Tuesday, March 13, 2007

لحد امتى؟؟؟؟؟

لحد امتى هنفضل كدة
فساد و ظلم ناس بتموت و اطفال بتدمر لحد امتى؟ و الناس الى معندهاش ضميرهتفضل عايشة لحد امتى ؟
هتفضل هى الى واخدة حقها و لقيه الى بيغطى عليها و لحد امتى؟
هنعيش فى ذل و هوان لحد امتى؟ هيفضل ديما فى مؤامرات بين الحكومة
و بين الحرامية الكباروالنصابين
و هل الحكومة عارفة كدة؟ و بردة بتتعامل و بتعقد كمان صفقات
على حساب الشعب؟
معقوله ؟ امبارح شوفت برنامج 90 دقيقة ومع انى مش من المتابعين الجيدين له
بس بصراحة اتفاجات اما تقريبا جابوا 4 او 5 مشاكل كلهم اخطر من بعض
بدا بالتعديلات الدستوريه و الى اتعمل فيها استفتاء جماعى لكل مواد الدستور المراد تعيدلها
و رفض4اعضاء بس للموضوع و رفضهم مكنش لكل التعديلات و لكن رفضهم لمادتين او اكثر
و هم المادة 88 و المادة 179
والناس اشتكت قالت يا عالم ينفع كدة ؟ المفروض ان الاستفتاء يبقى لكل مادة على حدة
بينى و بينكوا ماهم عندهم حق بردة ما هى حاجة تغيظ مجلس كامل
يوافق على تعديل مواد عميانى
وموضوع تانى عن اب مكلوم ابنه ضاع من لبن مدعم فاسد نسبة الزرنيخ الى فيه اكتر بكتير
من النسبة المقررة فى وزراة الصحة
اب لا يساعه الى ان يدعو الله عز وجل ان ياخد حقه
فبكى وهو بيقول عايز العدل و اناشد الاب حسنى مبارك ان يقف بجوارى
طيب؟
باذن الله ربنا هيقف جنبك لان ربنا مش بيرضى بالظلم
و بعد كدة جت مشكله تانية مشكله التشخيص الخاطىء و ان فى اطباء كتير ومش معظمهم. بيغلطوا
فى تشخيص المرض مما يسبب فى ضياع المريض ان مكنش فى صحته هيبقى فى فلوسة
شكلنا هنرجع تانى لغلطات الاطباء ؟؟ ربنا يستر بقى. و
المستشفيات الخاصة الى بقت تجارة و مبقتش انسانيات
امممممممممممممممممم و شوفت ايه كمان يا رانيا؟
ايوة ايوة هيدلينا و الى عملته: اكياس الدم فاسدة و الافراج عن اصحاب الشركة بكافاله 100,000 جنيه
الى كانوا علشان طمعهم هيودوا ناس فى داهية.مش بقول الحرامية هى الى واخدة حقها قوى
و المصيبة كمان ان حوالى 35 من المشتغلين بالشركة سافروا فى اجازت ترفيهية
علشان يسكوتوا ويعدوا الصفقات الحلوة دى انما ,,,,
الشعب بقى فى داهية و الامراض الى ممكن ان تتفشى و صحة المصرى بقت للبيع دلوقت
و بينى و بينكواارفت ,غيرت القناه
بجد تقريبا انا حرمت اتفرج على البرنامج دة تانى اصلها مش ناقصة حرقة دم
لالالالا خلاص حرمت
اصل المشاكل بتزيد و الفساد بيزيد مش بيقل و معرفش هيفضل الموضوع دة لحد امتى؟
امتى حال البلد يتصلح امتى؟
امتى بقى نشوف الامن و الامان و الصراحة و الوضوح و العدل
العدل الى احنا عايزينه و بنطالب بيه
هنشوفه امتى؟ هنشوفه على حياه عبينا و لا الاجيال الجاية هى الى هتشوفه انا موافقة ,,,
موافقة على ان الاجيال الجاية هى الى تشوفه بس تشوفه
يبقى فى امل باذن الله ان الحال يتغير ,, يتغير للاحسن و تسود الديمقراطية
الى عن حق مش الى متفصله بالمقاس

8 comments:

Abd El Rahman said...

شوفي يا رانيا انا بطلت اسأل السؤال ده لأني زهقت ، كلنا بنتكلم وبنسأل ومش عارفين وفي الآخر بنقول امين يا بالسكات يا بالجهل والعمى

وايييييييه ... كله فان

Majed Jarrar said...

رانيا

تقرير اليونيسكو ظهر قبل حوالي ربع ساعة
التفاصيل على مواقع الأخبار
وتعليق بسيط على مدونتي

http://me-vs-myself.blogspot.com

أما بالنسبة لموضوع التعديلات الدستورية
فأنا أظن أن العالم ينجرف نحو هاوية سحيقة
و مش راح نلحأ نوصل للديمقراطية قبل ما تكول الفكرة أنهارت بسبب سطحيتها وسوء إستخدامها (إستغلالها) من قبل الإله الأمريكي

rania said...

عندك حق
بس اكيد هيبقى فى امل
و على رايك ايييييييييييييييييه؟
دنيا

rania said...

مرسيى يا ماجد على تعليقك و زيارتك لمدوتنى
و انا زرت مدونتك بجد حلوة قوى قوى
و بخصوص اليونسكو يا رب نعمل حاجة و تلقى صدى كمان و كمان على الاقل نحس ان لينا صوت و ممكن يوصل رغم عن انوف المنافقين

mermaid said...

hi rorooo
حقيقى انتى لمستى بموضوعك حاجة مهمة جدا الا وهى ان الواحد مبقاش عارف يشوف برامج من كتر الفساد الى بتعرضة وكونا اننا مبنشوفش برامج مش معناه ان احنا مش شيفين الفساد الى فى البلد من غيرها لا شيفينة وبلمسة كل يوم فى بيوتنا فى اخوتنا فى شبابنا بس بجد ايةالحل نغمض عنا ونسد ودنا بصراحة انا معنديش امل الحال يتصلح

am said...

انا راى ان الفساد عمره ما يجى يوم وينتهى والى حصل فى وزاره الصحه حصل الكتر منه فى وزاره النقل والمواصلات ومحدش برده عمل حاجه الكل خرج منها وكانت النتيجه ان الشعب هوه الضحيه واحنا اللى بدفع التمن لان احنا من الشعب الغلبان الى لازم يدفع التمن مها حصل عمر ما يجى يوم وناخد جزء من حققوقنا على الدوله دى مش بتاعه اللى زينا ولسه هنشوف حاجات اكتر طول ما الاعلام يقوم مره واحده ويرجع ياخاف وما يعملش حاجف والسكوت اللا مالى الناس بسبب تحكم الطبقه المتحكمه فى الكل عيش اولاده يزيد لان الناس غلابه من خوفهم على اولاده وزقهم بيزيد يوم عن يوم
لان الدوله دى علشان الناس الى قوق واظن انتو عرفين مين هما لى من مصلحتهم نفضل كده الكل مشغول فى الحياه وخايف يتكلم علشان عارف ايه الى هيجره لو اتكلم اما لما حد منهم بيتكلم محدش بيقدر يعمل لهم حاجه وبيلقو الى يدفع عنهم ويسندهم زى هاله سرحان والى عملته وحموها وغيرها كتير علشان كده انا بقول لازم معجزه وزمن المعجزات خلاص راح من زمان

Mohamed A. Ghaffar said...

لحد منتعدل

rania said...

نتعدل؟؟؟؟
حضرتك قصدك الشعب الى يتعدل و لا الحكومة ؟
معرفش نتعدل ازى ؟
ايوة ايوة ممكن يعنى نصرخ و نزقل مينفعش الكلام دة؟
ماشى نصرخ بس مين الى هيسمع و الى هيسمع هيسمح
؟
شكرا لتعليقك