Monday, November 12, 2007

ماذا فعلنا فى حقهم؟

حكت لى زميله فى العمل اليوم عن قصة غريبة
و هى عمليه نصب تمت بدقة او كما هى تقول قام الفاعل بحبك قصة على الضحية
و سرق منه ما يقرب من العشرين الف جنيه و بعض مصوغات زوجته
و رغم ان الزميله تلوم الضحية لانه جاهل و لا يعرف شىء
و من الطبيعى ان القانون لا يحمى المغفلين
فانا كانت لى وجهة نظر اخرى
قالت زميلتى ان هذة العمليه تمت فى غضون نص الساعة
حيث ذهب رجل فى ملابس رسمية فى زى ضابط شرطة و قام بالتحدث مع الضحية
و اتهامه بانه يحمل مواد مخدرة و انه قد تم الابلاغ عنه
عندها صعق الرجل و قال انا؟؟؟؟؟؟ ازى يا بيه لالا طبعا
قال الضابط خلاص نفتش البيت و نشوف و يا انا يا انت يا ابن .........
و ذهب الرجلان الى البيت ليثبت الضحية برائته
و انه لا يحمل اى مواد مخدرة او اى ممنوعات كما قال
و عندها طلب الضابط من الرجل ان يفتش الشقة و الحجرات
وجد الضابط المال و المصوغات و قال للنجار انه سوف ياخذهم
و يقوم بتحريزهم
لعرضها على النيابه ليثبت برائته و الغريب ان الرجل لم يشك للحظة فى هذا الامر
و من الطبيعى ان يقوم الضابط المزيف بالهرب بعد ما وعد النجار بانه سوف يلاقية فى مكان معين
و ذهب الرجل و انتظر الضابط و لكن الضابط لم ياتى
ذهب الرجل بكل برائة و سذاجة و حكى الامر لاصدقائة و بالتالى كان الكل جوابهم واحد
انتصب عليك يا فاااااالح
و هنا انهار الرجل "تعبى و شقايا عشرين الف جنيه و دهب مراتى يا عالم يا هوووووووووة
و ايضا نفس الكلمه" القانون يا خويا لا يحمى المغفلين
و بعد ما سمعت القصة طرات فى بالى نقطة
هل هذا الرجل الذى هو عامل نجار و يتعامل مع كل الفئات هل يقع فى مصيدة بهذة السذاجة ؟؟؟؟؟؟؟؟؟
ام انه لم يستطع قول كلمه لا لرجل مرتدى زى رسمى ؟
مؤكد انه ليس بهذا الغباء او انه ساذج لهذة الدرجة و لكنه مؤكد كان خائف
نعم خائف مما سيفعله هذا الضابط اذا قال الرجل لا
اليس كذلك؟
فهذا الرجل مثل ملايين المصريين
يسمع كل يوم عن رجل تم اغتصابه
او تم ضرب مواطن حتى الموت او غرق مواطن هربا من عذاب شرطى
او موت صبى اثر ضربه بعنف.
اليس كذلك؟؟؟؟؟؟؟
انا اعتقد ان كل هذا دار بخلد الرجل عندما طلب منه الضابط المال و المصوغات.
تركت هذة القصة و قمت بسؤال زميلتى سؤال
"لو قابلك ضابط و طلب منك البطاقةانه يشوفها هتقوليله ايه؟
قالتى لا طبعا يشوفها ليه؟
قلتها امممممممممممممممممممم
جميل بس تعرفى ان فى مرة ضابط و عسكرى وقفوا بنوته فى الشارع
و طلبوا يشوفوا بطاقتها و هى قالت زيك كدة لا طبعا
ضربوها و بهدلوها و فى الشارع و خلعوا عنها الاسدال الى كانت لابساه
شوفتى بقى ؟
و اذا بى اعيد السؤال عليها ثانية
لو فى مرة قابلك ضابط شرطة و سالك عن بطاقتك هتقوليله ايييييييييييه؟
ردت زميلتى على الفور هوريهاله طبعا و اقوله خدها
مش عايزاها
هطلع واحدة تانية
:)))
اليس كذلك ما سنفعل ؟
ام سنقول لا ليس من شأئنك
اريد ان اعرف الاجابة
و السؤال الثانى
ماذا فعلنا من اجل كل هذا؟
نعيش فى بلد نخاف ان نمشى بشارع يمشى به ضابط.
ماذا فعلنا فى حقهم
حتى يفعلوا هذا فى حقنا؟
لا اعرف
و لكن ما اعرفه اننا لم نعد بلد الامان و لا بلد الامن
كان الحماه هما الشرطة و الان نريد حماه لنا من الشرطة

9 comments:

Anonymous said...

بسم الله الرحمن الرحيم
الاخوة والاخوات الاعزاء الافاضل
بكل الحب والود اطرح عليكم فكرة تاسيس
اتحاد المدونين المصريين
واتمنى ان تشرفونا بالزيارة على المدونة المقترحة للاتحاد
وابداء الراى فى
ميثاق الشرف
والائحة التنظيمية
واهداف الاتحاد
ويمكنك كتابة رايك فيما هو موجود وابداء الملاحظات التى تثرى العمل
وللانضمام للاتحاد اكتب طلب الانضمام فى سجل الزوار
العنوان
http://egyptadwin.maktoobblog.com
الى اللقاء وفى انتظار تواصلكم

محمد عبد الغفار said...

ما فعلنا من المعاصى كثير

ahmed mefrh said...

بصراحه تحياتى اليك على التدوينه ... الموضوع مهم جدا لانه يمس الحقوقو الواجبات
الشعب المصرى تعود على انه هو الذى يعطى ولا يأخذ و ذلك لعدم معرفته باقل اقل الحقوق التى لديه معرفه العامه بالقانون و ايضا ترك لهم الساحه فى نبش كرامته و كرامه اهله لذلك ترى العسكرى ابو شلك اللى ميعرفش يفك الخط بيضرب قاضى و دكتور جامعه

تحياتى اليك و الى موضوعك
ابو مفراح

Unknown said...

من حق كل مواطن ان يطلب من الشرطي ابراز امر التفتيش من النيابة.
والا لا يحق لأي كان دخول المنازل.
وانا اطالب بتأسيس هيئة لحماية المغفلين الذين يجهلون القانون
وهيئة اخرى تخص من يستمعون الى ساموزين بالذات :)
هههه

ابن رشد said...

رانيا بجد موضوعك جميل فعلا و انا من الناس اللي بتقول القانون لا يحمي المغفلين عارفة لية عشان الناس مش عايزة تعرف حقه فين
القانون بيديك حقك انك تطلب تحقيق شخية الشخ اللي امامك حتى لو ظابط و الناس لسة بتخاف

AHMED SAMIR said...

على الرغم اني زعلان انك بطلتي تزوري مونتي المتواضعة
الا ان طبعا موضوعاتك يا رانيا لا تقاوم
بصي يا رانيا:
الشرطة ماتعرفش تكلم حد عارف حقه كويس قوي
ولذلك تلاقيهم كل جرايمهم مع مين
سواق...نجار....عاطل....الخ
لان الناس دي ثقافتها متدنية وتكاد تون معدومة
انا شخصيا لو حصل لي نفس الموقف دة..هديله بطاقتي برضة بس هفضل معاه للأخر...يعني من الاخر وبعدين؟
بعد مايشوف بطاقتي؟
هو دة الكلام يبتدي من هنا...هيعمل ايه بالبطاقة
ماينفعش ياخدها
يااما يديني بطاقتي..يا اما نروح كلنا للقسم ونشوف الموضوع دة اخره ايه.
عموما
سمعة ضباط الشرطة بقت في الحضيض..ودة تلاقيه بيظهر قوي لما حد منهم بيتقدم لخطوبة اي بنت
بتلاقي في احيان كتير في رفض مبدئي لمجرد انه ضابط شرطة
اخيرا:
هتفضلي مقاطعة مدونتي كدة كتير؟!!!!
عموما الشرطة موجودة...خااااااااافي

Rania Lelah said...

اتحاد المدونين المصريين
علم و ينفذ

محمد عبد الغفار
بدات اعتقد اننا فعلنا ما يجعل هذا عقابنا

ابو مفراح
شرفتنى هنا فى مدونتى
اكيد كلام سيتك صحح
و المفروض الى نعمله دلوقت ان احنا على الاقل ننشر الوعى و دة الى بنعمله فى ابناء مصر
تحياتى لك

Rania Lelah said...

عمار جرار
تفتكر ؟
طب ما بلاش بتوع سامو زين
نقيت فيها اهى مبقتش بتشتغل
انا اصلا كنت شاكة فيك من البدايه

شمس الزناتى
منورنى هنا و الله
هقول ايه
غير حسبنا الله و نعم الوكيل

احمد سمير
ازيك؟
و جون و جون و جون
منور
معلش يا احمد
مقصرة بس مش معاك لوحدك و الله مع الكل
اعذرنى يا مان
و معلش
ما انت لو كنت ادتنى النظارة من الاول مكنتش شلت منك قوى كدة
:))
تحياتى

لو بطلنا نحلم نموت said...

معلش نصيبه كده
حتي الحراميه والنصابين بيطنطوا علينا