Thursday, January 10, 2008

هزى يا نواعـــم

أعلم انه عنوان لا يليق بمقال و لكنه ليس من تأليفى
فانه عنوان لبرنامج فضائى على قناة فضائية تنتمى لاحدى البلاد العربية ,
اسم البرنامج هزى يا نواعم .
برنامج , هدفة الاساسى و الوحيد هو خلق جيل جديد ,
جيد التأسيس للرقص الشرقى نعم الرقص الشرقى ,
فأن فكرة البرنامج مثل فكرة سوبر ستار او مثل مسابقات الجمال ,
فمن المؤكد ان الفائزة بهذة المسابقة سوف تتلقى عروض هائله للعمل كراقصة !!!!!
فهذا البرنامج و الذى شاهدته أمس فقط , كان عبارة عن
استوديو كبيرا مجهز بصاله كبيرة و لجنه تحكيم مكونه من الراقصة نجوى فؤاد
و رجل كبير فى السن و امراه اخرى لا اعرفها .
والذى استفزنى لدرجة انه جعلنى اكتب هذا المقال الان ,
هو تعليق نجوى فؤاد على ملابس الرقص
( بدل الرقص ) , فكان تعليقها لبعض الراقصات الشابات
انه لا يصح ان راقصة تلبس مثل هذه الملابس المحتشمة
و ان لابد من الراقصة ان تعبر اكثر فى رقصها و حركاتها لتصبح مغرية ,
فالرقص اغراء!!!!!
و جاء الرجل الكبير فى السن و الذى اعتقد انه مخضرم فى الرقص الشرقى
فكان يعلق على الراقصات الشرقيات بان لابد من التمايل اكثر فاكثر
و اخذ فى تمثيل بعض الحركات الراقصة الغير محترمة ,
و التى يتعتبرها هو انها مثال للرقص الجيد !!!!!
وكانت المتسابقات من مختلف البلاد العربية و الاجنبيه ,
و لكن اكثرهم كانوا عرب و كانت ملابسهم غاية فى الابتذال
و ايضا للاسف فلم يحظو بالموافقة من لجنه التحكيم المحترمة لانهم لا يمثلوا الرقص الشعبى الاصيل .
و كانت دعوة نجوى فؤاد الاخيرة
دعونا نرجع للزمن الجميل و ملابس الرقص القديمة
التى كانت لا تقدم عرى و لكنها تقدم اغراء بطريقة غير مبتذله!!!!!
و حقيقا لا اعلم من اين ابدا تعليقى , هل ابدا بالفتيات الصغيرات ,
ام ابدا بالشباب , ام ابدا بان هذا البرنامج
يعتبر بدايه لمسابقات اخرى غاية فى الغرابه .
فعندما سمعنا بمسابقة الشذوذ التى قدمت من قبل فى بلد اجنبى
واشتراك مصر فيها , فشعرنا بالدم يغلوا فى عروقنا
ليس من اجل اسم المسابقة و لكن اشتراك مصر المؤسف فيها .
و الان مسابقات فى بلد عربى شقيق تدعو للاسفاف و الرقص الشرقى ,
الم يكن من الافضل التركيز على رئيس لهم افضل من هذه المسابقات المسفة ؟
لمصلحة من يتم هذا ؟ و تحت رعاية من ؟
من هى الجهة التى تريد تحطيم قوانا كعرب , بتحطيم شبابنا؟
ام الموضوع هو اسفاف بعض الناس يريدون تنفيذ اى شىء شاذ ؟
الم يكن من الافضل ان يقدموا برامج اخرى تنهض ببلدهم و ليس ان تجعل سمعتها بلد الفجور ؟
و يصبح اسم البرنامج مثل هزى يا نواعم
!!!!!!!!!!!!
رانيا رضا

12 comments:

AHMED SAMIR said...

ازيك يا رانيا
على فكرة يا رانيا
بلاش الاسلوب السماوي دة
ما تسيبي الشعب يعيش
ايه الكلام دة؟
ههههه
بس بجد بقى
برنامج هزي يا نواعم دة استثمار للنجاح اللي حققه البرنامج التافه ستار اكادمي
واللبنانيين دول تجار شاطرين موووت..لقيوا ان الهيافة نجحت نجاح مدو..قالوا ما تيجوا نجرب الاسفاف بقى يمكن ينجح هو كمان
عموما
ماتستغربيش
هو دة الواقع
تحياتي

Unknown said...

هاي رانيا
الرقص الشرقي ده الحاجة الوحيدة اللي احنا فالحين فيها احنا العرب واللي بنحاول نصدرها للغرب اللي حاسدنا عليه
والبرنامج ده هو تكملة لمسيرة الانحطاط الخالدة اللي بنعيشها
قال "هزي يا نواعم" قال! المفروض يسموه "ادلع يا رشيدي على وش الميه"
هههههههه

ابن رشد said...

و الله ما تحرقي في دمك خالص لازم يعلموا الشباب الرقص امال جيل الكليبات النص عارية منين
لازم يبقى في تدعيم للاجيال
و كويس ان قالوا هزي بس مش حاجة تانية
بوست رائع يا رانيا
مع تحياتي
شمس الزناتي
ابناء مصر

nosha said...

عفواًيارانيا هو ده زمن الفساد الإخلاقي اللامتناهي في كل حاجة في حياتنا ولو إن فيه رؤساء وملوك عندهم عزة وكرامة ونخوة بجد كانوا قدروا إنهم يمنعوا كل البرامج اللاأخلاقيةاللي بقت مليانة في حياتنا
وكل اللي علينا إحنا نعمله إننا نبعد نفسنا وأهالينا وإخواتنا عن كل حاجة تفسد وتدمر وتمحي الأخلاق والنخوة من حياتنا
تحياتي ليكي

Rania Lelah said...

احمدسمير
واقع مؤسف يا احمد و الله
انا كل ما بتفرج على البرنامج دة بيتحرق دمى
طبعا هتقولى متتفرجيش عليه
:))
عرفاك
ههههه
انما بجد بتفرج عليه علشان احاول اطلع فسى غلط و اقول استحاله دة يكون فعلا واقعو بيحصل
شرفتنى يا سمير

عمار جرار
من ناحية استمرار لمسيرة الانحطاط فبجد عندك الف مليون حق
تحياتى

شمس الزناتى
مرسيى لك يا شمس
بس يارتهم تجي على قد كدة
الهدف من برنامجهم اكبر و اشمل
ربنا يستر

نوشا
فينك يا نوشا
نورتنى و الله
عندك حق اكيد يا نوشا
الفساد الاخلاقى و الفساد المنتشر عندنا و عند العرب هو السبب الرئيسى
تحياتى لك و شرفتنى

يا مراكبي said...

ما أعرفش قولتلك قبل كده على نظرية المؤامرة وألا لأ؟ والمؤامرة دلوقت ما بقتش من برة بلادنا بس .. دي بقت كمان ليها مؤيدين وناس بتدعمهم من جوة البلاد كمان

يعني ما بقتش فارقة هي المؤامرة من برة وألا من جوة .. المهم إن فيه مؤامرة وخلاص

كلام لوجيك said...

للأسف الشديد هذا هو حال العرب وواقعهم المأساوي فى هذا الزمان
نحن نبرع فقط فى الاسفاف والابتذال

واتفق على ما قاله اخى وصديقى العزيز يا مراكبى فى موضوع المؤامرة
فقد سئمنا هذه الكلمة من كثرة تكرارها
لقد أصبحنا نحن من نقوم بتلك المؤامرات والمفاسد التى لا تجلب الا المهالك
لدينا الان اكبر رعاة الفساد والافساد فى العالم
ولا يجب أن نلقى باللوم على الاخرين ، ولكن نحن أيضا ملامين بتشجيعنا وتهافتنا على مثل تلك الأشياء والمساخر
نحن ندعمها بكثافة المشاهدة وبالدعاية الاعلانية

أرجو أن نجد مخرجا من هذا الكابوس الذي لن ينتهى على خير

خالص مودتى
و دمتم جميعا فى خير
اسامة سامى

غمض عينيك said...

ههههههههههه
خلى الشباب ينبسط

بس سيبك انتي اسم البرنامج جاب من الاخر
هزي يانواعم

Rania Lelah said...

يا مراكبى
ايوة هى نظرية المؤامرة دى
ربنا يستر على الى جاى يا مراكبى
نورتنى


كلام لوجيك
هذا هو المقصود ان الشعب بما هو ضويعو تافه لايجاد شعب غير مكترث بما هو مفيد لوطنه
تحياتى

غمض عينك
اة و الله يا محمد
اول مش شفت العنوان قلت يا نهار كدة عادى كدة

khaled said...

شىء مقذذ
هزى يا نواعم
ده انا مكسوف وانا بقولها

ghadah said...

السلام عليكم
ازيك يا رانيا يارب تكوني بخير
انتي فين ماشفتكيش من زمان
ان متابعة مدونتك بس اول اكتب فيها
جميل البوست بتاعك
بس لازم كلنا نعرف ان البرنامج ده وغيره من البرامج التافة والخليعة ده جزء من مؤامرة كبيرة لتحطيم قيمنا واخلاقنا خصوصا الشباب والبنات بالذات لانهم اول الطريق لهدم الامة الاسلامية خطوة خطوة
حتي يسهل عليهم الانحراف والانخلاع من دينهم ومن ثم احتلال عقولهم وقلوبهم بعد انسلاخها من الدين
فيا ريت كل بنت وكل شاب يعرف هذا وكل اب وام يجنبوا اولادهم سواء بنين وبنات من مشاهدة او متابعة مثل هذه البرامج التي تشبه السوس الذي ينخر في اساس الامة
وتقبلي تحياتي
غادة

ghadah said...

وطبعا الجواب بيبان من عنوانه
لا حول ولا قوة الا بالله