Saturday, May 24, 2008

تاج الاغلبيه الصامته

التاج ده من احمد سمير الاغلبيه الصامته
فبجد بشكره و بقوله لك يوم
:D
و نجاملك فى الافراح ان شاء الله

بسم الله
أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟
الحلم الاول
كان نفسى اهتم اكتر بالرسم و الموسيقى كنت بحلم انى ابقى عازفة جيتار مشهورة او حتى رسامه
بس مشكلتى ان مكنش فى حد يشجعنى على ان انمى اى موهبه
يمكن ده مش مبرر برده بس اكيد تتمنى ان حد يبقى وراك و يشجعك
حلمى التانى
انا عملت خطوه فى حياتى و للاسف كنت مجبره عليها لو يرجع بيا الزمن مكنتش اعملها
او على الاقل كنت فكرت كويس قوى فيها
بس برده كل شىء بيد الله
الحلم التالت
كان نفسى قوى ادخل كليه سياحة و فنادق
لانى بمووت فى حاجة اسمها اثار و بالاخص الفرعونيه كان نفسى ابقى مرشدة سياحية
و مع ان الكل وعدنى انى هدخلها لو جبت مجموعها
بس ساعه الجد الكل نسى و قالولى البنت و مش البنت
المهم خلتنى ورا اخويا لحد ما دخلها هو
الحلم الرابع
لو رجع بيا الزمن شوية صغيرة كنت اخدت كورسات فى ادارة الاعمال
الحلم الخامس
انا بحب القراية قوى بس مجتش الفرصه انى اقرا كتير
و طبعا ظروف الحياه خلتنى كمان بعيدة الايام دى عن القرايه اصلا

**************
أذكر خمس أحلام على الاقل ..تخص مستقبلك
الحلم الاول
انى اصل الرحم اكتر من كده
انا الحمدلله بسال على كل قريبى بس ساعات بحس بردة انى مقصره
الحلم التانى
الستر من عند ربنا و مش يحوجنى لاى حد الا له بس
الحلم التالت
اسافر و الف العالم كله بحب السفر قووى
الحلم الرابع
انى ابقى احسن و انجح سيدة اعمال فى مصر قوولوا يا رب
الحلم الخامس
نفسى احس بالامان و الحنان فى حياتى و بس

*********
أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن
للاسف مفييييييييش

**********
أذكر شخصين على الأقل غير متواجدين فى حياتك حاليا
كنت تود وجودهم الان او فى حياة اولادك مستقبلا
خالى الله يرحمه كان بجد قدوه و مثل اعلى
كفايه انه كان محسسنى بالحمايه فى الزمن ده
و جدتى بردة الله يرحمها
كان نفسى تبقى موجودة كانت بتحبى قوى حب غير عادى كنت بحس الامان فى حضنها بجد


و الان اهدى هذا التاج الى
شرين
الفارس الملثم
اجندا حمرا
سنووايت

وووووووووبس

37 comments:

khobayb said...

انى اصل الرحم اكتر من كده

---

حلم أكثر من رائع

---

بارك الله فيكِ
وحقق أحلامك

Desert cat said...

واضح من اجاباتك انك انسانة طيبة ورقيقه يا رانيا وقلبك مليان بالخير
ربنا يوفقك ويحقق لك كل امنياتك

Anonymous said...

العزيزه رانيا

سعيده اني لاقيت جديدك في الكتابه و الردود الجميله بتاعتك علي التاج
ردودك بتبين اد ايه انتي فنانه و رقيقه اهتمامك بالموسيقي شئ جميل لأن الموسيقي من ارقي الفنون هي و الرسم

عجبني اوي حلمك انك نفسك تصلي رحمك اكتر
و ده بيدل علي طيبه ألبك
ربنا يسعدك و يوفقك دايما رانيا
بشكر التاج اللي عرفنا اكتر علي شخصيتك الجميله و مرسي علي تمرير التاج ليا و اوعدك اني حجاوب عليه في أقرب وقت
تحياتي ليكي ياجميله

AHMED SAMIR said...

جيتااااااااااااااااااار
تاني يا رانيا؟
هتموتي وتلعبي ع الجيتار
عموما بالتوفيق باذن الله
ويارب تكوني اقوى سيدة اعمال في مصر بس ساعتها هتروحي من عز فين؟
تفتكري هيسيبك؟
تحياتي

سنووايت said...

شكرا يا قمراية علي التاج وان شاء الله اجاوبه في اقرب وقت
وبما ان محدش شجعك علي تنمية مواهبك فلسة الوقت ما فاتش , انتي عارفة انا كمان بحب العزف جدا والرسم جدا جدا وكان نفسي ادرسهم هما الاتنين بس بردو ملقتش حد يساعدني او يمكن انا كسولة شوية , بس ايه رأيك احنا الاتنين ندور علي حد ينمي المواهب دي :)

الفارس الملثم said...

ايه ده نفسك تبقي سيده اعمال مممممم

اجاباتك جميله اوي يا رانيا وواضح ان تفكيرك مش تقليدي وكمان انسانه طيبه

بس ملقتيش غير تاج الاحلام تبعتهولي ,دانا لو جاوبت عليه ايتحول معايا تاج كوابيس , ربنا يستر

متشكر اوي يا رانيا علي تمريره واجاوب عليه قريبا ..

تحياتي وتقديري
محمد

الفارس الملثم said...

يا ريت علي فكره تهتمي انك تنمي موهبتك ,هو اكيد كل واحد محتاج تشجيع عشان تتطور موهبته بس الاهم انه هو نفسه يكون عنده ثقه في موهبته ويحاول انه يجد لها متنفس وظهور الي النور..

ربنا يحققلك كل اللي تتمنيه

Rania Lelah said...

خبيب
اشكرك لاطرائك يا خبيب
و بالتوفيق دائمااااا

تحياتى
***************
desert cat
يا رب يخليكى يا قطة
ديما كلامك حلو

تحياتى

Rania Lelah said...

اجندا حمرا
ربنا يخليكى يا جميله و اكيد منتظرة اجابتك الى بحاول اتوقعها و اكيد هلاقيها جميله زيك

تحياتى
*************
a.samir
انا اصلا بعزف جيتار يا سمير بس عايزة احترف بقى
و من ناحيه هيسبنى
ممكن قوى
:))
ادعيلى بس

Rania Lelah said...

سنووايت
حاجة تسعدنى ان الاقى حد زى اكيد
و منتظره اقتراحك
و
منتظرة اجابتك على التاج
يا قمرايه

تحياتى و مودتى

*****************
الفارس الملثم
الحمدلله الثقة موجودة بس اكيد تعرف ان محدش بياخد كل حاجة هو عايزاها من الدنيا

منتظرة اجابتك اللى اكيد هتكون رائعة باسلوبك المتميز و المعهود منك ديما

دمت بكل خير

مـحـمـد مـفـيـد said...

تصدقي انا مش بحب التاجات دي
بس ليها ميزه انها بتخلينا نعرف الواحد بجد
اخبار النظاره الريبان ايه ؟

الربان said...

تحياتي

اجابات جميله...و صريحة.

ربنا يحقق لك كل احلامك...و يشملك بستره في الدنيا و الاخرة.

اعتقد ان مازال امامك فرصة طيبة للدراسة...ادارة الاعمال...ممكن حضرتك
علي الانترنت تجدي ما يفي بالغرض...
الرسم ممكن ان ترسمي في اوقات الفراغ
و ممكن ايضا تتعلمي الاساسيات مثل
تكوين الالوان...و الضوء و انعكاسه
و ما الي ذلك من النت..

ربنا يسعدك و يحقق كل امانيك...و يعطيك خيري الدنيا و الاخرة لانك انسانة
رقيقة....و هذا ما استشفيته من اجاباتك و خاصة دفعك لاخيك لدراسة سياحة...و حبك لتقوية صلة الرحم...

تحياتي و تقديري

سندباد said...

اسئلة جميلة واجابات اجمل
لكي تحياتي

Adam said...

رانيا :) يا رب تكوني فاكراني.. أولاً القراءة ملهاش وقت, ممكن تقري في أي حته... أييييييييييي حته :). يمكن ده الحاجه إلي تقدر تفتحلك أماكن و تذهب بك إلى أماكن عمرك ما زورتيها, إلى أن يقضي الله أمراً كان مفعولا و تروحي :). ثانياً بقى :) لما كنت رايح أشتري عربية و بقول إني بفكر أشتري عربية مستعملة قام واحد قال لي يا راجل حد يجيب مستعمل.. هو أنا مفهمتش لييه ما أنا إللي بختار و بحب كانت معايا قبل كده أو مع غيري الراحه هي إللي بتحدد. فا يا ستي بقى السؤال بتاع واحدة متجوزة قبل كده فكرني بالموقف ده

Abo 7anf said...

السلام عليكم
أحلامك جميله ومشروعه
واجمل مافيها بساطتها
مع ان معناها كبير
ربنا يحقققهالك

Dr. Eyad Harfoush said...

عزيزتي رانيا
"هنا و الآن" هي أعظم كلمة قيلت عندما نتعامل مع ما نريد أو ما كنا نريده يوما، بعد بلوغنا لرشدنا، لا يوجد حلم من الماضي أو المستقبل لا يمكننا تحقيقه الا قليلا، حقق الله لك كل ما تمنيت من خير
تحياتي و تقديري

Rania Lelah said...

محمد مفيد
اكيد بنعرف بعض اكتر
و اتمنى اعرفك اكتر انت كمان اما تجاوب على التاج

و بالنسبة للنضارة كويسة
يا ابناء مصر
ربنا يستر
مش عارفه غيظاكوا فى ايه
:))

تحياتى
*************
الربان
اشكرك صديقى العزيز على كلماتك الرقيقة هذه اما بالنسبة للدراسه فان شاء الله انوى اخذ كورسات بالفعل اما الهويات مثل الرسم و الجيتار
فانا احاول ان اسعتيد ما فاتنى و لكن
ظروف الحياه اخى ربما تقف حائلا

دمت بكل خير

Rania Lelah said...

sindbad
اشكرك على رقه اطرائك اخى العزيز

دمت بخير

***************
adam
معك اخى ان القراءه من الممكن ان تكون فى اى مكان و لكن ايضا هى ربما ظروف الحياه التى تقف حائلا و لكنه ليس بمبرر ايضا
فسوف اعاود القراءة ثانيا

اخى العزيز لم افهم ما قصدته من كلمات عن شرائك لسيارة مستعمله
و لماذا تصمم اخى على ان تصف السيدة المنفصله بالسيارة المستعمله

عجبا!!

Rania Lelah said...

abo7anf
اشكرك على كلماتك و تعليقك
و امنتى لك كل النجاح و التوفيق فى حياتك

تحياتى و تقديرى
**************
Dr. Eyad Harfoush

سعدت كثيرا بزيارتك لى هنا دكتور
و اشكرك على كلماتك الاكثر من رائعة

دمت بكل خير و مودة

صوت من مصر said...

احلام ستصبح حقيقه واحلام ماتت مع الايام

wael said...

الله احلام عذبه اوي وجميله اوي
الله يكرمك بجد

أحمد بكر said...

ربنا يحققلك احلامك
و اشوفك يا رب سيدة اعمال قد الدنيا
بس متنسيناش بس
تحياتى

Anonymous said...

فينك ياجميل؟بقالك فتره مش باينه
يارب تكوني بخير

ابن رشد said...

بجد احلام جامدة جدا
و يارب تبقى اكبر سيدة اعمال في مصر

Rania Lelah said...

صوت من مصر
اشكرك على التعليق

تحياتى
**********
wael
اسعدتنى كلماتك العذبه انت اخى العزيز

تحياتى
***********
baker
:)
مش هنسى حد بس ادعولى جامد

مودتى

Rania Lelah said...

اجندا حمرا
مرسيى يا قمر على سؤالك و بجد بعتذر عن التقصير
و قريب هكتب حاجة جديدة ان شاء الله

تحياتى

*************
شمس الزناتى
بجد سعيدة بزيارتك يا شمس
و بشكرك على كلماتك الحلوة دى

تحياتى

momken said...

جميل اوى الكلام ده

اسلوبك حلو فى الاجابه على الاسئله
كمان احلامك حلوة ومتاحه اوى
وهى دى احلام الناس الطيبين

تحياتى

walaa said...

ربنا يحقلك كل احلامك يارب ورحم الله خالك وجدك
تحياتى ولاء
ووحشتينى جدا

Unknown said...

بالنسبة لحلم الفن التشكيلى
و الله يا بنتى قعدت ادرس فيه خمس سنين و فى الاخر مش عارفة اعرض لوحة واحدة فى معرض يوحد الله

تحياتى

Anonymous said...

انا جايه اصبح و اطمن عليكي
يارب تكوني بخير و مستنيين عودتك بسلامه
تحياتي ليكي ياجميله

عاشــــــ النقاب ـقــــة"نونو" said...

ربنا يحققلك احلامك يارب
ويبارك فيكي
اول زيارة واسمحيلي اتابع
تحياتي

الفارس الملثم said...

انا ملاحظ انك بقالك فتره كبيره منزلتيش اي بوستات جديده ...

ده كسل ولا مشغوله ولا ايه ؟؟؟؟؟؟؟؟؟؟

احساس لسه حى said...

معلش اسف على اللى هعمله لاكن مضطر لحجب تعليقى

وده تعليقى عند اجندا اللى منزلتهوش انا اضريت اعرضه هنا علشان
اعرض وجهه نظرى للى شاف موضوعها

وطبعا دليل على عدم احترام اجندا للنقاب ان فى حد عندها قال عليهم كيس زبالة اسود ومحترمتش المنقبات وهى قالتها قطتى العسلصديقتي العزيزه اوي اوي اوي علي ألبي
اظن ده يبين عدم احترامها للمنقبات والغرض من نقلها المقال
ولو حد بقه غلط فى الذوذ عندها مكنتش طبعا سكتت وقالبت الدنيال عليه وقالتله احترم الناس اللى بتخش عندى

ده اجندا المحترمة جدااا جداااااااا
لازم نفهم اللى كاتب الموضوع محايد بجد ولا ليه غرض تانى من كتبته وهو اهانة فئة معينة
وتعليق قطة اكبر دليل
وده تعليقى

اجندا

للمرة العشرين بتقولى ان تفكيرك محدود وعقلك على اده ولسه عاوزه تسنكرى وتزيتى صواميل دماغك

مش هطول فى الكلام

بس الجرايم اللى بتقولى عليها مش بتحصل من غير نقاب يعنى اللى عاوز يعملى جريمة مش النقاب اللى هيمنعه

اللى هيسرق كان هيسرق سواء ممنوع النقاب او لأ

اللى هتخطف طفل برضوا هتخطفه سواء منعوا النقاب او لأ


اللى هترمى واحدة بمية نار هترميها سواء منعوا النقاب او لا

منع النقاب مش هيمنع جريمة

بس هيبقا جريمة على حرية انسان اختار شئ يقترب بيه من ربه سواء فرض عليه او لأ

وقوليلى بقه فى ستات مومس بتلبس عريان علشان تسرق وتزنى وتضحك على الرجالة ايه رائيك يمنعوا لبس العريان كمان ولا دول جريمتهم ممكن نعديها ونقول دول حريين ومش مشكلتهم القلة المنحلة منهم

بجد حاسس بتخلف لما بقرا كلامك حتى لو منقول برضوا كلامك ومقتنعه بيه

والتخلف بيزيد لما الاقى التعليقات المؤيدة من غير تفكير ومن غير ناظرة شالمة واوسع لاى شئ يحصل

والمهم انتى بتصلى ولا لأ احب اعرف ولا هو سؤال صعب عليكى

مكسوفة تردى يعنى ولا ايه

اه التعليق ده لو منزلش هبعته لكل من علق هنا ومن حقى ادافع عن النقاب بدل طرحه موضوع عنه يمكن اختى منقبه وانتى بطلبك ده تزعليها

والمره دى بجد وخلى اصحابك يشوفوا انتى بتمنعى كلامى ليه مع انه راى معارض ليكى ومفهوش شتيم

سلاااااااااام

Rania Lelah said...

momken
اشكرك على الزيارة و يا ريت مش تغيب تانى

تحياتى
*********
walaa
و انتى كمان و الله
بجد مبسوطة بزيارتك

***********
عاليا حليم
خليك ورا احلامك
اكيد فى يوم هتتحقق

كل الود و التقدير

Rania Lelah said...

اجندا حمرا
تسلميلى على سؤالك يا اجندا
يا رب يخليكى

تحياتى و مودتى

***************
نونو
اشكرك على زيارتك الاولى و يسعدنى انها لن تكون الاخيرة
لك منى كل التحيه

**********
الفارس الملثم
ممكن تقول مود
ربنا يخليك على السؤال
و اكيد فى جديد ان شاء الله

تحياتى و مودتى

Rania Lelah said...

احساس لسه حى

اولا
اخى العزيز مع كل الاحترام لوجهه نظرك و لغضبك من حجب تعلقيك عند الزميله اجندا
و لكن هذا لا يعطى لك الحق لان تقول عليها هى او اى من الزميلات المدونات مثل هذا الكلام
ارجو ان تقوم باحترام هذه المدونه اكثر من ذلك و الاحترام الكامل لجميع روادها

ثانيا
عزيزى بالنسبة لحريه الراى
فكما قلت من قبل
كى نستحق ما ننادى به و نتتطلع اليه
لابد من احترام الراى و الراى الاخر
كما قامت اجندا بعرض موضوع لها و براى محايد كما قالت
لابد ان نرد عليها بوجهه نظرنا و نبدى نقط الاعتراض فى نقط معينه و باسلوب منمق
فكلامنا يدل على مدى تحضرنا اخى العزيز

ثالثا
لقد قرات تعليقك و كى اصدقك القول انها وجهة نظر جديرة بالمناقشه
ما دامت باسلوب لا يوجد فيه عيب على الرغم من وجود بعض الكلمات فى تعليقك التى تسىء اليها

رابعا
ردا على ما قالته الزميله
قطة الصحراء
فقد قمت انا بالتعليق على هذه الكلمه " اكياس زباله " , و قلت انهم ليسوا كذلك
و لكن على الرغم من استيائى الشديد لهذه الكلمه و تعليقى عليها
فانا ليس لدى الحق فى ان احاسبها على كلامها
فكل شخص له رايه المقتنع به

خامسا
عزيزى ان كانت اجندا كتبت الموضوع عن المنقبات
فهى لم تقصد قط التقليل من المنقابات او النقاب
فبدلا من ان نرمى بالتهم هكذا
نحاول ان نقرا الموضوع ثانيا و نعرف الغرض الحقيقى من العرض
فاصبحت ظاهرة النقاب هذه الايام كثيرة جدا
و بالفعل يقترف بها العديد من الجرائم
و كان يحدث هذا فى الماضى
و ربما كثرت الحوادث هذه الايام و ربما هذا فقط بسبب انتشار عدد المنقبات
فوجد منها ضعاف النفوس حجه و حيله للاقتراف جرائمهم
و بالفعل كما قلت انت ان الجرائم ترتكب سواء بنقاب او بغير النقاب
و لكن ان نقرا ان حوادث تقترف بالنقاب هذا ليحززنا كثيرا اخى العزيز ربما بسبب ان هؤلاء الناس لم يعد لديهم احترام لهذها الملبس

و قد استشهدت اجندا بالعديد من الجرائم
و انا اخى العزيز اقرا يوميا العديد من الجرائم التى تقترف تحت ستار النقاب

اخى فاناا شخصيا اكن لهم كل التقدير و الاحترام

سادسا
اما عن منع النقاب
فانا لست مع هذا الامر
فكل منا له حريته التى يعشقها و كما تفضلت فى تعليقك و كتبت انها حريه لانسان اراد بها التقرب من الله
فهذا شىء يحترم و يقدر
و ان كان لابد من فعل شىء تجاه هذه الجرائم فنعالج ضعاف النفوس و المجرمين
لا ان نمنع لبس اسود فقط
فالمشكله ليست راسخة فى لبس السواد اخى
و انما فى نفوس و عقول
***

اشكرك
تحياتى و مودتى

عروس البحر said...

اجابتك بتبين طيبتك و بتوضح انك طيبة اوي
تحياتي