Thursday, March 1, 2007

موضوع عجبنى



قريت خبر عجبنى جداااااااااااااااااااا بجد
و عنوانه
توعيد التلاميذ فى فلسطين بخطورة /الواسطة
متهيئلى ان العنوان يشد قوى انا قلت ابروزة
و خصوصا ان مصر بتعانى مش هقول من قديم الازل
بس اهى بتعانى من موضوع الواسطة و الى يحس قوى الموضوع دة الشباب الى بيدور على شغل مش كدة بردة؟
نص الخبر
تشهد حاليا المدارس الفلسطينية الابتدائية حمله واسعة ضد الواسطة و تستخدم فيها العرائس المتحركة لتوعيه التلاميذ منذ نعومة اظافرهم بخطورة الواسطة
على المجتمع الفلسطينى الذى لا يزال يعانى من هذة الافة بسبب التركيبة القبليه للمجتمع الفلسطينى
و تبسط الحمله الاثار السلبية للواسطة فى عرض العرائس و يحكى قصة كلب يختار ابن عمه الثعلب لحراسة مزرعة دجاج بدلا من كلاب الحراسة المدربة فيقوم الثعلب بالتهام الدجاج
فكرة حلوة و الله

يا ترى بقى عندنا بيفكروا كدة ؟ بيفكروا و بيبصوا لبعيد كدة ؟ و لا طبعا اهم حاجة عندهم انهم يكتفوا المدرس بيفكرونى بفيلم هنيدى نكتف عمرو و نحزم الشاب خالد

و الواسطة شغاله شغاله

روحت مرة عملت فيها بقى واحدة مفيش زيها و روحت بمنتهى التناكة و قلت هقدم فى الاذاعةو التليفزيون

ايه يعنى اشتغل مترجمة و دخله بالى سى فى بتاعتى لقيت الامن بيقولى راحة فين ؟ قلتلهم عايزة اقدم لو سمحتوا

قالوا بمنتهى الاستغراب تقدمى ؟ اةةةةةةةةةةةةةةةةةةةةةةةةةةةةةةة

طيب سيبى السى فى بتاعتك و احنا هنقدمهالك

و انا ماشية لقيت واحد امن ابن حلال بيقولى انسة انت ليكى حد هنا

؟

قلتلى اشمعنى يعنى

قالى متتعبيش نفسك دة اسمه بيت العيله كل الى هنا قرايب و اصحاب و اخوات قلتله يعنى ايه ؟

مفيش حاجة اسمها كفائة قالى لا انت حرة و انا قلتلك

قلتله طيب دة بالنسبة للاذاعة و التليفزيون هروح اقدم فى الخارجية و ربك يسهل

هو الصراحة مردش عليا كل الى عمله انه بصلى بصةاكنه بيقول البت دى يا هبله يا هبله بجد

و بس

و كانت اول صداماتى

ما انا كمان عبيطة

الى انا راحة اعمله دة نسيت نفسى نسيت ان مليش وزير و لا راس كبيرة تسندنى

يلا مش عايزة افتكر هبلى

و مش عايزة افتكر نداله صديق قالى هجيبلك وسطة ادخلك بيها بس مقلش سنه كام هيجبها ؟

يلا هو عارف نفسة بقى

بس ارجع و اقول ما لازم يكون فى واسطة هيشغلوا الاعداد المهوله دى ازى؟

تفتكروا الواسطة لازم تتشال و لا نظام التعليم هو المفروض يتغير ؟

الواحد شكله بدا يهيس مش عارف يجيبها صح بيقلبها من يمينها لشملها علشان يطلع بفكرة مفيدة مش عارف

بس بردة التعليم لازم يتغير, لازم يتطور لازم معنتش دلوقت المناهج الدراسية مفيدة للطلبه,دلوقت

اهم حاجة لوزارة التربية و التعليم انها تالف مواد علشان المدرس يتكتف بيها و قال يعنى بيعلموة الصح و شوية شوية تلاقى المدرس بقى بيدخل الفصل يفضل يكتب و يكتب و يكتب طبعا ماهو عليه حاجات قد كدة

معنتش عارفة بيربوا الطالب و لا بيربوا المدرس

و لا حتى عارفين يظبطوا نظام واحد عليه الطله للثانوية العامة

على ايامى كان فى تحسين

و الجيل الى قبلى كان بيخدها خبطة واحدة و الجيل الى بعدى مش عارفة ايه

كل سنه و لها استايل

تقريبا بيطبقوا نظام النيو لوك على التعليم

بس يا خسارة ديما نيولوك فاشل و علشان بيفشل تلاقيهم بيحاولوا يغيرواه السنه الى بعدها

امتى بقى التعليم هيتنظم و يتعدل

امتى بقى المناهج الدراسية هتكون مفيدة امتى؟

دلوقت اى خريج

و طب هتكلم على الغرب ليه انا اتكلم عن نفسى

خريجة جامعة تخصص لغة انجليزية

دهل لما نزلت لسوق العمل عملت بيها

؟؟؟؟؟؟؟؟؟؟؟؟؟؟؟؟

الاجابة بمنتهى الوضوح ابدا محصلش

مش لاكتر من ان السوق دلوقت معتش محتاج المواد التافهة الى كنا بناخدها

دلوقت و لا عاد شكسبير بياكل عيش و لا الاخ تشارلز ديكنز بيفتح بيت و لا حد عايز يعرف الملك لير عمل ايه؟

و طبعا لازم و لا بد علشان تعرف تشتغل انك تاخد كورسات بمبالغ قد كدة

و بعدين؟؟؟؟؟؟؟؟؟؟؟

طب ما كان من الاول يا ناس بدل ما اكلف نفسى و اذاكر فى الثانوية العامة

و ادخل جامعة و اصرف قد كدة

مع العلم طبعا انى كنت بخنسر من فلوس الكتب

ماعلينا ماعلينا

و الواحد يطلع يا مولاى كما خلقتنى

ما الواحد كان وفر و اخد كورسات من الاول

و انتهينا

يقولك الشهادة مهمة

يا ناس ما دلوقت كل واحد معاه شهادة معلقها فى الصالون

و بيتخصص فى اى حاجة تانية

و بعدين فى الموضوع دة هنفضل لحد امتى كدة

3 comments:

قاسم أفندي said...

انا شكلي هافتح شركة واوظفك فيها عشان اخلص من وجاع الدماغ ده
ماهو يا هشغلك يا هجوزك
اختارليك حاجه من الاتنين بقي
بجد كتابتك حلوة بس الغلطات الاملائية يا سكر
انشالله ابقي فكريني اجيبلك كي بورد في عيد ميلادك
هو امتي صحيح؟

rania said...

13/9
يا ريت يخليك
خلينا فى موضوع الشغل احسن
,,اضمن بردة
و تكمل جميلك بقى و تدينى مرتب حلو
حضرتك
متاكد ان الموضوع دة فى غلطات املائية
و لا الموضوع بقى مدونين كبار و بيغيروا من بعض؟؟؟؟؟؟؟؟؟
هههههههههههههه

mermaid said...

موضوع تغيير المناهج الدراسية دة فكرنى بحاجة نفسى تحصل نفسى يكون عندنا مدرسين بجد اة
يعنى المناهج بتاعت المدرسين فى كليات التربية دى لازم تتغير المدرس بيخرج من كلية التربية المفروض يكون تربوى لابيكون تربوى ولاحاجة وكل الى يعرفة العصاية والشتيمة للطلبة ولا حتى بيعرف يشرح المنهج بتاع الطلبة دة جزء من الاصلاح الى لازم يحصل فى التعليم ويسبقة منهج المدرسين