Friday, February 26, 2010

رساله الى شباب مصر


رساله قصيرة

الى كل اللى بيهتفوا باسم محمد البرادعى
و بيحبوا مصر و عايزنها تتغير
و يعملوا اصلاح شامل و يغيروا الدستور
هايل

اقول لهم تعرفوا ايه عن البرادعى و تتوقعوا ايه

و هو فعلا امل مصر ؟

لا انا هشيل نفسى من مصر اللى بتتكلموا عنها دى

طيب ما انا لو نويت ارشح نفسى رئيسة
هقول انى هغير بردة

و حسن لو بقى رئيس هيقولك هغير

و لا حد بيغير و لا حد بيفتكر الكلام اللى بيقوله

و محسن هيغير بردة

مين محسن ده ؟؟!!

ما علينا

الامل فى الله اولا ثم فينا احنا يا شباب مصر

متتوقعوش تغيير غير منا احنا

احنا اللى هنرفع البلد دى و هنغير البلد دى

بايدنا احنا مش بايد حد

بجد حاجة بقت تصعب على الكافر

بقينا بنجرى ورا حد و خلاص اى حد منتظرين منه تغيير

جميل اوى بس انتوا فين من التغيير و هل فعلا هو هيغير

هيغير ايه حال البلد

طيب و حال ال80 مليون مصرى هيتغيروا ازى

و لا كمان هتنادوا بانه لازم يغير حال الشعب

فين ايمن نور ؟ اللى كنتوا عايزينه يغير البلد ؟

راحت عليه

فين علاء مبارك اللى فى شوية طلعوا رأى
و فكرة غريبة بانه هو احق من اخوة ؟؟!!!!

لا و الله ؟ شوف ازى؟

بقينا كل يوم بفكر و كل يوم بحال و اغنيه بنغنيها بينا و بين نفسها

بنكدب و بنصدق نفسنا

لحد ما نوقع من كتر الضحك على نفسنا


انا هنا بكتب فى مدونتى يعنى انا حرة فى اللى بكتبه

علشان محدش يقولى انى ضد الشرفاء و حقودة و غلاوية

و مبحبش التغيير

لا بحبه على فكرة

غيروا بقى



5 comments:

صوت من مصر said...

بقالك قد ايه مش بتكتبى
انا لا مع ولا ضد احد
لكن انا شفت ان البرادعى ممكن يكون امل فى ظل حاجات كتير محتاجينها انها مش تبقى مملكة
احنا كشعب بصراحه بنستنى الامل ولو بعد 1000 سنه
اتمنى تكتبى تانى

Rania Lelah said...

مرسيى ليك يا محمد
انا بس عايزة اعرف شوفت فيه الامل ازى ؟

عــلاء ســالـــم said...

السلام عليكم

أنا أتفق معكِ في الرأي
فالتغيير يجب أن يكون تغيير في الدستور
ودور كل سلطه في الدوله ورقابتها على السلطات الأخرى

الأفضل من تغيير الأشخاص هو وضع رقابه على المراكز التي يشغلها الأشخاص
وفي هذه الحاله فليحكم من يحكم
لا فارق بين هذا أو ذاك

أحييكي على موضوعك الجميل

صوت من مصر said...

للاسف اى تغير يعطنى امل
على الاقل تغير ولا ايه

يا مراكبي said...

البرادعي مش هيعمل حاجة لوحده أبدا .. لازم الكل يتحرك ويعمل حاجة وهو بس هيكون رمز أو قائد الحركة دي

ما فيش مدير في الدنيا بيعمل حاجة لوحده أبدا ..بيكون فيه فريق عمل كبير هو اللي شايل الشغل فعلا .. أما المدير فبيكون العقل المخطط والمنظم والمنسق لكل المجهودات اللي بيبذلها الفريق

لكن المهم قبل ما البرادعي يكون هو مدير عملية التغيير دي .. لازم فريق العمل المكون من ملايين الناس يتوجد الأول