Monday, April 30, 2007

تسقط الحرية

تسقط الحرية الى بالمنظر دة
بجد انا متغاظة و جدا
انا مش هتكلم فى موضوع جديد.... فى ناس كتير اتكلموا فيه
بس بجد متغاظة جدا
حرية ايه يا ناس؟ الى تخلى الناس تجرح مشاعر بعض و بقصد
حرية ايه دى؟ الى بتخلى الواحد يتكلم فى مواضيع بتمس الشريعة و الدين
و كمان المجتمع و استقراره؟
مجتمعنا وحش؟
ماشى الكلام
مجتمعنا فيه فساد كتير؟
ماشى بردة
انما مجتمعنا دة هيبقى زباله بجد لو فضلنا نقلل منه تحت مسمى الحرية
و يبقى الكلام فى كل حاجة مباح
هى دى الحرية الى احنا عايزنها؟
حرية ايه الى بيها ممكن نبيح المحظورات ؟
حرية ايه دى؟؟؟؟؟
حاجة تارف
انا مكنتش اعرف ايه موضوع المدونات النظيفة دى
لحد من 5 دقايق اما شوفت مدونه بجد مش هعرف ادخلها تانى لانها بتنادى بالحرية
و كمان بتنادى بان المجتمع متخلف
و تقريبا صاحب المدونه هو الوحيد الى مش متخلف فى المجتمع
فيينادى بجميع الحريات و بيعتبر نفسة راقى و مش زى بقية الشعب
فبيحب يتكلم فى كل حاجة و بيحب قوى يسمع راى البنات عن المواضيع المطروحة
تحت مسمى صحفى و بيحب يتكلم فى مواضيع تخص الشباب
انا من دلوقت سوف انادى بنعم للمدونات النظيفة و الخاليه من البذائات

27 comments:

زحل الفلكي said...

السلام عليكم ورحمة الله وبركاته

سعيد اوي اني اول تعليق

بجد فعلا موضوع الحرية من غير قيود ده موضوع في وجهة نظري الشخصية خطأ وخطأ جسيم كمان
ليه
لأنه بيأثر على المجتمع
اي حاجه الواحد بيعملها بتأثر على المجتمع
اللي بيدخن المفروض انه حر
بس بيأثر بالسلب على المجتمع
زي مدونات الناس الوحشين
برضه بيأثروا بالسلب على كل واحد معندوش فكر مقاوم للفكر الغلط اللي فيها
وانا هنا بحكم ان فكرهم ده بيكون غلط مش بمقياسي او رأيي الشخصي لأ ده بمقياس الغلط نفسه

كلامي شكله حيبدأ يكلكع
حقولك من الاخر
قالوا الاجانب حريتك تقف عند حدود انفي
علشانهم يعني رفيعين وعندهم لياقة

حنقولها بالمصري
حريتك تقف عند حدود كرشي
او مدونتي
:)

موضوع جامد وسعيد اوي اني اكون من اوائل الردود

REEMOO said...

رونى
اعتقد انى عارفه المدونه اللى بتقصديها
لانى تلقيت دعوه بزيارتها واتفاجأت بالمكتوب فيها والدعوه الغريبه اللى بيطلقها صاحب المدونه على نفسه بان دى الحريه
الناس فاهمه انها لما تتكلم فى الممنوع وانها لما تتحدى العادات والتقاليد وانها تتكلم فى موضوعات شخصيه وبتخدش الحياء العام انها كده تبقى حريه
وللاسف ان الحريه الخطأ دى بتطلع من ناس المفروض انهم على درجه من المسؤوليه وانهم ناس محترمه وبتحتل مناصب
بس للاسف انهم ابعد ما يكونو عن اهليه المناصب اللى بيحتلوها دى
الناس دى بجد مش فاهمه معنى حريه
على رايى صديقه ليا كنا بنتناقش فى نفس الموضوع وعلى نفس المدونه
قالت كلمه لخصت بيها
الحريه مسئوليه مش كلام وصور اباحيه
بتضامن معاكىف فى حملتك يا رونى
للمدونات النظيفة و الخاليه من البذائات
تحياتى

Mohamed A. Ghaffar said...

لم اندهش ولن اندهش ، ومع المدونات النظيفه ده سلاحناالوحيد حالياً

BeLiEvEr said...

طبعا أنا مؤمن إن مفيش حاجة إسمها حرية مطلقة، لأن الحرية المطلقة دى فوضى.

بس دى طبيعة الإنترنت، حيث لا قيود و لا حدود، و هى أكبر إختبار لحدود حرية الإنسان.

نظرية إن "حريتك تقف عند حدود الآخرين"غير مجدية فى المدونات لأنها أصلا مساحة شخصية، مسموح للناس إنها تتطلع عليها، يعنى الناس بتزور المدونات بمزاجها، يبقى الناس ه اللى دخلت منطقة حرية المدون ساعتها

كراكيب عادل said...

فية ناس ميؤس منها في النقطة صدقيني لو اتحركت جبال هما لا سبحان اللة

مش سامع غير صوتة ومش شايف غير رأية
مش عارف ان كل كلمة منة هتكون حجة لة او علية

ربنا يرحمنا

Rania said...

زحل الفلكى
انا الى سعيدة انك شرفتنى بتعليقك و هبدا من البوست الجاى
اول تعليق هيدفع ربع جنيه
يلا بقى شيدوا حيلكو
عايزين نجيب العربية:))
و بالنسبة لرايك
انا متفقة معاه جدااااااا
تحياتى

Rania said...

ريمو
مرسيى يا قمر
بجد انا ذهلت من المواضيع المطروحة
بس قلت يعنى احتمال يكون فعلا عايز يعمل موضوع صحفى عن موضوع يخص الشاب
بس مجموعة الصور المستفزة و مع الكلام الغريب بجد لخبطتنى
خلانى عرفت بجد
ان الموضوع معتش موضوع صحفى و لا نيله
الموضوع موضوع فكر خطا عن الحرية
و بما انه بيقول ان المجتمع متخلف
فانا ابقى سعيدة لو انى من المجتمع دة
المتخلف
مرسيى يا سكر

Rania said...

محمد عبد الغفار
فعلا سلاحنا الوحيد الى ممكن يبقى ضد المدونات دى و يقضى عليها
على الاقل مش يبقى لها زورا بيتبعوها
كفاية نشر للافكار الفاسدة بقى
هى كانت ناقصة؟؟؟؟؟؟؟؟
تحياتى لك

Rania said...

beliver
امممممممممممممم
ماشى الكلام
الناس هى الى دخلت بمزاجها
طب و الناس الى مدعوة اصلا لزيارة المدونه
يعنى صاحب المدونه بيدعو ناس للدخول و السماع لرايهم
اختلف معاك فى النقطة دى
انا ادون و اسرد افكارى بحريه
و لكن ايضا كاحترام لنفسى و احترامى للاخرين دائما
ما اراعى شعور الاخرين
صح؟
تحياتى لك

كراكيب عادل
صح كلامك
ربنا يهدى الجميع و يعرفوا ان الحرية مش كدة خاالص
تحياتى

قاسم أفندي said...

والله يا رانيا قلة الأدب كتير
الأنترنت فضاء فسيح
فيه الحلو وفيه الوحش
فيه كل حاجه
المهم اننا نعرف نميز ونختار
تحياتي وليكي وحشة برضه

masry said...

لا أستطيع أ أرد علي مقالك الا اذا قرأت هذه المدونه التي أشرتي أليها, لكن كل الذي أستطيع ان أقوله هناك من يتخذ الحريه كمعول يهدم بها كل قيمه وفضيله بدعوي أن هذا من ممارسات الحريه ,وفي الجانب الاخر هناك من يرتدي ثوب الانبياء والاطهار ويهاجم كل فكر حر وجديد بدعوي أن هذا أنحلال وأجتراء علي الدين

THE BIG LOSER said...

اول مرة اشوف حد يستغرب من حاجة عادية
هو مش اننا نشوف ناس زكية وناس غبية دا شئ عادى واننا نشوف ناس كويسة وناس فاسدة دا شئ عادى واننا نشوف ناس بتستعبط وناس واخداها جد دا شئ عادى

يبقي لما تلاقي واحد مالوش فقي الكوسة ويجي يقول حريات وفاكر نفسة هو الوحيد اللى بيفهم دا اكيد شئ عادى زى ماكل حاجة بقت عادى في دنيتنا
ماتستغربيش
تحياتى لكى

A.SAMIR said...

عارف طبعا انتي قصدك انهي مدونة
لسة كنت داخل عليها من شوية ولقيت تعليقك اول تعليق
بصي يارانيا:
الموضوع اللي بيتكلم فيه الاخ دة صادم شوية خاصة للبنات وفعلا احنا كمجتمع مش مؤهلين اننا نتكلم في المواضيع دي على الملأ وفي صفحات النت
بس كل واحد وليه دماغه يارانيا وهو شايف ان دي قيود لازم تتكسر وانه بكدة بيفيد الناس والمجتمع
هو شايف كدة...عقله مصور ليه كدة
بس ماعتقدش ان التغلب على جمود فكر المجتمع ممكن تكون بصورة زي اللي حاططها في الموضوع بتاعه دة
عموما ماتزعليش وماتتصدميش الانترنت فيه كل الافكار والاتجاهات واللي يعيش ياما هيشوف
تحياتي ليكي

HoNdA said...

المدونات زى اى حاجة فيها الحلو وفيها الوحش كل حاجة لها حدين المهم ان احنا نعرفهم وناخد بالنا

Rania said...

قاسم افندى
فينك يا استاذنا؟
شرفتنا و كلامك طبعا صح الصح
تحياتى لك

masry
طبعا مفهوم
انا بتكلم على فكر خطا للحرية دى و افكار مغلوطة
يمكن زى ما بتقول تحياتى لك

Rania said...

the big loser
عندك حق الكون مليان بالمتناقضات
بس يعنى بيصعب على الواحد موضوع التعبير عن الحرية بشكل ممكن يكون مستفز
تحياتى لك و شرفتنى

احمد سمير
الباشا
طبعااكيد عارف المدونه و اكيد بردة قريت موضوعها
يا احمد
انا معنديش اى اعتراض ان الواحد يكتب فى مواضيع بجد
ادم بيتناولها فى اسلوب محترم و كويس و فعلا الصورة كانت اكبر دليل على ان الموضوع زى ما كتبت فى تعليقى شكلكه مش هيتناول بموضوعية

Rania said...
This comment has been removed by the author.
Rania said...

honda
شرفتنينى
و عند حق كل حاجة لها حدين
و الاهم طريقة التناول
تحياتى

مصر هى أمى said...

رانيا

المشكلة ان فى ناس كتير فاهمة الحرية بطريقة مختلفة

فاهماها انها الشواذ يبقووا براحتهم الجنس سب الاديان تأليف قران سب الصحابة والرسل
فاهمين ان كده بقوا متحضرين وان هيا ديه الحرية
مع ان هوا ده التخلف بعينة

انا معاكى ان لازم المدونات تكون نظيفة لانها بتعبر عن جيل من الشباب حابب البلد حابب الحرية بمفهومها الصحيح

يا مراكبي said...

زي ما ناس كتير علقت هنا .. وأنا برضه قلت الكلام ده قبل كده: إن المدونين زيهم زي أي مجتمع .. لازم تلاقي فيه كل أنواع الناس من أسوأها إلى أفضلها ومنها الوسط

وبالتالي مش لازم نتفاجيء بحاجة زي كده .. لكن المهم إننا نتحرك ونحاول نحرك المجتمع كله معانا ناحية الأفضل

تحياتي ليكي على الموضوع الجميل ده

khaled said...

الحريه
اعمل الى انتا عايزه بس ما تتعداش على حقوق الاخرين




الحريه
ان يتخلص العبد من شهواته





الحريه
حريه ايه يا عم خلينا ناكل عيش







الحريه
اعمل كل الى انتا عايزه كله كله كله



هوا ده راى الناس فى مصر بصفه عامه
فا تشغليش بالك انا موش لاقى معنى للان يوضح معنى الحريه الى بجد
بس اكيد لو مت شهيد وبكبرياء وعزه يبقى انا كده حر

Amr Ahmed said...

بجد

انا سعيد لاني اول زيارة ليا عندك

الاقيكي كاتبة موضوع كنت هاكتبه

لاني زرت نفس المدونة امبارح

وكنت ناوي اكتب بوست عنها

لكن الاشخاص دي

علاجها ان الواحد ميفكرش يكممونت عندهم

ده لازم يهمل

وبعدين اسلوبه بصراحة ركيك جدا

يللا خليه يشرب مدونته
اليل عاوز فيها راي البنات

خلاص مشاكل المجتمع خلصت
ومبقاش فيه الا الاباحية

اسف للتطويل

تحياتي

Rania said...

مصر هى امى
يا محمد
انا قلتها قبل كدة فى كذا تعليق
ان فعلا الحرية مش مجرد شعارات و انى اخالف تقاليد المجتمع
مش هى دى الحرية سلوك متحضر فى الاول و مراعاه لشعور الاخرين
تحياتى لك
و سلامى للبنت امكانيااااااات
:)))

يا مراكبى
يا هلا يا هلا
هييييييييه؟
فينك و ازيك كدة و ازى كندا
ههههههههههه؟
سمعت انك مطول رقبتنا هناك
شرفتنى هنا
و على رايك لازم نحرك المجتمع ناحية الافضل
ربك يسهل

خالد
مش عارفة يا خالد من ساعة ما حطيت الصورة دى
و انت بتتكلم على الجهاد و الصمود و الكرامة و الشهادة
معتقدش انها كانت نيو للوك و بس
:)))

عمرو احمد
شرفتنى بزيارتك
و خلاص هنعمل ايه؟ هو حر يعمل الى هو عايزة
كل واحد عجبه دماغة
تحياتى

Esmeralda said...

يعنى يا رانيا لما يبقى فيه دعوة االتدوين النظيف الناس حتبطل

هى فعلا حاجه تقرف

اللى باعمله فى الموضوع ده انى مش بازور المدونات ديه

محدش حيقدر يحط رقابه

may said...
This comment has been removed by the author.
may said...

والله ياريت بجد يكون في رقابه نضيفه علي المدونات الخارجه دي
واحد بينادي بالحريه الجنسيه والانفتاح الجنسي ومسمينا كلنا متخلفين
وواحد تاني الحريه الدينيه بس من منظوره هوا وملحد الحاد جنوني يعني
بطريقه غبيه معرفش اللي بيرد عندهم بيرد ليه اصلا علي مدونات زي دي
دي قله كرامه اساسا
ال دعوه الي الحريه
دي اسمها دعوه الي الاباحيه

الحصان الأسود said...

والله بقت حاجة تقرف في المدونات و في الاغاني و في الافلام و في القصص و في الشعر و في الشارع و في كل حاجة

قلة الادب بقت سمة

شوفي الشاعر المشهور اللي مالوش غير في دنيا قلة الادب و الالفاظ ال.... عمال طالع اليومين دول في كل حتة يشتم و بالفاظ يعاقب عليها القانون في قنوات التليفزيون ينتقد و باللفظ البذيء كل شيء من رئيس الجمهورية للمغنية روبي و كل اشعارة من 35 سنة هيه عبارة عن كم من البذائة والسباب

اية القرف اللي احنا بقينا عايشين فية دة