Saturday, March 15, 2008

بنــاء مواطن

الاهم من بناء المناطق هو بناء المواطن
و الاهم من بناء المواطن هو بناء الابناء
لان الابناء هم المستقبل

افتتح مقالى هذا بهذه الكلمات و التى اخذتها عن فيلم عربى ,
فهى حقا تعبر عن واقعية شديدة جدا .حيث الاهم من بناء المناطق هو بناء المواطن
و لكن!!!اين المواطن يا ساده؟ اين يوجد هذا المواطن ؟
مع وجود الفرق الشاسع بين الطبقات فى هذا البلد اين يوجد هذا المواطن
و الذى يتواجد المئات بل الالوف منهم فى العرى و عندما يحاولون التعبير عن هذا او التحدث بشان حقوقهم المسلوبه يهانون على قارعة الطريق فى اسلوب وحشى و همجى و لا فرق بين امرأه و رجل و لا طفل و لا شيخ .
اين هو بناء الابناء و نحن نرى كل يوم ما بين متطرف او من اصبح عضو جديد من اعضاء فرقة اطفال الشوارع او من هم يعيشون فى بذخ هائل و لا يعرفون ما قيمة وطن او الاحساس بما هيه مشاكل هذا الوطن
,, فنعم الابناء هم المستقبل.
و لكن بهذا الحال يؤسفنى القول بان المستقبل اصبح اسودا هكذا ,
انا لست متاشئمة و لكن اليست كل الظروف تقول ذلك ااذ ما تكلمنا عن الابناء و انهم المستقل فسوف يكون مستقبلا يعاننا الله عليه
اين هى التربية و اين الاخلاق التى نربى عليها ابنائنا , اين العدل؟ القابع فى هذا الوطن ,
اذا ما راينا سنجد نوعين , نوع تائه لا يستطيع تدبر قوت يومه و لا اشباع اقل اقل رغباته و الاخر يتلذذ فى متاع الدنيا غير آبه بما يحدث.ما هذا ؟
لقد نسيت ؟ اين هى بناء المناطق !!!!! نحن لدينا المئات بل الالوف من الناس فى العرى بلا سكن او مئوى , لدينا من العشوائيات الكثير و الكثير قنابل موقوته فى مصر تنتظر لحظة الانفجار و اذا ما انفجرت سوف نعيش ايام اعاننا الله على تحملها .
لما هذه الفجوة التى تفرق فيما بيننا و متى سوف نجد لها حل ؟ هل بعد ما تتكاثر اعداد الشباب العاطل ؟ ام عندما نجد افواج و افواج من اشخاص غريبة تتحول بعد ان كانت انسية فبفضل البطاله و اختفاء الطبقات الوسطى و بعض الفساد و الظلم و القهر تحولت و اصبحت شيطاين تعبث فى مصر .
كيف نقوم ببناء المناطق و هناك من يتحكم بتكويناتها و يحتكر اسياخها ؟ لماذا اصبح كل شىء فى مصر قابل للشراء البيع و الجديد هو الاحتكار؟
لما اصبح الشعب الان يتناسى كل مشاكله و لم يعد يأبوا غير ان حارس مرمى مصر هرب و لم يعد
او انه وصل الى ارض الوطن فى سلام و يسر ؟ لما قد نتناسى ما يحدث لنا و لم نحاول ان نجد له حلول , نبدا بانفسنا نبنى فعلا مواطنين . تبنى الدوله مواطنين لهم كرامتهم و من حقهم التعبير عن رايهم بشتى الطرق . و نحن نبى ابنائنا و نربيهم تربية حسنه و نغرس فيهم حب وطنهم و حب انفسهم و اهلهم حتى نستطيع ان نبنى مستقبل مشرق غدا و لا نقع فى براثن عنف و سطو على كل ما هو مرتبط بالقيم و المبادىء و المثل العليا. اعتقد اننا وقتها قد نتمكن من بناء مناطق و بناء مواطن و اخيرا بناء ابناء لمستقبل مشرق .

رانيا

35 comments:

Unknown said...

أزيك يا رانيا عاملة أيه
أولا موضوع تحفة
بس كنت عايز أقولك كان ممكن تركزي على حاجة حاجة
بس فكرة حلوة
مصر على حافة الهاوية
أو يمكن منناحية تانية الأثرياء في قطار نحو المستقبل والعامة في نفق نحو المجهول
كان ممكن زمان الواحد يقسم المجتمع بتاعنا لطبقات طبقة غنية وطبقة متوسطة وطبقة فقيرة
أحب أقولك إني دلوقت لو قسمتهم كده أبقى بأهزر أو أتجننت
كل الموضوع مع الفوضى العارمة في كل حاجة من أسعار وغيرها أختفت تلك الطبقى الوسطى وما ينفعش نتقسم دلوقت غير إن مصر بشوات وحثالة كإننا رجعنا 90 سنة ورا
وبدل ما مصر تقلل الفجوة المتوسعة بين الطبقات لأ أخفتها خالص بدل وجع الدماغ
المشكلة إن ما فيش عند الغني فكرة إنه يقلص الفجوة
والفقير مدحور لدرجة إنه ما بيعرفش يفكر
يعني لو واحد على قد حالة لمله كام ألف وجه يفكر يبني أوضة معلش الكام ألف دول هيخلصو على الحديد بتاع عمو عز اللي بيبيعه لإسرائيل ب600 جنيه
وبما إننا هنا في مصر أغنى من إسرائيل وعندنا بقى وقود نووي وقاعدين بننهش في لحم اللي حوالينا فبيديهولنا ب 6000
أمال لو ماكنتش مصري كنت عملت فينا أيه
وبعد كده هل حد أتكلم
بجد يا رانيا كنت لسة واقف مع واحدة فاتحة كشك جنبنا
وبتعول أبنائها
بتقوللي تعليقا على إرتفاع الأسعار
طب اللحمة والفراخ ممكن نخليهم مرة في الأسبوع أو في الشهر
بس الطماطم
ولا الزيت ولا السكر والأرز
دول إزاي نستغنى عنهم
ولو استغنينا عنهم هناكل أيه
ياللي أمرت باحتراف الحضري بص شوية علينا شعبك غلبان لدرجة إنه معملش ضدك مظاهرة
بجد ما أقدرش أقول غير كده
بس أحب أقول إن الشعب ده أطيب شعوب الأرض بس عامل زي القطط وبجد لو ثار ما حدش هيعرف يوقفه
واللي في يوم طلعوا نسوان ورجالة خاللوا الإنجليز يرجعوا سعد
يقدروا يشيلو مصر على أكتافهم ووينظفوها من جعبة الفساد





تحياتي وعذرا على الإطالة
محمد علي

lonlysmily said...

ازيك يا رانيا ايه الاخبار؟
انتى كتبتى حاجه جمعتى فيها تلت اربع المشاكل اللى احنا بنعانى منها
ان مثلا %52 من المصريين تحت خط الفقر على الرغم ان الحكومه تدعى انهم فقط25%
ان مثلا التربيه مبقتش تربيه ابناء علشان يتحملوا مسؤوليه المستقبل بس بقت تربيه معدومه من لغه الحوار بين الاسرة بين المدرسه او الكليه والطلبه

بس تصدقى انا اعدت افكر شويه بعد ما قريت كلامك لو عايزة احل المشاكل دى ابدا منين وازاى؟؟
لقيت اننا اللى بنعمل كل حاجه احنا اللى بنغير احنا اللى بنتعلم احنا اللى بنشتغل
هو اكيد هتبقى فى عقوبات كتيرة ادام الانسان بس ايمانه باللى هو بيعمله هيخليه يستمر
بجد كلامك عجبنى جدا مباشر وصريح وعملتى
spotline
على حجات مهمه جدا فى بلدنا
تحياتى ليكى:)

AHMED SAMIR said...

برضة لسه بتتفرجي على افلام عربي كتير يا رانيا؟
شوفتي اخرة اللي يتفرج ع التليفزيون بيحصل له ايه؟
بيكتب موضوع زي اللي انتي كاتباه دة

Unknown said...

هاي رانيا
موضوع حلو قوي
ولو اني مليش علاقة فيه بس برده بعتبر ان بناء المواطن هو الحل الجذري لمصيبة الغفوة العربية اللي بنعيشها بشكل عام.
وانا دايما باقول ان الفرد اساس المجتمع
زي الطوبة السليمة اللي بيتشكل من تكرارها الحيط المتين. وان الانسان اهم من البنيان، لان لو بنينا الانسان صح حيبني بدوره الوطن.
سلام

صوت من مصر said...

بجد يا رانيا اقولك ان الحكومه مبقاش عندها مواطن ولا وطن حتى
بجد

الفارس الملثم said...

المواطن يا رانيا بيتبني من بداية لما يكون لسه طفل ويدخل المدرسة ومفروض يلاقي اشياء تناسب طفولته من ديسكات يقعد عليها وهو مرتاح وملعب لتفريغ طاقاته وناس يكتشفوا مواهبه وينموا قدراته ويتعلم يعني ايه يقول رايه من غير ما يخاف ولما يتخرج يلاقي وظيفة محترمة بمرتب محترم ويلاقي مواصلة تحترم ادميته ولو دخل قسم شرطة يلاقي ناس اتربت ان الشرطة في خدمة الشعب بجد

اما لو كان اللي بيشوفه طول حياته عكس كده تماما من مدارس بعضها ام مكتظ بالتلاميذ او قابل للانهيار علي من فيه اومواصلات لما يضع في حسبانها انها لركوب البشر والتعامل معهم علي اساس انهم سمك مملح او ملازم شرطة يمتهن كرامتك علي رؤوس الاشهاد ولو طولت معاه ربما يكون مصيرك في ثلاجة في مشرحة ناهيك عن الفساد والفاسدين اللذين يتم حمايتهم من قبل اعلي المستويات في الدولة تفتكري بعد كل ده ايكون شكل المواطن ده ايه

ربنا بقي يلطف بالبلد من اللي بيتعمل فيها

سلام يا رانيا

أحساس لسه حى ...أنا مش موافق said...

عزيزتى

هو مين اللى هيبنى الوطن ولا المواطن ولا ...... الابناء

وماذا نفعل

اذا كان من يبنى يسرق

اذا كان المفروض ان يبنى يغش

بيقولوا حاميها حراميها

المستقبل عمره ما هيتغير طول ما فى ظلم لان اللى بيتظلم النهارده هيظلم غيره بكره

والظلم عيولد ظلم

وربنا يستر

تحياتى
سلام

محمد عبد الغفار said...

كل واحد يبدأ بنفسه جميل اوى

بس اذا كان كل واحد مش عارف الصح من الغلط اساساً هيبدأ ازاى

Unknown said...

بناء مواطن

اقولك وانا اصغر من كدة

كنت بحب اتابع موضوع توشكى

وازاى المشروع دة هايعبر بينا للقرن الحادى والعشريين

ايام بقى كنت لسة صغير وبحلم عادى

كنت بتخيل ازاى مصر كلها هاتتنقل هناك

وهاقدر اغير حاجات كتير كنت بحلم اغيرها

ومنها المواطن اللى حواليا
لان كنت مؤمن بان جمال الموطن

بيبعث الجمال فى المواطن نفسة
لان الفوضى والزحمة والخنقة اللى فى الشوارع

كانت بتخلق مواطن سلبى بطبيعة الحال

كل المشاكل اللى انتى قولتيها

لها اكتر من سبب

منها سوء بناء المواطن

اللى اختار السلبية شعار

متعودش يعترض

goodman said...

لا اعتقد ان الوجوة القائمة حاليا قادرة على فعل اى شىء
افضل ما يمكن ان تقوم بة هو ان تتنحى

Rania Lelah said...

محمد على

اشكرك على هذا التعليق المتميز
و حقا يا اخى شعبنا اذا ما افاقت فيه النخوة و خرج عن صمته الاحمق فسوف نبتر هذا الفساد من مصر
واعجبنى ما وصفقته
ان العامة فى نفق الى المجهول
فهذا حقا ما سيحدث

لك تحياتى و مودتى

Rania Lelah said...

lonely smile
اشكرك على كلماتك عزيزتى و ربما تحدثت عن اكثر من مشكله و هذا فقط بسبب ما اصبنى من ملل من كثرة هذه المشاكل و حلها الذى لا يظهر ابدا

تحياتى و تقديرى

****************
a. samir
طب اعمل ايه
اتفرج على ايه غير الافلام العربى
هاخد كلمه يوسف وهبى مع بعض التحريف
ما الدنيا الا فيلم عربى كبير
:)

تحياتى

Rania Lelah said...

عمار جرار

الفرد اساس المجتمع
زي الطوبة السليمة اللي بيتشكل من تكرارها الحيط المتين. وان الانسان اهم من البنيان، لان لو بنينا الانسان صح حيبني بدوره الوطن

اعجبتنى هذه السطور فانها حقا ملخص من اردت قوله

تحياتى

Rania Lelah said...

صوت من مصر
كل ظالم و له نهاية
و مؤكد دوام الحال من المحال

تقديرى و احترامى

******************
الفارس الملثم

اذا متى يكون الحل
هل نبنى انفسنا اولا ام نتراجع عن احلامنا ام نجتمع يدا واحدة للقضاء هذا القهر

متى سيكون الحل ؟

تقديرى

*******************
انا مش موافق

مللت من اعادة هذا السؤال
الى متى سيتمر حالنا هكذا لا نستطيع الفعل و نكتفى بالصمت و المشاهدة

تحياتى

Rania Lelah said...

محمد عبد الغفار

اذا عليك بالابناء نحاول غرس فيهم ما نفتقره نحن مالم نتعلمه نحن
اذا كنا لا نعلم اين الصواب و الخطا الان
ربما نعرفه غدا
اذا ضاعت فرصتنا نحن فى اصلاح انفسنا فعلينا بالجيل القادم
ربما يكون على يده االنصر

تحياتى

Rania Lelah said...

واحد مش فاهم حاجة
لماذا اتخذ من السلبية شعار؟
هل لانه سلبى بطبعه ام مواقف معينه تجعله سلبيا
انظر اخى اعلم ان لن يستطيع واحد فقط من بين ال70 مليون ان يغر مصرنا
و لكن لكى يكون الموقف ايجابيا و له ردة فعل هائله يجب التكاتف كلنا على شىء واحد اعادة بناء مصرنا نحن و ليست مصرهم هم

تحياتى

*******************
good man

تعتقد بانهم سيفعلوا؟؟؟؟!
ليتهم يفعلوها

تحياتى و مودتى

أنا حر said...

الموضوع حلو قوي وانت اتكلمتي على حاجة مهمه جدا وهي ان الحكومة نجحت انها تبني عشوائيات جوة عقول البشر من فترة طويلة ظهرت دلوقتي في الشخصيات وفي الافكار
المواطن المصري فعلا مواطن عشوائي غير قادر على تحديد مستقبلة أو تحسين وضعه او حتى التأثير بشكل ايجابي في حياته بشكل عام وده اللي بيخلي الحكومة تعمل كل المصايب دي وهي عارفة ان محدش هيتحرك ولا حد هيتكلم لأن الاغلبية عشوائية
تحياتي

walaa said...

عندك حق فى كل كلمه قولتيها
العشوئيات كما قال طارق عبد الجابر القنبله الموقوته
اذا لم نجد حل لهم سينتشرون فى مصر وياكلون الاخضر واليابس ولهم الحق لانهم لم يعيشوا عيشه اداميه
ثانيا تربيه الاولاد كل اسره مسئوله عن تربية النشىء الجديد
واذا ما هو دور الام والاب فى المنزل اذا كانت هذه سلوك النشىء الجديد

اصبح الفساد والانحلال زالا مباللاه سمة حياتنا اليوميه
تحياتى ولاء

dr.Roufy said...

كلامك موجع قوي يارانيا بجد
انا فعلا ساعات بابص علي الناس في بلدنا وباخاف
باخاف عليهم ثم منهم
لأن فعلا فئات كتير زي مانتي قلتي ممكن تكون قنابل موقوتة
يمكن أكون متشائمة..بس حقيقي شايفة ان البلد بتنحدر في طريق صعب الرجوع منه

لنا الله

kafrawy said...

تحياتى لكلماتك الحماسية
واحب اقول اجابتى
الاجابة

كفرالشيخ

صح؟


هههههههه

سلام

Mohamed Hesham Safa said...

والله لو كل واحد ابتدا بنفسه زي ما حضرتك قلتي هنتحسن كتير ... انما لما كل واحد يعمل الغلط ويخالف القانون والضمير ويوقلك كل الناس كده يبقى مش هنخلص ولسة هنشوف اوحش مش كده كتير
.............

ده الرسول صلى الله عليه وسلم بيقول حديث فيما معناه :لا يكن أحدكم امعة، اذا أحسن الناس أحسن وذاذ أساء الناس أساء ...

........................

انا عن نفسي غير راضي عن الوضع الحالي ... يعني بجد مش كده الحياة بقت صعبة ... مش من الناحية المادية بس ... التعامل مع الناس كمان بقى محتاج نفس طويل وأحيانا قلة ادب

بس
"ان بعد العسر يسرا"

والسـ ختام ــلام

Desert cat said...

تحياتى رانيا
فعلا ابدعت سطورك
انا مش هكرر رى عند بنت مصرية ولكن هكرر جملتى الاخيرة وهى اننا محتاجين نفوق محتاجين نطالب بحقنا فى بدلنا
من ابسط حقوقنا عيشه كريمة
من ابسط حقوقنا استغلال طاقات شبابنا ورحمته من البطالة
من ابسط حقوقنا الحصول على رغيف خبز دون بلطجة او الموت فى طابور
مودتى

Unknown said...

انا اكتشفت من خلال محادثاتى مع ناس فى مشكلة العشولئيات و الفقر أن عشان نشيل العشوائيات و نعالج الفقر فى البلد دى لازم نعالج فقر و عشوائيا العقول و القلوب اولا

ممكن أضيفك فى اهل عندليبيات جناح ( أنا من تراب ؟ )

Rania Lelah said...

انا حر
صنعت عشوائيات فى عقول البشر
صدقت عزيزى هذا ما فعلته به حكومتنا للاسف

تحياتى
*************
walaa
اخشى عزيزتى من انفجارها فى وقت قريب
فسوقتها ستقع مصر فى الهاوية

تحياتى

***************
dr: roufy
كما قلت لولاء
اخشى انا الاخرى من هذه النهاية المدمرة
و لنا الله
اسعدتنى زيارتك

Rania Lelah said...

kafrawy
اجابه خاطئة للاسف

تحياتى

****************
mohammed hesham
التعامل حقا هذه الايام مع الناس صعب
اصبحنا لا نتحمل اقل كلمه
و اصبحت العصبية داء مترسخ فى انفسنا
ربما من الاحوال المادية المتعسرة
ربما من الماكل التى تملاء مصرنا
ربما من الفساد و الظلم النابع من حكامنا

تحياتى و مودتى

**********************
desert cat

نحن اولا و من ثم نطالب بعيشة كريمة
ليس كل الفساد من الطبقة الفقيرة و لا كل الفساد من الطبقات الراقية

مودتى سانتظرك دوما
*******************
عاليا حليم

عزيزتى اسعدتنى زيارتك
و هذه هى الكارثة
ما ستفعله
عشوائيات العقول هذه من اشياء

مودتى و تقديرى

سنووايت said...

في بلدنا لا نعترف اصلا بكلمة "مواطن" علشان نهتم بيه

دينا حامد said...

للاسف الشديد
الناس خلاص مابتفكرش في اي حاجه
ولا هاممها مستقبل ولا ماضي ولا حاضر
والوطن انهار والاسباب كتير
حتى اساس الوطن ده اللي هو المفروض يبقى الشباب
اصبحوا السبب الرئيسي فى انهياره
مفيش مستقبل لان مفيش جيل ممكن يصنع المستقبل ده
والاسباب كتير وبلدنا ملياااااااااااانه ظلم وقهر وتشرد والحمد لله
واكيد ده العامل الرئيسي لكنه مش الوحيد
تحياتي

عــلاء ســالـــم said...

السلام عليكم

للأسف الشديد الحال بيزداد سوء مع مرور الوقت
وللأسف أيضاً انه لا توجد أي بوادر تغيير أو إصلاح في البلد .
ربنا يحلها من عنده

walaa said...

تعالى خدى التاج بتاعك من عندى
تحياتى ولاء

Rania Lelah said...

سنووايت
و الى متى سيتجاهلوا هذا الشخص المسمى مواطن
و الى متى سيتعترفوا بادميته و بحقوقه المسلوبه

حسبنا الله
مودتى

***************
دينا حامد
اسعدتنى زيارتك
و عن ما تتحدثى عنه بشان الظلم و القهر
فلنا باع طويل فى هذا الشان
فربما تعودنا عليه عزيزتى
كما قلت سابقا لنا الله و الى متى سينتهى هذا ؟
و لكننى ايضا اؤمن ان دوام الحال من المحال و ان نصر الل قريب

تحياتى

Rania Lelah said...

علاء سالم
عليكم السلام و رحمة الله و بركاته
ربما لا يوجد تغيير
و لكننى اعتقد انه فى المستقبل القريب جدا سيوجد بوادر تغيير
دعنا نؤيدها اخى

مودتى
****************
walaa
علم و سينفذ

غني يابهيه said...

اول زياره
لو كل اب وام بدأوا يبنوا مواطنين بجد فى اولادهم
مواطنين لهم الحق فى القبول والرفض
يبقى دى اول خطوه فى بناء الوطن اللى احنا عايزينه يارانيا
بهيه هتستناكى

Rania Lelah said...

جمهورية مصر العربية
اشكرك لمرورك
و يا ريت بهبه ترجع زى زمان

تحياتى

يا مراكبي said...

إذا حبيتي تطمئني على مستقبل البلد .. بصي على أطفال البلد وشوفي سلوكهم بقى عامل إزاي

إطمنتي؟

snohe said...

برافو
مقال جميل
ادعوكى لمدونتى