Saturday, June 23, 2007

عايزة احكيلكوا على حاجة

انى قابلت واحدة كنت بعزها قوى

قابلتها من يومين كدة ,,طبعا انا كنت بعزها من قبل ما اشوفها بس اما شفتها حبتها بجد

بنت لذيذة فعلا و صافية و امورة قوى

البنت دى هى ريمو

قابلت ريمو و قضينا وقت لذيذ مع بعض هو ايوة كنا فى الشمس الحارقة

و تقريبا اتحرقت يعنى

:((

بس اهى عدت و بجد انبسطت قوى اما شفتها

على فكرة انا اول مرة اصلا افكر اقابل بنت

ما علينا ما علينا

بس اهى حصلت و محدش يفهمنى غلط

:)))

17 comments:

khaled said...

مش عيب كده يا رانيا بقه تقابلى بنت من ورا اهلك
لا حول ولا قوه الا بالله
اهديها يارب


امين

Anonymous said...

إيه ده يا رانيا ؟؟؟؟؟
كده برده ؟؟؟؟
إنتي إيه يا شيخة ؟؟؟
معندكيش إخوات بنات تخافي عليهم ؟؟
مش كده يا رانيا
يعني الناس تقول عليكي إيه بس ؟؟؟
يلا بأى
عقبال ما تقابليني أنا كمان
; )
mona

Rania Lelah said...

يا جماعة استروا عليا يستر عليكوا ربنا

خالد
ايوة كدة ادعيلى بالهدايه ربنا يفتحها فى وشك

منى حبيبتى
ليا اخوات بنات فعلا
بس تقولى ايه فى العالم الجبروت الى زى
:))
نورت يا قمر

احمد عزام said...

هاي رانيا
تعرفي .....احسن حاجه في الدنيا ان البنات تقابل البنات.....وبالتالي الاولاد يقابلو الاولاد....وده هيؤدي الي .........مش عارف
هو ايه اللي حصل......انا مش فاهم حاجه

Reemo said...

ايه ده؟؟
مين ؟؟
أنا دى ؟؟
يابنتى انتى غاويه فضايح مش تسترى عليا؟؟
ده انا لو اهلى عرفو انى قابلت بنت يقطعونى :D
بجد يا قمر
انتى كمان عارفه معزتك عندى
وفعلا اتبسطت اوى باليوم ده
واتبسطت أكتر انى شوفتك واتكلمنا مع بعض
ان شاء الله تتكرر كتير
luv U (F)

يا مراكبي said...

ماشي ماشي

أول مرة تقابلي بنت؟ يعني قبل كده كنتي بتقابلي ستات مش بنات؟

أفيدينا أفادكم الله

أخبار المكتب إيه؟

Anonymous said...

ooopppaaa
Love U,,,w kaman (f)
la2 la2
keda ketsheeer
ma yenfa3sh keda !
w ba3deeen ???
mona

Rania Lelah said...

احمد عزام
و مين سمعك و لا انا فهمة حاجة
بس الى اعرفه ان لو البنات قابلو بنات و الاولاد قابلوا اولاد
هتحصل كارثة انسانيه :)))

ريمو
ايوة انت يا ريمو
معلش بقى اعمل ايه فى لسانى مش بعرف اخبى حاجة اكتر من 3 دقايق يا ناس على راى المطرب النابغة بتاع اغنية 3 دقايق اشوفك و اقابلك
:)))

يا مراكبى
بشمهندس احمد
ماشى ايه بس
هتفتح عليا فاتوحة مش قدها و فيها ضياع رقاب

و المكتب طول ما انت حاطة فى دماغك ربنا يستر عليه
هههههههه
بهرج طبعا
على فكرة انا رجعت الخصم بقى علشان خطرك انت وصلته ل 30 %
و امرى لله وحدة من قبل و من بعد :((

Rania Lelah said...

بشمهندس احمد
معقوله الى بنعمله فى الناس هيتعمل فينا و لا ايه؟
:D

منى السكر
مالك بس
ريمو فعلا بنت محترمة و لذيذة و ياريتك انتى كمان تعرفيها
مدونتها عندى
و مرسيى يا سكر على المرور

Anonymous said...

يا ستي ربنا يدوم المحبه بينك وبينها ويبعد هنكم الحاسد والحقود

غمض عينيك said...

انا عايز اكي معاكوووووووووووووووووو
ماليش تعوى انا عايز اكي معاكوووو

خليك فى البيت said...

ندعوكم لزيارة منتدى خليك فى البيت والمشاركة فى الحملة

Monzer said...

أنا قابلت مدونين كتير
بصراحة ببقى مبسوط جدا لما أقابل حد بقرأ له وبتعرف عليه من قرب
وبصراحة كل المدونين محترمين ودماغهم حلوة قوى
لو عاوزة تشوفى أغلب المدونين ادخلى عندى
هتلاقى صور لكل الناس فى يوم وقفة النقابة

انت مابتجيش ليه مش تبقى تيجى

Anonymous said...

لك الشرق ... ولي الغرب ... ستعيش وحيدا وساموت من الألم؟؟؟؟؟؟

Anonymous said...

لك الشرق ولي الغرب .... ستعيش وحيدا وسأمو ت من الألم ...؟؟؟؟؟؟

Anonymous said...

هذا زمان الماء .... عاد يؤلف البيت الجديد .. الان .. أين يعلق الشعراء والشهداء .. من يقول للشباك كن نافورة .. وللكرسي كن حوتا ..كبيرا أو صغيرا .... الان كيف دون عينيها أكون ...... من عموره

Anonymous said...

أنا عموره .. من سوريا ممكن اتعرف .. يا حبايب