Friday, April 6, 2007

تااااااج

تــــاج
طبعا التاج دة مبعوتلى من ريمو و طبعا زى العادة بتزنق انا فى مواضيع التاج دى
التاج المرة دى على موضوع الهوايات
تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت
أثناء ممارستها
و طبعا هى قلبت عليا المواجع

الجيتار
هوايتى زمان كانت العزف على الجيتار
كنت ايام المراهقة بموت فى حاجة اسمها مصطفى قمر كنت بشوف الجيتار فى ايده بتجنن
اصريت انى اتعلمه
بعد كدة لقيت الموضوع اتغير طبعا عقلت و قلت ايه العبط الى كان الواحد فيه دة
انما عشقى للجيتار زاد قوى بس للاسف انى مكنش عندى الملكه
الى هى العزف السماعى كنت بستخدم نوته
كنت بقرا نوته كويس قوى طبعا غير اغانى مصطفى قمر الى كنت
حفظاها عن ظهر قلب
بعد كدة
لقتنى شغوفة قوى باغانى ام كلثوم و بعدها الموسيقى الغربية
love story -- god father-- romanza---romeo and gullite and so on

لانى كنت بستخدم احساسى مكنتش بعزف عليه و خلاص كنت بعزف

عليه بصوابعىو كمان باحساسى هيــــــه ايــــــام بقى كنت

بمسك جيتارى و بحلم و بعيش فى جو لذيذ قوى لوحدى و مع نفسى
بس للاسف مع مشاغل الحياه و الشغل
معتش بمسكه غير قليل قوى
و كمان ساعات كتير ببص عليه من بعيد و بس
الهوايه التانية :هى السفر

بحب السفر و خصوصا للبلاد الى فيها بحر و الى مش فيها بحر بردة مش بعتق

قلتلكوا عندى طاقة و مش عارفة اوجها صح بحب السفر جدا

و الخروج و المرواح هنا و هناك و مش بهمد
الله اكبر يعنى :))
الهوايه الى انا غرقانه فيها دلوقت الا و هى

النت زى ما انا اتكلمت عنه قبل كدة و الى شكله هيودينى فى داهية ربكوا ستار بقى
بس هى دى حكايتى مع الزمان


24 comments:

REEMOO said...

بجد موضوع الجيتار ده تحفه اوى
انا زمان كنت وانا صغيره بعزف بيانو
بس مش كنت بحبه اوى
بس انا كمان كنت بحب اوى اشوف الجيتار فى ايد الناس
لوما كبرت ندمت انى مش اتعلمت جيتار او كملت عزف بيانو
لانى بحب الموسيقى اوى
اما هوايه السفر فدى عالم تانى
بجد هواياتك عسل اوى زيك كده
تحياتى ليكى يا قمر:)

AbdElRaHmaN Ayyash said...

جميل اوي
جميل ان يكون في هواية زي دي تشغل الواحد
عموما المدونة بتاعتك كلها جميلة
وعجبني اوي اوي اوي البوست اللي فاتت بس قلت اعلق هنا
بجد مدونة تحفة
سلام

daktara said...

love story
انا باعشق الموسيقي دي وعندي استعداد افضل اسمعها طول اليوم

كمان كان في اغنية عندي بتتغني علي الموسيقي هي كانت كليب من فيلم اجنبي لكن للأسف راحت من عندي ومش لاقيها تاني يا تري موجودة عندك او تعرفي مكان انزلها منه
د.خالد عزب

naryoma said...

النت ده هايودي الناس في داهيه
بس جميله اوي الموهبه دي
حرام انك تبعدي عنها
انا كنت زامان اوي شغاله علي الاكسلفون
والاكورديون وكنت بروح تاحفلات الموسيقيه في المدرسه
بس خلاص بقي النت نسانا

مصر هى أمى said...

رانيا

الجيتار هواية جميلة جدا
كان ممكن تستفيدى بيها مش شرط تكونى محترفة خليها هواية ليكى فى البيت وقت ما تكونى مضايقة او اى حاجة ممكن تعزفى هتحسى ان الدنيا اتغيرت جدا

A.SAMIR said...

يا سيدي ع الروقااااااااااااااااان
ولا عمر خورشيد في زمانه
بس تخيلي يا رانيا ان انا عمري مالمحت بنت ماسكة جيتار
بيتهيأ لي انه هيكون منظر تخفة
وانتي بتتكلمي ع الجيتار افتكرت فيلم مش عارف هتفتكريه ولا لا؟
هو اسمه ليلة عسل بتاع عزت العلايلي وسهير البابلي
الفيلم دة كان خالد النبوي لسه وجه جديد وكان طالع ابنهم وكان مجنون جيتار وطول الفيلم ماسك جيتار وعمال يغني:
هنكسر جدران البيت....ترااااا...وهنلعب سوا في الغيط......تراااا....هنحلق ونطير على فوق.......ترااااا
اه اه اه ياذوق
معلش القافية حكمت بقى
عموما طبعا انا بهزر معاكي هي هواية جميلة وربنا يوفقك
بس اهمدي بقى في موضوع السفر دة علشان الاسفلت بيشتكي منك

Abd El Rahman said...

:D

ربنا يهد القوي ... قولي امين

عمار جرار said...

الله.. فكرتيني بأيام ما كنت صغنن اعزف على الكيبورد بس طبعا مش باحتراف
الموسيقى جميلة وانا انشالله ناوي اتعلم في الصيف القادم العزف على آلة العود او القانون لأن صوت الوتر الشرقي بيطربني اكتر
بس هواية الايام الحالية هي (النت) لأني قاعد في غرفتي معظم الوقت، وكمان بلعب تنس مرتين بالاسبوع.
رانيا اذا ليكي عالشات فهذا هو ايميلي الخاص بالشات ammar_b_j@yahoo.com
تحياتي

khaled said...

يا جماعه اتخنقت بجد النت والكمبيوتر دول هيجنونا يلا خير
الف مبرووك على التاج

Rania said...

ريمو مرسيى يا قمر
بجد الجيتار دة كان عالم تانى كل ما افتكر انى اهملته بزعل قوى:(

عبد الرحمن عياش
مرسيى على زيارتك و ممكن تعلق فى اى حته تعجبك
تحياتى:))

Rania said...

د/خالد عزب
عروستى
love story و فمتها
انما اغنية ايه الى عندى الى انت اصلا مش فكرها و كانت فى فيلم اجنبى
اذا كان انت مش عارفها اعرف انا ازى؟
و عموما لو تحب انجم و اعرفلك الاغنية اوك
تيتانك؟
لو غلط قولى انجم تانى:))
مرسيى على زيارتك

Rania said...

ناريوما
صح كدة؟:))
مرسيى يا سكر على تعليقك هو فعلا حرام بس تعملى ايه فى مشاغل الحياه
تحياتى

احمد سمير
حتى الاسفلت بيشتكى
هو مفيش حاجة بتستخبى فى البلد دى:((
فكرة الفيلم و مرسيى على التلميح
بكرة بردة هتلاقينى طلعة و اعمل شريط
و انت الجانى لانكك انت الى جبت الفكرة فى مخى
مرسيى يا احمد

Rania said...

محمد
عندك حق باذن الله هحاول كدة ارجع ذكريات زمان
مرسيى لمرورك

عبد الرحمن
مش عارفة اقول امين يعنى ازى
افرض جت فيا
:))

Rania said...

خالد
ربنا يخليك يا رب
عقبال ما نباركلك كدة بردة يوم تاجك

حلو قوى العود يا عمار
شوفته و حاولت اتعلمه بس لقيت الجيتار استهوانى اكتر
ربنا يوفقك يا رب
حلو موضوع التنس دة
انا كنت بلعب بلى
بس خلاص اعتزلت
يلا اهى كلها كور
:))

Sharm said...

انا كمان بعزف جيتار

اكتر حاجة عجبتنى في الموضوع يعنى

!!

احمد عزام said...

هاي رانيا
حلو قوي تاج الهوايات ده
بس لازم يكونو خمسه
ولازم تهديه لحد
ولا انت نسيتي تهديه لمين؟

Rania said...

sharm
كويس قوى انك بتعزف جيتار حافظ عليها متعملش زى

احمد عزام
احمد باشا
معنديش غير 3 هوايات اكدب يعنى؟
انت ممكن تلاقى فيا عيوب الدنيا
انما الكدب حاشا و كلا
ههههههههههه
و بعدين متزعلش يا سيدى
انا بهديلك انت التاج دة :))
مصاء الخير:))

Anonymous said...

حد برضه يحب مصطفى قمر طب بي علبة جبنة كيري احسن

Love & Feelings said...

رانيا دي اول مرة ازور البلوج بتاعك لكن على وعد الاستمرار ان شاء الله
الجيتار هوايه جميلة و طول عمري نفسي اعزف على آله بس الحقيقة اكتر آله حاموت و اتعلمها القانون بموت في صوته
حاليا انا اكتر هوايه بتخليني انفصل عن العالم تماما هي هوايه طفوليه موت .. التلوين مع سماع اغاني يـــا موش عايزه احكيلك ممكن ارسم بالقلم الرصاص كمان و الون و اعيش مع نفسي

مايمنعش اني بعشق برضوا صوت الجيتار
تحياتي يا رانيا بوست لذيذ

barbie girl said...

انا هوايتى كانت زمان الرسم..كنت بحب احط الصور قدامى واقلدها تمام..كنت برسم بقى الكارتون ميكى وبطوط وكدا.. لكن دلوقتى مبقتش ارسم مش عارفة ليه؟..دلوقتى بحب اقرأ كل شىء واى شىء واكتر حاجة الروايات بموت فيها..والنت طبعا باقضى عليه وقت كتيييييييييير

Rania said...

بذمتك مش علبه الجبنه الكيرى اغلى ؟
:))

انجى
مرسيى على زيارتك
القانون اله تحفة اتعلميها والرسم هوايه جميله كنت بحب ارسم زمان
بس ربنا وعدنى
بمدرسة الله يسامحها بقى
كل ما كانت تشوف خلقتى
تقولى كبرى الاشخاص
اقولها هما كويسيين اهو
تقولى كبرى الاشخاص
لحد مثلا ما كنت بحس انى برسم تنين مش بنى ادم
مرسيى يا قمر لزيارتك

Rania said...

barbie girl
هوياتك حلوة قوى
القراءة عظيمة
و مفيدة
كنت بحب اقرا زمان
كنت
بس مستمرتش كتير
ربنا يوفقك و مرسيى على زيارتك يا قمر

Mohamed A. Ghaffar said...

هو ليه كل هوايات الناس انتهت بالأنترنت

mermaied said...

اول مرة اعرف انك هويتك الجيتار بجد
جميل بجد الموسيقى شىء رائع انا بحب الرسم اوى اوى وفعلا وانا برسم بنفصل عن العالم