Sunday, April 13, 2008

شعب لا يستحق الديمقراطية

اعلم ان ما سأقوله الان مناقض تمام لما كنت اقوله من قبل
و لكن للاسف هذا الان ما يجول فى نفسى
بعد ان فؤجت بتصرفات غريبة من اناس كانوا فى قمه الوطنيه
و البحث فقط عن المصلحة العامة و ليس البحث عن الذات
و قد تعودت ان اسطر و اقول بكل حرية ما يجول فى خاطرى على الرغم من كم التناقضات
فهذه طبيعة البشر
نحن حقا لا نستحق الديمقراطية
نعم اعنيها و اعنى كل كلمه فيها ,نحن شعب لا يستحق الديمقراطية
بل ايضا ما يخجلنى ان اقول ان هناك اناس لا يفهمون شئيا عن الديمقراطية غير اسمها فقط ,, لا يفهمون
معناها ولا ما تؤديه من رساله ,ينادون بها و يهتفون باسمها
و هم فى منتهى الدكتاتورية فى التعامل مع بعضهم البعض
ما هى الديمقراطية ؟ ماهو معناها الحقيقى كيف يريد الشعب المصرى ديمقراطية صحيحة
ماذا سنصنع من اجل الحرية ايها الشعب المصرى
ليس الصراخ و الهتاف بنعم للديمقراطية هو الحل . اعتقدت و نحن نقف يدا واحدة ضد الظلم
و نقول لا فى صوت واحد اننا جديرين بهذا الحق نستحقه و نستحق ان نعيش الحرية التى نريدها .
كيف سنسترد حقوقنا المسلوبه و نحن نسلب حقوق غيرنا فى التعبير ,, كيف سنعيش عيشة هنيئة
و انت تحجر على اخاك فى المطالبه بحقوقه ,, اين ديمقراطيتك اخى فى التعامل مع اخاك ,,,اين ؟؟؟ للاسف
اصبت بالاحباط من اكتشافى ان هناك اناس يهتفون فقط , يهتفون من الخارج يصرخون من اجل الصراخ
و لكنهم فى الاصل فى منتهى الدكتاتورية, مازلنا نحتاج الى الكثير من التدريب على هذه الديمقراطية و الحرية المطلوبه, ليست الحرية فى اننى افرض رايى على غيرى
او الحرية ان اتطاول على اخى بالسباب لاظهر قوتى المدفونه , و اتظاهر باللباقة
و انا لسانى ينطق مهاترات و اسفاف
للاسف مازلنا نحتاج الى تعلم ما هيه ثقافة الديمقراطية. حتى نستطيع
ان نكون جديرين بها و بالعيش فيها .

لك الله يا مصرنا

24 comments:

عــلاء ســالـــم said...

السلام عليكم

معاكي حق والله
ياما قلت الجمله دي وياما ناس زعلت مني بسببها
إحنا شعب يستاهل أكتر من اللي بيحصله.

الفارس الملثم said...

كلامك صحيح تماما يا رانيا وكان في مقولة بتقول , ان الشعب يستحق من يحكمه وما الطواغيت اللذين ولوا امرنا الا نتيجة نستحقها ,

ومن مشاكلنا اننا اشبه بمن اراد تعلم السباحة فقرر الذهاب للمحيظ ..

نحن نمارس الديكتاتورية فيما بيننا منذ الصغر سواء في البيت او في المدرسة او الجامعة ..

بل الادهي ان من يدعون الديمقراطية يضيقون باي راي مخالف ..

ابسط قاعدة للديمقراطية هي قبول الراي المخالف دون اتهامات بالخيانة او العمالة ,فان تمكنا من احترام اراء بعضنا ربما ساعتها يكون هناك امل في التغيير

تحياتي
محمد

mostafa rayan said...

اه طبعا انا معاك في كلامك دة

Unknown said...

أزيك يا رانيا عاملة أيه
يا ستي ديموقراطية دي كلمة مش بتاعتنا بالمعنى الصحيح
أدينا بنطلبها بس الموضوع إننا زي الجنيه الجديد بوجهين
بنتحول بتحول الوجوه
بس والله يا ستي المشكلة دلوقت دنيوية الدنيا كلها عاملة كده الدنيا كلها بتاكل في بعض
يعني أدينا بنقول يمكن أما دنيتنا تتعدل إحنا نتعدل ولكن " لا يغير الله قوم حتى يغيروا ما بأنفسهم "
ده كلام ربنا سبحانه وتعالى
يا ستي ما عندناش إيمان داخلي إن اللي بيدي أكيد هيتردلله ثوابه في الآخر
ما بنديش لنفسنا الفرصة إننا نسمع
ممكن تكون في حاجة غلط بس لازم نسمع وننقح ونصحح أما هنعيش إزاي
ولكن زي ما قولتلك دي مشكلة الإنسان مش خاصة بمصر يعني بصراحة
بس برده ما نستحقش الديموقراطية لحد دلوقت
الواحد بيدعي ربنا إننا نعمل حاجة تخلينا نستحق إننا نبقى دولة محترمة


وبخصوص بقى الدولة المحترمة
يعني وأنا في ثانوية عامة شخص بسيط بيفكر في اللي بياخده وطبعا كنت بأخد في مادة الإقتصاد تطور النقود وكان نقود سلعية وبعدين الإنسان أتلاقاها مش مناسبة بقت نقود معدنية وبعدين لقاها الإنسان مش مناسبة لأسلوب حياته تقدم وعمل النقود الورقية

وطبعا اللي حصل من فترة بتغيير الجنيه الورقي بجنيه معدني ده صميم التقدم ولا أيه



تحياتي
محمد علي

موناليزا said...

للاسف ياعزيزتى كل من ينادون بالديمقراطية لايطبقونها

son's egypt said...

السلام عليكم
اذا كان الشعب المصري لا يعي كلمة ديمقراطية فهو عيب في النظام الحالي لانه عودنا علي عدم الديمقراطية
فكيف تطلب من شعب ديمقراطية هو لم يراها قط

مـحـمـد مـفـيـد said...

أزيك يا رانيا
انا فاتح الصفحه والله أكتر من ربع ساعه ومش عارف اكتب ايه
كل حرف وكل كلمه وكل معني اعتقد اصبح واقع
وللاسف العيب فينا احنا
احنا كأفراد ساعات بنرسم افكار وبنحاول نحققها ولكن بجد تلاقي مليون حاجه عايزه ترجعك
وفي الاخر بتبقي مدانه وتلاقي كل السكاكين ليكي لوحدك
ومصر متستاهلش مننا كده
كتبتي كل حاجه بتخطر ببال كل واحد مننا وعاجز حتي عن الكلام وليس التعبير

Abo 7anf said...

السلام عليكم
امتى اخر مره حد اتعامل معاكى بديموقراطيه
وامتى لاقينها
بس مش معنى كدا اننا منستحقهاش
لانها حق مش هبه
عارفه المشكله ان الغالبيه اتعود ان رايه هو اللصح
لانوا دايما بيشوف كدا فى المدرسه دايما المدرس حتى لما كبرنا ودخلنا الجامعه
عيب تناقش الدكتور
وبعد كدا المدير
لان دول اصلا مش لاقينها

بس لو اتوجدت ودا حلم
صدقينى كلوا هتغير

Abo 7anf said...
This comment has been removed by the author.
Desert cat said...

صدقتى يارانيا والله
والدليل عندى
وناشراه بوست لوحده
الغريب بقى التقاذف عندى كان متناقض
يعنى اللى مش معايا يبقى ضدى يبقى يستحمل اللى هيجرى له
تحياتى

Unknown said...

عندك حق فى كل كلمة قولتيها واحييكى على صراحتك و شجاعتك و فعلا لكى الله يا مصرنا

صوت من مصر said...

رانيا بجد كلامك حلو قوى والموضوع مثير جدا

أحمد بكر said...

الى بيسعى لحاجه و يكون يستحقها لازم يوصلها
علشان كده احنا مش بنوصلها
يوم منبقى بجد نستاهل الحريه
مش هتتأخر علينا

Rania Lelah said...

علاء سالم
اسعدتنى زيارتك عزيزى
و نحن شعب اصم و ابكم
و من يتكلم فينا فانه يصرخ فقط
لست اعمم
و لكننى اتكلم على بعض النماذج الكثيرة التى تعاملت معها

تحياتى

****************
الفارس الملثم
صدقت صديقى الصدوق
ابسط حق ان احترم الراى المخالف و لا اضيق به

مودتى لك

Rania Lelah said...

mostafarayan
اشكرك على تعليقك

تحياتى
*************
محمد على

عزيزى لابد من ان نغير نفسنا اولا حتى نستطيع تحيقي ما نسعى اليه

لك منى كل التحيه

Rania Lelah said...

monaliza
فهذه هى المشكله
ان اغلبهم لا يطبقونها بل ربما لا يعرفونها

تحياتى لك

******************
son's egypt
ليس له علاقة بالنظام
و ليس ايضا الحالى
عزيزى
اقسم اننى كنت اعتقد المثل
الا انى اصابنى الاحبط
فالذى نعيشه ليس له علاقة بالنظام
نحن من فعلنا هذا بانفسنا
السلبية الواضحة
و ما نفعله فى بعضنا البعض لاكبر دليل
اشكرك على الزيارة

تحياتى و مودتى

Rania Lelah said...

محمد مفيد
صح يا محمد
بنحلم و نفسنا نحقق و بيتهئلينا اننا بنمشى لقدام و لكن للاسف بنلاقى زى ما قلت حاجات بترجعنا لورا و المشكله الحاجات دى معظمها افراد و تفكيرهم

اشكرك على التعليق
هنحاول تانى اكيد يا محمد
تحياتى لك

*****************
Abo 7anf
منستحقهاش لحد ما نتغير الاول
اتغيرنا و بقينا اهل و ثقة لها
يبقى اكيد نستحقها

تحياتى و مودتى

Rania Lelah said...

Desert cat
دة انتى خير دليل على اللى بقوله
:)

تحياتى

*****************
عاليا حليم
اشكرك على اطرائك عزيزتى و على زيارتك

لك منى كل التحيه

Rania Lelah said...

صوت من مصر

اشكرك يا محمد
مودتى

****************
baker
اصبت كبد الحقيقة
نعم من يريد شىء لابد من السعى اليه
و للاسف فنحن مازلنا غير مؤهلين لهذا الحق بعد

تحياتى و مودتى

momken said...

عارفه يا رانيا

لو جيبنا سمكه من البحر
وحطينها فى ازازة برفان هتموت
وممكن قبل ما تموت تتخنق وتتعب وتفلفص

هى متعوده على الميه المالحه
الى فيها ريحه اليود والسمك

جبنها وحطنيها فى برميل برفان
من فرنسا غالى اوى
تعبت وتصرفتها ماكنتش اد الموقف

الى حصل فى سته ابريل
زى ده بالظبط
ناس متعرفش يعنى ايه سياسه مش بتقرا جرايد اصلا

الحقيقه انا مش مسميه اضراب سته ابريل
انا مسميه هوجه سته ابريل

هو بالظبط هوجه
دخل فيها الى بيفهم والى مش بيفهم والى عامل مش بيفهم
والغبى
والسازج
الى قابض
كلو...كلكو
الشعب بتعنا حاولنا نشيلوا من البحر المالح نحطه فى البرفان
من غبائنا نسينا انه اتعود على الوضع القديم

ومن غباءه انه كسر قاروره البرفان
ولا استفاد منها ولا ساب غيره يستفيد


ربنا يسترها معانا بقى

تحياتى

walaa said...

فعلا حقا كل كلمه قولتيها لازم احنا نتغير الاول علشان نقدر نغيير الوضع الحالى
لا يغير الله ما بقوم حتى يغيروا ما بانفسهم
تحياتى ولاء

Rania Lelah said...

momken
مش هنكر و لا كله قلتها
بس لحد امتى هيفضل كدة متعود على الوضع الماضى و بس
امتى هيفتح عينه
امتى

تحياتى
***************
walaa

اشكرك عزيزتى
سانتظرك دوما

Anonymous said...

عزيزى لابد من ان نغير نفسنا اولا حتى نستطيع تحيقي ما نسعى اليه
ده ردك علي محمد علي وانا مؤمن بيه وبحبك علي المقال
لكن من ضمن قبول الراى الآخر ياريت تقبلى رأيى ده
صح لازم الواحد يبدأ بنفسه فلما يكون مدرس مثلا ويكتب باللغة اللى بيدرسها ويكتب خطأ تبقى مشكلة ولما يكون بينادى ببناء الأنسان ومستقبل الأطفال وهو متآمر علي الأطفال تبقى مشكلة أكبر ولما يقول ديموقراطية وهو وأهله منصبين نفسهم آلهة وحكام علي البشر تبقى مشاكل أكبر وأكبر ولكم الله يا بني آدميين حيث أنى مؤمن بالأنسانية
توقيع أنسان

Rania Lelah said...

انسان
اين هو الراى الاخر اخى العزيز
قد طلبت منى ان اتقبل الراى الاخر
فاين هو ذاك
رايك فى صميم ما كتبت
هو ان تغير من نفسك حتى نستطيع ان نتقدم الى الامام
و هذه المشكلات التى ذكرتها
كلها تقع فى صميم الموضوع ان اناس متناقضة و تنادى بشىء و هم غير ذلك

اذن فلابد من ان يغيروا انفسهم
و لا شان لى متى يحدث هذا
فيوجد فروق فردية بين الافراد
انت ستواجه نفسك و ستغيرها
و ربما تجد اخرين غير مقتنعين
و هنا تكمن المشكله

اشكرك على زيارتك