Thursday, April 24, 2008

حاجة غلط

اكيد فى حاجة غلط يا اخوانا و الله
شوفت على القاهرة اليوم افراج اسراء عبد الفتاح
و طبعا زى اى واحدة فى مصر فرحت جداااااااا
و اكيد زى اى واحد فى مصر دمعت من المشهد المؤثر
ما علينا
العجيب
انها اتكلمت و فضلت تشكر قوى قوى فى المعامله اللى اتعاملتها جوه السجن
و الاكل الحلو و الشرب الاحلى و القرايه و كل الحاجات دى
و الغريب
انها قالت عرفت قد ايه انى مكنتش فاهمة و كان عدم تقدير منها
دعوتها للاضراب
يعنى الاضراب اللى كان وقفة بجد للشعب و اتحاد تقريبا لكل القوى الوطنيه
دلوقت بقى تصرف منها غير لائق و كان بسبب عدم فهم
معقوله
انا هنا مش هتكلم عليها
الله يكون فى عونها بجد
فى اللى شافته
بس الى بستغرب له دلوقت
ان فى حاجة غلط
اة و الله اكيد فى حاجة غلط
يا احنا فاهمين الحكومة و الداخليه غلط
و دى انا اشك فيها
يا هما بيعملوا غسيل مخ للناس الداخله عندهم
و الله اعلم
************************************************
تحديث
اشترك معانا فى حمله توقيعات المدونين لنصرة رسولنا الكريم
صلوات الله عليه و سلامه
اترك توقيعك فى مدونه قولا سديدا

27 comments:

Abo 7anf said...

السلام عليكم
مش غسيل مخ
ولا كان غلط
بس مش عارف خوف
ولا اجبار
يمكن ارتباك
فى الاخر بردوا مش عارف

خبيب said...

لا أتصور إنها صدفة إنها تكتشف سوء فهمها دلوقتي حالا !!!

الناس بتضعف قدام حاجات كتير :
التهديد في الحياة والأقارب والمال والخوف من الألم والموت ..الخ

وأتصور إننا نعذرهم في كده

---

لست أشكك في أن الإنسان قد يتغير فهمه لموقف ما

ممكن يكون فهمها اتغير

بس حبكت وهي في السجن يعني ؟!!!!

ازاي بقى ؟

A.SAMIR said...

هي طبعا ما حصلهاش غسيل مخ ولا حاجة
انما حصل ضدها بلطجة نفسية وتعسف امني وضغوط غير عادية ولا اخلاقية ضدها وضد اسرتها
واكيد كتبوها ييجي 100 تعهد بانها تمشي جوة الحيط
واكيد طالعة وحالف 100 يمين انها ما هتلمس الكومبيوتر دة تاني ابدا
انا لا التمس لها العذر
ولكن اعتقد ان موقف اسراء ينطبق عليه المثل:
اللي ايده في المية مش زي اللي ايده في النار
تحياتي

shreen said...

رانيا
اعتقد انك بتثقى فيا
وعارفة انى ما باكدبش
او بانافق

انا يا ستى
فى ناس اصحابى كانوا اتمسكوا فى مظاهرات
ودى اكتر من مرة وفى اكتر من سنه

واتحطوا فى السجن
45 يوم

وكلهم طلعوا يشكورا فى الضباط
والمعامله والاكل

وان كلهم الضباط كانوا بيشجعوهم على المظاهرات او بيحاولوا يفهموهم ايه الاخطاء اللى حصلت فى المظاهرات واتسببت فى مسكهم

وان حبسهم دة مجرد تطبيق لقانون
بسبب شئ معين حصل

ودة باقولك لاكتر من شخص وفى سنوات مختلفة

وكلهم اصحابى وما بيخبوش عنى حاجه

عارفه ان فى تجاوزات بتحصل فى اقسام الشرطه

وعارفه ان فى ضباط بتسئ استخدام مركزها

بس دول قله
صدقينى

انا نفسى كان ليا واقعه فى قسم شرطة بس ما كانتش مظاهرات

كانت مشكله مش سياسيه
وما شوفتش الا كل الاحترام من الضباط وحسن معاملتهم رغم انى كنت رايحه متهمه

كانوا عاملنى بنتهم او اختهم الصغيرة

يارب يكون كلامى دو ساعد فى اى حاجه

كل الحب

مـحـمـد مـفـيـد said...

من وجهه نظري انها تعرضت لتجربه قاسيه تجعلها غير مستقره لفتره ما
وهذه الفتره بالتأكيد تعيشها
ولكن بعد الهدوء ستعرف وستقييم التجربه
حكايه بقي تعذيب وضغط والحاجات دي
فالكل عارفها

محمد علي said...

أزيك يا رانيا :
إسراء عبد افتاح .... رئيس جمهورية الفيس بووك
بصي يا ستيأنا عامة ما شوفتش اللي حصلها جوا وكل معلوماتي كانت نقلا عن صحف أو أناس ألتقوا بيها
مع شيرين إن حقيقة في ناس دماغها كويسة جدا وبتفكر وكل ده
وناس بتحب مصر وكويس ورافضة حاجات كتير
والناس دي أؤكدلك بتنفذ الأوامر ... يا إما تنفذ الأوامر يا إما سيب شارتك وسلاحك وفي ستين داهية
وفي ناس عندها التعذيب من أجل التعذيب
و أعرف ناس شاخصيا شافوا النوعين وجربوهم


وبرده يا ستي اللي عايز أقوله إحنا ما نعرفش الضغوط اللي جوا
أيه اللي حصل
ومع خبيب بإن في ضغوط ممكن يضعف الإنسان قدامها

بس اللي برده لازم أقوله اللي قالته إسراء يديها صفر
اللي قالته كان لوسائل إعلامية
يا إسراء يا حبيبتي أنا بأحترم المصري اليوم جدا ودي جريدة مش أنتي اللي إحنا عملناكي بطلة تقولي بتكذب وما قولتش
أصل نا عارف إن الناس دي ما بتلعبش

لو كانت حصلت حاجة جوا أو أي كلام مش دي اللي هتتطلعي تقولي عليها ما قولتش
طب بترجعي في موقفك ليه
يا ستي خرجتي من السجن وشوفتي أيام سودا جوا
والله عاذرك
أنا خلاص توبت
والله من حقك وكلام جميل
مش هاشترك في الإضراب
إنتي حرة بعد اللي شوفتيه لازم تراجعي نفسك
لكن مش ترجعي بقى في موقفك وتقولي ما قولتش
أصل دي مش جريدة تحت الكوبري يعني
وثانيا يا ستي ما حدش رفعك في أكتافنا وطلع بيكي في مظاهرات
أنتي صوت حر طلع وزيه هتطلع أصوات غيره كتير
ومش لازم كل الكلام ده
بس والله اللي إسراء قالته يا رانيا لازم تقدريه كويس
وتقدري التجربة القاسية الي كانت فيها
وبأمنة ما كونتش عاوز أتكلم على موضوع المصري اليوم بس الكلام جاب بعضه بقى
لو كونتي يا إسراء خلاص غسلتي مخك
والله أنتي حرة
وكفاية عليكي لغاية كده
وأنا عن نفسي متأكد إنك بتحبي مصر وكل الكلام ده

لإني ديكي عذرك كويس
بس اللي انتي عملتيه برده كان أفضلك إنك تأخدي قراراتك في صمت
لإنك عملتي بلبلة بين صفوف الشباب





تحياتي
محمد علي

EmY said...

انا بعذرها جدا اكيد هي شافت الي فوق طايقة اي حد و في الاخر هي بنت

تحياتي

محمد عبد الغفار said...

الجمله اللى كنت انتظرها عندما قالت

لسمعت عن اضراب 4 مايو ولا عاوزه اسمع عنه

blue-wave said...

اسمحيلى اقولك رأيى فى كلمتين
خلينا يا ابنى ماشيين دايما فى السليم
ماصوتنا دايما فى البلد دى عقيم
لو مرة صوتك يعلى هايعلموك هما الأدب ماتقولش مين ماقدرش اقول
خلينى يا عم عايش اكل عيش وفول.
تحياتى

رئيس جمهوريه نفسى said...

هو مش حنقدر نحكم على الى حصل ليها جوه السجن لانى محدش شاف بس اى ما كان هى قالت انها غلطة او هى فهمت حاجه ياريت تفهمنى غلطها ايه الى هى عرفته وايه الجديد الى فهمته تفهمى لينا

اجندا حمرا said...

عزيزتي رانيا

أسراء كان بيتحقق معاها و لو كانوا اثبتوا عليها حاجه ماكانوش سابوها و هي أتقبض عليها من قدام شغلها يعني هي ماكانتش قاعده في البيت و كل اللي كانت بتقوله ان الناس تضرب عن شراء السلع اللي تمنها أرتفع
الكلام كتر في موضوعها و كلامها ممكن يكون صح لأنها كان بيتحقق معاها يعني متهمه ممكن لكن لحد مايثبتوا ان ماعليهاش حاجه و زي مالعزيزه شرين قالت ان الظباط تعاملتهم حلوه
في كل فئه من فئات المجتمع فيه الكويس و الوحش و قيسي علي كده الظباط

اهم حاجه انها رجعت بيتها بسلامه
شكرا علي الموضوع المميز

sendbad said...

لكل ظالم نهاية
تحياتي

Gardagami said...

See Please Here

monaliza said...

الحمد لله انها رجعت بالسلامة

Rania said...

abo7naf
يمكن ارتباك زى ما حضرتك قلت
و يمكن نكون احنا لحد انهاردة مش عارفين ايه الى بيحصل

تحياتى
*************
خبيب
اعتقد فيما يخص نقطة الاضراب
و عندما قالت انه كان سوء تقدير و عدم فهم
فربما اكنت تعانى من نتائج فعلتها
و دعوتها
و التى قالت انها لم تتصور انها ستفعل كل هذا

تحياتى

Rania said...

a. samir
عزيزى قصدت فى سطورى ان اعرف ما هو مدى فهمنا نحن لما تفعله الشرطة

و ليس الكلام فقط عن اسراء اخذت قضيتها كمثال فقط
و ما قالت
و كما قلت بين سطورى
فنا التمس لها العذر فى كل ما قالت

مودتى
***********
شرين
كلماتك عزيزتى و كلمات اسراء و ما قاله لى استاذة افاضل
اتز برايهم و اثق بهم
جعلنى اعرف اننى ربما كنت مخطئة فى اطلاق الاحكام و بدون ان عينى ترى او حتى اجرب


تحياتى غاليتى

Rania said...

محمد مفيد
اسعدتنى زيارتك
كان الله فى عونها

مودتى
***************
محمد على
فيما يخص دعوتها و ان كل القوى الزطنيه توحدت و اطلقت على هذا اليوم بفضل الله ثم فكرتها
انه يوم الغضب الشعبى

فبعد مقولتها هذه
اصبت بخيبة امل
فقط
مع الاحترام الكامل لكل ما عانت
و كما قال احمد سمير
الى ايدة فى الميه

تحياتى لك اخى

Rania said...

emy
اسدعتنى زيارتك عزيزى
و سانتظرك دوما

تحياتى
*******
محمد عبد الغفار

بعد ان قالت ان 6 ابريل كان سوء فهم من الطبيعى ان تقول هذا على اضراب مايو
اعانها الله

مودتى

Rania said...

blu - wave
ابدعت فى كلماتك
و لكن عزيزى اتعتقد انه الحل
؟؟؟
نحياتى
**************
رئيس حمهورية نفسى
غلطتها تكمن عزيزى فى انها طرحت فكرة و لم تعرف عواقبها
طرحت كلمه و ل تعرف كينونتها
صنعت شباب عرفوا معنى المقاومه
اما هى فقد فقدتها


تحياتى

Rania said...

اجندا حمرا
نعم عزيزتى عاده سالمه
و قد كثر الكلام فى قضيتها الان اننى الان اعترف بالتخبط
لم اعد ادرى من هو المصيب و من المخطىء


تحياتى
*****************
sendbad
نعم
لكل ظالم نهايه

مودتى
****************
monaliza
الحمدلله انها عادت سالمه عزيزتى

و اما عن ما تحدثت انا عنه
فسوف تكشف حقيقته لاحقا

تحياتى

الربان said...

تحياتي

الحقيقة انا كمان استغربت جدا من حديثها...و الذي جعلني استغرب ليس المعاملة الحسنة داخل السجن...لانني علي
يقين ان بداخل السجن مسؤولين من الشعب
مثلنا مطحونين بالغلاء و يحبون مصر كما نحبها...و خاصة ان اسراء غير مجرمة يعني
لا يوجد سرقة..او نصب...او قتل او ما أشبه.

لكن الاستغراب يكمن في انها كانت فاهمه
غلط...و هذا يمكن ايضا...يعني بعد القاء
القبض عليها يمكن يكون أحد من المسؤلين
جلس معها و اوضح لها...
في هذه الحاله اعتقد انه علي إسراء ان
تتحدث ...و تفهمنا الصح....
بالمناسبة انا لم أكن مع الإضراب.

تحياتي و تقديري

الفارس الملثم said...

احيانا بيكون الارهاب النفسي يارانيا اقسي من اي ايذاء بدني , كمان في كتير مننا سهل انه يعلن غضبه وثورته مادام بعيد لكن في قلب الامتحان بيظهر ضعفه ,فهو قوي مادام هناك من يشد ازره لكن عندما يجد نفسه وحده ينهار كل شئ , وفي برده جزء غسيل معنوي من خلال بلبلة قناعاتك والتشكيك في كل ما توقن به ..

وحتي لانظلمها فهي في مرحلة عدم اتزان نفسي بعد خروجها من هذه المحنة وتحتاج بعض الوقت لتلميم افكار واستعادة هدوئها النفسي

تحياتي

wael said...

لا هي قالت كده عشان مش عايزه تاكل من الاكل الحلو والشرب الجميل تاني
حسبي الله ونعم الوكيل في اللي عملوه في البنت دي
تحياتي

Whispers just for a Night said...

قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ [يونس : 58]

بتوفيق من الله وفضل تم تحويل طلب الحملة التي تقودها المدونة بشأن سن قوانين للحد من التجديف على الإسلام خاصة والأديان عامة إلى المسئولين في هولندا
http://kawlansadida.blogspot.com/2008/04/blog-post_28.html

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التاليhttp://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"

جيفارا المصري said...

يا جماعة
ارجوكم لا داعي لتحميل اسراء بأكثر مما تتحمل
و لومعترضين علي اللي حصل حد يفكر كده يحط نفسه مكانها

بنت وحيدة ..يتيمة ......في غياهب المعتقل.........اخدوها من الدار للنار
و قالولها انتي هتشيلي ليلة كبيرة جدا خاف يشيلها تنظيم كبير زي الأخوانواتنصل منها كل الأحزاب

البنت كانت قاعدة بتلعب جيمز علي الكمبيوتر وضربت الظابط علي قفاه و ضحكت الدنيا عليه و بعد ما خلصت لعب اكتشفت انه ظابط حقيقي وجاي عشان ينتقم منها
تخيلوا نفسكم في الوضع ده وبعدين احكموا علي اسراء
ومتنسوش ان احنا كلنا خذلناها وقعدنا نجاهد من هنا
من ورا الكيبورد
وهي كانت بتحارب بشرف وعزيمة لوحدها في معركتها غير المتكافئة

Rania said...

الربان
نعم نتمنى ذلك ان نفهم ماهو سر الخطا

تحياتى
**************
الفارس الملثم
اعذرها كل العذر
و لكنى ماذا بشان المعامله داخل السجون؟؟؟
مودتى

Rania said...

wael
اشعدتنى زيارتك
اتمنى ان تتكرر
تحياتى
******************
جيفارا المصرى
اخى العزيز لم يتهم احدا اسراء باى شىء و حاول ان تراجع التعليقات
الامر ان اننا استغربنا الكلام و هذا شىء عادى
و الامر المحير و الذى تكلمت عنه هو كلمات اسراء و مرتضى منصور قبلها عن المعامله داخل السجن
هذا كل ما فى الامر
و حاول الا تجعلنا نحن من نخفض هامه اسراء
و انت فقط من يقول عليها بطله

اخى العزيز اسراء فعلت شىء عظيما اعندنا دعت للاضراب
و قالت بعد هذا انه كذا و كذا و كذا
و اردد قانيه نحن لم نلومهاااااااااااا
تحياتى لك صديقى