Wednesday, April 16, 2008

العائد من الموت


نويت ان اكتب عن العائد من الموت
نعم لقد عاد الى الحياه رغيف الخبز ( تصفيق حاد) ,, فوجئت منذ يومين
بان كل المخابز لا يوجد امامها اى انسيا و ان العمال يجلسون يضحكون مع بعضهم البعض
و المفاجاه , مئات الاكياس البلاستيكيه على الارض مملؤءة بالخبز فى
انتظار من ياخذها , و قد قلت ان الامر فردى و مؤكد ان
هذا المخبز ( عليه وسطة ) ,,, ما دعونى للشك , ان كل
المخابز التى رايتها و اعنيها ان كل المخابز فارغة لا يوجد غير انسان
او طفل واحد فقط و قد ملات الابتسامه
وجهم ,, ابتسامه رضا و ظفر بهذا الرغيف
الذى اصبح فى وقت مثل الفراخ المشوية
المفاجاه الثانية كاد طفل صغير ان يخبطنى بعربته التى يمشى بها
و اعتقدت من النظرة الاولى انها عربه للتوصيل للمنازل
و كان المنظر الصاعقة
و الذى جعلنى افرك عيناى عدة مرات مكتوب على العربه عربه الخبز ,,خدمه
توصيل الخبز الى المنازل, ادرك ان البعض متوقع ان ساقول
اننى اسيتقظت من نومى بعد هذا ,و
لكننى اقسم بالله انه كان حقيقه , ( ناس بتبرق) ,, و كنت قد نويت تصوير العربه
الا ان الصبى ارمقنى بنظرة سخريه ( قال يعنى بعكسه) ,,, مضيت فى طريقى
و ( همووووت) كنت اتمنى تصويرها , و السؤال الان
هل عاد الخبز من الموت حقاا ام انه مازال فى مرحله ما قبل الموت .
هل قامت الحكومة حقا بعمل حلول جذرية لحل هذه الازمة ,, هل برنامج
مفيد و فوزى و الذى اهان فيه وكيل اول وزارة التضامن الاجتماعى
و جعل منه اضحكوكة الحلقة هى من كانت دافع لحل هذه الازمة
هل مقتل الشباب على منافذ المخابز من كان سببا فى رق قلب الحكومة
لحل الازمة , ام ان تهديد الرئيس مبارك
لنضيف ( طويل العمر يطول عمره و ينصره على من يعدية هاى هىء) , هو من حل هذه الازمة
السؤال الاهم
ان مدينتى فقط هى الاولى بين
مدن الجمهوية التى يوجد بها هذا الامر؟؟؟؟؟
و عجبــــــــــى

42 comments:

الفارس الملثم said...

هههههههههه

لا تصدقي انا اسئل في الحكاية دي ,وان كنت اتصور حتي لو العيش بقي متوفر فعلا في جميع الجمهورية , ان ده مجرد مسكن وقتي لان اكيد جذور المشكلة متحلتش بين يوم وليلة ..

عموما بلاش التشاؤم ونشوف ؟؟؟؟؟؟؟

نحياتي يا رانيا
محمد

Rania Lelah said...

تفتكر يا محمد
يا دى ممكن تكون احلام يقظة و بس
اما نشوف
ان غدا لناظره لقريب

:)
تحياتى

raspoutine said...

طيب انتى ساكنة فين وانا اعزل على هناك طوااااالى
يا ريت الحال ده يعم على باقى البلد يا رب

تحياتى

الربان said...

تحياتي

في رأيي ان مشكلة الخبز ..مشكلة تنظيم و تفعيل لقرارات و قوانين.

كان لابد ان تستخدم الدولة قانون الطواريء ضد المتلاعبين بقوت الشعب..مثلما تستخدمه في السياسة.

يعني لو تمت مصادرة 10 عربات من التي تستخدم في تهريب الدقيق...لما وجدنا دقيق يباع في سوق السوداء...

لو ثبت ان حلواني يستخدم دقيق من دقيق خبز المواطنين يغلق مخبزه نهائيا..

لو مباحث التموين و مفتشي التموين قاما بعملهما كما حدث بعد توجيهات الرئيس لكنا تفادينا الازمة.

لو الحكومة لا تنتظر المشكلة ثم تبحث عن حل لها...لما كان هناك ازمة...يعني التوقع و التنبأ العلمي من واقع التخطيط الصحيح القائم علي معلومات
وبيانات دقيقة يعتمد عليها.

وزراة التموين اصبح اسمها الجديد وزارة التضامن....فماذا ننتظر من الحكومة...؟

تحياتي و تقديري...و حمدا لله علي سلامة السيد رغيف العائد بعد الموت كما الذين عادوا الي الحياة بعد الموت.

دمت بالف خير.

Abo 7anf said...

السلام عليكم
رغيف الخبز اصبح فى وقت كفرخه مشويه
ربنا يستر
هو طبعا ممكن نفرح
بس هو ليه مش كده من زمان لما ممكن يبقى كدا
وتفتكرى قبل ميبقى كدا
كان بحصل ايه علشان يبقى الوضع زى زمان
وبوست جميل
ومبروك الرغيف

محمد عبد الغفار said...

لا امر على هذه المخابز ولااعرف طريقها استخدامى للخبز قليل لظروف عده كما ان وقتى اثمن من ان اهدره فى اى طابور

ان استخدمت استخدم العيش ابو ربع جنيه والذى اصابه صائب فى جودته وحجمه وكل شئ وان كان عاجبنى إلا انه متوفر فى كل وقت

لم ارى اى مظهر من المظاهر التى زكرتيها لا قبل ولا بعد

(احمد سكر ) said...

وانا مع الربان فى كل حرف

وكلامك مضبوط

لان عندنا فى منطقتنا نفس الشىء

بس الشىء المؤلم حقا

ان الاس استغلت الموضوع دا

وبقت تاخد العيش دا للمواشى والفراخ

ايوا والله

وانا بنزل اروح الشغل لفت نظرى بنت يوميا معاها 5 او 6 اكياس

وكل كيس طبعا فيه بجنيه عيش

قلت ف بالى يمكن اسره كبيره او شىء من هذا القبيل

المهم فى يوم شفت بنت تانيه ماشيه معاها ومعاها نفس الكميه

فا وقفتها وعملت نفسى بيئل عن الفرنه
وفى وسط الحديث عرفت انهم اخوات

فا بقلهم ماشاء الله انتم كتير بئه

قالتلى لاء

قلتلها امال العيش دا كله بتعملو بيه ايه

قاتلى ماما مربيا فراخ فوق السطح

وخالتو سعات بتاخد منها العيش لفراخ


نو كومنت

تحياتى
احمد سكر

صوت من مصر said...

عارفه احلى حاجه نتكلم عن الخبز الضائع بين الاحلام

رئيس جمهوريه نفسى said...

بصى يا رانيا
هو مش حلم هو مخدر موضعى قضى عل الالم بشكل موقت بس لم يروح اثر المخدر حترجع المشكله تانى طول ما القمح ااقل من المطلوب عندنا فى مصر المشكله حتتكرر طول ما مصر بتستور 7 مليون طن من امريكا بس حترجع المشكله تانى طول ما مصر بترفع اسعار القمح فى العالم بطلبها على القمح حترجع المشكله تانى
لانى لسه مفيش حل جزرى

AHMED SAMIR said...

يااااااااااااااي
عيش وكدة؟
معقول؟
لسة في ناس بتاكل عيش؟
اومال الباتيه والكرواسون مين اللي ياكلهم؟
ههههه
تحياتي يا رانيا ع البوست الرائع

احساس لسه حى said...

عزيزتى

علشان تعرفى اى مشكله فى مصر ليها حل بس لو هما عاوزين يحلوها بقه

البلد مليان خير

بس فييين

كل ما هيزنقوا هيلاقوا الحلول

دايمن لازم نزنقهم

تحياتى

سلام

Rania Lelah said...

raspoutine
للاسف مش هقدر اقولك
اخاف نتحسد
:)

تحياتى
**************
الربان

عزيزى الربان
لقد صدقت قولا
فان ما تفعله الحكومة حلول هامشية ليس لها اى ساس
و لان كانت بعض المشاكل قد تم حلها حلا مؤقتا
فلسوف تعود ثانيا و بقوة
و لنا الله
تحياتى و مودتى

Rania Lelah said...

Abo 7anf
اشكرك على التعليق

تحياتى

**************
محمد عبد الغفار
حل كويس يا محمد
بس انت بتتكلم على انك فرد فى مجتمع فيه الغنى و فيه الفقير
و ان كنت بتجيب العيش الغالى لانه انضف و احسن
ففى ناس بتضطر بس تقف و تتقتل علشان رغيف بخمسه قروش

يبقى كان عندى بس
و يا خسارة فرحة ما تمت
:)
تحياتى و مودتى

Rania Lelah said...

احمد سكر

بس دة هتبقى مشكله تانية يا احمد
مشكله ناس مستغله و معندهاش اى نوع من انواع المسؤليه
و ملهمش حل
يغر انهم يغيروا من نفسهم

حمدلله على السلامه
تحياتتى

Rania Lelah said...

صوت من مصر
اشكرك على المرور

************
رئيس جمهورية نفسى

ايوة زى ما قلت للربان
هو فعلا حل مؤقت لمشكله لازم تتحل من جذورها


مودتى

Rania Lelah said...

احمد سمير
اه شوفت
ناس من زمان قوى
هو بصراحة الواحد اما بتفرج على الى بيحصل قدام المخابز
بيحس فعلا انه من ايام الفراعنه

المشكله بقى انى ترجمت مؤخرا خبر بيقول اننا صعبنا قوى على بوش احنا و الفلبين علشان المجاعات دى
و قرر انه يدى مصر و الفلبين 200 مليون ولار

شوفت

Rania Lelah said...

احساس لسه حى
اشكرك على الزيارة

زى ما قلت بالظبط
لازم نحاول نجبرهم على ايجاد حلول للمشكله

تحياتى

Unknown said...

أزيك يا رانيا :
معلش تعليقي جه متأخر قوي قوي عارف والله
كنت تعبان بس شوية وما كونتش بتابع حاجة خالص
وأيه الموضوع الجميل ده بقى
ما تزعليش مني مع أول سطوره قولت البت دي - لا مؤاخذة يعني - كانت نفسها تآكل عيش وبقالها كتير ما بتآكوولهوش فيعني الكلام ده سراب
بس بجد لو ده حصل عندكم يبقى مبروك أوي
بس مش يمكن الناس تعبت واتعذبت كفاية فبطلت أساسا تروح المخابز وعشانا عليك يا رب


المشكلة اللي عندنا أنا معاكي مش دي اللي تخلص في يوم وليلة
لإنها والله ما مشكلة واحدة وحلو قوي التعبير بإنها حقنة مسكن
المهم يا رب بقى حد يفضل عنده دم ويقف على موقفه ولا أيه


يارب كمان زي أما وكسوها الوكسة السودة دي يعرفوا يعملوا حاجة قبل ما تبقى مصر مستعمرة من جديد

مش جاي علشان أدي حلول أصلي يا ما قولت بجد والناس كلها بتقول وبجد كلامنا كله صح المهم بقى ندخل لمرحلة جديدة التنفيذ وأنا شايف إن 6 إبريل أهو يعني نفذ حاجات كتير
بس لسة المشوار طويل


تحياتي
محمد علي

Anonymous said...

تحياتي لكي عزيزتي رانيا
اول زياره لمدونتك و انشاء الله مش الأخيره

لقد تعرفت علي اراءك من دخولي في عده مدونات و احب اسجل اعجابي باراءك
بخصوص موضوعك الجديد فعلا انا بدأت الاحظ ان الطوابير تكاد تكون معدومه دلوقتي يعني كان لازم الشعب يثور عشان يظبطوا مشكله العيش ماينفعش الحاجه تتحل من نفسها؟
كل اللي بتمناه ان ماتكونش هوجه و ترجع ريمه لعادتها القديمه و ترجع المشكله تاني

ربنا يستر

تحياتي ليكي و اشكرك انك اتاحتي ليا الفرصه اني اعلق عندك

Desert cat said...

فين ده يارانيا
ده انا الصبح صاحية على خناقة لرب السما
اصل بيجبوا العيش من الفرن ويوزعوه فى محل جنب بيتنا بالكوبونات
والناس بتتخانق برضه علشان كل واحد يقولك ده مش دورك ده دورى انا اسمى رقم 35 لكن اللى مشى ده رقم 60 هو العيش كمان فيه وسايط
وكان ضرب نار الصبح عندنا منهم لله صحونى من النوم بدرى نص ساعه

روابط said...

ان هى الا شعرة معاوية بين الناس والسلطان القابع فى قصره, فؤجى بالناس على حافة التمرد وابنائهم يقتلون من اجل الرغيف .. فخفف عنهم الى حين اتقاء غضبتهم

khobayb said...

حين يحل موعد الانتخابات

تعود أشياء كثيرة من الموت !

المرتبات والخبز وفرص العمل ووجوه المرشحين

وحين تنقضي ..

تعود ثانية لمثواها !

يا مراكبي said...

إنتي كلفتيني فلوس مالهاش لازمة دلوقت .. إضطريت أتصل بإخواتي في مصر عبر المكالمات الدولية وسألتهم عن الموضوع ده .. طلع إن حالهم أحسن من حالك بكتير .. وبطلوا ياكلوا عيش وبيغمسوا بالكرواسون دلوقت

لازم تدمي شكوى علشان يبقى بينك وبينهم مساواة

أحلام عمرنا said...

لاء مش عندكم بس احنا كمان الدنيا هديت شويه عقبال الأسعار
منورانا يا رانيا

walaa said...

المشكله مش هو بينتصر على اعدائه ولا لا المهم اللى هو يقدر يحل المشكله يعنى هو لازم يتهاجم علشان يحل المشكله
ياريت يكون عنده عدل وخوف من ربنا وانا اشك فى ذلك البلد مليانه خيرات وهو نهبنا
تحياتى ولاء

أحمد بكر said...

نفسى اعرف فرن العيش اللى بتتكلموا عنها دى فين
عقبالنا يا رب

Rania Lelah said...

محمد على
افتقدت زيارتك اخى العزيز
و بالنسبة لهذه المشكله فحقا لن تحل فى يوم و ليله

اشكرك
تحياتى

**************
اجندا حمرا
اسعدتنى زيارتك و كلماتك كثيرا عزيزتى
و اشكرك على اطرائك الجميل
و اما انعدام الطوابير
فمن خلال التعليقات احسست ان سوف يرجع الامر كما كان

تحياتى و مودتى

Rania Lelah said...

desert cat

مش اول واحدة تقول كدة
بس ايه دة
احنا مش عندنا موضوع اررقام دة
كمان رقموا الشعب
:(

مودتى يا احلى قطة

***************
حازم سويلم
لابد من القضاء على جذور المشكله حتى لا تنمو ثانيا

اشكرك على الزيارة

Rania Lelah said...

خبيب
الى متى سيظل الوضع هكذا
حقن مخدرة لبعض الوقت يرضى الشعب قليللا و من ثم يرع ثانيا يتالم من اثر الصدمة
لك الله يا مصرنا

تحياتى
**************
يا مراكبى

فاكر الرغفين الى كنت مقدمة عليهم فى مدونتك
اهم وصلوا بالسلامة
:)

تحياتى

Rania Lelah said...

احلام عمرنا
الحمدلله بشرة خير
نورتنى

تحباتى

******************
walaa
تقريبا كدة يا ولاء لازم يتهاجم و لازم يحس البغضب الشعبى علشان يتحرك
على الرغم من انه تحرك مؤقت و شائك
الا انه فى فترة ريح ناس كتير

مودتى

Rania Lelah said...

baker
ربنا يفرجها قريب ان شاء الله

تحياتى

shreen said...

الحمد لله يا رانيا
واضح ان المشكلة ابتدت تنتهى

الحمد لله بجد لان فى ناس كانت بتتبهدل
لمجرد انها بتقف فى الطابور

ولو كانت المشكله دى استمرت لغاية ما الصيف الجامد دخل

تخيلى الناس فى الحر بتبقى زهقانة ومش طايقة حد وتقف فى الطابور ده

والله كان ممكن يحصل مذابح ومصايب

ووحشانى جدا
انا عايزة بوست جديد فى المدونة التانيه اللى انا بحبها

Empress appy said...

عيش انا كتبت عنه من زمااااااااان
انا اساسا مش بكل عيشمن هنا بجيب من عند ماما عاوزة تشوفى العيش الصح ابقى بصى على بوست الاقاليم طلعت اجدع من العواصم عندى

وبعدين مكن يا رانيا تتحل بشويه امل بلاش نسود كل حاجه كده
طيب والله حتى الراديوم ذاع ليه البوست ده شوفتى التفاؤل هههههههههه

سنووايت said...

البركة في الجيش اللي بقي يخبز لنا العيش
ومنافذ البيع الجديدة اللي حلت مشكلة الزحمة
بس بلاش نحسده بقي احسن يرجع يموت تاني
وخاصة ان الضماير اللي صحوها اكيد هترجع تنام تاني

شهرزاد said...

هههههههه
ضحكتيني يا رانيا بجد
قريت عنوان البوست العائد من الموت
لقتيه رغيف العيش
بجد أنا مبسوطة إني رجعت أشوفه من تاني
وحشني أوي
والدتي دايما تقولي إنها بتتفاءل برؤية العيش بالصباح...لا أعرف لماذا
لكن أنا كمان دلوقتي متفائلة معناها ان صوتنا اتسمع
لسه في أمل :)

جيفارا المصري said...

عارفين المشكلة الحقيقية فين ؟

ان كل الحلول المقدمة لأزمة الخبز ما هي الامسكنات للموضوع مش حلول عملية بتبص لبكرا
لأن الأزمة في جوهرها بتعكس ازمة الزراعة في مصر اللي هي اصلا ازمة سياسية
و عارفين ليه ازمة سياسية ؟
عشان احنا لازم نتعامل مع زراعة القمح كقضية امن قومي ؟

مش نسيب الموضوع للمعونة و لعطف امريكا و تحكمها فينا


من لا يملك قوت يومه لا يملك كرامته و احنا اصلا فقدنا حكاية الكرامة من زمان و دلوقت بنستجدي دول العالم عشان تدينا الأكل

طب عايشين نعمل ليه بقي ؟؟
ايه لازمتنا في الدنيا ؟؟

جيفارا المصري said...

عارفين المشكلة الحقيقية فين ؟

ان كل الحلول المقدمة لأزمة الخبز ما هي الامسكنات للموضوع مش حلول عملية بتبص لبكرا
لأن الأزمة في جوهرها بتعكس ازمة الزراعة في مصر اللي هي اصلا ازمة سياسية
و عارفين ليه ازمة سياسية ؟
عشان احنا لازم نتعامل مع زراعة القمح كقضية امن قومي ؟

مش نسيب الموضوع للمعونة و لعطف امريكا و تحكمها فينا


من لا يملك قوت يومه لا يملك كرامته و احنا اصلا فقدنا حكاية الكرامة من زمان و دلوقت بنستجدي دول العالم عشان تدينا الأكل

طب عايشين نعمل ليه بقي ؟؟
ايه لازمتنا في الدنيا ؟؟

Hossam Nasr said...

السلام عليكم

شارك معنا في حملة توقيعات المدونين لإرسال طلب للحكومة الهولندية للمطالبه بسن القوانين الرادعة لازدراء الأديان ولإستهانة بمقدسات المسلمين في مدونة قولاً سديداً على الرابط التالي

http://kawlansadida.blogspot.com/2008/04/blog-post_21.html

أحساس لسه حى...كلام من جوه روح لكل روح said...

عزيزتى

هى حكومتنا امتا حليت شئ حل جذرى
جبيلى مشكله كنا بنعانى منها من 20سنه واتحليت حل جذرى

يا افندم الحكومه ماشيه مع الشعب بالمسكنات

اقولك
عليه العوض

تحياتى

سلام

Rania Lelah said...

shreen
المشكله لم تنتهى عزيزتى جذريا و لكننى ساتفائل

تحياتى
***********
appy
اكيد تفاؤل
كل ما هنا يدعو للتفاؤل عزيزتى

تحياتى
**************
سنووايت
عندك حق و الله و بلاش نحسد هجط خرزقة زرقا على باب المدونه
مودتى
***********
شهر زاد
اكيد فى امل يا عزيزتى

مودتى

Rania Lelah said...

whipers just for a night
علم و ينفذ

لك منى كل التقدير على مجهودك

*************
احساس لكل النساء
مسكن مؤقت
و لكنه مسكن

مودتى

walaa said...

والله اسراء قالت لاكده انا مش شوفت الحلقه دى
على العموم الله يصبرها على اللى هى فيه
الناس دى عايزه تعمل ايه فى الشعب اكتر من كده
بس ما اظنش ان واحد بالفساد ده هيقدر يصلح من نفسه
تحياتى ولاء