Monday, February 26, 2007

اقوال تهم البشر

الجواز نهاية كل ظالم
جارك السو ينزاح ياتجيله زيحة
القفة ام ودنين يشيلوها اتنين
لا اسمع لا ارى لا اتكلم
الباب الى يجيلك من الريح
الجرى نص المجدعة و انك تتف و انت بتجرى هى دى المجدعة كلها
اقوال مهمة جدا فى الزمن الحالى حاول تراقب اى اتين ماشيين فى الشارع هتلاقيهم بيقولوا اى حاجة من دول
يحولوا يحولوا الموضوع لضحك و يقولا ان الجواز نهاية كل ظالم و دة مش لاكتر من انهم معندهمش امكانيات الجواز
و طبعا لا تراجع و لا استسلام للمشاحنات الى بتحصل فى الافران و الاتوبيسات و تلاقى الموضوع قلب لعند مش طالع غير اما اجيب رغفين عيش يا انا يا هماااااااااااااا
و الجار السو معروف طبعا غنى عن التعريف الا و هو الى نفسة ياخد ارض العالم و يكتب علي الباب من بره هنا اسرائيل
و لا اسمع و لا ارى ولا اتكلم طبعا بردة معروف شعار الحكومة
و الجرى نص المجدعة مقوله الشعب الى اتعلم الجبن على ايد الشرطة الى المفروض انها بتحميناااااااااا بقينا بنخاف منها دلوقت و بنجرى منها كمان
ما تنوا بس لو تتطمنونى عن كريم عامل ايه؟
هعرف اتكلم برحتى

2 comments:

قاسم أفندي said...

هي فيها شوية غلطات بس ماشي الحال
جار السَو مش السهو
السو = السوء

rania said...

مرسيى تانى مرة على تعليقك و هشوف موضوع الغلطات دى او بمعنى اصح هطر اضطرار انى اشترى كى بورد تانية
الفقر مش عيب
مرسيى ليك