Saturday, August 9, 2008

الجرين كارد


ادهشتنى كميه الاعلانات الموجودة على صفحات الويب
عن الحصول على الجرين كارد و الاقامه فى الولايات المتحدة .
وللمره الثانيه ظللت افكر ماذا اذا ما حالفنى الحظ و سافرت الى هذه الدوله
ماذا لو سافرت و ماذا لو بدات هناك حياه جديدة ؟؟؟؟
و فكرت ان اقوم بتسجيل اسمى على سبيل تجربه كل جديد
فانا اعشق ان اعرف كل جديد
و فى كل مرة ارى الاعلان اجد ما يمنعنى من ان اقوم بالتسجيل
فينتابنى شعور غريب
هل ساشعر بالسعاده الحقيقة اننى فى امريكا
هل ساحقق كل احلامى لو سافرت الى هناك للعيش و الاقامه؟
هاتفت صديقة مقربه الى قلبى و كانت زميله دراسه ايضا
تعيش هناك مع زوجها
و تحدثت اليها ما رايك
اجابتنى فى سعاده نعم هيا تعالى الى هنا
هناك الكثير سافروا الى الولايات المتحده بهذه الطريقه
و لا تعيرى هما سوف تمكثى معى و ما الى ذلك من هذه الامور
قلت لها و ماذا ساعمل هناك
قالت لى اى شىء
مثلما يحدث هنا
يعملون فى اى وظيفه
و فى اى عمل
و قالت لى انتبهى امريكا ليست كمصر
فانها دوله تحب الجديه فى العمل و على قدر العمل ستجنى المال
فالمصريين هنا و بعض الجنسيات الاخرى يعملون لساعات طويله جدا
و يتعبون حقا لجنى الاموال
قلت لها اذا و لماذا اترك هنا لاعمل بهذه الدوله فى اى عمل
و ماالذى ساجنيه غير المال , هل فقط سيقال عنى اننى اعمل باعظم دوله فى العالم؟
اذا ما سيحدث لو عملت هنا فى موطنى فى اى عمل و ساجلب اموال ايضا
اليس افضل من ان اعمل بدوله اخرى و اعطى لها مجهودى
اليست مصرنا اولى بنا
الا يوجد بامريكا فساد؟
الا يوجد بها ارهاب ؟
الا يوجد بها قمع للحريات ؟

انهيت مكالمتى مع صديقتى و انا اقرب على البكاء
ليس بسبب الجرين كارد او بسبب حيرتى
و لكن لاننى قد قاربت على الدقيقه الخامسه و الثلاثون " مكالمه دوليه
و فى نفسى اقول بمقت " يحرق امريكا يا اخى"
" ,
و مع انهائى لمكالمتى مع صديقتى ..انهيت ايضا رغبتى فى التسجيل
للحصول على الجرين كارد

27 comments:

Anonymous said...

حسبى الله ونعم الوكيل

أنا حر said...

قلبي عندك علشان المكالمة المكلفة دي
بس في حاجة بعيد عن المكالمة لازم نقولها هي اللي بتخلي امريكا افضل
هناك هتشتغلي كتير بس في مقابل هتاخديه قصاد الشغل الكتير ده لكن هنا في مصر التعب كتير قوي والمحصلة ولا حاجة وهي دي المشكلة الاكبر
يعني بحسبه بسيطة انا عايزك تشوفي شغل 10 ساعات هناك يساوي كام وهنا يساوي كام
للاسف امريكا بقت حلم لينا مش لأنها الافضل انما لأننا الاوحش
تحياتي

AHMED SAMIR said...

ازيك يا رانيا
بصي يا رانيا..الهجرة دي قدرات فردية بتختلف من فرد لاخر
في ناس قادرة على الهجرة وفي ناس لا تمتلك هذه القدرة
وانتي بمفردك تمتلكي القدرة على تقييم نفسك
تحياتي

son's egypt said...

السلام عليكم
فعلا مضووع انتشر كتير
وفعلا فكرت مرة اني اسجل بس تراجعت لاني وجدت انها مرد اعلان ليس اكتر
وان حل السفر الي امريكا ليس هو غاية الامال لاي شاب

Desert cat said...

طيب كنتى كلميها على النت
ابعتى لها اس ام اس تدخل تكلمك وخلاص
تعرفى يا رانيا
احنا بره بنشتغل بذمة وضمير واكتر ناس بنثبت جدية فى عملنا
وجوه لا فى احترام لمواعيد شغل ولا لبعض حتى
علشان كدا عمرنا ما هنتقدم
وستظل امريكا هى الحلم
محبتى يا جميله

محمد عبد الغفار said...

أنا قرأت الكلام ده قبل كده وعلقت عليه

ساعد نسرين الايمن said...

العزيزة رانيا

اولا اشكر العزية روح شرقية فهي من عرفتني علي مدونتك الرقيقة

ثانيا يا بنتي المسألة مش مسألة فلوس
ولكن سهولة الحياة هناك

تخيلي ان تعيش في بلد ليس فيها دمغات ولا قانون طورائ
ولا ضرب في المظاهرات
ولا ناس غبية مملة
زي حسني مبارك

وبعدين الدقيقة لامريكا مش غالية اوي كده
عارفة ؟
هنا في السعودية
الدقيقة لامريكا ارخص من الدقيقة لمصر والله

المهم في زمان واحد عبقري قال
فاتك نص عمرك
يااليي ما سبت مصر
وانا مصدقه علي فكرة
دمتي مبدعة

HeBa said...

أزيك يا رانيا

فعلا صادفني الأعلان ده كتير

بس عمري ما فكرت أسجل بس من علشان الهجرة أو حد ذاتها أو علشان حب مصر

بس يمكن علشان أهلي وأصحابي وكل الناس اللي بحبهم هنا

صعب أوي أبعد عن كل الناس دي

وعن كل حياتي وعن ذكرياتي وبيتي

يمكن ده المرادف بتاع كلمة وطن

فعلا الهجرة دي قدرات فردية

تحياتي

mostafa rayan said...

والله بعد احداث 11 ستمبر ونظرتمهم للمسلمين والعرب وظهور الوجه الحقيقي لهم تغور اميركا واللي يجي منها
اسافر بلد عربي احسن على الأقل هقدر امارس شعائري الدينية بكل حرية ومش هخاف وانا رايح اصلي الفجر او الجمعة

الربان said...

تحياتي

الجرين كارد يسيل لها لعب الكثيرين ( معذرة علي هذا التشبيه )...لكنهم لا يدركون حجم المعاناة التي سيتعرضوا لها
اعرف الكثيرين من المصريين الذين يعملوا
بوظائف اعضاء هيئة تدريس بالجامعات هناك و يودوا السفر للعمل ببلد عربي
لان اولادهم وصلوا لسن حرجه...و يريدون
ان يبعدوا اولادهم عن مثل هذه الثقافة
الحياتية الغريبة علينا...
هذا مثال بسيط لاحدي التحديات...
ناهيك عن التفكك الاسري الذي يدمر الحياة الاسرية ...

تحياتي و تقديري

Rania Lelah said...

Anonymous

اشكرك على المرور

***********
انا حر

لو حسبتها بوجهة نظرى انا
كام واحد هان بيتشغل ال10 ساعات على بعض و بمنتهى الجدية بجد
و مش بياخد حقه ؟؟؟؟؟؟
العيب فينا احنا

Rania Lelah said...

a.samir

عودا حميدا
مؤكد انها قدرات فردية

تحياتى

************

son's egypt
اشكرك للتعليق و المرور

مودتى

Rania Lelah said...

desert cat

متفقه معك فى كل كلمه عزيزتى
المشكله تكمن فى معتقداتنا نحن و رغبتنا ان نعمل بجهد خارج بلادنا فقط

تحياتى لاجمل قطة

**********
محمد عبد الغفار

اشكرك للمرور

تحياتى و مودتى

Rania Lelah said...

ساعد نسرين الايمن

انا كمان مبسوطة قوى بزيارتك بجد
بس احب اعرف هل مصر بس الى فيها عيوب
معقوله امريكا مفيهاش حاجة من دى خااااالص؟؟؟

اما عن سعر الدقيقه فالى اكتشفته
ان الحكومة ووزارة الاتصالات بتشتغلنا بقالها فترة كبيرة قووووووى
يعنى بنتسرق و بمزاجنا بقالنا فترة بردة

:)

تحياتى

************
heba

منورانى بجد
و سبب معوقل جدا لانك متسبيش هنا
و زى ما قلت مرادف كلمه وطن
يبقى بتحبى مصر
:)

Rania Lelah said...

mostafa rayan

:)
اشكرك للمرور و التعليق

***********
الربان

تحياتى و تقديرى لك

احساس لسه حى said...

عزيزتى

اول سؤال مهم
انتى محتاجه تسافرى

ما الموضوع خلاصته مدى احتياج الانسان للسفر من كل الاتجاهات

وطبعا الاتجاه المادى اهم شئ

ومش المهم امريكا فى السفر المهم ان الواحد يسافر بلد يعرف ياخد حقه فيها على اد ما بيشتغل بيجنى ثمار العمل ده

مش هنا بيطلع عين الواحد ويا دوبك عايش على الاد وفى ناس عايشه تحت الاد

وخدى بالك فى بلاد احسن من امريكا السفر فيها ودول الاتحاد الاوربى احسن منها بكتير

بخصوص بقه مكالمتك الدولى ودى من فايدة العيشه فى امريكا

انها لو كلمتك ال35 دقيقه دى هيكلفها اقل من اتنين دولار بكارت

وكمان حتى انتى ممكن تكلميها بكارت على النت باقل من 2دولار اسم الكارت

evoiz

اسالى عليه ممكن تكلمى بيه اى حد فى امريكا وبعض دول اوروبا على الموبيل او على الارضى والدقيقه فى حدود ربع جنيه تصدقى

يلا خيرها فى غيرها وادعيلى بقه

متنسيش اسمه

evoiz

تحياتى

سلام

الفارس الملثم said...

قد قاربت على الدقيقه الخامسه و الثلاثون " مكالمه دوليه
و فى نفسى اقول بمقت " يحرق امريكا يا اخى

ههههههههههههههههه

تلاقيكي قلتي لو كنت سافرت كان اوفر

انتي عارفه يا رانيا انا بتغاظ اوي من حكاية الحلم الامريكي , فاضافة للكلام اللي انتي قلتيه ممكن يتحول الحلم الامريكي ده بالنسبه لاي عربي لكابوس لانه هناك ايبقي متهم ويقابل بنظرة الشك والارتياب في اي مكان يروحه ..

حتي الحريه اللي الامريكان كانوا بيتفاخروا بيها زمان بقت هناك عملية تضييق مستمر عليها بدعوي تحقيق الامن ومحاربة الارهاب

dr.Roufy said...

فعلا يا رانيا لفتت نظري الاعلانات دي وانتشارها
بس الي جه في بالى ايه الهدف من ورا سياسة امريكا في الحملة دي و زيادة اعداد المهاجرين اليها
وهي حاليا دولة عظمي لا تنقصها خبرات ولا عمالة
شئ محير فعلا

Anonymous said...

عزيزتي رانيا

معلش علي المكالمه المكلفه و عارفه دي اول حاجه فرق بينا و بينهم ان لما يجوا يكلمونا بتكون التكلفه الي حد ما اقل من لو احنا كلمناهم او كلمنا اي بلد تانيه
لو جينا ثبتنا ساعات العمل هنا و هناك و قارنا المقارنه مش في صالحنا
فيه فساد معاكي و فيه قم للحريات بس اكيد مش اوي زي عندنا صح؟
في رأيي لو مفيش عمل مضمون هناك يبقي مفيش داعي للبهدله
و ربنا يوفقك دايما للاصلح

تحياتي ليكي ياجميل

يا مراكبي said...

ولا سؤال من اللي إنتي سألتيهم دول ينطبق على كل الناس

الهجرة وعدم الهجرة كلها أمور تتعلق بنوع المستقبل وشكل الحياة التي يتمناها كل منا .. كل شخص له أحلامه وبالتالي فإن موضوع الهجرة من عدمه نسبي جدا وخاص بظروف وطموحات كل منا على حده .. لا يصلح التعميم هنا أبدا

dalia said...

رانيا
مدونتك جميلة وكلها مشاعر موضوع الجرين كارد ده حكايتك غريبة انتى عارفه ان اختي قدمت تأشيرة سياحة للسفر الى امريكا عن طريق السفارة وشافت المهازل والمعاملة السيئة للمصريين هناك رجعت حالتها النفسية سيئة ومش مصدقه اللي بيحصل وعرفت من مسئولين لالسفارة ان عدد كبير جدا بترفضوا ولا تقبل حتى تأشيرة السياحة

Anonymous said...

كل سنه و انتي طيبه رانيا و رمضان كريم

كريم بهي said...

والله خايف يوم
اصحي من النوم
الاقى امريكا فى بنطلونى


رمضان كريم وكل سنة وانتى طيبة

أحمد بكر said...

صدقى انا كمان كنت هسجل فى الجرين كارد ده بس كنت فاكره اونطه
على العموم كل سنه و انتى طيبه و عيد سعيد

Rania Lelah said...

اعتذر عن التقصير فى المتابعه و الرد على التعليقات

كل عام و انتم بخير
تحياتى و مودتى

الفارس الملثم said...

كل سنه وانتي طيبه يا رانيا , وان شاء الله يكون عيد سعيد عليكي

وايه الغياب الطويل عن المدونه ده , ان شاء الله يكون خير

تحياتي دائما

HeBa said...

كل سنة وأنتي طيبة

عيد سعيد عليكي