Monday, April 7, 2008

عن اضراب 6 /4



قد قالت كثير من القنوات التيلفزيونية ان الاضراب قد فشل ,و انه لم يحدث من الاصل و لكننى فى رايى الشخصى انه لم يفشل و ان عددا كبيرا قد اضرب ,و انه برغم كل هذه المحاولات الامنية لقمع غضب المصريين الا انها حقا خطوة فى طريق النجاح و طريق الحرية


مرفق فيديو لمظاهرات نقابه المحاميين و اعتذر عن ردائة الصورة
اول مرة ليا بقى :)
.

15 comments:

A.SAMIR said...

جامدة قوي جملة اعتذر عن رداءة الصورة دي يا رانيا
فكرتيني بمذيعات الجزيرة والعربية
عموما
هو زي ما قالت المصري اليوم
اضراب ارضى جميع الاطراف
تحياتي

أنا حر said...

الاضراب ده كان لذيذ قوي يمكن يكون شارك فيه ناس فعلا بس لما نقارنهم بعدد سكان القاهرة بس مش هيحصلوا حاجة
اضراب بدون بشر وكأن اللي قايم بيه رجال الامن المركزي
تحياتي

Rania said...

احمد سمر
اهو خطوة اوليه
مش احسن من البرود اللى اتكلمت عنه فى البوست بتاعك
:)

تحياتى

*****************
انا حر

لا كان فى بشر و فى نسبه كبيرة اضربت و الباقى كتير منهم نزل الشاعر علشان التظاهر
بس يعنى فعلا الامن تقريبا كان شوية و هيدخل على الناس بيوتها

تحياتى

محمد عبد الغفار said...

ليس معنى ان يمتنع الناس عن النزول خوفاً على ارواحهم وممتلكاتهم من اى انفلات"مثل المحلة" ان يعد نجاح للأضراب

ما حدث فى المحلة اكبر صفعه لجميع الأطراف واكد ان اللعبه اكبر منهم

خبيب said...

بالعكس ..

تصويرك كان كويس

بس مرضيتيش تدخلي جوه ليه ؟

:)

---

دمتِ بخير

Rania said...

محمد عبد الغفار
ما حدث فى المحله لم يمت بصله الى الاضراب الذى اتكلم عنه
الذى حدث فى المحله هو شغب لا اكثر مثل ما يحدث عاده فى مثل هذه الاحوال يدخل سارقين ناهيبين مخربين
و يفعلوا ما يفعلوه
فلم يدعو الاضراب قط الى مثل هذه الاشياء

و الاضراب الذى اتكلم عنه و قد نجح
هو ان نسيه كبيرة من الشعب التزمت بما دعوا اليه و قد فعلوا هذا للاحتجاج و ليس بسبب الخوف
و لن اعمم
هناك اناس خافت من النزول و لكننى اتكلم على النسبة الاكبر

تحياتى و مودتى

Rania said...

خبيب
الله يكرمك يا رب
ما انا كنت هموت و اعرف الفيديو بيتمنتج ازى ؟؟؟؟

ماهو بيقولى ادخلى بطريقة شاككنى فيه اصلا
و بصراحة مكنش عندى استعداد ابات بره البيت يوميها
:)

تحياتى

صوت من مصر said...

على فكره عندك حق لانها فعلا بروفه جامده جدا للعصيان المدنى لكل المصريين
لكن القنوات الفضائيه المصريه وغيرها بررت ذالك بالفشل حسب توجيهات من الامن العام على ما اظن

monaliza said...

على فكرة الاضراب مازال مستمرا

محمد علي said...

أزيك يا رانيا وعاملة أيه
إضراب 6/4
تصدقي الشعب أتكلم
أهو طلعله صوت
ياااااااااااه واحشني صوتكم يا ولاد بهية
بس المهم الصوت طلع
وبدون مساعدة أخوان ولا أحزاب
شعب مصر وبس ومش محتاج مساعدة حد
كنت إمبارح عايز أقابل أي من قيادات الإخوان المسلمين علشان أطلعله لساني
الإضراب نجح
وأنتوا فاشلين
والنهاردة بيطلبوا من الشعب مقاطعة الإنتخابات المحلية
ليه
ما هو لو كنتم من الشعب ده ومعاه كان ساعدك بس بعد كده أعتمدوا على نفسكم بقى

الرجالة لسة موجودين فيكي يا بلد شدي حيلك بقى

بجد كنت فرحان قوي
أنا دمعت على الصور اللي اتعرضت في الدستور والبديل بعد الإضراب حسيت إننا في العراق ولا فلسطين
مذابح
ياااااه طب اسرائيل ماهي إسرائيل
لكن وصلت لإننا نضرب على بعض رصاص مطاطي وقنابل ساعقة للأجساد
ياااااااااااه هو أحنا هوننا على نفسنا للدرجة دي

بس برده بحبك يا بهية ووالله فرحانلك

وآدي بنتك رانيا قالتلك قبلها بيوم الليلة عرسك يا بهية
وصدقت بنتك رانيا

يا رب بقى حد يطلع عنده دم ويقوم يقول حاجة
ونبطل سكوت


ده على فكرة اللينك بتاع مدونتي قلم من بلادي متابعة للإضراب من جامعة القاهرة يعني
http://qlm-abgd.blogspot.com/2008/04/6.html
لو حبيتي تشوفيه

الفارس الملثم said...

الف شكر يا رانيا علي الفيديو ..

وانا معاكي ان الاضراب مفشلش ولا حاجة وانه حقق الغرض منه في تلك المرحلة حيث شعرت الحكومة بخطر حقيقي وقد بدا هذا في اسلوب التعامل مع الاضراب ..

تحياتي دائما

Fenrisar said...

See Please Here

Wish I were a Butterfly ... said...

دي أول مرة الشعب كله يتحد على رأي... و أكيد اللي حصل كان نجاح كبير أوي. مش المفروض نكون متوقعين إن العالم كله هيتغير من الإضراب دة، لأن دة كان مجرد خطوة أولى.... و مفروض يتبعها خطوات تانية كتيييير إن شاء الله

علاء سالم said...

السلام عليكم

أتفق معك في الرأي
أعتبر أن الإضراب حقق أكثر بكثير مما كان متوقع له.
وهذا في حد ذاته يعد نجاح حتى لو لم يكن إضراب كامل

Rania said...

اشكر من قدم تعليقه و ندعو الله ان يستمر الشعب المصرى كله فى حاله العصيان هذه

تحياتى لكم جميعا