Saturday, March 19, 2011

بحبك يا مصر


يا جمالك يا مصر و اولادك نازلين
رايحيين يدوا صوتهم و مش خايفيين
منظمين راقيين بحب بلدهم واقفين
كل واحد على وشة ابتسامة
معناها تفاؤل و دى اكبر علامة
على ان شعبك خلاص اتحرر
و بقى بيقول بكرة هغير
معدتش فى خوف وبيوعدك بكرة هتشوفي
بكرة هنبنيكي
هنحميكي
هنبتدي معاكى و بيكي
خطوة خطوة نوصل لامانك
و حريتك تلألأ سماكي
زمن الفساد راح
واتبدل بزمن الاماني
و الاماني بكرة تتحقق
بارادة و حب شبابك
صدقيني
هنخليكي عروسة زمانك

بحبك يا مصر

6 comments:

الازهرى said...

لازم نخلى بالنا

وما نيل المطالب بالتمنى

بكره أحسن لو قدرنا نبنيه علشان يكون أحسن

ابن رشد - شمس الزناتي سابقاً said...

بجد كان منظر جامد جدا و عجبني اوي منظر عسكري بيوزع مياة على الناس عشان تشرب المنظر انا مصورة و فخور بية

أخبار مصر لحظة بلحظة said...

أول مرة أزور مدونتك القيمة .. تهنئتي لك على المجهود المبذول والرائع..
ميدان التحرير الان
اخبار مصر لحظة بلحظة
ثورة 25 يناير

rack-yourminds said...

الله علي كلماتك الجميله

بعد الثوره العظيمه ستعود مصر لمكانها الطبيعي رائده للعالم العربي والاسلامي

يا مراكبي said...

كلام جميل ومُنسَّق ومن القلب ومليان تفاؤل

بحب التفاؤل في الأيام دي قوي
:-)

----

عجبني كمان البوست اللي فات .. الكثيرين هيزايدوا على وطنيتهم ظنا منهم إنهم الأصح .. لحد ما الكل هيقلب على بعضه والضحية هتكون مصر

ياريت نفوق بقى

Anonymous said...

وكان ايه بس لازمة العلم