Monday, March 26, 2007

خربوهاااااااااا


هى دى المقاطعة الى كانوا بينادوا بيها
خربوها وقعدوا على تلها
انا واحدة روحت ادلى بصوتى مكنش غيرى موجود
ومش بتكلم على لجنه واحدة بتكلم على لجان كتير كانت فااااضية
و ورق كتييييير موجود فاضى و اللجان فاضية و الشيطان شاطر
مش كدة بردة ؟
و نقول انهم هيزوروا؟ هيزوروا ايه بس
احنا الى عملنا فى نفسنا كدة
احنا الى بندى الفرصة للترزية لتفصيل الدستور على مقاسهم و رغابتهم
اديناهم الفرصة لعمل كل حاجة بنزاهة و شرف,, تزوير ليه ؟
حاشا و كلا . ما اهو كل حاجة على طبق من دهب
و الله عن حق ربنا محروق دمى اما اشوف لافتتات كلها بتؤيد التعديلات
و عنواين ممتازة
حفظة القران نؤيد التعديلات
اقباط مصر يؤيدون التعديلات
الحاج الفررجى يؤيد التعديلات
الاستاذ فلان فلان مرشح لمجلس الشورى مؤيد التعديلات

و مفيش واحد فى طريقى و مش هقول انى ماشية فى شارع و لا شارعين
انا بمشى كتير لفيت اشوف اى حبر على ايد اى انسان
مفييييييييييييييييييش

و الى بيشوف الحبر على ايدى بيضحك و يتريق ايه يا رانيا انت روحتى ؟
ليه يا بنتى كدة؟ انت فكرة نفسك هتعدلى المعووج؟
سلبية و جبن و ارف
و اخرتها كمان الى كانوا بينادوا بالمقاطعة و فرحنين بيها هربوااااااا
و سابوا الباقى يناضل و يكافح و يضرب علشان يتعمل الادب

و بعد كدة يتعلم ميسمعش كلام ناس مش بتحترم كلمتها
و همها حريقة فى البلد و بس

16 comments:

Anonymous said...

هاي يا رانيا..
في نظرية بتقول انه اذا زاد عدد الافراد زادت معها الاتكالية.
والمقصود انه الوضع الخاص في مصر ذات الـ 80 مليون نسمة اصبح الفرد المصري يشعر بانه لن يؤثر في تغيير الوضع السياسي او الاجتماعي او الاقتصادي، وممكن ان يقول "في غيري كتير حيعملوا كذا وكذا..". كما ان هذه الحالة تنطبق على وضع العالم العربي الكبير الذي يقف صامتا امام الجبروت الغربي والصهيوني بمقابل ان الصهاينة باعدادهم الضئيلة فان الفرد فيهم يشعر بمسؤولية كبيرة تجاه معتقداته.

AHMED SAMIR said...

قدرنا اننا نعيش في بلد لا يمثل فيه المثقفين اي نسبة.
قدرنا اننا بنعيش في بلد ممكن تشحني 30 او 40 بني ادم في اوتوبيس علشان يقولوا نعم وهم اساسا مايعرفوش نعم ليه؟
عارفة هيفوقوا امتى:
لما ولادهم يعتقلوا ويتضربوا ويتسحلوا من عسس الداخلية
وساعتها ممكن كمان مايفوقوش وبرضة في اقرب استفتاء هيشحنوهم علشان يقولوا نعم.
يا رانيا:
في بلدك مفيش مكان لنخبة مثقفة بتفهم....في مكان بس ل50% عمال وفلاحين

Rania Lelah said...

اهلا بيك يا عمار انت و احمد تصدقوا بالله
انا تقريبا خلاص يأست بجد
عندى حاله من الاحباط بجد فظيعة

7ntklm said...

المقاطعة تعرية للنظام
الاقبال على لجان الانتخابات , يرتسم بتحسين وجه النظام امام العالم
تصفحى المواقع الاخبارية ومدى ارتباك واحراج النظام من المقاطعة

ستمر التعديلات تحت الضغوط القمعية وربما ستنجح

Rania Lelah said...

وجهات نظر
ربما وجهة نظرك ان المقاطعة هى تعرية النظام
اما بالنسبة لى المقاطعة هى تصرف سلبى ليس الا
رافض التعديلات
يمكنك حفظ حقك و صوتك
و قول لا
بصوت عالى اما الان فلقد ضاع صوتك و كتب عليه نعم
يمكن ايضا حفظ صوتك بان تمضى امام اسمك و تترك الورقة فاضية بدون ان تعلم على لا او نعم اعتقد ان هذا اسلوب ثانى للرفض اما موضوع المقاطعة فليس لها اهمية و اعتقد هذا ما تم حدودثة اما بالنسبة للقنوات الاخباره
فنها تعرض مصر ليس انها ترفض فقط و لكنها ايضا لا تريد المشاركات السياسية

أحمد سلامــة said...

الصبح قلت :
طيب أروح اكتب لا وأنا عارف أنها هتتحول بقدرة قادر الى نعم
وبعدين قلت ايوة
المفروض الراجل اللى صاحي بدري ونازل من بيته مخصوص عشان يزور الورقه اللي انا كاتب فيها لا يلاقيها موجوده
كل واحد لازم يعمل اللي عليه بردو
والحبر السحري الجبار ريحته معفنه
بس كده
مش كده ولا إيه

شخبطة ملوكى said...
This comment has been removed by the author.
شخبطة ملوكى said...

رانيا معلش بجد
هو طبعا اللى حصل ليس هو المرجو وخاصة بعد بجاحة الحكومة و اعلان نسبة حضور عالية
بس معلش صدقينى فيه مكسب وهو ان الناس تقريبا كلها اتفقت على حاجة والمرة اللى جاية الاتفاق هايكون على نقطة صح و اللى عرف يعبى الراى العام بالمقاطعة اكيد هايكون الصوت بالثورة و الناس هاتسمعه ان شاء الله
اشكرك وماتحرقيش دمك ويارب الحبر يكون طلع من صوباعك عشان ماتتكريش اليوم ده ما تعرفى النتيجة النهارده بيقولك نسبة الحضور 20%
اللى اختشوا ماتوا

انا من اهوى ومن اهوى انا said...

يا مصر

يا مصر اصحى وصحى كل الموجودين
دا طريقنا كان مليان بالناس الطيبين
مافضلش منهم الا شويه صغيرين
احفاد فراعنه وقبط ومسلمين
وشباب عجايز وهما صغيرين
ماشيين بنبكى فى غربه وحنين
يا مصر اصحى وصحى كل الموجودين
متجمعين ... متفرقين ... من كل شكل وكل دين
واقف تاريخنا هناك حزين
واقف بيبكى على السنين
واقف بيندة على الامل
يمكن يكون فى ايديه عمل
يرجع الماضى اللى كان
امجاد حضارتنا زمان
وترابنا يشهد على الزمان
دا ترابنا واخد على الحنان
واخد فى حضنه شهيد زمان
بأيدين شهيدنا اتفتحت كل البيبان
واقف شهيدنا مليان أمل
يحكى على الديب والحمل
والـلى اتــــعمل
كنا شباب مليان أمل
كنا اما نفرح تضحك الدنيا ويهرب الملل
كنا اما نبكى تخضر الصحارى وينشق الجبل
يا مصر اصحى .... والبسى توب الامل

هو دا رأيى لازم نصحى ومصر كلها تصحى

www.ensangded.blogspot.com

محمد عبد الغفار said...

قاطعت ولا زلت عند موقفى

Rania Lelah said...

فرصة سعيدة قوى يا محمد يا فوزى و بجد كلامك حلو و مدونتك جميله بجد
مرسيى على زيارتك و على رايك الى كتير صح

Rania Lelah said...

احمد سلامة و محمد عبد الغفار
مرسيى لمشاركتهم و على رايكم فعلا كل واحد له وجهة نظر و مقتنع بيها

Rania Lelah said...

يا استاذ طارق خلاص بقى خلصت
يا رب بكرة يبقى احسن من انهاردة

ibn nasser - ابن ناصر said...

معاكي كل الحق في كل ما قلتيه
تحياتي

واحـــد مـــــن الـنـــاس said...

كلامك عين العقل

بس تقولي لمين بس

Rania Lelah said...

يا رب يخليكوا
و مرسيى على المشاركة
و بكرة افضل
بس مش هقولوكه بكرة دة هيجى سنه كام؟؟؟؟؟؟؟؟؟
:))