Monday, September 3, 2007

خلاص كدة؟

هو خلاص؟
خلاص كدة؟
الى بيحب مصر دلوقت لازم و لا بد يروح فى داهية
دلوقت بقى حب الوطن و الاحترام تهمة و نتعاقب عليها
ابراهيم عيسى
مش متفقة معاه فى حاجات
بس بصراحة و الحق يقال
انه راجل محترم
راجل محترم و بيحب مصر
و كفايه ان الجريدة بتعته من الجرايد المحترمة
فيها كلام صدق و حقيقة وواقـــع
مش رياء و نفاق زى ما بقية الجرايد الرسمية ما بتقول و لا بتعمل
ايه المشكله اما يلاحظ حاجة و يحاول ان يتكلم و يقول عنها ؟
انا مش صحفية.
بس الى اعرفه عن المهنه دى انها بترصد كل حاجة فى البلد
ان كانت سايسة او اقتصادية او حتى فنيــــــــة
ناس همهم البلد
عايزنها تكون فى احسن حال
بيكتبوا و يتكلموا و لو ربنا اراد كمان بيجيبوا حل
اشاعة موت الرئيس دى و الله اعلم ان كانت اشاعة او حتى حقيقة
لسه منعرفش
بس فعلا منتشرة و الناس كلها بتتكلم
و الى يقولك دة اصلا عندة المرض الوحش و التانى يقولك دة مات اكلينكيا
من فترة و مكتمين
و.... و..... و..... و..... و
يعنى اشاعة و منتشرة
الراجل كتب عنها و ناقشها و طلب ايضاح
ايه المشكله
بيتلككوا ليه؟
يا ما كان فى اشاعات
و الصحافة و الاعلام رصدوها و اتكلموا عنها ووضحوا
انها اشاعات و لا حقائق واقعة
و بالدلائل
حابين ياخدوا اى حد يقول كلمه حق ليه؟
معقوله الراجل دة كماااااااان
هيتسجن بتهمة زى دى؟
معقوله الدستور هيتقفل
معقوله
و تفضى الساحة للكلام الزيف و الرياء ؟؟؟؟؟؟؟؟
خلاص كدة؟

10 comments:

محمد عبد الغفار said...
This comment has been removed by the author.
محمد عبد الغفار said...

اسف أختلف معك

Rania Lelah said...

حقك طبعا تختلف معايا
بس معرفتنيش ايه اسباب الاختلاف يا محمد؟

Anonymous said...

وأنا كمان
اشمعنى أنا يعني
!!!!!!!!!!!!!
بصي هو أنا مش عارفة في إيه
بس سمعت إنه شال الطحال
بس بأى كويس
منى

غمض عينيك said...

ب يارانيا ماهو انتي بتتكلمي وتردي في نفس الوقت
الراجل مش قال كلمة حق وناقش قضية موجوده فعلا والرأي العام بيتكلم عنها؟؟؟
وكمان بتقولي جرناله محترم وكله حقيقة وصدق مش نفاق ورياء؟؟؟
يبقى يستاهل اللي يجراله مش هو اللي عايز يبقى دوغري
يشرب بقى
ويبقى انت اكيد في مصر

تحياتي

Rania Lelah said...

منى المحمودى
ماشى يا منى ماهو مكنتش اعرف

غمض عينيك
يعنى هو خلاص اى واحد هيبقى دوغرى هيتكل ؟
شرفتنى

ابن حـجـر الـعـسـقـلانـى said...

عجبنى قوى عنوان مقال لإبراهيم عيسى بيقول فيه: "الآلهة لا يمرضون".. ربنا يخرجك من أزمتك على خير يا أبا يحيى

و شكرا رانيا على الموضوع الجميل

يا مراكبي said...

أنا مش مندهش من الغضب على إبراهيم عيسى .. هو نفس الغضب على أي حد كويس في البلد بهدف تفريغ مصر من محتواها ومخزونها التقيل علشان يفضل التافه واللي أي كلام

دي سمات الحياة المصرية من أكتر من عقدين من الزمان .. لكن كل شيء وله آخر .. إن غدا لناظره قريب

Rania Lelah said...

ابن حجر العسقلانى
شرفتنى زيارتك
ابراهيم عيسى رجل محترم و بيحب بلدة و تقريبا دة الى وداه فى داهية

يا مراكبى
اكيد طبعا بيحولوا تفريغ مصر من المحترمين ووالوطنين
بس تفتكر فعلا ان كل شىء و له اخر
الله اعلم
مش حساه انه قريب يا مراكبى

Anonymous said...

ولا أنا يا أختي
آني ما أوعاااااااااش
هما اللي جالوووووولي
منى