Wednesday, June 27, 2007

تاج و امرى لله

التاج دة جايلى من زمان من احمد سمير
و دة تانى تاج يجيلى منه و مش عارفة اهرب طبعا
استعنا على الشقى بالله
انت مين؟
ايه الاسئلة الغريبة دى؟
انا رانيا -مصرية ومحاضرة لغة انجليزية
مين اكتر 6 اشخاص بتحبهم؟
امممممممم
بصراحة هما 5
اختى و مريم
:))
انت سعيد؟
الحمدلله على كل شىء
مفيش حياه بتخلو من المشاكل
و اهى الحياه ماشية و حمدين ربنا على كل شىء
لو اجتمعت انا وحسني مبارك في غرفة واحدة؟
فى الحقيقة يعنى هقوله
اتق الله لكى يجعل لك مخرجا
لو معاك مليون ونص جنيه......تعمل بيهم ايه؟
امممممممممممممممممممممممممم
سؤال صعب
هشترى عربية و هعمل شركة كبيرة قوى قوى
و اوظف كل الشباب الى مش لاقى شغل دة
بس على الله يرضوا لاحسن الموضة الايام دى
ان الشباب قاعد فى بيته و بيبطر على الشغل الايام دى
و عجبى
بتحب مصر؟
قوى قوى
و نفسى تبقى احلى و اجمل و احسن و اامن بلد فى الدنيا كلها
بتحب البنات؟
مش عارفة السؤال دة ليا كبنت و لا اية النظام
بس انا هستعبط و هقول
طبيعى بحب البناويت
:))
انت مسلم؟
الحمدلله
ليه؟
هو ايه الى ليه؟
عارف اما كبرت شوية يعنى سالت نفسى هو ليه طلعت مسلمه
يعنى السن الى كل واحد بيقول انا طلعت كدة ليه؟
بس بعدها بتحمد ربنا انك طلعت مسلم و انك من امه محمد صلى الله عليه و سلم
مين اكتر شخصية ما تقدرش تستغنى عنها في حياتك؟وليه؟
الصراحة مفيش
كشخصية يعنى و قدوة و الموضوع دة بجد فعلا مفيش
اما لو اتكلمنا على ناس غاليين فى حياتى فعلا مقدرش استغنى عنهم هيبقى فى طبعا
ايه اكتر موقف محرج اتعرضت ليه في حياتك؟واتصرفت ازاي؟
كان عندى تقريبا 17 سنه
و كان فى فالنادى حفله شم النسيم
طبعا روحت متأنتكة و عامله البدع و عايشة بقى
و فى عز انتكتى اتكعبلت ووقعت و لقيت شاب هو الى شلنى كنت فى غاية الاحراج
دة غير التريقات الى سمعتها من صحباتى و من الشباب الى كان موجود
و لسه لحد دلوقت كل ما افتكر هتحرج جداااااااااااا
ايه الأمنية اللي بتدعي ربنا دايما انه يحققها لك؟
الستر
انه ديما يسترنى مش عايزة اكتر من كدة
تمرر التاج دة لمين؟
بصراحة مش ناوية اممرره لحد
كفاية الى بيحصل فيا
هعمله كمان فى الناس حرام
:))

8 comments:

Monzer said...

تاج كمان
والله احمد سمير
خيره على المدونين كلهم
بس خلى بالك أنا حافظ التاج ده وانت خميتى فيه
فيه اسألة انت ماحطتهاش ليه باه كده
هاقول لاحمد سمير عليكى
ماليش دعوة
تحياتى لكى وكل تاج وانت بخير

عمار جرار said...

انا عندي اضافة في صلب الموضوع
..
..
..
نسيت كنت حقول ايه !
المرة الجاية

mohamed gado said...

يعنى بمليون ونص
هتشترى عربيه وتعملى شركه كبيره اوى وتوظفى كل الشباب
دا فيهم البركه توى
يلا ع العموم هى نيه طيبه
ربنا يرزقك بيهم
بس معقول مفيش شخصيه تقدرى تستغنى عنها
ع العموم احلى حاجه فى التاج هى الصراحه
تحياتى

البدراوى said...

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!

غمض عينيك said...

اجابات لذيذة يارانيا

تحياتي ليكي وكل تاج وانتي طيبة
محمد سمير

Rania said...

منذر باشاااا
محصلش و الله يا بيه
الاسئله و اخداه من احمد باست و كوبى
و كل تاج و انت بخير
:))

عمار جرار
انا بردة كنت اضيف نفس الاضافة
انا اضيف
منور يا عمار

محمد جادو

ايوة ما انت لو جبت عربية يوسد؟
هتفرق معاك :)))
شكرا على الزيارة و فعلا مفيش شخصية فارقة معايا
و قلتها قبل كدة ان فى ناس غاليين مقدرش استغنى عنهم
انما شخصية دى
لالالالا معتقدش
نورت

Rania said...

البدرواى
مش عارفة انت مستغرب ليه؟
بس عموما نورت و ياريت تشرفنى تانى
:))

غمض عينيك
مرسيى يا محمد
و على فكرة البوست بتاع البتزا بجد عجبنى جدااااااا
بس انا لمحت بوست جديد انا لسه مقرتوش بس اكيد هقراه و تقريبا بيتكلم عن بردة الرجل و المراه
مش عارفة ليه حاسة ان نهايتكوا انت و احمد سمير قربت
يلا كنتوا طيبين قوى
:(((

nosha said...

موضوعك جميل جداً وصادق في تعبيراته وأتمنالك أنك تحققي كل ده وكل اللي بتحلمي بيه بص نصيحة من أخ في شوية من الأحلام دي صعب جداً أنك تحققيها في البلد دي دوري على غيرها علشان تكملي بقيت حلمك
تحياتي ليكي
NOSHA