا بنحبها
ونحب انها تبقى اسعد بلد فى الدنيا
بس انتى متغبيش كتير عننا

Rania said...

صوت من مصر

نورتينى و ربنا يوفقك
*********
A.SAMIR
محدش هيكره مصلحه مصر يا احمد

***************
butterfly

اضراب 6 ابريل

كيد كلنا بنحبها يا قمر

تحياتى

Rania said...

alshared
منورنى ديما و الاضراب يوم 6 بكرة ان شاء الله

تحياتى
***************
يا مراكبى

اضراب 6 ابريل
و اهدافه مكافحة الفساد و و الاستدبداد و الدكتاتوريه و توريث الحكم
الياته
متروحش شغلك بكرة و بعض الناشطين هيعملوا مظاهرات زى اللى اشتركت فيها السنه اللى فاتت
:)
ايه رد الفعل محدش يعرف اصلا هيكون فى ايه
بس المشكله ان فى كتير هيضربوا لمجرد انه بقى عيد قومى و نص اللى فيه مش عارفين هيعملوا ايه

تحياتى

Rania said...

romancy

تسلملى يا رب على زوقك و اكيد بنحبها و بنموت فى ترابها

الازهرى said...

اتفق معك فى ان الكثير من الامورافرت من معناها نتيجةللتكرار بدون مناسبة

لكن فى وسائل تانيةكتير نعبر بيها اننا بنحب مصر
اولا اننا نبدأ نعتذر عن اهانتها احنا فى حها وكل انسان يبدأ يتقن شغله ونبطل نفسد فيها

أنا حر said...

فعلا الموضوع بقى مسرحية بس للاسف تدعو للاشمئزاز مش للضحك
الاضراب السنة دي فاشل واسباب فشله كتير يكفي ان الناس مختلفة هي عاملة اضراب ليه من الاساس
تحياتي

موناليزا said...

هو يعنى ايه اضراب؟:)

A.SAMIR said...

رانيا
ازيك عاملة ايه؟؟؟
ليكي حاجة مخصوصة في المدونة عندي
الحقي خديها قبل الزحمة وتعالي بسرعة
تحياااتي