Saturday, June 2, 2007

باركولى

باركولى
تم بحمد الله افتتاح مكتب
specialist
the way to success
اخيرا يا جماعة اخيرا و الحمدلله
فتحته
فتحت مكتبى اخيـــــرا
مكتب للغات و الترجمة
بعد ما كنت خلاص هفقد الامل
هو صحيح بعيد شوية ,بس ميهمش
اهم حاجة انه الحمدلله اتفتح
و بردة هارجع و اقول اطلبوا العلم و لو فى الصين
:)))
و انا اعتقد انى اقرب من الصين بشوية
و بمناسبة الافتتاح هضطر اعمل خصم لكل واحد تقريبا حوالى يعنى 3 %
يــلا ان شالله ما حد حوش
:(((
تحديث
المكتب بتاعى فى الغربية
و شهاداته معتمدة دلوقت و الحمدلله التليفون : 5720107/040
012/6300256
و الخصم بجد مش هزار و يزيد كمان و امرى الى الله
ولو اى حد عايز حاجة يبعتها على الميل
specialist_forus@yahoo.com
و اوعوا تفتكروا انى بعلن و لا حاجة
حاشا و كلا:)))

24 comments:

يا مراكبي said...

مبروك مبروك

ده مكانه فين ده؟ ممكن آجي أترجم شوية حاجات بالتلاتة في المائة بتوعي؟

REEMOO said...

مبرووووووووووك يا رونى
الف مبروك يا قمر
عقبال ما تحققى كل اللى بتحلمى بيه يا رب
محبتى

عمار جرار said...

مبرووووووووووك
بنتمنالك الموفقية
والنبي تديني عنوان المكتب بتاعك
اصل عايز اترجم جملة محيراني اوي اوي
give me hamburger
سلام

Rsaely said...

ألف ألف مبروووك

هانى شعلان

اجندا حمرا said...

الف الف مبروك و بالتوفيق انشاء الله ياروني

غمض عينيك said...

الف الف مبروك يارانيا

ربنا يوفققك انشاءالله

تحياتي ليكي
محمد سمير

Rania said...

يا مراكبى
يا هلا يا هلا بالبشمهندس احمد
طبعا هتشرف لو جيت
بس حصل سوء تفاهم مش اكتر
الخصم الى كنت بتكلم عليه مش شامل الترجمة
:))))
تحياتى

ريمو
مرسيى يا قمر يا رب كل واحد يحقق الى بيحلم بيه
مرسية لزوقك يا سكر

عماررر جرار
تشرف طبعا يا عمار
و ترجمة الجمله الى محيراك
ادفع خمسه جنيهات فى الحال
:))
تحياتى

دكتور هانى
يا رب يخليك و يبارك فيك
تحياتى

Rania said...

اجندا حمرا
مرسيى لزوقك و الله يبارك فيك
مرسيى على الزيارة

غمض عينيك
يا رب يخليك
و الحمدلله على كل شىء و ربنا يوفقنى و يوفقك و يوفق الجميع باذن الله
قول آمين
:))
تحياتى

أُكتب بالرصاص said...

مبرووك
والعنوان لو سمحت

وتحديد نسبة الخصم


:)

احمد عزام said...

مبروك..........الف الف مبروك
المفروض اعلان في الجرائد الرسميه.....وعلي قنوات ميلودي علشان المقيمين بالخارج
ربنا يبارك لك ويوفقك
انت فعلا بتثبتي ..ان علي المرء ان يسعي وليس عليه ادراك النجاح

زحل الفلكي said...

الف الف الف مبرووووووك وعقبال متفتحي مؤسسة كبيره وتكون ترجمه وتعليم كمان

الف مبروووك

قاسم أفندي said...

الف مبروك يارانيا
ربنا يوفقك
تستاهلي كل خير
(سبت ورد)

Rania said...

اكتب الرصاص
الله يبارك فيك
و خصم ايه بس؟
احنا بينا و بين بعض بردة خصومات
و لو مصمم يعنى ممكن يبقى نفس الخصم المتفق عليه
:)))

زحل الفلكى

الله يبارك فيك و ربنا يوفق الجميع يا رب
و شرفتنا يا باشا

احمد عزام
انا فعلا بدات اظبط اعلان بعد المسلسل و قبله و يمكن فى نصة و اما نشوف
ههههههههه
ميلودى ايه بس يا عم؟؟؟؟؟؟؟
قول اعمل اعلان على القناه التعليمية على اقرا
اى حاجة محترمة يعنى
تحياتى لك و الله يبارك فيك

قاسم باشاااااا
ازبك ؟
و فينك من زمن
يا رب يخليك
طب مش كنت تجيب تمن سبت الورد حتى كنت استنفعت منه بصحيح
:)))
مرسيى يا باشا
و نردلك السبت دة فى الافراح باذن الله
تحياتى

A.SAMIR said...

يعني افتتاحات ومكاتب وترجمة وبتاع وانا اخر من يعلم
ماشي يا راني
كل دة علشان مااجبلكيش المجلدات اللي كنت محضرها علشان تترجميهالي ببلاش
تقومي تفتحي المكتب في الخباثة ومن غير ماتقولي لي؟
طب والشربات فين؟
والملبس والجاتوه والحاجات دي؟
وبعدين انتي مش ملاحظه حاجة
انك عملتي لنا البحر طحينة وعشمتينا بالخصم وبتاع ودة كله
وماقولتيش عنوان المكتب
يا سلاااااااااام
على اساس ان الخصم بالنية بقى
رانيا
الف الف مبروك
ربنا يوفقك

bos bos said...

مبرووووووووووووووك
ربنا يوفقك
تحياتى

Rania said...

احمد سمير
اعملك ايه؟
انت الى اتاخرت
انا موزعة صندوقين حاجة ساقعة فى المدونه
حتى اسئلهم:))
و بعدين العنوان و رقم التليفون كتبته اهو اما نشوف
و موضوع ببلاش دى هنتكلم فيها بعدين
:)))
تحياتى لك و الله يبارك فيك


bosbos
مرسيى لزوقك و الله يبارك فيك و شكرا على الزيارة
تحياتى

hapasa said...

يالا ألف مبروك
وعقبالنا والى ايداك يدينا
انا مش بؤر انا بحسد هههه
ربنا يلاهولك بركة ان شاء الله

marmaid said...

مبروك يا رووروووووووو
وعقبال الفرع التانى قريب ان شأالله

sendbad said...

مبروك ومن نجاح الي نجاح

khaled said...

الف مبروووك

Rania said...

hapasa
الله يبارك فيك و طبعا اكيد و لا قر و لا حسد
عموما انا عامله حسابى و معلقة خرزة زرقة على باب المدونه
تحياتى

mermaid
الله يبارك فيك يا قمر

sindbad
ربنا يخليك و ربنا يوفق الجميع

خالد
ازيك يا مان؟
ربنا يوفقك و الله يبارك فيك

HoNdA said...

مبروك ربنا ييسرلك طريقك وتحققى كل أهدافك :)

ibn nasser - ابن ناصر said...

مبروك
بس فين في الغربيه عشان نجيبلك شغل
تحياتي

wa7dania said...

ألف مبروك يا رانيا
أنا مازلت عند وعدي يا قمرايا
أنا اشتغلت في الترجمة من عربي لإنجليزي
لو عزتي أي حاجة
فأنا معرفش حد بالاسم ده
منى المحمودي