Saturday, May 19, 2007

تاج تانى

تاج تانى
التاج دة مبعوتلى من اتنين
احمد سمير
و ريمو القمر
و بينى و بينكوا فرحت قوى اما ريمو قالت انه اختيارى
بس لقيت عم احمد سمير
بيقول انه اجبارى و لو معملتوش هاخد صفر اكبر من صفر المونديال بتاع مصر
بينى و بينكو قلت لاء الا مصر لازم احافظ على سمعه مصر
و لازم تبقى هى الرائدة فى موضوع الاصفار دة
انا اجى جنبها ايه ؟:))
نبتدى و الامر لله من قبل و من بعد

أحب شخص الى قلبك في الدنيا؟
بنوته امورة اسمها مريم

إنسان مستعد تضحي بحياتك _ركز في كلمة حياتك_عشانه؟
فى الواقع و فى الحقيقة بردة
احمد
إنسان كرهته لدرجة الجنون و تمنيت لو تمسك سكينة
و تنقض عليه و تغرزها في قلبه تقتله و تقف تبص على جثته و تشفي غليل قلبك؟
لالالا عمرى فى حياتى ما كرهت حد و لا حبيت انتقم
اصل قلبى عبيط شوية
بس لو عدلنا السؤال و قولتى مثلا مين الى ساعات بيغيظك و ساعات بتتمنى تضربه
فلاجابه
بسم الله الرحمن الرحيم الاجابه
احمد

ما هو إسم أجمل كتاب كتبه بشرقرأته و محتفظ به حتى الآن؟
بصراحة مليش فى القراءة بس يعنى بحب اقرا لانيس منصور
و اخر كتاب قريته كان من كام سنه
بنات القمر و محدش يسئلنى عن الكاتب بتاعه

إسم كتاب_كتبه بشر برضه_إنت متعلق بيه و بتقراه كل فترة؟
بردة بنات القمر و مش بقراءة كله
حاجات معينه بحب اقراها كتيييير

أهم جهاز منزلي متعلق بيه أوبتستخدمه كتيرشىء تحس بالراحة النفسية عندما تنظر إليه؟
الكمبيوتر و الموبيل و التليفزيون بردة مهم جداااااا

شىء تحس بالراحة النفسية عندما تنظر إليه؟
وقت الغروب قدام البحر
ووقت الفجر دول حجتين بيغسلونى من جوة

مكان تحس فيه بالحنين إلى شىء لا تدري ما هو و ذكريات جارفة إلى لا شىء؟
بردة الاجابه السالف ذكرها
:))

مكان تحس بالراحة عندما تدخله؟
امممممممممممم فى الواقع مفيش مكان معين بحس بالراحة اما بدخله
اى مكان بحبه يبقى بحس بالراحة فيه

أجمل مدينة زرتها داخل مصر؟
اسكندرية

شخصية كرتونية تحبها؟
بحب قوى توم اند جيرى

نوع هاتفك المحمول؟
نوكيا

سرعة بروسيسور جهازك؟
بصراحة و الله معرفش فى المواضيع دى
بس الى اعرفه حق معرفة
ان جهازى جزمة و هيشلنى قريب قوى

ذاكرة _هارد_جهازك؟
40
و الفقر مش عيب يا اخوانااااااا

المساحة التي تشغلها المساحة الاسلامية على جهازك؟
بصراحة يعنى
مش كبيرة قوى

نفس الاجابة السالف ذكرها في قلبك_الاجابة لنفسك عشان الرياء يا اخوانا؟
لا معتقدش ان دى بتمثل دى
المساحة الاسلامية فى القلب ملهاش حدود
ربنا يرحمنا بس

أهم هدف انت واضعه لحياتك الآن؟
اظبط نفسى فى الشغل و افتح المكتب بقى لحسن الموضوع رخم قوى قوى
:(((

مواصفات فتى الاحلام بالنسبة لي؟
اتمنى انه يحسسنى بالامان و يتقى ربنا فيا و يخلوا باله من مشاعرى
و ارمى حمولى عليه و ابقى متاكدة انه قدهااااااااا

صف ما يأتي شعورك لما بتسمع كلمة مصر؟
جسمى بيأشعر و ساعات بدمع بحبها قوى
و نفسى تبقى احسن بلد فى الدنيا

شعورك لما بتسمع كلام عن اليهود؟
بقول كلمه واحدة
كلاب
و ربنا المنتقم الجبار

شعورك لما بتشوف ضابط شرطة؟
بمشى من شارع تانى و بقول ربنا يهدى القوى

شعورك لما بتشوف الكناس العجوز في الطريق؟
بقول فى سرى
بتعمل ايه يا عم ؟ الله يكون فى عونك شوية كدة و الى عملته هيبوظ تانى
و هييييييييييه دنيا

فكارك تجاه شاب ماشي في الطريق يلبس جلابية بيضاء قصيرة
و عمامة و له لحية و بجيبه السواك و في يده المصحف؟
بقول يا رب خلينى اختفى دلوقت
و بقول بردة اوعى تفهمنى غلط انا مسلمة زى زيك

إحساس يراودك في اشارة مرور مغلقة بسبب مسئول كبير؟
ببقى عايزة اكلمه و اقوله اتقى ربنا الناس عايزة تروح مصلحها
الى اداك يدينا يا عمنا

هييييه خلصت و الحمدلله
على فكرة التاج دة بجد صعب
و علشان كدة هضطر امررة مع انى مكنتش بحب امرر تاج لحد
هممررة الى

و طبعا اخيرا و ليس بأخر
التاج بردة اجبارى
تحياتى
:)))
تحديث: اعذرونى يا جماعة عارفة ان فى بعض الغلطات الاملائية
معلش بقى حكم السن و السرعة فى الكتابه اصلى مشغوله اليومين دول
ادعولى

23 comments:

غمض عينيك said...

Nice answers ya Rania
والله موضوع التاج ده جميل اوي..ياترى مين كان صاحب اول تاج
تحياتي

Reemo said...

جميل يا رونى
أنا كنت منزله التاج إختيارى
بس ليكى أكيد كان إجبارى
وكنت هفضل وراكى لغايه ما تعمليه
كويس انك عملتيه من غير ضغط
looooooooooool
كل تاج وانتى طيبه يا حبيبه قلبى
محبتى

مصر هى أمى said...

رانيا

يهنى احسن واحد فى حياتك احمد والوحيد اللى بيغيظك احمد برده

كتاب بنات القمر تاليف عادل حمودة

فعلا وقت الغروب منظر جميل جدا يحسس الواحد بالراحة النفسية

Anonymous said...

اول مرة اسمع بالتاج ده
مش هو اللي بيحطوه على نفوخ صاحب الجلالة ؟!
خخخخخخ بااااااايخة

AHMED SAMIR said...

رانيا
ازيك؟ بوستاتك معدتش سهلة يارانيا بقينا بنستناها زي العدد الاسبوعي بتاع الجمهورية كدة ايام الحاج سمير رجب
واضح ان الحركة الثقافية عندك توقفت من سنتين ايام بنات القمر دة وبعد كدة انتهت علاقتك بالكتب تمـــــــــاما
بس ايه الاجابات الرومانسية والشاعرية دي....مرهفة الحس بجد
على فكرة
بتتقال ربنا يهد القوي....مش يهدي القوي
انتي اكيد قصدك الاولى مش كدة؟
برافو انك عملتي التاج اجباري....معندناش حاجة اسمها اختياري
تحياتي ليكي يا فندم

Rania Lelah said...

محمد سمير
شرفتنى فى مدونتى المتواضعة دى
و مرسيى لزوقك
تحياتى

ريمو القمر
اكيد كنت هعمله ادم منك انت
بس حبيت ارسم
:)))

مصر هى امى
ازيك يا محمد فينك؟
مكنتش اعرف ان بنات القمر معروف كدة
يا دى الفضايح
بس متنكرش انه كويس:)))
اما منظر الغروب فملوش حل بجد بيريحنى جدااااااااااااا
تحياتى لك يا محمد

Rania Lelah said...

عماد جرار
هى ايوة بايخة
:))))
بس ادم منك تبقى سكر
تحياتى لك

احمد سمير الباشاااااا
لا يا سيدى اطمن كنت هعمله
ادم منك و كمان من ريمو اكيد كنت عمل التاج
و انا فعلا كان قصدى يهد القوى
معلش بقى النظر ضعف يا احمد يا ابنى
تحياتى لك

Rania Lelah said...

احمد و ايه يا عم الصور الجامدة دى
حلو النيو لوك:)))

Anonymous said...

وحياة المصحف لو قلتي عماد تاني راح اناديكي (دانيا) ، ايه مشكلتك مع الراء؟؟
عماررررررررررررررر
زي: رررروميو
ررررونالدو
ررررسمة رررررائعة
ررررعشة قلب
رررروح وماتجيش

تحياتي رررررانيا :)

Rania Lelah said...

ههههههههههههههههههه
خلاص يا عمار قلبك ابيض
ما انا لسه قايله يا جماعة محدش ياخد عليا الايام دى
مزعلش يا عماااااااااار
:))))

Rania Lelah said...

بعدين ما انت اسمك يخلبط
كله راء
عماررررر جرارررررررر
مش كنت تاخد بالك
:))

THE BIG LOSER said...

صباحو فل
ازيك يا رانيا
حلوة ردودك على التاج دا
بس لو مكانك في حكاية المسئول اللى قافل الاشارة كنت هروحلة طبعا بعد معاناه مع الامن وتفتيش وحاوارت مهينة واول لما اوصلة هقولة بص ياعم الحاج الدنيا مش دايمه لحد
وافتح ايدك كدا واروح حاططله قنبلة في ايدة واشد الفتيل واقولة انتم السابقون وابو جيمي من اللاحقون واطلع اجرى

ميرسي يا جميل على التاج
وعقبال التاج الجاى
=============================
كان معكم احمد خالد من وراء قضبان احد المعتقلات المصرية اللى في جزر الباهاما

قاسم أفندي said...

ربنا يوفقك يارب
بس مين أحمد؟

احمد عزام said...

هاي رانيا
اغيب يومين كده.....ارجع الاقي التاج في انتظاري؟
الذ حاجه فيكي يا رانيا.......ان كل الرجاله في نظرك هما احمد
ابقي تعالي شوفيني وانا لابس التاج

Rania Lelah said...

the big looser
صباحو سكر
ترجع بالسلامة من الباهاما يا كابتن
تحياتى

ايمن باشا
شرفنتنى و يا رب يخيليك

احمد عزام
لا مش كل الرجاله فى نظرى احمد
هو احمد واحد فقط لا غير

khaled said...

سمعنا من رسولكم الشريف انكى سيدتى تملكين تاج لى
وقد قمت باستلامه
الشكر لعظمتكم على تمرير التاج

Anonymous said...

hiiiiii rooooroooooo
حلوة اجباتك خالص بس فين التاج مشوفتكيش لبساه يعنى!!!!!!!!
هههههههههههههههههههه

يا مراكبي said...

ماشي .. ماشي .. خليكي فاكرة .. إنتي اللي إبتديتي

التاج بالتاج والبادي أظلم

:-D

كراكيب عادل said...

:)

Rania Lelah said...

خالد
لا شكر على واجب سيدى
فانا قد قمت بتمرير التاج اليك
لثقتى العالية فى اجبابتكم الموقرة
و....... مسرور
:))))

mermaid
مرسيى يا قمر
و مبروك على البلوج الجميل

مراكبى
التاج بالتاج و البادى اظلم؟؟؟؟؟
طب ورينى بس الاول
و كمان مش عارف اغنية هانى شاكر انت السبب؟؟؟؟؟؟؟؟؟
:))

كركيب عادل
:(((
افهم من كدة ايه؟؟؟؟
تحياتى
ههههههه

Monzer said...

ياخوفى لحسن أحمد يقرا الكلام ده

Esmeralda said...

يا دي التاج
الا ما فيه بلوج اروحه الا الاقيه فى وشي

مين احمد ده؟؟؟؟؟

:)

اول مرو ليا :)

نفسنا said...

تم أفتتاح العدد الأول من مجلة نفسنا
نتمنى منكم زيارتنا