Tuesday, November 6, 2007

ازدياد الفقر

طبعا انا مش هتكلم
على الكلام المتزوق الى اتقال امبارح فى المؤتمر الصحفى الى اتعمل لجمال مبارك
و لا هعلق بردة على كلام د/ نظيف
مع انى همووووت و اعلق
بس يلا همسك نفسى
و كل الى هعمله دلوقت
انى انشر التقرير اللذيذ دة و الى اتنشر فى وكاله اجنبية
و شكرا
ازدياد الفقر فى مصر على الرغم من النمو الاقتصادى السريع.
reuters
على الرغم من التقدم الاقتصادى السريع فى هذا العقد فى مصر,
الا ان هناك تزايد فى نسبه المصريين الذين يعيشون فى فقر مدقع,
و قد قال رئيس عمليات الامم المتحدة فى مصر يوم الاربعاء ,
ان ما بين سنه 2000 و 2005
ارتفعت نسب الفقر المدقع ( المطلق) الى 19.6% من 16.7 من السكان .
و قد اعلن فى مؤتمر اخبارى النسق المقيم للامم المتحدة :
" ان واحد كل 5 مصريين لا يستطيعون اشباع حاجاتهم الاساسية"
اضاف استنادا لاحصائية تمت فى يونيو.
و قد قال المتحدث الرسمى للامم المتحدة " العيش فى فقر مدقع "
و " عدم القدرة على اشباع الحاجات الاساسية "كلها مرادفات "
و نحن بصراحة نشعر بالذهول من هذا الوضع,
و ربما لم تكون مجرد احصائية .
و هناك مشاكل اساسية و هيكليه لابد من تخطيها اولا
قبل ان ننظر الى النتائج فى تخفيض معدل الفقر" .
و فى فترة الخمس سنوات الاخيرة ,
قد اظهرت مصر تقدم اقتصادى حقيقى تراكمى يقدر ب 21%
و سارعت نسبه النمو منذ ذلك الحين الى 7.1% فى السنه الماليه 2006/2007
و المنتهية فى يونيو.
و لقد ازداد ت نسبة المستثمرين الاجانب فى السنتين الماضيتين بشكل مثير
و اضاف البنك الدولى قائلا ان مصر كانت واحدة من الدول
التى صنعت تقدما ملحوظا فى تحسين المناخ الاقتصادى .
" نحن نرى تأخرا بين هذة الاتجاهات الايجابية ... و انحدارات الفقر .
فهم لا يظهرون فى المدى القريب " .
و قال راولى ان مصر ليست الدوله الوحيدة التى ينتشر فيها الفقر وسط هذا التقدم الاقتصادى ,
و اضاف انه واثق من ان الحكومة سوف تلتزم بتخفيض و تقليل نسبة الفقر
و ان مصر ستقابل اهداف تنموية الالفية للامم المتحدة.
و هدف مصر هو تخفيض نسبة الناس الذين
يعيشون بدخل يقل عن 1 دولار فى اليوم الى 12.1% من 20.2%
الان على مشارف سنه 2015: اضاف موثق الامم المتحدة .
وقال راولى ان الفقر منتشر و بنسبة غير متكافئة فى جنوب مصر و الريف .
و تقوم الحكومة بتقديم للشركات نوع من التحفيزات للاستثمار فى الجنوب حيث المعاناه الشديد
و التى بتعد عن الاسواق الرئيسة و مستويات التعليم المنخفض هناك.
و راولى كان يتكلم على ضوء انطلاق حمله لتعميم الاهداف الالفية
و التى تبنتها القمة الالفية فى نيويورك 2000 و التى تتضمن خفض معدل الفقر .
*******************************************
انتوا ايه رايكوا؟
اعتقد ان فى تناقض فى الموضوعين
كلام السيد جمال" ان فى ازدهار اقتصادى فى مصر
فعلا بياكدة التقرير دة
انما نسبة الفقر الى بيقولوا انها بتنخفض يوم عن يوم ,هل دة فعلا حقيقة ؟
و لا كلام و بس ,,,,,بصراحة مش شايفة حاجة من الى قالوها امبارح,
و لا حتى سمعت حتى اجابات مباشرة للاسئله الى سالؤها الصحفيين امبارح
و بعدين انا لاحظت انهم حطين خطط للتنميه و التطور و الاستثمار و خلق فرص عمل للشباب!
بس بصراحة مسمعتش هتتنفذ او هتم سنه كام؟ و امتى بالظبط هيتم القضاء على الفقر و البطاله يا اخونا؟
احتمال فعلا تتم على الفترة الرئاسية القادمة؟؟؟؟؟؟
هو انا منفسنه شوية زى ما بيقولوا ؟و لا عندى حق اتنقط يعنى؟
:(((
ايه دة؟ هو انا مش قلت مش هعلق !!!!!!!!
مفيش فايدة فيا ابدا
مش هتغير

7 comments:

AHMED SAMIR said...

رانيا
ازيك عاملة ايه؟
ولا سلام ولا كلام ولا بتعدي ع المدونة كدة وتقولي يااهل الله ياللي هنا
ينفع الكلام دة؟
عموما يا ستو هانم
انتي اللي غلطانة من الاساس...معقول؟
بتتابعي فعاليات مؤتمر الوطني؟!!!وجالك قلب ازاي تعملي كدة؟
طيب مرارتك اخبارها ايه؟
انا لو منك اروح اكشف عند اقرب دكتور باطنة..العمر مش بعزقة يا بنتي
المهم
ازدياد الفقر في مصر مش محتاج لتقرير ابدااااااا
دي حاجة ممكن تشوفيها بكل سهولة وانتي ماشية في الشارع...بس طبعا مش شوارع الرحاب ولا القاهرة الجديدة
تحياتي واحتراماتي

محمد عبد الغفار said...

هو الكلام ده مستنين نسمعه من تقارير اجنبيه؟

Rania Lelah said...

احمد سمير
بصراحة يا احمد المرارة بخير بس بصراحة
الموضوع عندى بقى اكبر من كدة
:((
انا بتابع اللام الى هيتقال يا سمير و موضوع الفقر انه منتشر عارفة طبعا بس بصراحة الى لفت نظرى ان فى اذدهار اقتصادى كبير و مع ذلك فى اذدياد فى الفقر بردة
هو احنا هنفضل عايشيين فى الفساد دة لحد امتى
؟
و بعدين تشوف كلامهم يا خويا اكنهم بجد معيشينا فى جنه الفردوس و احنا الى ظلمة و بنتبل عليهم
يلا بقى منهم لله
منور يا باشا
الا ايه اخبارك؟؟؟؟؟؟؟؟؟

محمد عبد الغفار
منور يا محمد
و طبعا شيفين الحال من غير تقارير
بس حبيت اجيب دليل
و الدليل اهو
احنا مش بنفترى على بتوع الاصلاح و الى بيقوا انهم بيعملوا الى متعملش
حتى الناس الى برة بيعملوا احصائيات و عارفين الى فيها
اتفضحنا يا ولدااااااااااه
:((

Unknown said...

انا جعان !

يا مراكبي said...

النمو الإقتصادي اللي حصل في مصر مؤخرا دي حقيقة بجد وجد لكنها محدودة جدا في قطاعات محددة وبتمس طبقات معينة برضه

هتلاقي إن فيه مجموعة من الشرائح والوظائف في القطاع الخاص بيكون حالها مزدهر فعلا لكنها فئة ضئيلة للغاية

أما غالبية الشعب فحالها بينحدر من سيء لأسوأ وده إن دل على شيء فبيدل على إن جميع برامج الحكومة بتعمل لصالح بعض الخاصة في هذا الوطن والباقي بقى يروح في ستين أو سبعين أو تمانين داهية

ابن رشد said...

هي مفيش فايدة دي قالها سعد زغلول
غطيني يا صفية و صوتي مفيش فايدة
هي دي مصر يا عبلة قصدي يا رانيا

Rania Lelah said...

عمار جرار
الف سلامة ان شاء الله عدوينك

يا مراكبى
اكيد طبعا يا بشمهندس احمد الواحد بيبص للواقع بتاع الناس العادية و زيادة البطاله و يا عينى الشباب الى مش لاقى ياكل
و تلاقى الناس التانية الى بتاخد مرتبات من 2000 و انت طالع
ربنا يسترها

شمس
تفتكر؟
هنفضل كدة لحد امتى يا شمس ؟
على فكرة كل سنه و انت طيب سمعتفى اهم الانباء ان عيد ميلادك الايام دى
:))