Tuesday, March 27, 2007

ديناصور يا خواتى


الديناصورات دى يا اخى مخلوقات عجيبة قوى
بقؤها كبير قوى و شكلها وحش قوى و بتاكل البنى ادمين,, نحمد ربنا انها خلاص اندثرت و اختفت
بس الخبر بقى الطازة الى بقوله ان الديناصورات رجعت
ايوة رجعت بجد
فى مصر فى ارض المحروسة
بس معنتش بتطلع نار من بقؤها
دلوقت بتهجم بس
هتلاقوها فى فندق مشهور قوى و ايه كمان بيأكلوها و بيهتموا بيها علشان

اما تهجم على اى شخص تشتغل بضمير
نفس السيناريو الى فات

oopse
قصدى السيناريوهات الى فاتت
تانى بيحصل فى نفس الفندق و يا خوفى يكون نفس الكلب
قصدى الديناصور
كنت عايزة اتفق معاكوا على خطة لاغتيال الكلب ادم مفيش اى حد عايز ياخد اى اجراء

يبقى خلاص نغتال الكلب و نريح نفسنا
و نحط سم فى الفندق علشان كل ما يجى كلب من الكلاب يموت و نخلص بقى
هه
ايه رايكوا ؟ مستنيه مشاركتوا اى حد عندة افكار للجريمة الكامله يقولها
محدش يصدق موضوع الجريمة لا تفيد
لالالالالا ساعات بتفيد

خدوها كلمه من اختكوا


23 comments:

AHMED SAMIR said...

لا احنا محتاجين خطة الاول للقضاء على الديناصورات الادمية اللي بتدعم و بتكبر الديناصورات الحيوانية.
عموما احنا في زمن الديناصورات واللي قاللك انها انقرضت غلطان...على الاقل ديناصورات زمان كانت عندها اخلاق انما ديناصورات الزمن دة..ديناصورات معندهاش اي اخلاق
http://theegyptiansilentmajority.blogspot.com/

محمد عبد الغفار said...

دسنانور ايه بس ، ده عصفر

Anonymous said...

أولا أود أن أسجل إعجابى بالبلوج الجميل ده
ثانيا أنت فاكره الكستور بتاع ايام زما ناللى كان مدعم للشعب طبعا اختفى بقاله اكتر من 20 سنه وحل محله المنسوجات المصنوعه من الالياف الصناعيه اللى استوردناها من الصين مش عارف ليه فى وجه شبه بين الكستور والدستور برضه مش مدعم ويمكن قريب نستورد دستور من اى حته

Rania Lelah said...

احمد حلو كلامك
طيب عندك خطة للقضاء على الديناصورات الاولى و بعدين نقضى على التانية
تعتقد فليت ينفع فى الحالات الى زى دى

Rania Lelah said...

محمد عبد الغفار
عصفر ايه بس
ماهو زى البغل قدامك اهو
اهو دة الى شوية شوية و هياكلنا
بجد كنت عايزة اقولك الاغنية الى حاططها عندك فى البلوج
تهوس بجد و الله
بجد ملهاش حل
بس كنت بتسائل يا ترى يا هل ترى جبتها من على اى غرزة دى
:)

Rania Lelah said...

westteswet
مرسيى على الاطراء بتاعك و مرسيى اكتر لزيارتك ليا فى مدونتى التحفة الجميله الى تهوس دى
:)
و تصدق عندك حق هنستوردةاكيد,, بس تفتكر هيدفينا و لا ايه النظام
ماهو على رايك بقى تقريبا زى بعض الدستور و الكستور
الا المتر بكام دلوقت؟؟؟؟؟؟؟

قلب أبيــض said...

دعوة عامة
أدعوكم انا احمد سعيد صاحب مدونة عاوز اتجوز للمشاركة معنا فى المدونة الجديدة والتى يوف تنال اعجابكم
وأدعوكم ايضا للمشاركة معنا فى المواضيع
وجزاكم الله خيرا
www.zawage.blogspot.com

Anonymous said...

هو ايه الموضوع بالضبط ؟؟
انا مش فايق !

Rania Lelah said...

القضية يا عماد ان كلاب الامير ترك المقيم عندنا فى مصر بتنهش فى لحمنا
تخيل نبقى مستضيفينه عندنا و بينهش فى لحمنا
مش هقول ان دة حصل مرة حصل مرتين تلاته و فى منتهى الاهمال و التسيب
مش فايق ليه بس
خير ؟

واحد said...

الجريمة دايما بتفيد

Anonymous said...

هاي رانيا
انا كنت قبل ما اسأل فاهم الموضوع نص ونص (كده وكده).
دلوقت وبعد توضيحك بقيت مش فاهم اي حاجة اطلاقا !!
ديناصورات.. كلاب.. امير.. وفي واحد عايز يتجوز !!
:)

Reemo said...

الجريمه دائما لا تفيد
والنهايه دايما خلف الاسوار
عجبتنى مدونتك اوى
هعدى عليكى تانى اكيد
تحياتى

محمد عبد الغفار said...

متشكر ، أوى على اعجابك بالأغنيه

هى فعلاً حكايه والا مكنتش حطتها المدهش ان صوت الراجل فعلاً حلو ولو عمل شريط هيكسر الدنيا

غرزة حنكوره وبلاش تسييح

شخبطة ملوكى said...

الديناصورات عدت و كترت وبقت فى الشوارع
مابقتش حيوان خرافى زى ماتربينا و علمونا فى المدارس
بنشوفهم مش بس فى الفنادق فى الشوارع متنكرة على هيئة بنى ادمين كمان و فاقوا فى توحشهم كل معقول ولا معقول
اشكرك

Rania Lelah said...

منور مدونتى يا احمد و هو دة الكلام الى عماله اقوله الجريمة تفيد
بس مش عارفة لسه محدش قدم اقتراحات
حاسة ان الشعب اتغير بعد التعديلات
مصر لسه بخير
:)

Rania Lelah said...

ريمو مرسيى جدا لزوقك
و عندك حق تقريبا فعلا النهاية خلف الاسوااااار

محمد عبد الغفار
تسييح ايه بس يا خوفى تكون انت الى كنت شايل الكاميرا
:))

Rania Lelah said...

ايوة صح عندك حق استاذ طارق
بقوا كتير قوى ربنا يرحمنا منهم
باذن الله
بس مش عارفة اظاهر موسم التكاثر بدا عندهم الايام دى
:)))

الدبور said...

انا اعرف ديناصر مش انقرض و لا حاجه و عايش عمال يلعب في الدستور و يفصله علي مزاجه

ibn nasser - ابن ناصر said...

علي فكره مصر اتمليت ديناصورات بس أدميه ولا ايه رأيك ؟؟!
تحياتي

Rania Lelah said...

ايوة عارفاه يا دبور
كلنا عارفينوة
مرسيى على زيارتك لمدونتى
ابن ناصر
اكيد الديناصورات كترت ما انا قلت الظاهر دة موسم التكاثر و التوالد بتعها
ربك يستر

يا مراكبي said...

مش مهم ديناصور ولا كلب

إحنا اللي نستاهل

hamasat said...

رانيا صعب علي منك رايك المعمم علي كل العراقيين نحن فعلا قلوبنا تقطر دما لما يحدث لكن كما حاولت ان اوضح ليس كل ما يعلن عنه يصدق واحنا هنا في الولايات المتحدة اصحابنا لسنوات عديدة عراقيين وهم من اطيب الناس وليسوا سنه فقط ويدمي قلبك ما قد تسمعي ما يحدث لاهاليهم من الاغراب وكثير مما يحدث ليس بايدي عراقيةوالتكنولوجيا بتعمل كتير وبتلزق اكتر للغير
فمثلا ما كان يحدث بين فتح وحماس من قتال كان فعلا شئ مقزز ومثير للاسمئزاز لانه واضح انه من صنع ايدينا بيدنا لا بيد عمرو اما الوضع في العراق مختلف لان البلد انفتحت علي البحري ودخلها كل من هب ودب
وربنا يرفع غضبه عنا ويصلح احوالنا
تحياتي

Rania Lelah said...

امم
يا عم مراكبى
عندك حق
بسلبيتنا و خوفنا على اكل عيشنا
نستاهل يحصل فينا اكتر من كدة
نورتى مدومنتى المتواضعة
مسااء الخير
:))
همسات
فهمت قصدك
بس الموضوع انى كل ما بشوف الاخبار و الناس الى بتموت بضايق قوى
يلا حصل خير